သို့သော်လည်း လာမည့်ပွဲများတွင် အင်အားတောင့်တင်းသော အသင်းများ ဖြစ်သည့် ထိုင်း၊ အင်ဒိုနီးရှား အသင်းတို့နှင့် ရင်ဆိုင်ရမည် ဖြစ်ရာ ယင်းပွဲများ အနိုင်ရမှသာ ဆီမီး အဆင့်ကို ရောက်ရှိနိုင်မည်ဟု ပတ်ဆောင်ဟွာ က ပြောကြားခဲ့သည်။
''အုပ်စုကတက်ဖို့ ရာခိုင်နှုန်း ဘယ်လောက်ရှိပြီလို့ ပြောမရသေးပါဘူး။ ဘာကြောင့်လဲ ဆိုတော့ ထိုင်း၊ အင်ဒိုနီးရှားတို့နဲ့ ရင်ဆိုင်ရဦးမှာ ဖြစ်လို့ပါ။ ဆီမီးအဆင့် တက်ရောက် နိုင်ရေး အခုမှ အစပြုပြီလို့ပဲ ဆိုရမှာပါ။ လက်ကျန် နှစ်ပွဲကို အနိုင်ရအောင် ကစားမှာဖြစ်လို့ အခုမှ အစလို့ပဲ သဘောထား ပါတယ်။ ထိုင်း၊ အင်ဒိုနီးရှား တစ်သင်းသင်း ကိုနိုင်မှ ဆီမီး အဆင့်ကို တက်ရောက်နိုင် မှာပါ'' ဟု ၎င်းက ဆက်လက်ပြောကြားသည်။
တီမောကို အနိုင်ရသောပွဲတွင် မြန်မာကစားသမားများ အချို့ ဒဏ်ရာရ ခဲ့ကြသော်လည်း အနားယူချိန် လေးရက်ခန့် ရမည်ဖြစ်၍ လာမည့်ပွဲတွင် ပြန်ကောင်း လာမည် ဖြစ်ကြောင်း၊ မြန်မာအသင်း အတွက် ဂိုးတစ်ဂိုး သွင်းယူပေးခဲ့သော ကြည်လင်း၏ ဒဏ်ရာ အခြေအနေမှာလည်း လေးရက် အတွင်းမှာပင် ပြန်ကောင်း လာမည် ဖြစ်ကြောင်း၊ ကစားသမားများ အတွက် ပထမပွဲ ကထက် ခက်ခဲပင်ပန်း ခဲ့ရကြောင်းနှင့် ကစားသမားများ၏ စွမ်းဆောင်ရည် အပေါ် ကျေနပ်အားရ ကြောင်းလည်း ပတ်ဆောင်ဟွာက ပြောကြားခဲ့သည်။
မြ၀တီ
0 comments:
Post a Comment