နိုဝင်ဘာ ၁၄ ရက် ပြည်သူ့လွှတ်တော် ဒုတိယ
ဥက္ကဋ္ဌ၊ ရခိုင်ပြည်နယ်ကိုယ်စားလှယ်များနှင့်
တွေ့ဆုံခဲ့ပြီး မြန်မာနိုင်ငံတွင် ရုံးခွဲဖွင့်လှစ်
လိုသည်ဟု ပြောဆိုခဲ့ကြောင်း ယင်းတွေ့ဆုံပွဲသို့ တက်ရောက်ခဲ့သည့် ရခိုင်ပြည်သူ့ လွှတ်တော် ကိုယ်စားလှယ် ဒေါ်ခင်စောဝေက ပြောကြားသည်။
မြန်မာနိုင်ငံတွင် ရုံးခွဲဖွင့်လှစ်လိုခြင်းမှာ ရခိုင်ပြည်နယ် သာမက ပဋိပက္ခများကြောင့် ဆုံးရှုံးခဲ့သည်များကို ပူးပေါင်းအကူအညီ ပေးမှုများ ပြုလုပ်လိုခြင်းကြောင့် ဖြစ်ကြောင်း၊ မြန်မာနိုင်ငံတွင် ပဋိပက္ခများ ဖြစ်ပွားရသည့် အကြောင်းကို သိရှိလိုကြောင်း ကိုယ်စားလှယ် အဖွဲ့က ဆွေးနွေးခဲ့သည်ဟု ပြည်သူ့လွှတ်တော် ကိုယ်စားလှယ် ဒေါ်ခင်စောဝေက ပြောကြားသည်။
မြန်မာနိုင်ငံတွင် ရုံးခွဲဖွင့်လှစ်ခွင့် ပြုရန်မှာ အစိုးရအုပ်ချုပ်ရေး အဖွဲ့၏ ခွင့်ပြုချက်သည်သာ အဓိက ဖြစ်ကြောင်း၊ ထိုသို့ ခွင့်ပြုရန်အတွက် ပြည်သူလူထုအား ပွင့်လင်းမြင်သာစွာ တင်ပြပြီး ဆန္ဒသဘောထားကို ရယူဆောင်ရွက် သင့်ကြောင်း ဒေါ်ခင်စောဝေက မြန်မာနိုင်ငံတွင် OIC ရုံးခွဲဖွင့်လှစ်ရန်အတွက် ပြောဆိုမှုအပေါ် သဘောထား မှတ်ချက်ပြု ပြောကြားသည်။
''ကျွန်မအနေနဲ့ ပူးပေါင်းဆောင်ရွက်တာကို လိုလားပေမယ့် ဒီလိုရုံးခွဲဖွင့်လှစ်တာက အဲဒီအကူအညီတွေက ကျွန်မတို့အတွက် အမှန်တကယ် လိုအပ်နေလားဆိုတာ စဉ်းစားဖို့လိုမယ်။ ရခိုင်တိုင်းရင်းသား တွေအတွက် တကယ်အထောက်အကူ ဖြစ်မလား၊ ဘာပြဿနာများ ပိုပြီး ကြီးထွားလာမလဲဆိုတာ စဉ်းစားရပါမယ်။ ကျွန်မတို့ ဆုံးဖြတ်ချက် မပေးလိုပေမယ့် ဖွင့်ဖို့၊ မဖွင့်ဖို့ကိုတော့ ပြည်သူတွေ ဖြစ်စေချင်တဲ့ဆန္ဒကို လိုက်လျောရမှာပါ။ အစိုးရအနေနဲ့ လုပ်ချင်တယ်ဆိုရင် ပြည်သူကို ချပြရမယ်။ ပြည်သူရဲ့ ဆန္ဒကို ယူသင့်တယ်လို့ ပြောချင်ပါတယ်။ အကျိုးသက်ရောက်မှု ရှိရင်တော့ လက်ခံကြမှာပါ။ အကျိုးသက်ရောက်မှု မရှိဘူးဆိုရင်တော့ ဘယ်သူမဆို လက်ခံမှာ မဟုတ်ပါဘူး။ ဒီမှာရုံးခွဲ ဖွင့်လှစ်ဖို့ဆိုတာ ပြည်သူတွေ အပေါ်မှာပဲ မူတည်ပါတယ်'' ဟု ရသေ့တောင် မဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါ်ခင်စောဝေက ပြောကြားသည်။
ဘူးသီးတောင် ပြည်သူ့လွှတ်တော် ကိုယ်စားလှယ် ဦးရွှေမောင်က အစ္စလာမ်မစ် ပူးပေါင်းဆောင်ရွက်ရေး အဖွဲ့ (OIC) အနေဖြင့် ရခိုင်ပြည်နယ်အတွင်း ဖြစ်ပွားခဲ့သော ဘာသာနှစ်ခုအကြား ငြိမ်းချမ်းစွာ အတူယှဉ်တွဲ နေထိုင်နိုင်ရေးနှင့် ဘာသာရေး သဟဇာတ ဖြစ်စေရန် အကူအညီ ပေးမည်ဟု ပြောကြားခဲ့ကြောင်း၊ ယင်းသို့ ကမ်းလှမ်းမှုကို ကြိုဆိုပါကြောင်း တွေ့ဆုံစဉ် ပြောကြားခဲ့သည်ဟု ဆိုသည်။
တွေ့ဆုံပွဲသို့ အစ္စလာမ်မစ် ပူးပေါင်းဆောင်ရွက်ရေး အဖွဲ့မှ ကိုယ်စားလှယ်များနှင့် ပြည်သူ့လွှတ်တော် ဒုတိယဥက္ကဋ္ဌ ဦးနန္ဒကျော်စွာ၊ ရခိုင်ပြည်နယ် ကိုယ်စားလှယ်များ ဖြစ်သော ဦးအောင်ဇော်ဝင်း၊ ဦးရွှေမောင်၊ ဦးပယ်ပန်း၊ ဦးဌေးဝင်း၊ ဦးထွန်းအောင်ကျော်နှင့် ဒေါ်ခင်စောဝေတို့ တက်ရောက်ခဲ့သည်။
အစ္စလာမ်မစ် ပူးပေါင်းဆောင်ရွက်ရေး အဖွဲ့(OIC) အနေဖြင့် မြန်မာနိုင်ငံတွင် ရုံးခွဲဖွင့်လှစ်ရန် ၂၀၁၂ ခုနှစ်က ကြိုးပမ်းခဲ့သော်လည်း သံဃာတော်များ အပါအ၀င် ပြည်သူလူထုက ကန့်ကွက်ဆန္ဒ ပြခဲ့သဖြင့် ပျက်ပြယ်ခဲ့ပြီး ယခုတစ်ကြိမ်တွင်မူ ကိုယ်စားလှယ်များ ကိုယ်တိုင် လာရောက် ဆွေးနွေးပြောကြားခဲ့ခြင်း ဖြစ်သည်။
ရုံးခွဲဖွင့်လှစ်ရန် ယခုတစ်ကြိမ် ကြိုးပမ်းမှုကိုလည်း မြန်မာပြည်သူလူထု အနေဖြင့် လက်ခံနိုင်ခြင်း မရှိကြောင်းကို ရန်ကုန်မြို့ အပါအ၀င် မြို့ကြီးအချို့တွင် ဆန္ဒပြကန့်ကွက်ခဲ့သည်။ ထိုသို့ ဆန္ဒပြနေရခြင်းသည် မည်သည့် အတွက်ကြောင့် ဖြစ်သည်ကို အစိုးရ အုပ်ချုပ်ရေးပိုင်း အနေဖြင့်လည်း လေ့လာသိရှိရန် လိုအပ်ကြောင်းလည်း ဒေါ်ခင်စောဝေက ပြောကြားသည်။
အစ္စလာမ်မစ် ပူးပေါင်းဆောင်ရွက်ရေးအဖွဲ့ (OIC)
စတင်တည်ထောင်သည့်ခုနှစ် - ၂၅ ရက် စက်တင်ဘာ ၁၉၆၉ ခုနှစ်။
မူလအမည် - Organization of Islamic Conference (၂၈ ရက်ဇွန် ၂၀၁၁ ခုနှစ်တွင် ယခုသုံးစွဲနေသော Organisation of Islamic Cooperation အမည်သို့ ပြောင်းလဲခဲ့)
အဖွဲ့၏ ရည်ရွယ်ချက် - အစ္စလာမ်မစ်နိုင်ငံများအကြား စည်းလုံးညီညွတ်ရေးကို မြှင့်တင်၍ နိုင်ငံတကာ ငြိမ်းချမ်းရေးနှင့် လုံခြုံရေးကို ရည်ရွယ်။ မွတ်စလင်ကမ္ဘာ၏ အသံကို စုစည်းဖော်ပြနိုင်ရန် အချက်လည်းပါဝင်။ (ကမ္ဘာ့ကုလသမဂ္ဂ ပြီးနောက် ဒုတိယအကြီးဆုံး နိုင်ငံတကာ အဖွဲ့အစည်းဖြစ်)
အဖွဲ့ဝင်အရေအတွက် - ၅၇ နိုင်ငံ
အဖွဲ့ဝင်နိုင်ငံ အားလုံး၏ လူဦးရေစုစုပေါင်း - ၁ ဒသမ ၆ ဘီလျံ (၂၀၁၁ ခုနှစ် စာရင်း)
အုပ်ချုပ်ရေးစင်တာ ရုံးစိုက်သည့်နိုင်ငံ - ဆော်ဒီအာရေဗျနိုင်ငံ
အထွေထွေအတွင်းရေးမှူး - Ekmeleddin İhsanoğlu
အဖွဲ့ဝင်နိုင်ငံအချို့ - အာဖဂန်နစ္စတန်၊ အယ်လ်ဂျီးရီးယား၊ အီဂျစ်၊ အင်ဒိုနီးရှား၊ အီရန်၊ ဂျော်ဒန်၊ ကူဝိတ်၊ လစ်ဗျား၊ မလေးရှား၊ မာလီ၊ မော်ရိုကို၊ ပါကစ္စတန်၊ ပါလက်စတိုင်း၊ ဆော်ဒီအာရေဗျ၊ ဆူဒန်၊ ဆိုမာလီးယား၊ တူနီးရှား၊ တူရကီ၊ ယီမင်၊ ဘာရိန်း၊ အိုမန်၊ ကာတာ၊ ဆီးရီးယား၊ ယူအေအီး၊ ဘင်္ဂလားဒေ့ရှ်၊ ဂမ်ဘီယာ၊ အီရတ်၊ ဘရူနိုင်း၊ နိုင်ဂျီးရီးယား၊ အဇာဘိုင်ဂျန်။
Eleven Media Group
0 comments:
Post a Comment