ဇီကာဗိုင်းရပ်စ်ကူးစက်ခံရသော ကိုယ်ဝန်ဆောင် မိခင်မှ Microcephaly ဟုခေါ်သည့် မွေးရာပါ ဦးခေါင်းသေး၊ ဦးနှောက်သေးငယ်သည့် ကလေးများမွေးဖွားလာသည်ဟု သုတေသနများကဆိုသော်လည်း အခြားကူးစက် ရောဂါများနှင့် ပတ်ဝန်းကျင်အ ဆိပ်သင့်မှုများကြောင့်လည်း ဖြစ်တတ်ကြောင်း ၎င်းကဆိုသည်။
‘‘ဇီကာကြောင့်လား တခြား ရောဂါကူးစက်ခံရလို့လားဆိုတာ လေ့လာဆန်းစစ်ဖို့ လိုပါတယ်။ မွေးရာပါ ဦးခေါင်းသေးမွေးလာရ တဲ့အကြောင်းရင်းတွေက အများ ကြီးပါ။ မိခင်ဝမ်းတွင်းမှာရှိနေစဉ် ရောဂါတစ်ခုခုကူးစက်ခံရရင် ဥပမာ ဂျိုက်သိုးတို့၊ ရေယုန်တို့၊ Tox-oplasmosis (ကပ်ပါးပိုး)စသဖြင့် ဒါတွေကြောင့်ပဲ ဖြစ်နိုင်တယ်။ နောက်မျိုးရိုးဗီဇပုံမမှန်တာ၊ အရက်ကြောင့်၊ ဆေးတစ်ခုခုကြောင့်လည်း ဖြစ်တတ်လို့ ကျွန်မတို့ အဘက်ဘက်က ဆန်းစစ်ဖို့လိုအပ်တယ်’’ဟု သားဖွား၊မီးယပ်အ ထူးကုဆရာဝန်ကြီးဒေါက်တာရင်ရင်စိုးက ပြောသည်။
ကမ္ဘာပေါ်တွင် လေ့လာတွေ့ရှိချက်များအရ ဦးခေါင်းသေးကလေးငယ်မွေးဖွားနှုန်းသည် ပုံမှန်အားဖြင့် အရှင်မွေးကလေးတစ် သောင်းလျှင် နှစ်ဦးအထိပါတတ်ကြောင်း ဇီကာဗိုင်းရပ်စ်ကူးစက်ခံ ရသည့် ဘရာဇီးနိုင်ငံတွင် ဦးခေါင်းသေး ကလေးမွေးဖွားနှုန်းသည် အဆ ၂၀ လောက်အထိ တက်သွားပြီး ၂၀၁၅ နှစ်ဝက်အတွင်း ယင်းရောဂါသံသယရှိ ကလေးငယ်ဦး ရေ ၃,၀၀၀ ကျော် မွေးဖွားလာ ကြောင်း သိရသည်။
မွေးဖွားလာမည့် ကလေး၌ ဦးခေါင်းသေးသည့် ချို့ယွင်းချက်ရှိ၊မရှိ ကိုယ်ဝန်ဆောင်စဉ်ဒုတိယ သုံးလ၏နောက်ဆုံးကာလ (သို့မဟုတ်)တတိယသုံးလအတွင်း အာထရာဆောင်းဖြင့် စမ်းသပ်ဖော်ထုတ်နိုင်ကြောင်း၊ သို့သော်လည်း အချို့သောသူများတွင် မွေးဖွားသည့်အ ချိန်ကျမှ သိရခြင်းလည်းရှိကြောင်း WHO Myanmar မှ တာဝန်ရှိသူ ဒေါက်တာမျိုးလွင်က ဆိုသည်။
‘‘ဇီကာဗိုင်းရပ်စ်ကြောင့် ဦး ခေါင်းသေးငယ်တဲ့ ကလေးမွေး ဖွားမှုက သုတေသနပြုချက်တွေအ ရ ၁ ရာခိုင်နှုန်းကနေ ၁၃ ရာခိုင်နှုန်းအထိ ဖြစ်နိုင်ခြေရှိတယ်။ တချို့နိုင်ငံတွေမှာ ဇီကာဗိုင်းရပ်စ် ပိုးဝင်တယ်။ ခေါင်းသေးတာမဖြစ် ဘူး။ တချို့နိုင်ငံကျတော့လည်း ဖြစ်တဲ့သူရဲ့ ၁၃ ရာခိုင်နှုန်းဆိုတာ လည်း မနည်းလှဘူး။ ပုံမှန်ကလေး ရဲ့ ဦးခေါင်းလုံးပတ်က ၃၃ စင်တီ မီတာလောက်ရှိတယ်။ ၃၂ စင်တီ မီတာထက်ငယ်နေရင် ဦးခေါင်း သေးတယ်ပေါ့။ ဆရာတို့နိုင်ငံအ နေနဲ့ ဦးခေါင်းသေးတဲ့ ကလေးတွေ မွေးဖွားလာရင် မှတ်ပုံတင်ပြီး သု တေသနပြုလုပ်ဖို့ လိုပါတယ်။ ဘာကြောင့် ဖြစ်တာလဲဆိုတာကို ဇီကာက တခြားအာရုံကြောချို့ ယွင်းတဲ့ရောဂါတွေ၊ ပိုလီယိုရောဂါတွေနဲ့လည်း ဆက်နွှယ်မှုရှိတယ်ဆို တော့ မြန်မာနိုင်ငံမှာလည်း သေ ချာ Record လုပ်ပြီး သုတေသန လုပ်ဖို့ လိုပါတယ်’’ဟု ကလေးအ ထူးကုဆရာဝန်ကြီး ပါမောက္ခ ဒေါက်တာစောဝင်းက ပြောသည်။
Credit To >>> 7 Day Daily
0 comments:
Post a Comment