တရုတ်က အခုလို လေကြောင်းဇုန်သစ် သတ်မှတ်တယ်လို့ ကြေညာလိုက်တဲ့အတွက် ဒေသတွင်း တင်းမာမှုတွေ တိုးလာခဲ့ပြီး၊ အတွက်အချက်မှားမှု၊ ကြိုတင်ခန့်မှန်းလို့ မရတဲ့ ကိစ္စတွေ ဖြစ်နိုင်တဲ့ အလားအလာ ပိုတိုးလာခဲ့တယ်လို့ ဂျပန်ဝန်ကြီးချုပ် ရှင်ဇို အာဘေ့နဲ့ အင်္ဂါနေ့က တွေ့ဆုံအပြီး ဒုသမ္မတ Biden က သတင်းထောက်တွေကို ပြောကြားခဲ့ပါတယ်။
ဒီကိစ္စကို တရုတ်ခေါင်းဆောင်တွေနဲ့ ဘေဂျင်းမှာ တွေ့တဲ့အခါ ဆွေးနွေးဖို့ ရည်ရွယ်ထားတယ်လို့ မစ္စတာ Biden က ပြောပါတယ်။ တရုတ်နဲ့ ဂျပန်တို့ သူပိုင်ကိုယ်ပိုင် အငြင်းပွားနေတဲ့ အရှေ့တရုတ်ပင်လယ်ထဲက ကျွန်းတွေအပေါ် အကျုံးဝင်နေတဲ့ လေကြောင်းရန် ကာကွယ်ရေးဇုန်ကို တရုတ်က ပြီးခဲ့တဲ့လက သတ်မှတ်ခဲ့ပါတယ်။
အဲဒီဇုန်ကို ဖြတ်ပြီး ပျံသန်းတဲ့ လေယာဉ်တွေမှန်သမျှ ဘယ်ကလာတဲ့ လေယာဉ်ဖြစ်တယ်၊ ပျံသန်းမှု အစီအစဉ်တွေက ဘာတွေလဲဆိုတာကို ပြောရမယ်လို့ တရုတ်အစိုးရက တောင်းဆိုထားပါတယ်။
VOA
0 comments:
Post a Comment