မြန်မာ- အိန္ဒိယ ပထမ အကြိမ် တိုင်းရင်းဆေး ပညာရပ် ဆိုင်ရာ နှီးနှော ဖလှယ်ပွဲ ဒုတိယ နေ့ကို မန္တလေးတိုင်း ဒေသကြီး အောင်မြေသာစံ မြို့နယ်ရှိ တိုင်းရင်း ဆေးတက္ကသိုလ် ခန်းမ၌ ဖေဖော်ဝါရီ ၁၇ ရက် နံနက် ၉ နာရီက ကျင်းပသည်။
အခမ်းအနားသို့ မန္တလေးမြို့အခြေစိုက် အိန္ဒိယ ကောင်စစ် ဝန်ချုပ် ဒေါက်တာ မဒမ်မိုဟမ်ဆေတီ၊ တိုင်းရင်းဆေး တက္ကသိုလ် ပါမောက္ခချုပ် ပါမောက္ခ ဒေါက်တာ သန်းမောင်၊ ဆေးသုတေသန ဦးစီးဌာန (အထက် မြန်မာပြည်) ညွှန်ကြားရေး မှူးချုပ် ဒေါက်တာ ကျော်ဇင်သန့်၊ ပါမောက္ခ ချုပ်များ၊ ဌာနမှူး များနှင့် တိုင်းရင်းဆေး တက္ကသိုလ်မှ တာဝန် ရှိသူများ၊ အိန္ဒိယ နိုင်ငံမှ ဆွေးနွေး ကြမည့် ပညာရှင် များနှင့် ဖိတ်ကြား ထားသူများ တက်ရောက် ကြသည်။
အဆိုပါ နှီးနှော ဖလှယ်ပွဲ၌ မြန်မာ နိုင်ငံဘက်မှ တိုင်းရင်းဆေး တက္ကသိုလ် ဒုတိယ ပါမောက္ခ ဦးအောင်ကျော်မင်းက အနာပေါက် ရောဂါ ကုထုံး၏ ဖွံ့ဖြိုး တိုးတက်မှုကို လည်းကောင်း၊ လက်ထောက် ကထိက ဦးဌေးလွင်က ဘုရားဟော တရားထဲတွင် ပါသည့် ဆေးကုထုံးများ အပေါ်နှလုံး၊ ဆီးချို၊ သွေးတိုး ရောဂါ ဖြစ်စဉ်များ လေ့လာခြင်းကို လည်းကောင်း ရှင်းလင်း ပြောကြားပြီး အိန္ဒိယ နိုင်ငံဘက်မှ Dr.V.K Shshi က အာယုဗေဒနဲ့ ပတ်သက်သည့် နာတာရှည် ရောဂါ ကုထုံး အကြောင်းကို လည်းကောင်း ရှင်းလင်း ပြောကြားကြောင်း သိရသည်။
မန္တလေး ဖေဖော်ဝါရီ ၁၉
0 comments:
Post a Comment