"ဆင်းရဲနွမ်းပါးမှု ပပျောက်ရေး လှုံ့ဆော်ရေး ကဏ္ဍတွေမှာ ပါဝင်မယ့် ချစ်သုဝေ"

၂၁.၅.၂၀၁၃၊ အင်္ဂါနေ့

လူမှုရေး လုပ်ငန်းများကို ဆောင်ရွက်ပေးနေတဲ့ ချစ်သုဝေက လက်ရှိ လုပ် ဆောင်နေတဲ့ မူးယစ်ဆေးဝါး ဆန့်ကျင်ရေး၊ မသန်စွမ်း ကလေးငယ် များနဲ့ မိဘမဲ့ကလေးငယ်များအတွက်လည်း လှုပ်ရှားမှုတွေ ပါဝင်ဆောင် ရွက် ပေးသူတစ်ဦး ဖြစ်ပါတယ်။ နောက်ထပ်လည်း ဆင်းရဲနွမ်းပါးမှု ပပျောက်ရေး အတွက် ပရိုဂရမ်လေးတစ်ခုကို ဒါရိုက်တာမောင်မျိုးမင်း (ရင်တွင်းဖြစ် )နဲ့ ရိုက် ပေးဖို့ရှိပြီး ဆွေးနွေးပွဲတွေ တက်ရောက်ပေးဖို့ ရှိကြောင်း၊ ကျန်းမာရေး အနေနဲ့ တီဘီရောဂါ တိုက်ဖျက်ရေး အတွက် စိုင်းစည်တွမ်ခမ်း နဲ့အတူ ရိုက်ကူးပေးဖို့ ရှိကြောင်းပြောပါတယ်။ ဆင်းရဲနွမ်းပါးမှုပပျောက်ဖို့ အတွက် ချစ်သုဝေက..

”ဆင်းရဲနွမ်းပါးမှုနဲ့ ဆိုင်တာလည်းသိရမယ်။ ထရီဇာ တို့နိုင်ငံမှာ အခြေခံ အုတ်မြစ် က ဒီ ဆင်းရဲနွမ်းပါးမှုကြီး မပပျောက်လို့ဖြစ်တာပေါ့။ လတ်တေ လာ ဖြေရှင်းတာ ထက်စာရင် ထရီဇာက သူတို့ အတွက် ပြန်လည် ထူထောင်ရေး ကို ဖြစ်စေချင်တယ်။ ထရီဇာထင်တာကတော့ ထရီဇာတို့ ဆီမှာ သဘာဝဘေး အန္တရာယ်တွေကြောင့် ကျရောက်လာတဲ့ အန္တရာယ်တွေ ဖြစ်တဲ့အခါမှာ ဘယ်လိုချဉ်း ကပ်ကြမလဲဆိုတာ စနစ်တကျ မရှိဘူး။ ထရီဇာ တို့လည်း ပြောသာပြောနေတာ၊ ကိုယ့် ဥာဏ်နဲ့ကိုယ် ထင်သလိုတွေပြောနေတာ။ စနစ်တကျ သင်ကြားပို့ချပေးမယ့် အဖွဲ့တွေ လည်း မရှိဘူး။လုပ်ပေး မယ့်အဖွဲ့တွေလည်းမရှိ ဘူး။ လူကြောင့်ဖြစ် တဲ့ ဘေးအန္တရာယ် ပဲဖြစ်ဖြစ်၊ သဘာဝဘေး အန္တရာယ် ကြောင့် ပဲဖြစ်ဖြစ် ဘေးအန္တရာယ် ဖြစ်လာပြီး နောက်ပိုင်းမှာ ချက်ချင်း ဘယ်လိုပြန် လည်ကယ်ဆယ် ရေးတွေလုပ်ကြမလဲ။ နောက်ထပ် ပြန်လည်ထူထောင်ရေးတွေ ဘယ် လိုလုပ်ကြမလဲ၊ ဒါဆိုရင် နှစ်နဲ့ ချီပြီးတောင် စောင့်စရာမလို ဘူး။ ဒီနိုင်ငံမှာက ပညာ ရေးတအား အားနည်း တော့ စနစ်တကျ ဘယ် လိုလုပ်ရမလဲ ဆိုတာ သင် ယူလေ့ လာရ မှာပါ။ 

လူရယ်လုိ့ဖြစ်လာရင်ကိုယ့်ခြေထောက် ပေါ်ကိုယ်ရပ်တည်ရ မယ်ဆိုတဲ့ အသိစိတ် ရှိရမယ်။အဲဒီ အတွက် team တွေခေါ်၊ပညာ တတ်တွေခေါ်၊ တကယ့် volunteer တွေစုပြီး လခတွေပေး တဲ့NGO လို ဖွဲ့ပြီး ထိထိမိမိ လုပ်ရမယ်” လို့ သူ့ ရဲ့ အမြင်ကို ပြောပါတယ်။

ခိုင်ဝေလွင်

 

Popular Journal

 

Read More

သီချင်းတွေလိုက်ဆို တတ်နေပြီ ဖြစ်တဲ့ ပြေသုဒြာ အကြောင်း ပြောတဲ့ ပြေတီဦး

၂၁.၅.၂၀၁၃၊ အင်္ဂါနေ့

ဒါရိုက်တာ ကျော်ဇောလင်း (အတွေးပုံရိပ်) ရိုက်ကူးတဲ့ “အလုအယက်” ဆိုတဲ့ ဗီဒီယို ဇာတ်ကားမှာ ပြေတီဦးက ဝိုင်းစုခိုင်သိန်း၊ အိချော ပိုတို့နဲ့အတူ သရုပ်ဆောင် ထားပါတယ်။ ဇနီးဖြစ်သူ အိန္ဒြာကျော်ဇင်က အနုပညာ အလုပ်တွေကို ခဏတာ ရပ်နားထားတဲ့ အပေါ် နှမြောလည်း နှမြောမိသလို သူ့ရဲ့ စိတ်ကိုလေးစား မိတယ်လို့ ပြောလာတဲ့ ပြေတီဦးက “နှမြောတယ်လို့ ပြောလို့ရသလို၊ သူ့စိတ်ကို လေးစား တယ် လို့လည်း ပြောလို့ ရတယ်။

 

ဘာကြောင့်လဲဆိုတော့ ဒီအချိန်မှာ သိလိုက်ရတဲ့ အရာ တစ်ခုက သူဘာကြောင့် အောင်မြင်ခဲ့သလဲ ဆို တာ အခုမှ ကျွန်တော် သေချာ သိလိုက် ရတာ။ အလုပ် တစ်ခုကို လက်ခံပြီး အဲဒီအလုပ် အပေါ်သူက စိတ်ရော ကိုယ်ပါနှစ်ပြီး ကြိုးစားခဲ့တယ်။ ဒါကြောင့် အခုလို အောင်မြင်ခဲ့ တာ။ ဒီအချိန်မှာ သူ့ရဲ့ စိတ်ခံစား ချက်က ဘာဖြစ်လာလဲ ဆိုတော့ သူ့သမီး နားမှာ နေချင်တာ။ သူရှုတင် ကိုသွား တယ်။ ကားရိုက်တယ်။ ဒါပေမဲ့ သူ့စိတ်က ရှုတင်ပေါ်မှာ အပြည့်အဝ မရှိဘူး။ သူ့သမီး ဆီပဲ စိတ်ကပြန် ပြန်ရောက်နေတယ်။ 

 

သူ့သမီး ဘာ လုပ်နေလဲ၊ ဘာစားနေလဲ။ အဲဒီလို စိတ် မျိုးပေါ့။သူက ဒီရှုတင်ဆို တဲ့ အလုပ် ပေါ်မှာ ၁ဝဝရာခိုင်နှုန်း စိတ်ကို နှစ် လို့မရဘူး။ အဲဒီလိုနှစ်လို့ မရ တဲ့အတွက်ကြောင့် သူက မလုပ်ချင် ဘူး။ သူကသူ လက်ခံထားတဲ့ အလုပ် ကို အပြည့် အဝကို တာဝန် ယူနိုင်မှကို သူလုပ်ချင်တာ။ သူဒီလိုမျိုး ဆုံးဖြတ် ရဲတဲ့ အတွက်လည်း လေးစားတယ်” လို့ ဇနီး နဲ့ပတ်သက်ပြီးပြောပါတယ်။ မိဘနှစ်ဦး စလုံးက အနုပညာဝါ သနာကြီး သူတွေဖြစ်လို့ သမီးလေး ပြေသုဒြာ မှာကော မိဘတွေရဲ့ အနု ပညာ ဗီဇပြတာမျိုးတွေကော ရှိလား လို့ မေးတော့…

“သမီးကအခု လက်ရှိတော့ သရုပ်ဆောင်ထက် သီချင်းတွေကို ပိုပြီး စိတ်ဝင်စားတယ်။ သီချင်း တွေကို ပိုရတယ်။ အခုဆိုရင် တချို့ သီချင်း တွေဆို တစ်ပုဒ်၊ နှစ်ပုဒ်လောက်ကို သူတစ်ယောက်တည်း ဆိုနိုင်နေပြီ။ သီချင်းတွေကို သူက မှတ်မိနေပြီ။ သူက တစ်နှစ်နဲ့ နှစ်လလောက်ကတည်း က သီချင်းတွေ လိုက် ညည်းနေပြီဆို တော့ သီချင်းဘက်မှာ ပိုပြီးတော့ စိတ်အား ထက်သန်သလို ပုံစံမျိုးလေး တော့ တွေ့ရတယ်။ ဝိုင်းစု ခိုင်သိန်း ဆိုရင် သိပ်ကြိုက်တာ။ ကြော်ငြာလာ လည်း လိုက်ဆိုတယ်။ သားချော့တေး လေးတွေဆို လည်း သူရတယ်”လို့ ပြောပြခဲ့ပါတယ်။

နေကွန်းထင်

 

Popular Journal

 

Read More

မြန်မာ့အပြောင်းအလဲ အိုဘားမားကြိုဆို၊ အကြမ်းဖက်မှုတွေ ရပ်ဆိုင်းဖို့ သတိပေး

၂၁.၅.၂၀၁၃၊ အင်္ဂါနေ့ 

အမေရိကန် သမ္မတ အိုဘားမားဟာ မြန်မာသမ္မတ ဦးသိန်းစိန်ကို ဝါရှင်တန်ဒီစီ သမ္မတ အိမ်ဖြူတော်မှာ တနင်္လာနေ့ မွန်းလွဲပိုင်းက ကြိုဆိုတွေ့ဆုံခဲ့ပါတယ်။

သမ္မတနှစ်ဦး တွေ့ဆုံဆွေးနွေးခဲ့ကြအပြီး သတင်းထောက်တွေကို ပြောကြားခဲ့ကြရာမှာ သမ္မတ အိုဘားမားက ဦးသိန်းစိန်အစိုးရရဲ့ ပြုပြင်ပြောင်းလဲရေးဆောင်ရွက်မှုတွေကို ချီးကျူးလိုက်ပြီး၊ တချိန်တည်းမှာ မြန်မာနိုင်ငံတွင်းက ဘာသာရေးပဋိပက္ခတွေအပေါ် စိုးရိမ်ကြောင်း ပြောကြားခဲ့ပါတယ်။

အမေရိကန်ပြည်ထောင်စုအနေနဲ့ မြန်မာအပေါ် ဆက်ဆံရေးပြောင်းလဲလာရတာက သမ္မတ ဦးသိန်းစိန်ရဲ့ ခေါင်းဆောင်မှုနဲ့ နိုင်ငံရေး၊ စီးပွားရေး ပြောင်းလဲမှုတွေကြောင့်ဖြစ်ပါတယ်၊ သမ္မတဦးသိန်းစိန် ပြောခဲ့သလိုပဲ ပြုပြင်ပြောင်းလဲရေးလမ်းကြောင်းဟာ ခရီးရှည်ကြီးဖြစ်ပါတယ်၊ နိုင်ငံရေးအကျဉ်းသားတွေ လွှတ်ပေးမယ်၊ လက်နက်ကိုင် လူမျိုးစုတွေနဲ့လည်း အပစ်အခတ်ရပ်စဲရေးသာမက၊ နိုင်ငံရေးမှာ ပါဝင်ပူးပေါင်းနိုင်အောင် ဆောင်ရွက်မယ်လို့လည်း ပြောခဲ့ပါတယ်။

ဒါ့ပြင်မွတ်စလင်တွအပေါ် အကြမ်းဖက်မှုနဲ့ ပတ်သက်ပြီး ဆွေးနွေးတဲ့အခါ အိုးအိမ်မဲ့ဖြစ်ပြီး၊ နေရာရွှေ့ပြောင်းရသူတွေကို လူ့ဂုဏ်သိက္ခာနဲ့အညီဆက်ဆံပြီး အကူအညီတွေပေးရေးကိစ္စ သဘောတူခဲ့ကြပါတယ်၊ နိုင်ငံတကာကလည်း ကူညီမှာဖြစ်ပါတယ်၊ ဒါ့ပြင် အမေရိကန်ပြည်ထောင်စုရဲ့ အကူအညီတွေ ဥပမာ UDAID ရဲ့ မြန်မာ့လယ်ယာစိုက်ပျိုးရေးလုပ်ငန်း အကူအညီ၊ ရန်ကုန်-မန္တလေး အမြန်လမ်းပြုပြင်ရေးစတဲ့ကိစ္စတွေလည် ဆွေးနွေးခဲ့ကြပါတယ်လို့ ပြောကြားခဲ့ပါတယ်။

သမ္မတ ဦးသိန်းစိန်က ပြောကြားရာမှာ

"အမေရိကန်ပြည်ထောင်စုဟာ ၁၉၄၇ ခုနှစ် ကျွန်တော်တို့ လွတ်လပ်ရေးမရခင်ကာလတည်းက သံတမန်ဆက်သွယ်မှုရှိခဲ့ပါတယ်၊ ဟိုတုန်းကလည်း အကြီးအကဲတွေ လာရောက်လည်ပတ်မှုတွေ ရှိခဲ့ပါတယ်၊ အမှန်က သမိုင်းကြောင်းအရ ရင်းနှီးပြီးသားနိုင်ငံတွေဖြစ်ပါတယ်၊ သို့သော်လည်းပဲ အကြောင်းအမျိုးမျိုးကြောင့် ကျွန်တော်တို့ နှစ်နိုင်ငံဆက်ဆံရေးဟာ အခက်အခဲတွေနဲ့ ကြုံတွေ့ခဲ့ရပါတယ်၊ ကျွန်တော်ဆိုရင် နှစ်ပေါင်းများစွာအတွင်းမှာ မြန်မာနိုင်ငံရဲ့ အကြီးအကဲတစ်ယောက်အနေနဲ့ အခုလိုအမေရိကန်ကို ပထမဆုံးအကြိမ် လာရောက်ခွင့်ရတာဖြစ်ပါတယ်၊ ဒါကလည်း သမ္မတကြီး ဖိတ်ကြားပေးတဲ့အတွက်ကြောင့် အခုလိုလာရောက်ခွင့်ရတာဖြစ်ပါတယ်"

ဆက်လက်ပြီး ဘာသာရေး၊ လူမျိုးရေး ပဋိပက္ခတွေ ရပ်တန့်အောင် ဆောင်ရွက်မှာဖြစ်သလို၊ လှုံ့ဆော်သူတွေအားလုံးကိုလည်း တရားဥပဒေနဲ့အညီ အရေးယူမှာဖြစ်ကြောင်း၊ ခွဲခြားဆက်ဆံမှုမရှိရအောင်လည်း ကြိုးပမ်းသွားမှာဖြစ်ကြောင်း၊ အသွင်ကူးပြောင်းမှုတွေ အောင်မြင်အောင်၊ ဒီမိုကရေစီအမြစ်စွဲအောင်၊ အထီးကျန်ဘဝကို အတိတ်မှာထားရစ်ခဲ့နိုင်အောင်၊ တခြားအာရှနိုင်ငံတွေကို အမီလိုက်နိုင်အောင်၊ အကြမ်းဖက်မှုနဲ့ တိုက်ပွဲတွေရပ်ဆိုင်းအောင် ပြည်သူအားလုံးက ဘယ်လောက်ထိ ဆန္ဒပြင်းပြနေကြတယ်ဆိုတာ သိရှိပါကြောင်း၊ မြန်မာနိုင်ငံဟာ ကုန်သွယ်ရေးနဲ့ ပညာရေးအဆင့်မြှင့်ဖို့အတွက် အမေရိကန် ပြည်ထောင်စုအပါအဝင် နိုင်ငံတကာ အသိုင်းအဝိုင်းရဲ့ အစွမ်းကုန်ကူညီမှုတွေကို လိုအပ်နေပါကြောင်း ပြောကြားခဲ့ပါတယ်။

သမ္မတ အိုဘားမားဟာ သတင်းစာရှင်းလင်းပွဲမှာ မြန်မာဆိုတဲ့အမည်ကို တစ်လျှောက်လုံး သုံးနှုန်းခဲ့ပါတယ်၊ ယဉ်ကျေးမှုသဘောနဲ့ သုံးနှုန်းတာဖြစ်ကြောင်း အိမ်ဖြူတော် ပြောခွင့်ရသူ ဂျေးကာနေးက ဆိုပါတယ်၊ ဂျေးကာနေးကတော့ Burma ရော Myanmar ပါ အမည်နှစ်မျိုးလုံး သုံးစွဲသွားခဲ့ပါတယ်။

RFA Burmese

Read More