လုံခြုံရေးမြင့်လှပါတယ်ဆိုတဲ့ ယနေ့ခေတ် ဘယ်ဖုန်းမျိုးမကိုမဆို ဖုန်းထဲကအချက်အလက်တွေ ဖောက်ထွင်းရယူနိုင်တယ်လို့ Cellebrite လို့ ခေါ်တဲ့ အစ္စရေးကုမ္ပဏီတစ်ခုက BBC ကို ထုတ်ဖော်ပြောကြားလိုက်ပါတယ်။
အဆိုပါ Cellebrite ကုမ္ပဏီဟာဆိုရင် ရဲတပ်ဖွဲ့အတွက် သံသယရှိပြစ်မှုကျူးလွန်သူတွေ အသုံးပြုတဲ့ မိုဘိုင်းဖုန်းတွေဆီက ဒေတာအချက်အလက်တွေ ကူညီရယူပေးနေတဲ့ ကုမ္ပဏီတစ်ခုလည်းဖြစ်ပါတယ်။ဒါ့အပြင် ယခုနှစ်အစောပိုင်းက အမေရိကန်က ဆန်ဘာနာဒီနို သေနတ်သမား အသုံးပြုခဲ့တဲ့ iPhone ကို FBI အတွက် ကူညီဖောက်ထွင်းပေးထားခဲ့တယ်လို့ သတင်းတွေ ထွက်ရှိခဲ့ပါသေးတယ်။
ဒါပေမယ့်လည်း လက်ရှိအချိန်မှာတော့ အာဏာချုပ်ကိုင်ဖိနှိပ်တဲ့ အစိုးရ နိုင်ငံတွေက ရဲတပ်ဖွဲ့တွေအတွက် ယင်းနည်းပညာတွေ ကူညီပံ့ပိုးပေးနေသလားဆိုတဲ့ မေးခွန်းကိုတော့ Cellebrite ကုမ္ပဏီက ဖြေကြားမသွားခဲ့ပါဘူး။
နည်းပညာလောကထဲ ရောက်ရှိနေတဲ့ မိုဘိုင်းဖုန်းအမျိုးအစားတော်တော်များများကို ဖောက်ထွင်းဝင်ရောက်ပြီး အချက်အလက်တွေ ရယူနိုင်စွမ်းရှိတယ်လို့ ယင်းကုမ္ပဏီရဲ့ တာဝန်ရှိသူတစ်ဦးဖြစ်တဲ့Ben-Moshe က ဆိုပါတယ်။
ကုမ္ပဏီမှာဆိုရင် လုပ်ငန်းနဲ့ပတ်သက်ပြီးတော့ အကြီးဆုံးသောသုတေသနနဲ့ ဖွံ့ဖြိုးရေးအဖွဲ့တစ်ခုလည်း ရှိနေပြီးတော့ ယနေ့ခေတ်ပြောင်းလဲတိုးတက်နေတဲ့ နည်းပညာနဲ့ အမှီလိုက်ကာ လုပ်ဆောင်နေလျက်ရှိတယ်လို့ ၎င်းက ပြောပါတယ်။
ဒါပေမယ့်လည်း ယခုလို ဖုန်းတွေကို အချက်လက်ဖောက်ထွင်းရယူနိုင်စွမ်းရှိတယ်လို့ ပြောပေမယ့်လည်း မိမိတို့ ကုမ္ပဏီအနေနဲ့ နိုင်ငံတကာစည်းမျဉ်းဥပဒေတွေအောက်မှာပဲ လည်ပတ်လုပ်ဆောင်နေတာဖြစ်တယ်လို့လည်း ၎င်းက ပြောပါတယ်။
လက်ရှိအချိန်မှာတော့ များစွာသော မိုဘိုင်းဖုန်းကုမ္ပဏီတွေဟာဆိုရင် ယင်းတို့ထုတ်ကုန်ပစ္စည်းတွေရဲ့ လုံခြုံရေးအတွက် နည်းပညာတွေ တိုးတက်ထုတ်လုပ်ဖန်တီးထားနေတဲ့အချိန်မှာ ယင်းလိုမျိုး လုံခြုံမှုပိုင်း အလုံးစုံတိုးမြင့်ထားတာက ပြစ်မှုကျူးလွန်သူတွေနဲ့ အကြမ်းဖက်သမားတွေကို ထိန်းသိမ်းစစ်ဆေးနိုင်မယ့် အရေးကနေ ကူညီရှောင်ရှားစေနိုင်လျက်ရှိကြောင်းလည်း ဗြိတိန်နဲ့အမေရိကန်က ဥပဒေစိုးမိုးရေးအေဂျင်စီက ပြောကြားထားပါတယ်။
Credit To >>> SFJ Strategy First Journal
28.9.16
မိုဘိုင်းဖုန်းတွေထဲက မည်သည့်အချက်အလက်မဆိုဖောက်ထွင်းရယူနိုင် တယ်လို့ FBI အတွက် iPhone ကိုhack လုပ်ပေးခဲ့တယ်ဆိုတဲ့ ကုမ္ပဏီပြော
Subscribe to:
Post Comments (Atom)
0 comments:
Post a Comment