ချောင်းသာကမ်းခြေသွား ကားမှောက်မှုမှာ အမျိုးသမီး ၄ ဦး သေဆုံး

 ၁၆.၄.၂၀၁၃၊ အင်္ဂါနေ့

ဒီနေ့ သင်္ကြန်အတက်နေ့မှာ ချောင်းသာကမ်းခြေ အပန်းဖြေခရီးလာသူတွေကို တင်ဆောင်လာတဲ့ ဘတ်စ်ကားကြီးတစီး  တိမ်းမှောက်ခဲ့တဲ့အတွက် အမျိုးသမီး ၄ ဦး သေဆုံးသွားပါတယ်။

ကားမှောက်တဲ့နေရာကတော့ ပုသိမ် - ချောင်းသာလမ်း မိုင်တိုင်အမှတ် ၉/၀ က၊ ကျောက်ချောင်းကြီးတံတားအနီးမှာ ဖြစ်ပါတယ်။

ခရီးသည်တွေဟာ မကွေးတိုင်းဒေသကြီး တောင်တွင်းကြီးမြို့ကလာသူတွေဖြစ်တယ်၊ ၃ ဦး ပွဲချင်းပြီးသေဆုံးခဲ့ပြီး နောက် ၁ ဦးကတော့ ပုသိမ်ဆေးရုံအရောက်မှာ သေဆုံးသွားခဲ့တယ်လို့ သိရပါတယ်။

သင်္ကြန်နောက်ဆုံးနေ့ ဒီမနက် ၁ နာရီဝန်းကျင်မှာ တိမ်းမှောက်ခဲ့တာဖြစ်ကြောင်း ပုသိမ် ယာဉ်ထိန်းဒုတပ်ဖွဲ့မှူးရုံးက တာဝန်ရှိသူတဦးက ဧရာဝတီကို ပြောပါတယ်။

“ကားလမ်းက ဘယ်ဘက်ကိုကွေ့ရမယ့်နေရာမှာ လမ်းကို နည်းနည်းပိုယူပြီး ကွေ့လိုက်တော့ ဘီးကမြေသားပျော့တဲ့နေရာ ရောက်သွားတယ်။ အဲဒီမှာ ကားက ယိမ်းသွားတဲ့အချိန် ဘရိတ်ဖမ်းအုတ်လိုက်တော့ အရှိန်မထိန်းနိုင်ဘဲ ကားက ပက်လက်လန်သွားတာ” လို့ သူက ရှင်းပြပါတယ်။

“လူတွေကတော့ ကားနဲ့ညပ်ပြီးတော့ ဆုံးကြတာပါ။ အလောင်းတွေဆို ကားကိုပြန်ထောင်ပြီးမှ မနည်းဆွဲထုတ်ရတယ်” 


ခရီးသည် ၁ ဦးက ဒဏ်ရာပြင်းထန်တဲ့အတွက် ရန်ကုန်ဆေးရုံကြီးကို ပို့ဆောင်ခဲ့ကြောင်း၊ ကျန်တဲ့လူနာ ၂၉ ဦးကတော့ ပုသိမ်ဆေးရုံကြီးမှာ ကုသမှုခံယူနေဆဲဖြစ်ကြောင်း သိရပါတယ်။

“ကျနော်တို့ ပုသိမ်ယာဉ်ထိန်းတပ်ဖွဲ့အနေနဲ့ လူနာတွေကို ဆေးရုံကို အမြန်ဆုံးရောက်ရှိအောင် ၀ိုင်းဝန်း ကူညီပေးခဲ့ပြီးတော့ ပုသိမ်-ချောင်းသာလမ်းမှာလည်း ယာဉ်ကြော ပိတ်ဆို့မှုမရှိအောင် အမြန်ဆုံး လုပ်ဆောင်ပေးခဲ့ပါတယ်”လို့ ပုသိမ်ယာဉ်ထိန်းရုံးက တာဝန်ကျအရာရှိက ပြောပါတယ်။

ကားမှောက်မှုကြောင့် ဒဏ်ရာရသူနဲ့ သေဆုံးသူတွေကို ပုသိမ်မြို့အခြေစိုက် ဂရုဏာ၊ မနောဖြူနဲ့ ပုသိမ် နာရေးကူညီမှုအသင်းတို့က  လူနာတင်ယာဉ်တွေနဲ့ ဆေးရုံကို ၀ိုင်းဝန်းပို့ဆောင်ပေးခဲ့ပါတယ်။

ပုသိမ်ခရိုင် အုပ်ချုပ်ရေးမှူး ဦးအေးမောင်ကြည်၊ ခရိုင်ရဲမှူးတို့ကလည်း လူနာတွေအတွက် လိုအပ်တာတွေ ၀ိုင်းဝန်း ကူညီပေးခဲ့ကြောင်း သိရပါတယ်။

ပုသိမ်မြို့သင်္ဘောကျင်းရဲစခန်းက ယာဉ်မောင်းဖြစ်သူကို ပုဒ်မ ၃၃၇/၃၃၈၊ ၃၀၄ (က) စတဲ့ ပုဒ်မတွေနဲ့ အမှုဖွင့် အရေးယူထားကြောင်း သိရပါသည်။ 

 

Irrawaddy Blog 

Read More

မြန်မာမှာ လိင်ခွဲခြားမှု ဂျပန်လောက် မမြင့်မား

၁၆.၄.၂၀၁၃၊ အင်္ဂါနေ့

မြန်မာနိုင်ငံရဲ့ ကျား/မ ခွဲခြားဆက်ဆံပုံဟာ ဂျပန်မှာလောက် မဆိုးဘူးလို့ ဒေါ်အောင်ဆန်းစုကြည်က ပြောပါတယ်။ ဂျပန်နိုင်ငံ ကျိုတိုမြို့ ကျိုတိုတက္ကသိုလ်က ဆရာ၊ ဆရာမတွေ အပါအဝင် ကျောင်းသူ၊ ကျောင်းသား ၅ဝဝ ကျော်နဲ့ တွေ့ဆုံရာမှာ ပြောကြားခဲ့တာပါ။           

ပြီးခဲ့တဲ့ သုံးလေးနှစ်အတွင်း မြန်မာနိုင်ငံရဲ့ နိုင်ငံရေး၊ လူမှုရေး အသွင်အကူးအပြောင်းမှာ “မြန်မာအမျိုးသမီးတွေရဲ့ အခန်းကဏ္ဍနဲ့ ပတ်သက်ပြီး ဒေါ်အောင်ဆန်းစုကြည်က ပြောကြားခဲ့ရာမှာ မြန်မာနိုင်ငံမှာ ကျား/မခွဲခြားဆက်ဆံတာ မျိုးမရှိပဲ မြန်မာအမျိုးသမီးတွေဟာ အမျိုးသားတွေနဲ့ တန်းတူလုပ်ကိုင်ဆောင်ရွက်နိုင်ကြတယ်လို့ ထင်မြင်ယူဆနေတဲ့ သူတွေ အများအပြားရှိပါတယ်၊ အဲဒါမမှန်ပါဘူး၊ ဒါပေမဲ့ ကျား/မခွဲခြားမှုဟာ ဒီနိုင်ငံမှာလောက်တော့ မကြီးမားလှပါဘူး၊ သုတေသနနဲ့ ကိန်းဂဏန်းတွေအရ ဂျပန်နဲ့ တောင်ကိုရီးယားနိုင်ငံတွေမှာ လိင်ခွဲခြားမှု အတော်လေးမြင့်မားနေတယ်လို့ တွေ့ရပါတယ်” လို့ ပြောကြားခဲ့ပါတယ်။    

မြန်မာနိုင်ငံမှာ လွှတ်တော်အမတ်ပေါင်း ၆၆၄ ယောက်ရှိရာမှာ အမျိုးသမီးအမတ် အလွန်နည်းပါတယ်။ ဒါပေမဲ့ ပြီးခဲ့တဲ့နှစ် ကြားဖြတ်ရွေးကောက်ပွဲ အမတ်နေရာ ၄၅ နေရာမှာ NLD ပါတီက ၄၃ နေရာ အရွေးခံခဲ့ရရာမှာ အမျိုးသမီး ၁၃ ယောက်ပါဝင်ခဲ့ပါတယ်။ မြန်မာပြည်မှာ ကျား/မ လိင်ခွဲခြားမှု ကွာဟချက် ကျဉ်းမြောင်းသွားအောင် ဆက်လက်ဆောင်ရွက် ရမှာဖြစ်ပေမဲ့၊ ဂျပန်နဲ့ တောင်ကိုရီးယားထက်တော့ အခြေအနေပိုကောင်းပါတယ်လို့ ဒေါ်အောင်ဆန်းစုကြည်က ပြောပါတယ်။

စီးပွားရေးကောင်းလာလေလေ လိင်ခွဲခြားမှု ကျဉ်းမြောင်းလာလေလေဆိုတဲ့ စီးပွားရေးပညာရှင်တချို့ရဲ့အဆိုကို ဒေါ်အောင်ဆန်းစုကြည်က လက်မခံပါဘူး။ လိင်ခွဲခြားမှုဟာ စီးပွားရေးအခြေအနေပေါ်မှာ တိုက်ရိုက်အကြောင်းခံတယ် ဆိုရင် ဂျပန်နဲ့ တောင်ကိုရီးယားမှာ လိင်ခွဲခြားမှု ဘာကြောင့်အကြီးမားဆုံး ဖြစ်နေရတာပါလဲ၊ ဒီကိစ္စဟာ စီးပွားရေး ကြောင့်မျှသာ မဟုတ်ပါဘူး၊ လူမှုရေးတန်ဖိုးထားပုံတွေလည်း ပါဝင်ပါတယ်လို့ ဒေါ်အောင်ဆန်းစုကြည်က ပြောကြားခဲ့ ပါတယ်။

RFA 

Read More

မြန်မာ့ဒီမိုကရေစီရေး ဆက်ကြိုးစားဖို့ လိုသေးကြောင်း ဗြိတိန်အစိုးရ ပြောဆို

၁၆.၄.၂၀၁၃၊ အင်္ဂါနေ့

မြန်မာအစိုးရသစ်ဟာ ၂ဝ၁၁ ခုနှစ်ကစပြီး နိုင်ငံရေး၊ စီးပွားရေး ပြုပြင်ပြောင်းလဲမှုတွေ ဆောင်ရွက်ခဲ့ရာမှာ တောက်ပြောင် ထင်ရှားတဲ့ ဒီမိုကရေစီ အသွင်ကူးပြောင်းရေးရလာဒ်တွေ တွေ့မြင်ရသလို၊ တချိန်တည်းမှာလည်း နိုင်ငံရေး၊ ဘာသာရေးနဲ့ လူ့အခွင့်အရေးဆိုင်ရာ စိုးရိမ်ဖွယ်ရာတွေလည်း တွေ့မြင်နေရဆဲဖြစ်တယ်လို့ ဗြိတိန်အစိုးရက မနေ့ကပြောဆိုပါတယ်။        

ဗြိတိန်အစိုးရ နိုင်ငံခြားရေးနဲ့ ဓနသဟာယရုံးက ဧပြီလ ၁၅ ရက် တနင်္လာနေ့နေ့စွဲနဲ့ ထုတ်ပြန်ခဲ့တဲ့ ၂ဝ၁၂ ခုနှစ် လူ့အခွင့်အရေးနဲ့ ဒီမိုကရေစီ အစီရင်ခံစာမှာ မြန်မာနိုင်ငံအနေနဲ့ ကဏ္ဍတချို့မှာ အောင်မြင်မှုတွေ ရရှိနေသလို၊ အားစိုက်ကြိုးပမ်းရဦးမယ့် နယ်ပယ်တွေလည်း အများအပြားရှိနေသေးတယ်လို့ ဖေါ်ပြထားပါတယ်။       

၂ဝ၁၂ ခုနှစ် သြဂုတ်လမှာ စာပေစိစစ်ရေးနဲ့ ဆင်ဆာအဖွဲ့ မရှိတော့ပေမယ့် သတင်းမီဒီယာသမားတွေ ကိုယ့်ဘာသာကိုယ် ဆင်ဆာလုပ်ကြရအောင် စေ့ဆော်ဖန်တီးပေးတဲ့ တခြားပုံစံတွေ၊ နည်းလမ်းတွေ ရှိနေသေးကြောင်း၊ အလုပ်သမား အဖွဲ့အစည်းတွေ ဖွဲ့စည်းခွင့်ရလာပြီး၊ ၂ဝ၁၂ ခုနှစ်အတွင်း ဆန္ဒပြပွဲတွေ အများအပြား ပေါ်ပေါက်လာခဲ့လို့ ငြိမ်းချမ်းစွာ ဆန္ဒပြခွင့်အခြေအနေ တိုးတက်လာတယ်ဆိုနိုင်ပေမယ့် တစ်ဖက်မှာ အာဏာပိုင်တွေရဲ့ ကိုင်တွယ်ဖြေရှင်းပုံ ဖြေရှင်းနည်း တွေက စိုးရိမ်ဖွယ်ရာဖြစ်နေကြောင်း အစီရင်ခံစာမှာ ဖေါ်ပြထားပါတယ်။

ဒါ့ပြင် နိုင်ငံရေးအကျဉ်းသား ၂ဝဝ လောက် ထောင်တွေထဲမှာ ရှိနေသေးကြောင်း၊ အစိုးရအနေနဲ့ တရားဥပဒေစိုးမိုးရေး အားကောင်းမောင်းသန် ဖြစ်လာစေချင်ပေမယ့်၊ အုပ်ချုပ်ရေးနဲ့ ပြည်သူ့ဝန်ထမ်းလောကမှာ ကျင့်သုံးနိုင်စွမ်းမရှိပဲ ဖြစ်နေကြောင်း၊ ဗြိတိန်အစိုးရအနေနဲ့ တရားဥပဒေစိုးမိုးရေး၊ လွှတ်တော်ရေးရာစတဲ့ နယ်ပယ်တွေမှာ လိုအပ်တဲ့ကျွမ်းကျင်မှု တွေ ရရှိလာအောင်ကူညီခဲ့ပြီး ဆက်လက်ကူညီသွားမှာဖြစ်ကြောင်း၊ ရခိုင်ပြည်နယ်နဲ့ ကချင်ပြည်နယ်တွေမှာ ဖြစ်ပွားခဲ့တဲ့ ပဋိပက္ခတွေ၊ ဘာသာရေးအကြမ်းဖက်မှုတွေမှာ ဘာသာရေး အဆောက်အအုံတွေကို စနစ်တကျဖျက်ဆီးခဲ့တဲ့ လုပ်ရပ်တွေ အတွက် အထူးစိုးရိမ်ကြောင်း ဗြိတိန်အစိုးရ နိုင်ငံခြားရေးနဲ့ ဓနသဟာယရုံးက ထုတ်ပြန်တဲ့ အစီရင်ခံစာမှာ ဖေါ်ပြထား ပါတယ်။

RFA 

Read More

မြန်မာ့ပညာရေး ၀ိုင်းဝန်းမြှင့်တင်ကြဖို့ ဒေါ်စုတိုက်တွန်း

၁၆.၄.၂၀၁၃၊ အင်္ဂါနေ့

 

မြန်မာနိုင်ငံတွင်း ပညာရေးစနစ် ပြန်လည် အားကောင်း ခိုင်မာလာဖို့ ငွေအားရော လူအားပါ ၀ိုင်းဝန်းကူညီကြဖို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် က တိုက်တွန်းလိုက်ပါတယ်။ မြန်မာနိုင်ငံရဲ့ပညာရေးစနစ်ဟာ စဉ်းစားတွေးခေါ်မှုကို အားမပေးတာကြောင့်၊ ပညာရေးစနစ် ကျဆင်းလာရတယ်လို့ ဂျပန်နိုင်ငံ တိုကျိုတက္ကသိုလ်မှာ ပြောတဲ့ မနေ့တုန်းက မိန့်ခွန်းမှာ ဒေါ်အောင်ဆန်းစုကြည်က ထည့်သွင်းပြောဆိုသွားပါတယ်။ အသေးစိတ်ကိုတော့ ကိုသားညွန့်ဦး တင်ပြထားပါတယ်။ 

မနေ့တုန်းက တိုကျိုတက္ကသိုလ်မှာ ဂျပန်ရောက် မြန်မာမိသားစုတွေနဲ့ တွေ့ဆုံတဲ့ပွဲ အတွင်း မြန်မာလူမျိုးတွေ မေးမြန်းချက်တွေကို ဖြေကြားရာမှာ အကြောင်းအရာ အတော်များများက ပညာရေးကိစ္စနဲ့ ဆက်နွယ်နေပါတယ်။ မြန်မာနိုင်ငံမှာ ပညာရေးစနစ် ကျဆင်းနေတာဟာ စဉ်းစားဆင်ခြင်မှုကို အားမပေးတဲ့ စနစ်ကြောင့်လို့ ဒေါ်အောင်ဆန်း စုကြည်က လက်ရှိ ပညာရေး သင်ကြားမှုစနစ်ကို အပြစ်တင်ပါတယ်။           

“ကျမတို့နိုင်ငံမှာ ပညာရေးစနစ်ဟာ ကျဆင်းနေတာ တော်တော်ကြာပါပြီ။ အကြောင်းတွေကတော့ အများကြီးရှိတာပေါ့။ ဒါပေမဲ့ အားလုံးစုပုံပြီးတော့ အကြောင်းတကြောင်းတည်း ပေးရမယ် ဆိုရင်တော့ ပြည်သူပြည်သားတွေကို လွတ်လွတ် လပ်လပ် မစဉ်းစားစေချင်တဲ့ စနစ်ကြောင့်ဖြစ်တာလုိ့ ဒီလိုပဲ ကျမ ထင်ပါတယ်။ ပညာသင်လိုက်ပြီ၊ ပညာတတ်တယ်ဆိုရင် ကိုယ့်ဟာကိုယ် စဉ်းစားချင်တယ်။ ကိုယ့်ဦးနှောက်ကို ကိုယ် အသုံးချချင်တယ်။ ကိုယ့်အဖြေကိုယ် ရှာချင်တယ်။ ဒီလို ပြည်သူပြည်သားများမှာ ကိုယ့်ဦးနှောက်ကိုယ်သုံးပြီးတော့ ကိုယ့်အမြင်တွေ၊ ကိုယ့်အဖြေကိုယ်ရှာတဲ့ လုပ်နည်းလုပ်ဟန်မျိုး ဆိုတာ ဘယ်အာဏာရှင်အစိုးရကမှ မနှစ်သက်ပါဘူး။ အာဏာရှင်အစိုးရများဟာ မိမိတို့ရဲ့ အလိုဆန္ဒအတိုင်းသာ ပြည်သူပြည်သားတွေကို လိုက်ပြီး စဉ်းစားစေချင်ပါတယ်။ တနည်းအားဖြင့် ပြောမယ်ဆိုရင် ကျမတို့နိုင်ငံရဲ့ ပညာရေးစနစ် ကျဆင်းရတဲ့ အကြောင်းအရင်း တခုတည်းကို ပြောပါဆိုရင် ကျမတို့ရဲ့ ပြည်သူပြည်သားတွေကို မစဉ်းစားတတ်အောင်လို့ ဦးတည်တဲ့ ပညာရေးစနစ်ကြောင့်လို့ ကျမ ပြောရပါမယ်။”          

မြန်မာနိုင်ငံပညာရေးစနစ် ပြင်ဆင်စရာတွေ အများကြီးလိုအပ်နေပြီး၊ အခြေခံပညာရေးနဲ့ ဆရာ ဆရာမတွေ ပျိုးထောင် လေ့ကျင်ရေး အရေးပါမှုကို ဒေါ်အောင်ဆန်းစုကြည်က ပြောခဲ့ပါတယ်။      

တချိန်တုန်းက ဒေသတွင်းမှာ ဂုဏ်သတင်းကျော်ခဲ့တဲ့ ရန်ကုန်တက္ကသိုလ်ကြီးကို ပြန်လည် မွန်းမံရေးနဲ့ အဆင့်မြင်အောင် ဆောင်ရွက်ဖို့ ရှိနေပြီးတော့၊ ဒီအတွက် ငွေအားရော လူအားပါ ပြည်ပရောက် မြန်မာတွေက ၀ိုင်းဝန်းကူညီကြဖို့လည်း ဒေါ်အောင်ဆန်းစုကြည် မေတ္တာရပ်ခံ တိုက်တွန်းသွားပါတယ်။           

အမျိုသားဒီမိုကရေစီအဖွဲ့ချုပ်ရဲ့ ပညာရေးကော်မတီအနေနဲ့လည်း ဒီမူဝါဒကို အခြေခံပြီး ရပ်တည်ဆောင်ရွက်သွားမယ်လို့ ဒေါ်အောင်ဆန်းစုကြည်က ပြောခဲ့ပါတယ်။     

“အဓိကအားဖြင့် ကျမတို့ရဲ့ ပြည်သူတွေ၊ ကျောင်းသူကျောင်းသားတွေဟာ စဉ်းစားတတ်အောင်လို့ အတွေးအခေါ် ဖွံ့ဖြိုးအောင်လို့ အဆင့်မြင့် ပညာရနိုင်ဖို့ ဒါကို ကျမတို့ ဒီကို ဦးတည်ဖို့လိုတဲ့အခါမှာ ကျမတို့ သုံးတဲ့ ဗျူဟာတွေကတော့ အခြေအနေအရ၊ အချိန်အခါအရ ပြောင်းသွားရမှာဖြစ်ပါတယ်။ နောက်ဆုံးကျတော့ ကျမတို့ အမျိုးသားဒီမိုကရေစီ အဖွဲ့ချုပ်က စပြီးတော့ ၁၉၈၈ ခုနှစ်မှာ ဒီမိုကရေစီ လူ့အသိုင်းအ၀ိုင်းတခု ထူထောင်ရေးကို ကျမတို့ အဓိကထားခဲ့ပါတယ်။ ဘာဖြစ်လို့လည်းဆိုတော့ ဒီမိုကရေစီအစိုးရတခုတည်းနဲ့တင် မလုံလောက်ပါဘူး။ လူ့အသိုင်းအ၀ိုင်းကကိုက ဒီမိုကရေစီ စံနှုန်းစံထားတွေကို လက်ခံပြီးတော့ အမြစ်တွယ်အောင်လုပ်မှ ဒီမိုကရေစီစနစ်ဟာလည်း အမြစ်တွယ်မှာ ခိုင်ခံ့မှာဖြစ်ပါ တယ်။”

တခြားအခြေအနေတွေကတော့ ပြည်ပမှာ နှစ်ရှည်လများ နေထိုင်ခဲ့တဲ့ မြန်မာလူမျိုးတွေ နိုင်ငံသားဖြစ်ခွင့် ကိစ္စတွေကို မေးမြန်းတာတွေ ပြန်လည်ဖြေကြား ဆွေးနွေးခဲ့သလို၊ နိုင်ငံခြား ရင်းနှီးမြှုပ်နှံမှုပိုင်းနဲ့ ပတ်သက်လို့လည်း ကိုယ့်နိုင်ငံတွင်းက ပြင်ဆင်ဆောင်ရွက်စရာတွေ ရှိတယ်ဆိုတာကို ပြောသွားပါတယ်။   

“တရားဥပဒေစိုးမိုးရေး မရှိတဲ့နိုင်ငံမှာ ဘယ်လုပ်ငန်းရှင်ကမှ သိပ်ပြီးတော့ လိုလိုလားလားနဲ့ ရင်းနှီးမြှုပ်နှံမှာ မဟုတ်ပါဘူး။ ဘာဖြစ်လို့လဲဆိုတော့ ဘယ်လိုပဲ ဥပဒေတွေက ကောင်းကောင်း၊ ဥပဒေတွေရှိတဲ့ စာရွက်ပေါ်မှာတော့ ကောင်းမှာပေါ့။ ဘယ်လိုပဲကောင်းကောင်း တရားဥပဒေစိုးမိုးရေး မရှိလို့ရှိရင် ဘာမှ စိတ်ချနိုင်မှာ မဟုတ်ပါဘူး။ ဘာမှ လုံခြုံမှုမရှိဘူး။ အဲ့လိုဆိုရင်တော့ ရင်းနှီးမြှုပ်နှံမှာ မဟုတ်ပါဘူး။ ဒီလို တရားဥပဒေ စိုးမိုးရေး မရှိတဲ့နိုင်ငံမှာဆိုရင် ခဏတဖြုတ်လာပြီးတော့ အလွယ် အမြတ်ကလေး ခပ်မြန်မြန်လေး ရအောင်လုပ်ပြီးတော့ ခပ်မြန်မြန်လေး ထွက်သွားမယ့် စီးပွားရေးလုပ်ငန်းရှင်မျိုးပဲ လာပြီးတော့ ရင်းနှီးမြှုပ်နှံမှာဖြစ်ပါတယ်။ နောက်ဆုံးကျတော့ ဥစ္စာရင်လို ဥစ္စာရင်ခဲပဲ။ တချို့က ကျမနားလည် သလောက် တော့ အုပ်ချုပ်ရေးဘက်က တချို့ လူကြီးတွေဆိုရင် လာတယ်၊ လာပြီး ရင်းနှီးမြှုပ်နှံမယ်ဆိုပြီး စကားပဲ ပြောပြီး လာပဲကြည့်ပြီးတော့ ရင်းနှီးမြှုပ်နှံတာလည်း မဟုတ်ဘူးဆိုပြီးတော့ မမြှုပ်နှံတဲ့ စီးပွားရေးလုပ်ငန်းရှင်တွေကို အပြစ်ပြော ချင်တယ်။ ကိုယ့်ဘက်ကိုယ် ပြန်ကြည့်ရမယ်။ ကိုယ့်နိုင်ငံမှာ ဘာလိုအပ်နေသလဲ။ စီးပွားရေးလုပ်တဲ့သူတွေဆိုတာ အကျိုးအမြတ်ရှိမှ လုပ်မှာပေါ့။”        

မြန်မာနိုင်ငံရဲ့ ဖွဲ့စည်းပုံအခြေခံဥပဒေထဲမှာ နိုင်ငံသားတွေရဲ့ တန်းတူညီမျှမှုကို ထိခိုက်စေမယ့် ဥပဒေတွေကို တတ်နိုင်သမျှ ပြင်ရမယ်လို့ ကျိုတိုမှာ မြန်မာ မိသားစုတွေနဲ့ တွေ့ဆုံချိန် ဒေါ်အောင်ဆန်းစုကြည်က ပြောကြားခဲ့ပါတယ်။      

တိုင်းပြည်အတွင်း ရင်ဆိုင်နေရတဲ့ အလုပ်လက်မဲ့ ပြဿနာတွေ ဖြေရှင်းနိုင်ရေး အပါအ၀င် မြန်မာနိုင်ငံရဲ့ အခြေအနေ အရပ်ရပ်ကို၊ ဂျပန်အစိုးရ ခေါင်းဆောင်တွေ၊ မြန်မာမိသားစုတွေနဲ့ တွေ့ဆုံတဲ့အချိန်မှာ ဒေါ်အောင်ဆန်းစုကြည် ပြောဆိုသွားပါတယ်။

ဂျပန်ကို ၆ ရက်ကြာခရီး သွားရောက်နေတဲ့ ဒေါ်အောင်ဆန်းစုကြည်ဟာ မနေ့က ကျိုတိုတက္ကသိုလ်က ဂုဏ်ထူးဆောင် ပါရဂူဘွဲ့ကို လက်ခံရယူခဲ့ပါတယ်။

VOA

Read More

ခန့်မှန်းထားသလို မြောက်ကိုရီးယားဒုံးပျံ စမ်းသပ်ပစ်လွှတ်မှုမရှိ

၁၆.၄.၂၀၁၃၊ အင်္ဂါနေ့ 

 

မြောက်ကိုရီးယားနိုင်ငံ တည်ထောင်သူ ခေါင်းဆောင်ဟောင်း ကင်အီဆွန်း (Kim Il Sung) ရဲ့ ၁၀၁ နှစ်မြောက် မွေးနေ့ အထိမ်းအမှတ် အခမ်းအနားကို မြောက်ကိုရီးယားနိုင်ငံမှာ ကျင်းပနေပါတယ်။       

အများကတော့ စတာလင်ဝါဒ ကျင့်သုံးတဲ့ နိုင်ငံဟာ ဒီကနေ့မှာ ကိုရီးယားကျွန်းဆွယ် တင်းမာမှု ပိုကြီးထွားအောင် မစ်ဇိုင်းဒုံးပျံ စမ်းသပ် ပစ်လွှတ်လိမ့်မယ်လို့ ထင်ထားခဲ့ကြတာပါ။       

ဒါပေမဲ့ ပြုံယမ်းအစိုးရဟာ ဒုံးပျံစမ်းသပ်မှုရော တာတိုပစ် ရော့ကက်ဒုံးကျည် ပစ်လွှတ်တာရော မလုပ်ခဲ့သလို၊ ကြီးမားတဲ့ စစ်ရေးပြ ချီတက်တာမျိုးလည်း မလုပ်ခဲ့ပါဘူး။ ဒီကနေ့ဟာ မြောက်ကိုရီးယား နိုင်ငံအတွက် အလွန်အရေး ပါတဲ့နေ့ရက် ဖြစ်ပါတယ်။

ပြီးခဲ့တဲ့ သီတင်းပတ်တုန်းက မြောက်ကိုရီးယား အရှေ့ဘက်ခြမ်းကို ရွှေ့ပြောင်းနိုင်တဲ့ ဒုံးပျံ ပစ်လွှတ်တဲ့စင် သွားထားတာ ကို တွေ့ရှိခဲ့ပြီးတဲ့နောက် ဒုံးပျံ စမ်းသပ်ပစ်လွှတ် လိမ့်မယ်ဆိုတဲ့ စိုးရိမ်မှုတွေ ဖြစ်ခဲ့တာပါ။     

မြောက်ကိုရီးယားရဲ့ ခြိမ်းခြောက်မှုတွေကြောင့် တောင်ကိုရီးယားနဲ့ အမေရိကန် တပ်ဖွဲ့တွေ တပ်လှန့်ထားဆဲ ဖြစ်ပါတယ်။ လွန်ခဲ့တဲ့ သီတင်းပတ် အတန်ကြာ ကတည်းက မြောက်ကိုရီးယား နိုင်ငံဟာ အမေရိကန် ပြည်ထောင်စု အပါအ၀င် နိုင်ငံတွေကို နျူကလီးယားလက်နက် အသုံးပြုပြီး ပစ်ခတ်မယ်ဆိုတဲ့ ခြိမ်းခြောက်မှုတွေ လုပ်ခဲ့တာပါ။         

ဒီတင်းမာမှုပြဿနာဟာ ဒေသတွင်းကို အမေရိကန် နိုင်ငံခြားရေးဝန်ကြီး လာရောက်ခဲ့ရခြင်းရဲ့ အဓိက အကြောင်းအရာ လည်း ဖြစ်ပါတယ်။ သူ့ရဲ့ ၃ နိုင်ငံ ခရီးစဉ်နောက်ဆုံး ခရီးအနေနဲ့ ဂျပန်နိုင်ငံကို သွားရောက်ခဲ့ပြီး ခရီးစဉ်ကို ဒီကနေ့ အဆုံးသတ်လိုက်ပြီ ဖြစ်ပါတယ်။       

ဝန်ကြီး ဂျွန် ကယ်ရီ (John Kerry) က မြောက်ကိုရီးယား အစိုးရအနေနဲ့ နျူကလီးယား လက်နက် အစီအစဉ်ကို စွန့်လွှတ်ဖို့ ခြေလှမ်းလှမ်းမယ်ဆိုရင် မိတ်ဖက်နိုင်ငံ တနိုင်ငံ အဖြစ်နဲ့ ကိုရီးယားကျွန်းဆွယ်အရေး ငြိမ်းငြိမ်းချမ်းချမ်း အဖြေရှာဖို့အတွက် အမေရိကန် ပြည်ထောင်စုဟာ ညှိနှိုင်းဆွေးနွေးဖို့ အသင့်ရှိတယ်လို့ မစ္စတာ ကယ်ရီ က ဂျပန်ခရီးစဉ် အတွင်း ပြောဆိုလိုက် ပါတယ်။

VOA

Read More

သင်္ကြန်ရေစိုသွားတဲ့ ဖုန်းကို အသက်ကယ်နည်း

၁၆.၄.၂၀၁၃၊ အင်္ဂါနေ့

 

သင့်ဖုန်းဟာ ရေစိမ်ခံ၊ ရေစိုခံ ဖုန်းတစ်လုံး မဟုတ်ဘူး ဆိုရင် သင်္ကြန်ရက်တွေမှာ ဆက်သွယ်ဖို့ အတွက် ဖုန်းတစ်လုံး သယ်ဆောင်သွားရတာ အိမ်မက်ဆိုးကြီး တစ်ခုလို ဖြစ်နေနိုင်ပါတယ်။ 

တကယ်လို့များ အဲ့ဒီ အသက်တမျှ ကာကွယ်ဖို့ လိုတဲ့ သင့်ရဲ့ဖုန်း သင်္ကြန်ရေနဲ့ ထိတွေ့သွားလို့ စိတ်သောက ဖြစ်ရမလား။ 

ဒါဆိုရင် အောက်ပါ အဆင့်တွေအတိုင်း ဆောင်ရွက်ကြည့်နိုင်ပါတယ်။

00. အရမ်းကြီး အစိုးရိမ် မလွန်ပါနဲ့။ စက္ကန့်ပိုင်းလောက် ရေစိုတာကိုတော့ တန်ဖိုးကြီးဖုန်းတွေအားလုံးနီးပါးက ခံနိုင်ရည်ရှိပါတယ်။

01. ရေစိုသွားတဲ့ ဖုန်းကို ချက်ခြင်း ပိတ်လိုက်ပါ။

02. Battery, SIM card နဲ့ memory card တွေ  အကုန်ဖြုတ်ပါ။

03. သန့်ရှင်းခြောက်သွေ့တဲ့ အ၀တ်စနဲ့ ဖုန်းမျက်နှာပြင် ကိုယ်ထည်၊ KeyPad, ကျောဘက်၊ Simcard, Battery, Memory Card အစရှိတဲ့ ရေစိုနေသမျှ နေရာတွေကို သုတ်ပါ။

04. သဘာဝလေ၊ နေရောင်တို့ရှိတဲ့ နေရာမှာ ဖုန်းကို အခြောက်ခံပါ။ လေအေးစက်သုံးတဲ့အခန်း သို့မဟုတ် ကားထဲမှာ အခြောက်ခံနိုင်ပါတယ်။ 

ဒါပေမဲ့ အရမ်းကြီး ပူပြင်းတဲ့နေရာတွေမှာ မထားပါနဲ့။ Hair dryer ရှိမယ်ဆိုရင် ခပ်ပျော့ပျော့ အနွေးဓာတ်ကို ခပ်လှမ်းလှမ်းကနေ ပေးပါ။

05. Display screen ရဲ့ အတွင်းဘက် တွေ၊ Cover အတွင်းဘက်တွေမှာ ရေကျန်မကျန် စစ်ဆေးပါ။ 

Protector အတွင်းဘက်မှာရေ၀င်နေမယ် ဆိုရင်တော့ ခွာပစ်လိုက်ပါ။

06. Display မျက်နှာပြင်တွေကို နေရောင် အရမ်းပြင်းတဲ့နေရာမှာ မထားပါနဲ့။ 

 Dryer နဲ့လည်း တိုက်ရိုက် မမှုတ်မိပါစေနဲ့။ Display တွေဟာ အပူဒဏ်ကို ခံနိုင်စွမ်း သိပ်မရှိလို့ပါ။

07. လုံးဝ အရင်မလိုပါနဲ့။ ရေတွေ ခြောက်သွားအောင်၊ ရေငွေ့ပြန်သွားအောင် ၃၊ ၄ နာရီလောက် စောင့်လိုက်ပါ။ 

တကယ်လို့သာ လောလော လောလောနဲ့ ဖုန်းကို ပြန်ဖွင့်လိုက်မယ်ဆိုရင် ဖုန်းအတွင်းပိုင်းမှာ ကျန်နေသေးတဲ့ ရေတွေက Circuit တွေကို ရှော့ဖြစ်စေနိုင်ပါတယ်။ 

လုံးဝခြောက်သွားပြီလို့ သင့်စိတ်က ထင်တဲ့အချိန်ထက် ပိုပြီးအချိန်ပေးလိုက်ပါ။ အဲ့ဒီ အချိန်အတွင်းမှာ ဖုန်းကို Power ပေးနိုင်တဲ့ Battery ပြန်တပ်တာ၊ 

မီးပလပ်ထိုး အားသွင်းတာ လုံးဝ မလုပ်မိပါစေနဲ့။

08. လုံလောက်တဲ့ အချိန်ပေးပြီး ခြောက်သွေ့အောင် ထားပြီးပြီလား။ ဒါဆိုရင် ဖြုတ်ထားတဲ့ အစိတ်အပိုင်းတွေကို ပြန်တပ်ပြီး အရင်ကလို ပြန်အသုံးပြုနိုင်မှာ ဖြစ်ပါတယ်။

09. အခုလို အခြောက်ခံလိုက်တာ အောင်မြင်လား မအောင်မြင်ဘူးလား ဆိုတာကတော့ Screen ပြန်တက်လာမလာကို စောင့်ကြည့်ရပါမယ်။

10. ရေထိတဲ့အချိန် မကြာဘူး၊ လုံးဝခြောက်သွေ့သွားအောင်လည်း အချိန်ပေး အခြောက်ခံထားတယ်၊ မြင်သာတဲ့ ပျက်စီးမှုတွေလည်း မတွေ့ရဘူး ဆိုရင်တော့ သင့်ဖုန်းကို အကောင်းတိုင်း ပြန်ရဖို့ နီးစပ်ပါတယ်။

11. အကယ်လို့သာ ကံမကောင်းလို့ Power ပြန်ဖွင့်တာ ၃၊ ၄ ကြိမ်အထိမှ ပြန်တက်မလာဘူး ဆိုရင်တော့ သင့်ဖုန်းကို အနီးဆုံး ဆိုင်ကို ပို့ပြီး ပြန်ပြင်ပါ။ သေချာတာကတော့ SimCard, Memory တွေကို အကောင်းပကတိအတိုင်း ပြန်ရနိုင်ပါတယ်။

ညွှန်း - TechSpace နည်းပညာဂျာနယ် http://www.techspacejournal.com/

Read More

ဂျပန်တက္ကသိုလ် ဂုဏ်ထူးဆောင်ဆုတွေ ဒေါ်စုလက်ခံရယူ

၁၆.၄.၂၀၁၃၊ အင်္ဂါနေ့

မြန်မာနိုင်ငံရဲ့ ဖွဲ့စည်းပုံအခြေခံဥပဒေမှာ နိုင်ငံသားတွေရဲ့ တန်းတူညီမျှမှုကို ထိခိုက်စေမယ့် ဥပဒေတွေကို တတ်နိုင် သမျှပြင်ရမယ်လို့ ကျိုတိုမှာ မြန်မာမိသားစုတွေနဲ့ တွေ့ဆုံချိန် ဒေါ်အောင်ဆန်းစု ကြည်က ပြောကြားခဲ့ ပါတယ်။ ဂျပန်ကို ၆ ရက်ကြာ ခရီးသွားရောက်နေတဲ့ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်း စုကြည် ကို တနင်္လာနေ့မှာ ကျိုတိုတက္ကသိုလ်က ဂုဏ်ထူးဆောင် ပါမောက္ခဘွဲ့ကို ပေးအပ်ခဲ့ပါတယ်။ မြန်မာနိုင်ငံရဲ့ လူနေမှုစနစ်ထဲမှာ အမျိုးသမီးတွေရဲ့ အခန်းကဏ္ဍနဲ့ပတ်သက်ပြီးလည်း ကျိုတိုတက္ကသိုလ်မှာ မိန့်ခွန်း ပြောကြားခဲ့သလို၊ ကျိုတိုပတ်ဝန်းကျင်မှာ နေထိုင်တဲ့ မြန်မာမိသားစုတွေနဲ့လည်း ဒေါ်အောင်ဆန်းစုကြည် တွေ့ဆုံခဲ့ ပါတယ်။ အပြည့်အစုံကို ဒေါ်ခင်မျိုးသက် က တင်ပြထားပါတယ်။

ဂျပန်နိုင်ငံ ကျိုတိုတက္ကသိုလ်မှာ မြန်မာနိုင်ငံရဲ့ လွတ်လပ်ရေးဖခင် ဗိုလ်ချုပ်အောင်ဆန်းနဲ့ ဂျပန်နိုင်ငံအကြား ဆက်နွယ်မှု တွေနဲ့ပတ်သက်ပြီး ၁၉၈၅ ခုနှစ်ကနေ ၁၉၈၆ ခုနှစ်အတွင်း သုတေသနစာတမ်းရေးခဲ့သူ ဒေါ်အောင်ဆန်းစုကြည်ကို ကျိုတိုတက္ကသိုလ်က ဂုဏ်ထူးဆောင်ဘွဲ့ ပေးအပ်ခဲ့သလို၊ နောက် တက္ကသိုလ်တခုဖြစ်တဲ့ Ryokoku တက္ကသိုလ်ကလည်း ဂုဏ်ထူးဆောင် ပါရဂူဘွဲ့ကို ပေးအပ်ခဲ့ပါတယ်။       

တက္ကသိုလ်နှစ်ခုစလုံးမှာ မိန့်ခွန်းပြောကြားခဲ့တဲ့ ဒေါ်အောင်ဆန်းစုကြည်က ကျိုတိုတက္ကသိုလ်က ကျောင်းသားတွေ ကိုလည်း မြန်မာနိုင်ငံရဲ့ လူနေမှုစနစ်ထဲမှာ အမျိုးသမီးတွေရဲ့ အခန်းကဏ္ဍ အရေးပါပုံကို ပြောကြားခဲ့တယ်လို့ ဂျပန်နိုင်ငံမှာ နေထိုင်တဲ့ ကိုမျိုးသီဟန် က ပြောပါတယ်။   

“Kyoto University မှာ သူ Seminar ပေးပါတယ်။ Seminar ခေါင်းစဉ်ရဲ့ အကျဉ်းချုပ်ကတော့  မြန်မာနိုင်ငံမှာရှိတဲ့ လူမှုရေး စနစ်ထဲမှာ အမျိုးသမီးတွေက ဘယ်လောက်အရေးပါတယ်၊ ဘယ်လိုလုပ်နေတယ် ဆိုတာကို အန်တီက ပြောသွားပါတယ်။ ကျွန်တော်တို့ကတော့ Kyoto University ကို ၀င်ခွင့်မရပါဘူး။ ဒီက တီဗွီကကြည့်တယ်။ သတင်းက ထိုင်ကြည့်ပါတယ်။ အဲ Ryukoku University မှာက ဒီကျိုတိုမှာလာတဲ့ အန်တီရဲ့ သူငယ်ချင်းတွေပေါ့နော်၊ အန်တီ Oxford မှာသိခဲ့တဲ့ သူငယ်ချင်းတွေနဲ့ သူတို့က အရင်က ဒီကျောင်းမှာ ပါမောက္ခ လုပ်ခဲ့ကြပါတယ်။  ဒီကျောင်းက ဗုဒ္ဓဘာသာကို အခြေခံထားတဲ့ ကျောင်းဖြစ်ပါတယ်။  ဗုဒ္ဓဘာသာနဲ့ ပတ်သက်ပြီးတော့ အန်တီရော၊ အန်တီ့အမျိုးသားရော ဗုဒ္ဓဘာသာနဲ့ ပတ်သက်ပြီး လေ့လာထားတာတွေ ဒီမှာ ရှိပါတယ်။ ဒီကျောင်းနဲ့ သူတို့ ဟိုအရင်ကတည်းက အဆက်အသွယ်တွေ ရှိပါတယ်။ အဲ့ဒါကြောင့် သူတို့က အန်တီရဲ့ လုပ်ဆောင်မှုတွေကို ကြည့်ပြီးတော့ ဂုဏ်ထူးဆောင် ပါမောက္ခအဖြစ် သူတို့ ဒီကနေ့ ပေးပါတယ်။”    

တက္ကသိုလ်ကျောင်းသားတွေနဲ့ တွေ့ဆုံရာမှာ မြန်မာနိုင်ငံမှာ လူမှုရေး အသွင်ပြောင်းလဲမှုကနေ နိုင်ငံတွင်း ဒီမိုကရေစီရေးအသွင် ပြောင်းလဲလာစေဖို့အတွက် ၀ိုင်းဝန်းပြီး ကူညီပံ့ပိုးကြဖို့ အတွက်ကိုလည်း ဒေါ်အောင်ဆန်းစုကြည်က ပန်ကြားခဲ့တယ်လို့ ဆိုပါတယ်။ ဒေါ်အောင်ဆန်းစုကြည်ဟာ ကျိုတိုတက္ကသိုလ်နဲ့ ရိုကိုကုတက္ကသိုလ်တွေကို မသွားရောက်ခင် မနက်ခင်းမှာတော့ ကျိုတိုမြို့ ၀န်းကျင်တ၀ိုက်မှာ နေထိုင်ကြတဲ့ မြန်မာမိသားစုတွေနဲ့ တွေ့ဆုံခဲ့တာပါ။       

ဒီတွေ့ဆုံပွဲမှာ နိုင်ငံရပ်ခြားရောက်နေတဲ့ မြန်မာနိုင်ငံသားတွေနဲ့ ပတ်သက်ပြီးရော၊ မြန်မာနိုင်ငံထဲက နိုင်ငံမဲ့နေသူတွေ အတွက်ပါ ရည်ရွယ်ပြီး နိုင်ငံသားတွေရဲ့ တန်းတူညီမျှမှုအပေါ်မှာ ထိခိုက်စေမယ့် ဥပဒေတွေကို တတ်နိုင်သမျှ ပြင်ရမယ်လို့ ဒေါ်အောင်ဆန်းစုကြည် က ပြောကြားခဲ့ပါတယ်။           

“ဒီတည်ဆဲဥပဒေအရ နိုင်ငံသား ဖြစ်ပိုင်ခွင့် ရှိတဲ့သူ အားလုံးကို နိုင်ငံသားအဖြစ်နဲ့ အမြန်ဆုံး အသိအမှတ် ပြုရမယ်။  နိုင်ငံသူ နိုင်ငံသား ဖြစ်လာပြီဆိုရင် နိုင်ငံသား အားလုံးဟာ တန်းတူညီမျှမှု အခွင့်အရေး ရှိရမယ်။  အဲ့ဒါတွေကို ကျမတို့  လောလောဆယ် လုပ်ကြရမယ်။  နောက်တဆင့်က  ကျမတို့ရဲ့ နိုင်ငံသား ဥပဒေဟာ  မျှတသလား၊ မမျှတဘူးလား ဆိုတာ ကျမတို့ ကြည့်ရမယ်။ နိုင်ငံတကာရဲ့ အဆင့်အတန်းအရ  အဆင့်မှီရဲ့လား။ အဲ့ဒါကို ကျမတို့ သုံးသပ်ရမယ်။ သုံးသပ်ပြီးတော့ လိုအပ်ရင် လိုအပ်သလို ပြုပြင် ပြောင်းလဲရမယ်။ ဖြည့်ဆည်းရမယ်။”           

မြန်မာနိုင်ငံရဲ့ ဖွဲ့စည်းပုံအခြေခံဥပဒေထဲမှာ လူပုဂ္ဂိုလ်တဦးတယောက်ကို ရည်ရွယ်ပြီး ရေးဆွဲတဲ့သဘောမျိုးတွေ ပါနေတာတွေ့ရတာမို့ ဒါမျိုး မဖြစ်သင့်ဘူးလို့လည်း ပြောပါတယ်။  

“နိုင်ငံတနိုင်ငံရဲ့ ကံကြမ္မာနဲ့ အင်မတန်မှ ပတ်သက်နေတဲ့  ဖွဲ့စည်းပုံ အခြေခံ ဥပဒေ ဆိုတာဟာ လူပုဂ္ဂိုလ် တဦးတယောက် ကို ဦးတည်ပြီးတော့ ဘယ်တော့မှ မရေးဆွဲရဘူး။  လူပုဂ္ဂိုလ် တဦးတယောက်ကို ကာကွယ်ချင်လို့ပဲဖြစ်စေ၊  လူပုဂ္ဂိုလ် တဦးတယောက်ကို ကန့်သတ်ထားချင်လို့ပဲဖြစ်စေ  ဖွဲ့စည်းပုံ အခြေခံ ဥပဒေကို ရေးဆွဲတယ် ဆိုတာဟာ အင်မတန်မှ မသင့်တော်တဲ့ ကိစ္စပါ။”     

ဒါ့အပြင် ကိုယ့်နိုင်ငံသားတွေကို ကိုယ်က လေးစားမှ တခြားနိုင်ငံသားတွေက ကိုယ့်နိုင်ငံသားတွေကို လေးစားမှာဖြစ် ကြောင်းနဲ့ ဒီကိစ္စဟာ အစိုးရမှာ တာဝန်ရှိတယ်လို့လည်း ပြောကြားခဲ့ပါတယ်။ ဒေါ်အောင်ဆန်းစုကြည်နဲ့ မြန်မာနိုင်ငံသား တွေရဲ့ တွေ့ဆုံပွဲနဲ့ပတ်သက်ပြီး ကိုမျိုးသီဟန် က အခုလို ပြောပါတယ်။       

“ကျွန်တော်တို့ မနက်ဘက်မှာ Kyoto University မှာရှိတဲ့ စင်တာမှာ မြန်မာတွေနဲ့ တွေ့ပါတယ်။ မြန်မာနိုင်ငံသားတွေ မေးတဲ့ မေးခွန်းတွေအပေါ်မှာတော့ သူဖြေကြားသွားတာတွေက အများကြီး ရှိပါတယ်။  အဲ ပညာရေးနဲ့ ပတ်သက်ပြီးတော့၊ ဥပဒေရေးနဲ့ ပတ်သက်ပြီးတော့၊ နောက် လက်ရှိ တခြားနိုင်ငံတွေမှာ နေနေတဲ့ မြန်မာနိုင်ငံသားတွေရဲ့ အခွင့်အရေးနဲ့ ပတ်သက်ပြီးတော့  ဖြေသွားပါတယ်။ နောက်တော့ ရန်ကုန်တက္ကသိုလ် ပြန်လည် ထူထောင်ရေးအတွက်၊ ပညာရေးစနစ်ကို ပြုပြင်ရေးအတွက်ကို သူအမျုားဆုံး ဆွေးနွေးသွားပါတယ်။ ဒီကျွန်တော်တို့ ဂျပန်မှာရောက်နေတဲ့ မိသားစုတွေ မေးတဲ့ မေးခွန်းတွေထဲမှာ ပညာရေး မေးခွန်းက များပါတယ်။”          

ညနေ ၄ နာရီခွဲလောက်မှာတော့ ကျိုတိုကနေ ဂျပန်နိုင်ငံအရှေ့ခြမ်းက တိုကျိုဘက်ကို ရထားနဲ့ ပြန်သွားခဲ့တယ်လို့လည်း ပြောပါတယ်။ ဒေါ်အောင်ဆန်းစုကြည်ဟာ တနင်္ဂနွေနေ့ကတော့ ဂျပန်နိုင်ငံမှာ Katsuragawa မြစ်မကြီးကနေ ပထမဆုံး ရေအားလျှပ်စစ် ထုတ်ယူတဲ့စနစ်ကို လေ့လာဖို့အတွက် ဒေသတွင်း အသေးစား ရေအားလျှပ်စစ်ထုတ် စက်ရုံကို သွားရောက်ခဲ့ပါတယ်။

အင်္ဂါနေ့မှာတော့ တိုကျိုမှာ ဂျပန် Diet လွှတ်တော်ကို သွားရောက်ဖို့ရှိသလို၊ ဂျပန်နိုင်ငံခြားရေးဝန်ကြီး ဖုမီယို ကီရှိဒါ (Fumio Kishida) နဲ့လည်း တွေ့ဆုံဖို့ရှိပါတယ်။ ဂျပန်နိုင်ငံကနေ မြန်မာနိုင်ငံကို မပြန်ခင်မှာ ဂျပန်ဝန်ကြီးချုပ် ရှင်ဇို အာဘေး (Shinzo Abe) နဲ့လည်း တွေ့ဆုံမှာဖြစ်ပါတယ်။

VOA 

Read More