အဆိုပါ ခရီးစဉ်များကို စစ်ကိုင်းတိုင်းဒေသကြီးနှင့် ချင်းပြည်နယ် ခရီးစဉ်များအပြီး ဇန်နဝါရီ တတိယပတ်အတွင်း စတင်မည် ဖြစ်ကြောင်း ၎င်းက ထပ်မံပြောဆိုသည်။
“လူထု တွေ့ဆုံပွဲတွေကို လွှတ်တော်နားတဲ့ အချိန်တွေနဲ့ ညှိပြီး လုပ်သွားမှာပါ” ဟု ၎င်းကဆိုသည်။
ကရင်ပြည်နယ် ခရီးစဉ်ကို ဇန်နဝါရီ ၁၈ ရက်နေ့မှ ၁၉ ရက်အထိ သွားရောက်မည် ဖြစ်ပြီး ဘားအံမြို့နှင့် လှိုင်းဘွဲ့မြို့များတွင် လူထုတွေ့ဆုံပွဲ ပြုလုပ်မည် ဖြစ်ကြောင်း၊ ရှမ်းပြည်နယ် ခရီးစဉ်ကို ဇန်နဝါရီ ၂၅ နှင့် ၂၆ တွင် သွားရောက်မည် ဖြစ်ပြီး နမ့်ဆမ်မြို့၊ မိုးနဲမြို့နှင့် လင်ခေးမြို့များသို့ သွားရောက်မည် ဖြစ်ကြောင်း NLD ပါတီမှ သိရသည်။
ဒေါ်အောင်ဆန်းစုကြည်သည် ဇန်နဝါရီ ၆ ရက်နေ့မှ စတင်ကာ စစ်ကိုင်းတိုင်းဒေသကြီးနှင့် ချင်းပြည်နယ်သို့ သွားရောက်မည် ဖြစ်ပြီး ကလေးမြို့နှင့် ဟားခါးမြို့ များတွင် အခြေခံဥပဒေဆိုင်ရာ လူထုတွေ့ဆုံပွဲများ ပြုလုပ်မည် ဖြစ်ကြောင်း NLD ပါတီက ထုတ်ပြန် ကြေညာထားသည်။
ထို့အပြင် ဒေါ်အောင်ဆန်းစုကြည်သည် ဒီဇင်ဘာ တတိယပတ်အတွင်း ၎င်း၏ မဲဆန္ဒနယ်ဖြစ်သော ရန်ကုန်တိုင်းဒေသကြီး ကော့မှူးမြို့နယ်နှင့် ပဲခူးတိုင်းဒေသကြီး သာယာဝတီ မြို့နယ်တို့တွင် အခြေခံဥပဒေ ပြင်ဆင်ရေး အတွက် ဒေသခံလူထုနှင့် တွေ့ဆုံကာ မိန့်ခွန်း ပြောကြားခဲ့သည်။
The Voice Weekly
0 comments:
Post a Comment