ကိုယ်စားလှယ်လောင်း ၁၀၀ ကျော် ရွေးကောက်ပွဲ ၀င်ရောက်ယှဉ်ပြိုင်ခွင့် ပယ်ချခံရ

မကြာမီ ကျင်းပမည့် အထွေထွေရွေးကောက်ပွဲ တွင် ၀င်ရောက်ယှဉ်ပြိုင်ရန် လျှောက်ထားသူ
ကိုယ်စားလှယ်လောင်း ၆,၀၀၀ ကျော်အနက် ၁၀၀ ကျော်ကို ပြည်ထောင်စုရွေးကောက်ပွဲ
ကော်မရှင်က ပယ်ချလိုက်သည်။

စက်တင်ဘာလ ၁၁ ရက်နေ့က ထုတ်ပြန်လိုက်သည့် ပြည်ထောင်စုရွေးကောက်ပွဲ ကော်မရှင်၏
ကိုယ်စားလှယ်လောင်းအတည်ပြုစာရင်းအရ နိုဝင်ဘာလ ၈ ရက်နေ့ ကျင်းပမည့် ရွေးကောက်ပွဲတွင်
ယှဉ်ပြိုင်ရန် မူလ လျှောက်ထားသည့် ကိုယ်စားလှယ်လောင်း ၆,၁၈၉ ဦးအနက် ၆,၀၆၅
ရွေးချယ်ခံရပြီး ၁၂၄ ယောက် ပယ်ချခံလိုက်ရခြင်းဖြစ်သည်။
ပယ်ချခံလိုက်ရသည့် ၁၂၄ ယောက်အနက် အများစုမှာ ရန်ကုန်တိုင်းဒေသကြီးနှင့်
ရခိုင်ပြည်နယ်တို့မှဖြစ်သည်။
အမျိုးသား ဒီမိုကရေစီအဖွဲ့ချုပ်က ရှစ်ဦး၊ အမျိုးသား ဒီမိုကရေစီ အင်အားစုပါတီက သုံးဦး၊
ရှမ်းတိုင်းရင်းသားများ ဒီမိုကရက်တစ်ပါတီက နှစ်ဦး၊ ဒီမိုကရေစီနှင့် လူ့အခွင့်အရေးပါတီက ၁၆ ဦး၊
အမျိုးသား ဖွံ့ဖြိုးတိုးတက်ရေးနှင့် ငြိမ်းချမ်းရေး ပါတီက ခြောက်ဦး၊ အမျိုးသား ဖွံ့ဖြိုးတိုးတက်ရေး
ဒီမိုကရက်တစ်ပါတီက ငါးဦး အပြင် တစ်သီးပုဂ္ဂလ ကိုယ်စားလှယ်များလည်း ပါဝင်သည်။
ပယ်ချခံရသည့် အဓိက အကြောင်းပြချက်မှာ လွှတ်တော်ရွေးကောက်ပွဲဆိုင်ရာ ဥပဒေ ပုဒ်မ ၈ (က)
နှင့် ၁၀ (င)အရ ဖြစ်သည်။
ပြည်သူ့ လွှတ်တော်၊ အမျိုးသားလွှတ်တော်နှင့် ပြည်နယ်နှင့် တိုင်းဒေသကြီး လွှတ်တော်
ရွေးကောက်ပွဲဆိုင်ရာ ဥပဒေပုဒ်မ ၈ (က)အရ လွှတ်တော် ကိုယ်စားလှယ်လောင်းအဖြစ်
အမည်စာရင်း တင်သွင်းသည့်အချိန်တွင် ပြည်သူ့လွှတ်တော်အတွက် အသက် ၂၅ နှစ် ပြည့်ပြီးသူ၊
အမျိုးသားလွှတ်တော်နှင့် ပြည်နယ်နှင့် တိုင်းဒေသကြီးအတွက် အသက် ၃၀ နှစ်ဟု
သတ်မှတ်ထားပြီး ကိုယ်စားလှယ်အဖြစ် ရွေးကောက်တင်မြှောက်ရသည့် အချိန်နှင့် မြန်မာနိုင်ငံတွင်
တစ်ဆက်တည်း အနည်းဆုံး ၁၀ နှစ် အခြေချနေထိုင်ခဲ့သူ ဖြစ်ရမည်ဟု ဖော်ပြထားသည်။
ထို့ပြင် ပုဒ်မ ၁၀ (င)အရ ကိုယ်စားလှယ်လောင်း၏ မိဘများမှာ ၎င်းမွေးဖွားသည့် အချိန်တွင်
နိုင်ငံသား မဖြစ်ပါက ရွေးကောက်တင်မြှောက်ခွင့် မရှိစေရဟု ပြဋ္ဌာန်းထားသည်။
"ပါတီက စုစုပေါင်း ရှစ်ယောက်ပယ်ခံရတယ်။ အဓိက မြန်မာနိုင်ငံမှာနေတာ ၁၀ နှစ်
တစ်ဆက်တည်းမဖြစ်တာရယ်၊ နောက်သူ မွေးတဲ့အချိန်မှာ မိဘတွေက နိုင်ငံသား မဖြစ်ဘူးလို့
ယူဆခံရတဲ့ အတွက်ပါ။ သက်ဆိုင်ရာ ကော်မတီတွေမှာတော့ အားလုံးအတွက် အယူခံဝင်တယ်။
ဒါပေမဲ့ နောက်ဆုံး ပယ်ချခံလိုက်ရတာပဲ"ဟု အမျိုးသား ဒီမိုကရေစီအဖွဲ့ချုပ်မှ
ဗဟိုအလုပ်အမှုဆောင်အဖွဲ့ဝင် ဦးဝင်းထိန်က ပြောသည်။
ကိုယ်စားလှယ်လောင်းအများစု ပယ်ချခံရသည့် ပါတီမှာ ဒီမိုကရေစီနှင့် လူ့အခွင့်အရေးပါတီဖြစ်ပြီး
အမည်စာရင်း တင်သွင်းသည့် ကိုယ်စားလှယ်လောင်း ၁၇ ယောက်အနက် ၁၆ ယောက်
အပယ်ခံရပြီး ရန်ကုန်တိုင်းဒေသကြီးလွှတ်တော်အတွက် တစ်ဦးသာ ယှဉ်ပြိုင်ခွင့်ရသည်။
ထို့ပြင် အမျိုးသား ဖွံ့ဖြိုးတိုးတက်ရေးနှင့် ငြိမ်ချမ်းရေးပါတီမှာလည်း ကိုယ်စားလှယ်လောင်းအားလုံး
ပယ်ချခံခဲ့ရသည်။
"ကျွန်တော့်ပါတီက ခြောက်ယောက်တင်တာ ခြောက်ယောက်စလုံး အပယ်ခံရတယ်။ အဓိက
အချက်က မိဘတွေက မွေးတဲ့အချိန်မှာ နိုင်ငံသား မဖြစ်လို့ဆိုပြီး ကော်မရှင်က
အကြောင်းပြန်ပါတယ်။ ကျွန်တော်တို့ ပြည်နယ်အဆင့်မှာကော၊ ဗဟိုအဆင့်အထိ
ဥပဒေကြောင်းအရ အယူခံဝင်ပါတယ်။ အခု တော့အချိန်ကုန်၊ လူပမ်း ဖြစ်တာပေါ့" ဟု
ပါတီ ဥက္ကဋ္ဌ ဦးဇော်မင်းက ပြောသည်။
မွတ်စလင်အများစု ပါဝင်သည့် ၎င်းတို့ ပါတီနည်းတူ အခြားပါတီများမှ
ကိုယ်စားလှယ်လောင်းများလည်း ပယ်ချခံရမှုများ ရှိနေရာ ကော်မရှင်၏ ဆုံးဖြတ်ချက်မှာ
ဥပဒေကြောင်းအရ မဟုတ်ဘဲ အစိုးရ၏ မူဝါဒပေါ်တွင် မူတည်နေသည်ဟု ယူဆမိကြောင်း
ဦးဇော်မင်းက ပြောသည်။
သို့သော် ကိုယ်စားလှယ်အများစုကို ပယ်ချခဲ့သည့် ရခိုင်ပြည်နယ် မောင်တောမြို့နယ် ရွေးကောက်ပွဲ
ကော်မရှင်အရာရှိ ဦးဆန်းဝင်းထွန်းကမူ ကော်မရှင်အနေဖြင့် ကိုယ်စားလှယ်လောင်းများ
စစ်ဆေးရာတွင် လူမျိုးရေး၊ ဘာသာရေးကို အခြေခံခြင်းမရှိဘဲ ဥပဒေကြောင်းအရသာ
ရွေးချယ်ခဲ့ခြင်းဖြစ်သည်ဟု ပြောသည်။
"မကျေနပ်ဘူးဆိုရင် တစ်ပတ်အတွင်း ဥပဒေကြောင်းအရ ပြည်နယ်ကို အယူခံဝင်နိုင်ပါတယ်။
အယူခံ အဆင့်ကတော့ ပြည်နယ်ကပဲ ဆုံးဖြတ်တာ ဖြစ်တဲ့အတွက် ဒါတွေကလည်း အဆင့်ဆင့်
စစ်ဆေးပြီးမှ အတည်ပြု ပေးလို့ ရတာမျိုးပါ" ဟု ဦးဆန်းဝင်းထွန်းက ပြောသည်။
မူလက သတ်မှတ်ထားသည့် မဲဆန္ဒနယ် ၁,၁၇၁ အနက် ၁၂ နေရာအတွက် ယှဉ်ပြိုင်ရန်
အမည်စာရင်း တင်သွင်းထားခြင်း မရှိသဖြင့် အတည်ပြု စာရင်းတွင် ပါဝင်သည့်
ကိုယ်စားလှယ်လောင်းများသည် ၁,၁၅၉ နေရာအတွက်သာ ယှဉ်ပြိုင်ကြရမည်ဖြစ်သည်။
၎င်းမဲဆန္ဒနယ်များအနက် ရှမ်းပြည်နယ်တွင် ကိုယ်စားလှယ်လောင်း အများဆုံး ယှဉ်ပြိုင်ခြင်းဖြစ်ပြီး
ဒုတိယ အများဆုံးမှာ ရန်ကုန်တိုင်းဒေသကြီးဖြစ်သည်။

Credit To >>>  Myanmar Times