မြန်မာဈေးကွက်ကို ဦးတည်လာနေသော ကိုရီးယားရေစီးကြောင်း

တစ်ယောက်နှင့်  တစ် ယောက် မတည့်ကြသော    အဖေတူအမေကွဲ ညီအစ်မနှစ်ယောက်၏ စင်ဒရဲလားပုံပြင်ဇာတ်လမ်း၊ အတိတ်မေ့နေသည့် အမျိုးသမီးတစ်ဦး၏ အချစ်ဇာတ်လမ်းတို့သည် မြန်မာဈေးကွက်ကို ကိုရီးယား ဇာတ်လမ်းတွဲများ ပိုမိုလွှမ်းမိုးဖို့အတွက် ကိုရီးယားနိုင်ငံ၏ ပထမဆုံးခြေလှမ်း ဖြစ်ပါလိမ့်မည်။

တောင်ကိုရီးယား ယွန်ဟပ် သတင်းဌာန၏ အဆိုအရ တောင် ကိုရီးယားယဉ်ကျေးမှု၊ အားကစားနှင့်ခရီးသွားဝန်ကြီးဌာနသည် ကိုရီးယားနိုင်ငံတကာ ယဉ်ကျေး မှု ဖောင်ဒေးရှင်းနှင့်ပူးပေါင်းပြီး မြန်မာနိုင်ငံကို ကိုရီးယားရုပ်သံ ဇာတ်လမ်းတွဲများ အခမဲ့ပေးမည် ဟု သိရသည်။

အစပိုင်းမှာ အဆိုပါရုပ်သံ ဇာတ်လမ်းများကို မြန်မာအစိုးရ ပိုင် မြန်မာ့အသံနှင့် ရုပ်မြင်သံ ကြားကနေ ထုတ်လွှင့်မည်ဖြစ် သည်။ ဇာတ်လမ်းတွဲနှစ်ခုဖြစ် သည့် "A Thousand Days' Promise" နှင့် "Cinderella's Sister" ရသစုံလင်အောင် ရိုက်ကူး ထားသော ပရိသတ်စွဲငြိစေမည့် ဇာတ်လမ်းများဖြစ်ပါသည်။ သည် ရုပ်သံဇာတ်လမ်းတွဲများသည် မြန်မာပရိသတ်များကို ဖြေဖျော် ရေးအပြင် တောင်ကိုရီးယားနိုင်ငံ အပေါ် သဘောကျအထင်ကြီး လာအောင် ဆွဲဆောင်အားပေး ထားသည်။ ထို့အပြင် ကိုရီးယား နိုင်ငံထုတ်ကုန်များကိုလည်း ပိုပြီး လိုချင်စိတ်ပေါက်လာနိုင်သည်။

သည်အချက်က တရုတ် နိုင်ငံမှာလည်း ပြုလုပ်ခဲ့သည့် သဘောတရားအတိုင်းဖြစ်သည်။ တရုတ်နိုင်ငံမှာ ကိုရီးယားဇာတ် လမ်းများက အလွန်ကိုလူကြိုက် များလှသည်။ ၂၀၁၄ ကပြသခဲ့ သော ရုပ်သံဇာတ်လမ်းတစ်ခုထဲ က ကြက်ကြော်နှင့် ဘီယာသည် တစ်ပြည်လုံးကို အုတ်အုတ်ကျက် ကျက်ဖြစ်စေပြီး ဘေဂျင်းမြို့က ကိုရီးယားကြက်ကြော်ဆိုင်များမှာ လူတွေ သုံးနာရီခန့် တန်းစီစောင့် ဝယ်ခဲ့ကြ၏။

နောက်ထပ်ပြောစမှတ်တွင် စရာ ဥပမာတစ်ခုမှာ ကိုရီးယား နိုင်ငံက ယောက်ျားလေးလူငယ် တေးဂီတအဖွဲ့ စူပါဂျူနီယာသည် တရုတ်နိုင်ငံက ရုပ်သံအစီအစဉ် တစ်ခုမှာ Ryeo ခေါင်းလျှော်ရည် ကို သုံးပြလိုက်ရာ တရုတ်နိုင်ငံ ၌ အဆိုပါခေါင်းလျှော်ရည်၏ ရောင်းအားမှာ ပြီးခဲ့သည့်နှစ်က ထက် ၆၃၀ ရာခိုင်နှုန်း ထိုးတက် သွား၏။ ကိုရီးယားမှာလည်း ရောင်းအား ၃၀၀ ရာခိုင်နှုန်းကျော် တက်သွား၏။ ထုတ်လုပ်သူကုမ္ပ ဏီက ပြောကြားရာတွင် တောင် ကိုရီးယားကို လာလည်သော တရုတ်ခရီးသွားများက ဝယ်ယူ ခြင်းဖြစ်သည်ဟု ဆိုသည်။

များသောအားဖြင့် ကိုရီးယား၏ ပြည်ပပို့ကုန်အများစုမှာ ကျ ဆင်းနေသော်လည်း ကိုရီးယား အနုပညာယဉ်ကျေးမှုကို သဘော ကျခြင်းက မိတ်ကပ်နှင့် အလှ ကုန်ပစ္စည်းများ ပြည်ပတင်ပို့မှုကို မြင့်တက်စေသည်။

တောင်ကိုရီးယားနိုင်ငံ ဆိုးလ်မြို့က Myeongdong နှင့် Apgujeong ဈေးဝယ်ဧရိယာများ ကိုလာသော လူသုံးပုံနှစ်ပုံကျော် သည် ကိုရီးယားဇာတ်လမ်းတွဲများ နှင့် ကေပေါ့ပ်စတားများကြောင့် ကိုရီးယားအလှကုန်များကို စိတ် ဝင်စားသဖြင့် လာရောက်ခြင်းဖြစ် သည်ဟု မကြာသေးမီက နိုင်ငံ ခြားသားများကို ပြုလုပ်ခဲ့သော စစ်တမ်းများအရ သိရသည်။ အဆိုပါစစ်တမ်းကို ပြုစုသူ ဟန် ယန်တက္ကသိုလ် ပါမောက္ခက-

‘‘ကိုရီးယားယဉ်ကျေးမှုကို စိတ်ဝင်စားမှု (ဒါမှမဟုတ်) ကိုရီး ယားရေစီးလှိုင်းက မိတ်ကပ်အလှ ကုန်လုပ်ငန်း ဖွံ့ဖြိုးမှုနဲ့ တိုက်ရိုက် ပတ်သက်မှုရှိပါတယ်’’

ကိုရီးယားရေစီးကြောင်းကို ကျယ်ကျယ်ပြန့်ပြန့်သုံးသပ်ရ လျှင် သည်အချက်သည် စီးပွား ရေးနှင့် ယဉ်ကျေးမှုဆက်စပ်နေ ခြင်းဟု နိုင်ငံရေးသိပ္ပံပညာရှင် ဂျိုးဆက်ဖ်ညဲ၏ ဆောင်းပါးတစ် ပုဒ်မှာ ဖော်ပြခဲ့သည်။

‘‘ကိုရီးယားပေါ်ပြူလာစတား တွေကို တစ်ခါတလေ ကိုရီးယား ထုတ်ကုန်တွေနဲ့ ကိုယ်စားလှယ် တွေအဖြစ် ရွေးချယ်ခန့်အပ်လိုက် တာက ကိုရီးယားထုတ်ကုန် အမှတ်တံဆိပ်တွေကို ဖက်ရှင်ပို ဖြစ်အောင်၊ လူကြိုက်များလာ အောင် ကူညီပေးတယ်။ ဒါထက် ကျယ်ကျယ်ပြန့်ပြန့်တွေးရရင် ကိုရီးယားယဉ်ကျေးမှုဟာ ကုန် ပစ္စည်းတစ်ခုလို ဖြစ်လာပြီး ကျော် ကြားတဲ့ ယဉ်ကျေးမှုကို တိုင်း ပြည်ရဲ့ စူပါအမှတ်တံဆိပ်တစ်ခု လို ပြည်ပကို ပို့ဆောင်ပေးတယ်’’

ကိုရီးယားရေစီးကြောင်းကို

မြန်မာသို့ယူလာခြင်း

မြန်မာနိုင်ငံမှာလည်း ကိုရီး ယားမင်းသား၊ မင်းသမီးများကို အားပေးသူ ပရိသတ်များရှိလာ အောင်၊ သူတို့သုံးသည့် အလှကုန် တွေကို သုံးချင်လာအောင် ဖန်တီးခြင်းဖြင့် ကိုရီးယားက သည်နည်း ကိုပင် အသုံးချဖို့ ကြံစည်နေသည်။

သည်အစီအစဉ်က ကိုရီး ယားအတွက် အသစ်အဆန်း တော့ မဟုတ်ပါ။ သည်ကိစ္စနှင့် ပတ်သက်ပြီး "What is Love" ဆိုသည့် ကိုရီးယားဇာတ်လမ်းကို ကန်တုံတရုတ်စကား စာတန်းထိုး ပြီးပြရန် သူ၏အထက်လူကြီးများ ကို တင်ပြခဲ့သည့် ဝန်ထမ်းတစ်ဦး ကို ကိုရီးယားရုပ်ရှင်တေးဂီတ ပရိသတ်များနှင့် တတ်သိပညာရှင်များက အသိအမှတ်ပြုကြ သည်။ ထိုဇာတ်လမ်းကို ဟောင် ကောင်မှာပြသောအခါ ရုပ်သံ ကုမ္ပဏီအတော်များများက ဘာ သာပြန်ခကို မသုံးချင်ပါ။ ရုပ်သံ တစ်ခုကပဲ ဘာသာပြန်စာတန်း ထိုးပြဖို့ ကြည်ကြည်ဖြူဖြူလက်ခံ ခဲ့သည်။ ထိုကနေပဲ ကိုရီးယား ဇာတ်လမ်းတွဲများ၏ အသွင် အပြင်လှုပ်ရှားမှု ဖြစ်လာစေခဲ့ သည်။

ထိုကဲ့သို့ ဘာသာပြန်ရန် စီစဉ်ခဲ့သည့် ချွန်အင်ဂျွန်းဆိုသည့် အမျိုးသားကို အွန်တီဟွန်ဆို သည့် စာရေးဆရာမတစ်ဦးက မေးမြန်းပြီး ကိုရီးယားက အကောင်းဆုံးအရာ မွေးဖွားလာခြင်းဆိုသည့် စာအုပ်ကို ရေးသားခဲ့၏။ ထိုစာအုပ်မှာ ယင်းကဲ့သို့တရုတ် စကား စာတန်းထိုးခြင်းကြောင့် "What is Love" ဇာတ်လမ်း ဘယ်လောက် နာမည်ကြီးသွား ရသလဲ ဆိုသည့်အကြောင်းကို အောက်ပါအတိုင်း ရေးသားခဲ့ သည်။

‘‘ဒီဒေသမှာ အဲဒီဇာတ်ကား က အရမ်းကိုလူကြိုက်များတယ်။ အဲဒီဇာတ်လမ်းပြတဲ့ ကြာသ ပတေးနဲ့ စနေနေ့ညနေတွေမှာ ဆိုရင် လမ်းတွေပေါ်မှာ ကားရော လူတွေရော ရှင်းနေတာပဲ။ လူ တိုင်းက အိမ်ပြန်ပြီး အဲဒီကားကို ကြည့်ကြတယ်’’

မြန်မာကလည်း သည်လို အနေအထားမှာ ရှိကောင်းရှိနေ ပြီး ဖြစ်ပါလိမ့်မည်။ ကိုရီးယား ယဉ်ကျေးမှုဝန်ကြီးဌာနတာဝန်ရှိ သူတစ်ဦးက ပြောကြားရာ၌ မြန်မာနိုင်ငံမှာ လတ်တလောတွင် ကိုရီးယားဇာတ်လမ်းတွဲ ဆယ်ကား အထက်ကို နေ့စဉ်ပြသလျက်ရှိ သည်ဟု ဆိုသည်။ ထို့ကြောင့် မြန်မာနိုင်ငံ ရုပ်သံများက လွှင့် ထုတ်သမျှ ဇာတ်လမ်းကိုးဆယ် ကျော်သည် ကိုရီးယားဇာတ်လမ်း တွဲများဟု တွက်ဆနိုင်ပါသည်။ သို့သော် ကိုရီးယားကားများ အပေါ်  ဈေးကွက်လိုအပ်ချက် မြင့်နေသေးသည့်အတွက် ကိုရီးယား နိုင်ငံတကာယဉ်ကျေးမှု ဖောင် ဒေးရှင်းက မြန်မာကို သူတို့၏ အစီအစဉ်အသစ်အတွက် စမ်း သပ်မှုတစ်ခုအဖြစ် ရွေးချယ်လိုက် ပါသည်။

သည်အစီအစဉ်အောင်မြင် ပါလျှင် တောင်ကိုရီးယားယဉ် ကျေးမှုဝန်ကြီးဌာနနှင့် ကိုရီးယား နိုင်ငံတကာ ယဉ်ကျေးမှုဖောင် ဒေးရှင်းက ကိုရီးယားအခမဲ့ ရုပ်သံဇာတ်လမ်းများကို အခြားနိုင်ငံခြား ဈေးကွက်သစ်များသို့ ဆက်လက် ဖြန့်ချိသွားမည်ဖြစ်ပါသည်။

နိုင်ငံတကာအသိုင်းအဝိုင်း နှင့် မကြာသေးမီက ပြန်လည် ပေါင်းစည်းလာသည့် မြန်မာနိုင်ငံ တွင် အစပိုင်း၌ လက်ဦးမှု ရထားပါက အနာဂတ်မှာ ကြီးမားသော အကျိုးအမြတ်ရှိလာနိုင်မည်ဖြစ် သည်။ ၂၀၁၃ ကတည်းက မြန်မာနိုင်ငံ၏ ဂျီဒီပီသည် တစ်နှစ်ကို ၈ ရာခိုင်နှုန်းကျော် တက်လာသည်။ ၂၀၁၆ တွင်မူ ၈ ဒသမ ၄ရာခိုင်နှုန်းထိ တက်လာမည်ဟု အိုင်အမ်အက်ဖ်ခေါ် ကမ္ဘာ့ငွေကြေးရန်ပုံငွေအဖွဲ့က ခန့်မှန်းထားသည်။ ကိုရီးယားကလည်း သည်ကြီးပွားတိုးတက်မှု အကျိုး အမြတ်အချို့ကို ရချင်နေသည်။ ကိုရီးယားရေစီးကြောင်းက ကိုရီးယားထုတ်ကုန်များကို ကမ္ဘာတစ် ဝန်းလုံးသို့ သယ်ဆောင်ပေး နိုင်သရွေ့ သည်ကိုရီးယားရုပ်သံ အစီအစဉ်သစ်က မြန်မာများဆီကို ရော၊ သူတို့၏ ပိုက်ဆံအိတ်များထဲကိုရော ကိုရီးယားထုတ်ကုန်များ ကို စိတ်ဝင်စားမှုပါ ရရှိနိုင်မည် ဖြစ် သည်။

Credit To >>> 7 Day Daily