၅.၄.၂၀၁၃၊ သောကြာနေ့
၂၅ ပေ ပတ်လည်ခန့်ရှိသည့် အခန်းထဲတွင် သဲကြီးမဲကြီး ပုံစံဖြင့်
အသံမျိုးစုံ အော်ဟစ်ကာ ဂိမ်းစက်များဖြင့် ကစားနေသည့် အရွယ်စုံ
ယောက်ျားများကို တွေ့ရသည်။ ထိုနေရာတွင် အသက် ၁၀ နှစ်ကျော်မှ စ၍ အသက် ၄၀
ကျော်အထိ အသက်အရွယ် စုံတို့ အခန်းလုံးပြည့် ရှိနေသည်။ ဂိမ်းကို
စိတ်ဝင်တစားနှင့် အနိုင်ရရေးကိုသာ စိတ်ရောက်နေပုံ ရပြီး နံဘေး
ပတ်ဝန်းကျင်တွင် ကပ်ထိုင်နေသူကိုပင် သတိမထား၊ မကြည့်အား လောက်အောင် ဂိမ်းက
ဆွဲဆောင်မှုအား ပြင်းထန်ပုံရသည်။
ဂိမ်းဟု ပြောလိုက်သည့်အခါ သာမန်အားဖြင့် ထူးခြားမှု မရှိ။ သို့သော်လည်း
ဂိမ်းကို လောင်းကစားရာတွင် အသုံးပြု နေကြသည်မှာ ထူးခြားသည်။ ထို လောင်းကစား
ဂိမ်းဆိုင်များ လားရှိုးမြို့တွင် ရှိနေ၏။
“ကျနော်တို့ လားရှိုးမှာကတော့ ဒီလို ဂိမ်းမျိုး ကစားနေတာ ကျောင်းသားလေးက
အစ အသက်အရွယ်အစုံပါပဲ။ ဒီမြို့ အခေါ်ကတော့ ငမန်းလို့ ခေါ်ပါတယ်။ အနည်းဆုံး
ကျပ်တထောင်ကနေ စဆော့ရပါတယ်။ ကိုယ်နိုင်သလောက် ဆော့ တာပေါ့” ဟု
လားရှိုးမြို့တွင် သုံးဘီးမောင်းသည့် ကိုကျော်စိုးက ပြောသည်။
ဂိမ်းဆိုသည့် အရာသည် စ ကစားမိလျှင် ပြန် မထချင်အောင် စွဲတတ်သလို၊
လောင်းကစားဂိမ်းက လူကို ပိုပြီး စွဲလမ်း စေကြောင်း၊ သုံးဘီး မောင်းသမျှ
ရသည့်ငွေအားလုံး ကုန်ပြီး တခါတရံ အရင်ရက်က စုဆောင်းထားသည့် ငွေပင် မကျန်
အောင် ဖြစ်ရကြောင်း ကိုကျော်စိုးက ရှင်းပြသည်။
“ဒီငမန်းက အရမ်းစွဲတယ်။ ဘိန်း တမျိုးလို့တောင် ပြောလို့ ရတယ်။ ထိုင်
ဆော့ပြီးရင် ပြန် မထချင်အောင် ပါပဲ။ ဒီဂိမ်းကြောင့် ဘ၀ပျက်တဲ့ သူတွေတောင်
ရှိပါတယ်” ဟု ၎င်းက ထပ်ပြောသည်။
နံနက် ၈ နာရီမှ ည ၉ နာရီအထိဟု ဆိုင်ဖွင့်ချိန် သတ်မှတ်ထား သော်လည်း
အဆိုပါ ငမန်း လောင်းကစား ဂိမ်းကို မိုးလင်းပေါက် ကစားကြသည် များလည်း
ရှိသည်ဟု သိရသည်။
ဂိမ်း ကစားလျှင် ကျပ်ငွေ တထောင်မှ စ ကစားရ သဖြင့် လူမျိုးပေါင်းစုံ၊
အလွှာပေါင်းစုံ ပါဝင် ကစားနိုင်သည့် လောင်း ကစားတမျိုး ဖြစ်သည်။
ကျောင်းသားငယ်များက အစ လာကစား နေကြသည်ကို မြင်တွေ့ရသည်။ လားရှိုးမြို့၏နေရာ
အနှံ့ ငမန်း ဆိုသည်ကို ကြားနေရသဖြင့် ငမန်းကို လောင်းကစားဟု
မသတ်မှတ်ကြတော့ပေ။
ငမန်းဂိမ်းနှင့် ပတ်သတ်ပြီး မူဆယ် – လားရှိုးသို့ ပြေးဆွဲနေသည့် ကားသမား
စိုင်းလှကျော်က “ဒီကစားနည်းက လားရှိုးမှာရော၊ မူဆယ်မှာပါ အဆော့များတဲ့
ဂိမ်းလောင်းကစားပေါ့။ ဒီအတိုင်း ကြည့်ရင်တော့ ဂိမ်းပဲ၊ မသိမသာနဲ့ လုပ်နေတဲ့
လောင်းကစား ပါပဲ။ အခုဆိုရင် အဲဒီလို ဂိမ်းဆိုင်တွေကို ပေါ်တင်ဖွင့်ထားတယ်၊
ပြီးတော့ ၀န်ထမ်းတွေတောင် လာဆော့တယ်” ဟု ပြောသည်။
ဂိမ်းစကစားလျှင် စစချင်း အမြတ်ငွေ ရထားသော်လည်း အလကား ရချင်စိတ်ဖြင့်
ကစားရင်း နောက်ဆုံးတွင် နိုင်သမျှ ပြန်ရှုံးသွားကြောင်း၊ ရှုံးသွားသည့်
ပိုက်ဆံကို ပြန်ရချင်စိတ်ဖြင့် ဆက်ကစားရာက ပိုပိုရှုံးပြီး အရှုံးသံသရာ လည်ကာ
ရသမျှ၊ ရှာသမျှငွေကို ဂိမ်းဆိုင်တွင်သာ ကုန်ခဲ့ရကြောင်း၊
လောင်းကစားဂိမ်းကြောင့် အချိန်လည်းကုန်၊ ငွေလည်းကုန် ဖြစ်ရကြောင်း
စိုင်းလှကျော်က ဆိုသည်။
ယခုလို နွေကျောင်းပိတ်ရက် များတွင် မိဘများက မိမိသားသမီးများ
ခြေငြိမ်လျင် ပြီးရော ဆိုသည့် သဘောဖြင့် ဂိမ်းဆိုင် သွားပါက မတားမြစ်ဘဲ
ပိုက်ဆံပေး လွှတ်ကြကြောင်း၊ လောင်းကစားဂိမ်း ဆိုသည်ကို မသိရှိခြင်းကြောင့်
စေလွှတ်ကြခြင်း ဖြစ်ကြောင်း ဒေသခံများက ပြောသည်။
“ကျောင်း ပိတ်ရက်တိုင်းလိုလို ကလေးတွေက ဂိမ်းဆော့တတ်ကြတယ်။ ဒါပေမယ့်
ဘာဂိမ်းတွေ ဆော့နေကြသလဲ ဆိုတာတော့ မိဘတွေက မသိကြဘူး။ နေပူထဲ ထွက်မဆော့ရင်
ပြီးရောဆိုပြီး ဂိမ်းဖိုးကို တနေ့ သုံးထောင်တော့ ပေးလိုက် ပါတယ်” ဟု
လားရှိုးမြို့ အမှတ် ၁၂ ရပ်ကွက်တွင် နေထိုင်သည့် မိခင်တဦးက ပြောသည်။
မိမိသားသမီး ဂိမ်းကစားသည့်အခါ တခါမျှ လိုက်မကြည့်ဘူးကြောင်း၊
မည်သည့်ဂိမ်း ကစားနေ ကြသည်ကို မသိကြောင်း၊ ဂိမ်းဖြင့် လောင်းကစား
လုပ်နိုင်သည်ကို ကြားဖူးသော်လည်း မမြင်ဘူးကြောင်း၊ လားရှိုးမြို့ပေါ်ရှိ ကလေး
အများစုသည် ကျောင်းပိတ်ရက်တိုင်း ဂိမ်းဆိုင်ကို ရောက်နေသည်မှာ အဆန်း
မဟုတ်တော့ကြောင်း၊ သို့သော် ဂိမ်းဖြင့် လောင်းကစား လုပ်နေပါက
ဆိုင်ဖွင့်ခွင့် မပေးသင့်ကြောင်း၊ လားရှိုးမြို့ပေါ်ရှိ ကျောင်းသားများ
ပျက်စီးစေနိုင်သည့် ဂိမ်းလောင်းကစား ဆိုင်ကို ပိတ်သင့်ကြောင်း ၎င်းက
ဆက်ပြောသည်။
လောင်းကစား ဂိမ်းဆိုင်များသည် ရပ်ကွက်တိုင်းတွင် ရှိပြီး ဆိုင်တိုင်း
လူပြည့်နေသည်။ သက်ဆိုင်ရာက ဂိမ်း လောင်းကစား လုပ်နေသည်ကို သိရှိသော်လည်း
ပိတ်ပင်ခြင်း မရှိကြောင်း၊ ရဲအရာရှိများ ရပ်ကွက်လူကြီး များကလည်း သိသိနှင့်
ပေးဖွင့်နေ ကြကြောင်း၊ ယင်း ဂိမ်းဆိုင်တိုင်းတွင် ဆိုင်နာမည် တပ်ထားခြင်း
မရှိဘဲ အပြင်ဘက်တွင် “PS2 ဂိမ်း ကစားနိုင်သည်” ဆိုသည့် စာသားကိုသာ
ရေးထားသည်ကို တွေ့ရသည်။
လားရှိုးမြို့တွင် လူမျိုးပေါင်းစုံ နေထိုင်လျှက် ရှိပြီး တက္ကသိုလ်လည်း
ဖွင့်ထားသည့် မြို့ဖြစ်ကြောင်း၊ ထို့အပြင် စီးပွားရေး အချက်အချာ
ကျသည့်မြို့ ဖြစ်နေခြင်းကြောင့် လောင်းကစား ဂိမ်းဆိုင်များကို သက်ဆိုင်ရာမှ
တားဆီးသင့်ကြောင်း၊ လူအများကို လှည့်စားနေသည့် လောင်းကစားဂိမ်းကြောင့်
ဘ၀ပျက်သွားသူများ၊ လောင်းကစား ရှုံး၊ ငွေကြေး ဆုံးရ သဖြင့် အိမ်ထောင်ပျက်
သူများလည်း များစွာရှိကြောင်း လားရှိုးဒေသခံများက ဆိုသည်။
“ဒီ မသိမသာ ဂိမ်းလောင်းကစား သတင်းကို ကျနော်တို့ ဒေသခံ သတင်းထောက်တွေက
ရေးပါတယ်။ ဒါပေမယ့် သက်ဆိုင်ရာက အရေးယူရင် တလလောက်တော့ ပိတ်သွားတယ်။
ပြီးရင် ပြန်ဖွင့်တာပဲ။ ဒုန်ရင်းက ဒုန်ရင်းပဲ ဘာမှလည်း အရေး မယူတဲ့အပြင်
ဆိုင်တွေ ပိုပို များများ လာတယ်” ဟု လားရှိုးမှ သတင်းထောက် ခွန်ဇော်ဦးက
ပြောသည်။
ယင်း လောင်းကစား ဂိမ်းဆိုင် တော်တော်များများသည် တရုတ်ပြည်မှ လာသည့်
ဂိမ်းစက်များကို အသုံးပြုကာ စီးပွားဖြစ် လုပ်စားသည့် ဆိုင်များ
ဖြစ်ကြောင်း၊ ဆိုင်ပိုင်ရှင်များသည် ရပ်ကွက်လူကြီး ဒေသဆိုင်ရာ ရဲများနှင့်
ပူးပေါင်းကာ လုပ်ကိုင် နေကြသဖြင့် ဆိုင်ပိတ် တားမြစ် ရပ်ဆိုင်းခြင်း မရှိဘဲ
တနှစ်ထက် တနှစ် ဂိမ်းစက်များ၊ ဂိမ်းဆိုင်များ တိုးတိုးလာသည်ကို
တွေ့ရကြောင်း ခွန်ဇော်ဦးက ရှင်းပြသည်။
လားရှိုးပေါ်တွင် လောင်းကစား ဂိမ်းဆိုင်ကြီး ၄၀ ကျော်ရှိပြီး ဆိုင်သေးမှာ
၅၀ ၀န်းကျင်ခန့် ရှိကြောင်း၊ ကျပ်ငွေ တထောင်ဖြင့် ဆော့နိုင်သဖြင့်
လူတန်းစားစုံ လာရောက်ကစားကြသည့် လောင်းကစား ဂိမ်းများ ဖြစ်ကြောင်း၊
ဆိုင်ဖွင့် သူများသည် တရုတ် လူမျိုးများ ဖြစ်ကြောင်း ၎င်းက ပြောသည်။
လောင်းကစား လုပ်ခြင်းသည် အရက်နဲ့ မူးယစ်ဆေးကဲ့သို့ လူကို စွဲလမ်းပြီး
အကျင့် စာရိတ္တ ပျက်စီးစေကြောင်း အဆုံးတွင် ရာဇ၀တ်မှုများ များပြားလာစေ
နိုင်ကြောင်း၊ လောင်းကစားကြောင့် အိမ်တွင်း အကြမ်းဖက်ခြင်း၊ ကလေးများအား
နှိပ်စက်ခြင်း၊ မိသားစုဝင်များကို ငွေကြေး အခက်အခဲ ဖြစ်စေကာ လူမှု
အသိုက်အ၀န်း အတွက် ဘေးထွက် ဆိုးကျိုးများသည် လောင်းကစားဝိုင်း များမှ တဆင့်
ဖြစ်ပေါ်လာနိုင်ကြောင်း၊ မြန်မာနိုင်ငံ၏ တည်ဆဲ ဥပဒေအရ လောင်းကစား လုပ်သူသည်
ထောင်ဒဏ် ၃ လ မှ ၂ နှစ် အထိ ကျခံရနိုင်သော်လည်း ရဲနှင့် အုပ်ချုပ်ရေး
အာဏာပိုင် အရာရှိများအား လောင်းကစား ဒိုင်များက လာဘ်ထိုးပြီး
လုပ်ကိုင်နေကြကြောင်း၊ ယင်းကြောင့် ဘာလင်အခြေစိုက် Transparency
International က ၂၀၀၉ ခုနှစ်တွင် ထုတ်ပြန်ခဲ့သည့် အစီရင်ခံစာတွင်
မြန်မာနိုင်ငံသည် ကမ္ဘာ့ တတိယ အကျင့်ပျက် ခြစားမှု အများဆုံး နိုင်ငံဟု
သတ်မှတ်ခံထားရပြီး မြန်မာပြည်တွင် လောင်းကစား ပြုလုပ်ခြင်းကို နေရာမရွေး
ပုံသဏ္ဍာန်အမျိုးမျိုးနှင့် တွေ့နိုင်ကြောင်း ဆိုထားသည်။
ကုလသမဂ္ဂရုံး၏ IRIN (Integrated Regional Information Networks) အဖွဲ့က
ထုတ်ပြန်သည့် အစီရင်ခံစာတွင် လောင်းကစားကြွေး ပေးချေရာမှာ မြန်မာ
ကလေးငယ်များ ပါဝင်နေကြောင်း၊ မိဘများက လောင်းကစားအကြွေးကို ပြန်ဆပ်ရန်
အတွက် ၎င်းတို့ကလေးများအား ကျောင်းထုတ်ပစ်ကာ အလုပ်လုပ်ခိုင်းလေ့ရှိကြောင်း
ဖော်ပြထားသည်။
ဧရာဝတီ
