သဘာဝဘေးအန္တရာယ် ကျရောက်ခြင်းနှင့် စပ်လျဉ်း၍ ရွေးကောက်ပွဲရွှေ့ဆိုင်းရန် အကြောင်းမရှိဟု ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ ပြောကြား

သဘာဝဘေးအန္တရာယ် ကျရောက်ခြင်းနှင့် စပ်လျဉ်း၍ ဖွဲ့စည်းပုံအခြေခံဥပဒေတွင် ရွှေ့ဆိုင်းနိုင်သည်ဟု ပြဋ္ဌာန်းထားသော်လည်း ယခုဖြစ်စဉ်မှာ ရွေးကောက်ပွဲကျင်းပမည့် နေ့ရက်နှင့် ရက်ပေါင်း ၉၀ ခန့် ဝေးကွာသေးသဖြင့် ရွေးကောက်ပွဲ ရွှေ့ဆိုင်းရန် အကြောင်းမရှိပါကြောင်း ပြည်ထောင်စု ရွေးကောက်ပွဲကော်မရှင်ဥက္ကဋ္ဌ ဦးတင်အေးက ကုလသမဂ္ဂ၏ မြန်မာနိုင်ငံ လူ့အခွင့်အရေး အခြေအနေဆိုင်ရာ အထူးအစီရင်ခံစာ တင်သွင်းသူ မစ္စရန်ဟီလီနှင့် အဖွဲ့အား သြဂုတ် ၆ ရက် နံနက် ၁၀ နာရီခွဲတွင် နေပြည်တော်ရှိ ပြည်ထောင်စုရွေးကောက်ပွဲ ကော်မရှင်ရုံး၌ လက်ခံတွေ့ဆုံစဉ် ပြောကြားခဲ့ကြောင်း ပြန်ကြာရေး ၀န်ကြီးဌာန၏ သတင်းထုတ်ပြန်ချက်အရ သိရသည်။
ထိုသို့တွေ့ဆုံရာတွင် ပြည်ထောင်စုရွေး ကောက်ပွဲကော်မရှင် ဥက္ကဋ္ဌက ၂၀၁၅ ခုနှစ် အထွေထွေ ရွေးကောက်ပွဲအတွက် ဆောင်ရွက်နေမှုများ၊ လွှတ်တော်ကိုယ်စားလှယ်လောင်း တင်သွင်းမှုအခြေအနေ၊ ဆက်လက်ဆောင်ရွက်မည့် လွှတ်တော်ကိုယ်စားလှယ်လောင်း အမည်စာရင်း စိစစ်ကြေညာခြင်း၊ မဲဆွယ်စည်းရုံးခြင်း လုပ်ငန်းတို့နှင့် စပ်လျဉ်း၍ ရှင်းလင်းပြောကြားရာ မစ္စရန်ဟီလီက အခြေခံမဲစာရင်း အမှားများ၊ သဘာဝဘေးအန္တရာယ် ကျရောက်နေသည့် ဒေသများရှိ မဲဆန္ဒရှင်များ မဲစာရင်းကြည့်ရှု ပြင်ဆင်ရန် အခက်အခဲ၊ ၎င်းဒေသများအား ရွေးကောက်ပွဲရွှေ့ဆိုင်းရန် ရှိ မရှိ၊ နယ်မြေအေးချမ်းမှု မရှိသော ဒေသများတွင် ရွေးကောက်ပွဲ ကျင်းပနိုင်မည့် အခြေအနေ၊ ကြိုတင်မဲပေးခြင်းကိစ္စ၊ စစ်ဘေးရှောင် စခန်းများရှိ မဲဆန္ဒရှင်များ မဲပေးနိုင်ရေး ဆောင်ရွက်ထားရှိမှု၊ တပ်ဧရိယာအတွင်းရှိ မဲရုံများသို့ ရွေးကောက်ပွဲ စောင့်ကြည့်လေ့လာသူများ ၀င်ရောက်ကြည့်ရှုခွင့် ရှိ မရှိ၊ ယာယီသက် သေခံလက်မှတ်များ သိမ်းဆည်းပြီးနောက် ထုတ်ပေးသည့် အစိမ်းရောင်ကတ် ကိုင်ဆောင်ထားသူများ ဆန္ဒမဲပေးခွင့် ရှိ မရှိတို့အား မေးမြန်းခဲ့သည်။
ထိုသို့မေးမြန်းမှုအား ပြည်ထောင်စု ရွေးကောက်ပွဲကော်မရှင် ဥက္ကဋ္ဌက မဲစာရင်းနှင့် စပ်လျဉ်း၍ အခြေခံ မဲဆန္ဒရှင်စာရင်းကို ၂၀၁၅ ခုနှစ် နှစ်စပိုင်းမှစတင်၍ လေးကြိမ်ကပ်ထား ကြေညာခဲ့ကြောင်း၊ ကော်မရှင်အနေဖြင့် မဲစာရင်း မှန်ကန်ရေးအတွက် ဆောင်ရွက်နေပြီး အခြေခံမဲစာရင်းများ ရှိထားပြီးဖြစ်ကြောင်း၊ မဲစာရင်းမှားရုံဖြင့် မဲပေးခွင့် မဆုံးရှုံးကြောင်း၊ မဲပေးခွင့်ရှိသူ အမှန်ဖြစ်ကြောင်း တာဝန်ခံ ပြောကြားသူရှိလျှင် ပြင်ဆင်ရေးမှတ်၍ မဲပေးခွင့်ပြုရမည်ဟု လွှတ်တော်ရွေးကောက်ပွဲ နည်းဥပဒေများ ၅၀ (ဂ) တွင် အတိအလင်း ပြဋ္ဌာန်းထားပါကြောင်း၊ ကော်မရှင်အနေဖြင့် မဲစာရင်းတွင် ပါရှိသည့် မဲဆန္ဒရှင်များအား မဲဆန္ဒရှင် သက်သေခံ လက်မှတ်များ ထုတ်ပေးရန် ဆောင်ရွက်ထားသဖြင့် မှတ်ပုံတင်၊ အိမ်ထောင်စုစာရင်း ပျောက်ဆုံးသော်လည်း မဲဆန္ဒရှင် သက်သေခံလက်မှတ်ဖြင့် မဲပေးနိုင်အောင် ဆောင်ရွက်ထားကြောင်း၊ တစ်နိုင်ငံလုံး အတိုင်းအတာ အနေဖြင့် ရွေးကောက်ပွဲ ကျင်းပနိုင်ရေးအတွက် မဲဆန္ဒနယ်မြေများ သတ်မှတ်ကြေညာထားပြီး ဖြစ်ပါကြောင်း ပြောကြားသည်။
ဖွဲ့စည်းပုံအခြေခံဥပဒေတွင် နယ်မြေလုံခြုံရေးအခြေ အနေအရ လွတ်လပ်မျှတသော ရွေးကောက်ပွဲ ကျင်းပရန် မဖြစ်နိုင်ပါက ရွှေ့ဆိုင်းနိုင်သည်ဟု ပြဋ္ဌာန်းထားပါကြောင်း၊ လုံခြုံရေးအရ မဲဆန္ဒနယ်တစ်ခုလုံးအား ရွှေ့ဆိုင်းခြင်းမပြုဘဲ မဲဆန္ဒနယ် တစ်နယ်အတွင်း ရွေးကောက်ပွဲ ကျင်းပနိုင်သည့် ရပ်ကွက်/ကျေးရွာ အုပ်စုများတွင် ကျင်းပပေးပြီး လူထုကိုယ်စားလှယ်များ ရွေးကောက်တင်မြှောက်နိုင်ရေး ဆောင်ရွက်သွားမည် ဖြစ်ပါကြောင်း ပြောကြားသည်။
ကြိုတင်မဲနှင့်ပတ်သက်၍ အစိုးရ၏ ခွင့်ပြုချက်ဖြင့် နိုင်ငံပြင်ပရောက် မဲဆန္ဒရှင်များ၊ မဲဆန္ဒနယ် ပြင်ပရောက် ဆေးရုံတက်၊ သင်တန်းတက်များ အနေဖြင့် ကြိုတင်ဆန္ဒမဲ ပေးလိုပါက ပုံစံ (၁၅) ဖြင့် တောင်းခံရမည် ဖြစ်ကြောင်း၊ ကြိုတင်မဲပေးသူ စာရင်းကိုပြုစုပြီး သက်ဆိုင်ရာ မဲရုံများတွင် ကြေညာထားမှာ ဖြစ်ကြောင်း၊ မဲရုံပိတ်ချိန် ညနေ ၄ နာရီတွင် ကြိုတင်ဆန္ဒမဲ လက်မှတ်များအား ရေတွက်ပြီး ညနေ ၄ နာရီ နောက်ပိုင်းရောက်ရှိသော ကြိုတင်ဆန္ဒမဲများအား ရေတွက်ခြင်းမပြုဘဲ ပယ်မဲအဖြစ် သတ်မှတ်ရန် နည်းဥပဒေတွင် ပြင်ဆင်ပြဋ္ဌာန်းထားပြီး ဖြစ်ကြောင်းလည်း ၎င်းက ဆက်လက်ပြောကြားသည်။
စစ်ဘေးရှောင်စခန်းရှိ မဲဆန္ဒရှင်များ မဲပေးနိုင်ရေးနှင့် စပ်လျဉ်း၍ စခန်းရှိစာရင်းများတွင် မူလနေထိုင်ရာဒေသ စာရင်းများ ရှိပါကြောင်း၊ ၎င်းဒေသများအလိုက် အုပ်စုခွဲ၍ သက်ဆိုင်ရာ ကိုယ်စားလှယ်များအား မဲပေးနိုင်ရေး ဆောင်ရွက်နိုင်ပါကြောင်း၊ သို့မဟုတ် ၎င်းတို့အနေဖြင့် ရက်ပေါင်း ၁၈၀ ကျော်လွန် နေထိုင်ပါက ပုံစံ (၃-က) ဖြင့် လျှောက်ထားပြီး ရောက်ရှိဒေသမှ ကိုယ်စားလှယ်ကိုလည်း မဲပေးရွေးချယ်နိုင်ပါကြောင်း၊ ၎င်းနှစ်ချက်အနက် မဲဆန္ဒရှင်၏ ဆန္ဒအတိုင်း ဆောင်ရွက်စေမည် ဖြစ်ကြောင်း ပြည်ထောင်စုရွေးကောက်ပွဲ ကော်မရှင်ဥက္ကဋ္ဌက ပြောကြားသည်။
တပ်ဧရိယာအတွင်းရှိ မဲရုံများသို့ ရွေးကောက်ပွဲ ကိုယ်စားလှယ်များ၊ မဲရုံကိုယ်စားလှယ်များ၊ ရွေးကောက်ပွဲ စောင့်ကြည့်လေ့လာသူများ၊ မီဒီယာများကို ၀င်ခွင့်ပြုရန်နှင့် ခွင့်မပြုနိုင်ပါက တပ်ဧရိယာပြင်ပတွင် မဲရုံဆောက်လုပ်ရန် တပ်မတော်နှင့် ညှိနှိုင်းထားပြီး ဖြစ်ပါကြောင်း၊ ဥပဒေအရ နိုင်ငံသား၊ ဧည့်နိုင်ငံသား၊ နိုင်ငံသားပြုခွင့်ရသူများကိုသာ မဲပေးခွင့်ပြုထားပါကြောင်း၊ ယခုထုတ်ပေးထားသော အစိမ်းရောင်ကတ်မှာလည်း မဲပေးခွင့်ပြုခြင်း၊ မပြုခြင်းကို ဥပဒေအရ ပြဋ္ဌာန်းထားခြင်းမရှိ၍ မဲပေးခွင့်ပြု၍ မရကြောင်း၊ ကော်မရှင်အနေဖြင့် ဥပဒေအရသာ ဆောင်ရွက်ခွင့်ရှိကြောင်း ပြည်ထောင်စုရွေးကောက်ပွဲ ကော်မရှင်ဥက္ကဋ္ဌက ဆိုသည်။
Credit To >>> Eleven Media Group