မြောက်ကိုရီးယားနိုင်ငံသည် ပဲ့ထိန်းဒုံးကျည်များကို တပ်ဆင်ပစ်ခတ်နိုင်သည့် ရေငုပ်သင်္ဘောတစ်စီးကို မကြာသေးမီကာလက စတင်ရေချ
ခဲ့သည်ဟု နိုဝင်ဘာ ၂ရက်က သတင်းတစ်ရပ်က ဖော်ပြခဲ့ရာ အဆိုပါ ကွန်မြူနစ်နိုင်ငံ၏ ဒုံးကျည်များ၊ နျူးကလီးယားလက်နက်များဖြင့်
ခြိမ်းခြောက်လာနိုင်မှုများအပေါ် စိုးရိမ်နေရသည်ဟု သိရသည်။
လွန်ခဲ့သည့် ၁၉၅၈ ခုနှစ်က တည်ဆောက်ခဲ့ပြီး ၁၉၉၀ ခုနှစ်တွင် ပိတ်သိမ်းခဲ့သော ဆိုဗီယက်ခေတ် ဂေါ့ဖ် အမျိုးအစား ဒီဇယ် ရေငုပ်သင်္ဘော တစ်စီးကို မြောက်ကိုရီးယားတို့က တင်သွင်း၍ ပြန်လည်ဆန်းသစ် မွမ်းမံခဲ့သည်ဟု အမည်မဖော်လိုသူ အစိုးရအရာရှိတစ်ဦးကို ကိုးကား၍ ယွန်ဟပ် သတင်းအေဂျင်စီက ဖော်ပြသည်။ ပြုံးယမ်းအစိုးရသည် ၁၉၉၀ ခုနှစ် အစောပိုင်းက ယင်းရေငုပ်သဘောင်္ကို ၀ယ်ယူထားသည်ဟု ယုံကြည်ရသည်။
“ဒီရေငုပ်သင်္ဘောသစ်က ရက်မ ၆ ဒဿမ ၆ မီတာနဲ့ အတူ ၆၇ မီတာ ရှည်ပါတယ်၊ သူ့မှာ တန်ချိန် ၃,၀၀၀ နဲ့ရေအောက်မှာရွေ့ရှားနိုင်ပါတယ်” ဟု အဆိုပါ သတင်းဌာနက ဖော်ပြသည်။ သို့ရာတွင် ကွန်မြူနစ်မြောက်ကိုရီးယားနိုင်ငံက ထိုကဲ့သို့ ပဲ့ထိန်းဒုံးတပ် ရေငုပ်သဘောင်္ကို အသုံးပြုနိုင်ပြီ ဟူသည့် ဖော်ပြချက်များအပေါ် တောင်ကိုးရီးယား စစ်ဘက်အရာရှိများက သံသယရှိနေသည်။
ရုရှားနိုင်ငံထုတ် တန်ချိန် ၃,၅၀၀ ရှိသည့် ဂေါ့ဖ် တူးအမျိုးအစား ရေငုပ်သဘောင်္သည် အကွာအဝေးကီလိုမီတာ ၁,၄၂၀ ထိ ရောက်ရှိနိုင်သည့် ၁,၁၈၀ ကီလိုဂရမ် အလေးချိန်ရှိ ထိပ်ဖူးတပ် R -21 ဒုံးကျည်ကို တပ်ဆင်ထားနိုင်သည်။
ယခု အသစ်တည်ဆောက်ထားသော ရေငုပ်သင်္ဘောသည် ဂျွန်ဟော့ကင်းတက္ကသိုလ်၏ ကိုရီးယား-အမေရိကန်ဌာနက ဂြိုဟ်တုဓါတ်ပုံများမှ တဆင့် ရှာဖွေတွေ့ရှိခဲ့သော မြောက်ကိုရီးယား စင်ပိုသဘောင်္ကျင်းရှိ ရေငုပ်သင်္ဘောတစ်စီးနှင့် တစ်ထပ်တည်းတူညီသည်ဟု ယွန်ဟပ်သတင်းဌာနကဖော်ပြသည်။
မြောက်ကိုရီးယားနိုင်ငံ၏ အရှေ့ဘက်ကမ်းရိုးတန်းအနီးရှိ ဟမ်ယုံဒေသတွင်တည်ရှိသော ယင်းသဘောင်္ကျင်းတွင် မြောက်ကိုရီးယား အမျိုးသားကာကွယ်ရေးဆိုင်ရာ နည်းပညာတက္ကသိုလ်၏ ရေကြောင်းသုတေသနဆိုင်ရာဌာန ရုံးချုပ်ကို နေရာချထားပေးပြီး ယင်း၏ ရေငုပ်သင်္ဘော ထုတ်လုပ်ရေးအဆောက်အအုံကိုလည်း ထားရှိပေးထားသည်။
မြောက်ကိုရီးယားနိုင်ငံသည် ယခု ရေငုပ်သဘောင်္သစ်တွင် ဒုံးကျည်တပ်ဆင်မည့် နည်းပညာများကို အဆင့်မြှင့်တင်၍ မြေပြင်နှင့် ရေပြင်နှစ်ရပ်လုံးတွင် စမ်းသပ်မှုများစွာ ပြုလုပ်ထားသည်ဟု အခြားသတင်းဌာနတစ်ခုက ဖော်ပြသည်။ ထို့ပြင် ထို စမ်းသပ်မှုများသည် အနည်းဆုံး တစ်နှစ် ၊နှစ်နှစ်ကြာမှ ပြီးစီးမည်ဟု မျှော်လင့်ရသည်။
Mizzima
