တရုတ်နိုင်ငံတောင်ပိုင်း ဝမ်နင်းမြို့မှာ ပြီးခဲ့တဲ့သီတင်းပတ်က မိုးသည်းထန်ခဲ့တဲ့အတွက် လယ်မြေတွေ နဲ့ လမ်းတွေ ရေလွှမ်းမိုးခဲ့ပြီး ဒေသခံ အယောက် ၅ သောင်းလောက် ရေကြီးမှု ဒဏ်ခံခဲ့ရပါတယ်။
ဟိုင်နန်ပြည်နယ် ဝမ်နင်းမြို့မှာ ရွာတွေ၊ မြို့နယ်တွေ အတော်များများ ရေကြီးခဲ့လို့ ဒေသခံ လယ်သမားတွေ အကြီးအကျယ် ဆုံးရှုံးမယ်လို့ ခန့်မှန်းထားပါတယ်။
လမ်းပေါ်မှာ ရေက ၁ မီတာလောက် မြင့်နေလို့ ရွာသားအများအပြား သောင်တင် နေပါတယ်။
ဒေသခံအာဏာပိုင်တွေကတော့ အောက်တိုဘာ ၂၆ ရက်နေ့က ပိတ်မိနေတဲ့ လူအယောက် ၃ ထောင်ကျော်ကို နေရာရွှေ့ပြောင်းပေးခဲ့ပြီးပြီလို့ ပြောပါတယ်။
ဝမ်ချန်မြို့မှာလည်း ဆောက်လက်စ အဆောက်အဦ ပထမထပ်ထိ ရေတွေ တက်လာလို့ မီးသတ်သမားတွေက ဆောက်လုပ်ရေးလုပ်ငန်းခွင်ထဲက လုပ်သား ၅ ယောက်ကို ကယ်ခဲ့ရပါတယ်။
နာရီဝက်အတွင်း ရေတွေ တက်လာပြီး ပထမထပ် မြုပ်သွားလို့ အချိန်မီ မထွက်နိုင် ဖြစ်ခဲ့တာလို့ လုပ်သားတွေက ပြောပါတယ်။
မိုးဟာ အောက်တိုဘာ ၂၇ ရက်နေ့မှာ အားပျော့သွားတယ်လို့ ဟိုင်နန်နယ်မိုးလေဝသအာဏာပိုင်တွေက ပြောပါတယ်။
DVB
0 comments:
Post a Comment