“ကျွန်မအိမ်ထောင်ကျပြီးသွားရင်လည်း အနုပညာအလုပ်တွေကို ဆက်ပြီးလုပ်သွားမှာပါ။ ကိုယ်က အိမ် ထောင်ကျသွားပေမယ့်လည်း အနုပညာအလုပ်ရော၊ အိမ်မှုကိစ္စတွေကိုလည်း လစ်ဟင်းမှုမ
ရှိအောင်တော့ ဖြတ်သန်းသွားမှာပါ။ ကိုယ့်အိမ်ထောင်ရေးကို သာယာမှုဖြစ်အောင်အတတ်နိုင်ဆုံးကြိုးစားပြီး ဖြတ်သန်း သွားမှာပါ။ သူ့နာမည်ကိုတော့ လောလောဆယ်မပြောချင်သေးပါဘူး”ဟု ၎င်းက ပြောသည်။
သီရိဆွေ၏ချစ်သူမှာ ၎င်း၏သူငယ်ချင်းဖြစ်ပြီး ချစ်သူသက်တမ်းခြောက်နှစ်ကျော် ကြာမြင့်ပြီဖြစ်ကာ ပြည် တွင်းရှိ စီးပွားရေးလုပ်ငန်းရှင်တစ်ဦးဖြစ်သည်။
အဆိုတော်သီရိဆွေသည်Play Boy တီးဝိုင်း၏ ဂစ်တာကျော်မင်းရဲ့သမီး ဖြစ်ပြီးIdiots အဖွဲ့မှ ဖိုးလုံး၏ အစ်မလည်းဖြစ်သည်။ ၎င်းသည်အတွဲစီးရီးများဖြင့် ဂီတလောကသို့ဝင်ရောက်ခဲ့ပြီး စိုင်းစိုင်းခမ်းလှိုင်နှင့်အတူ တေးသီချင်းများစွာကို သီဆိုခဲ့သူတစ်ဦးဖြစ်သည်။ ၂၀၁၂ ခုနှစ်တွင် သူမ၏ပထမဆုံး တစ်ကိုယ်တော်စီးရီး “ရိုလာကိုစတာ”ကို ထွက်ရှိခဲ့သူဖြစ်သည်။
ဘုန်းနေလ(ဒဂုံတက္ကသိုလ်)
Mizzima - News in Burmese
0 comments:
Post a Comment