ပြည်ပသို့ ဆန်တင်ပို့မှု ယခင်နှစ်ကာလတူထက် တန်ချိန်တစ်သိန်းကျော် ကျဆင်း

ယခုဘဏ္ဍာနှစ်အစ ဧပြီ မှ စက်တင်ဘာ လကုန်အထိ ပြည်ပနိုင်ငံများသို့ ဆန်တန်ချိန် ငါးသိန်းကျော်တင်ပို့ထားပြီး ပြီးခဲ့ သည့် ဘဏ္ဍာနှစ်ကာလတူတွင် ပို့ ထားသည့် ပမာဏနှင့်နှိုင်းယှဉ်ပါ က တန်ချိန်တစ်သိန်းကျော်လျော့ နည်းနေကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီး ဌာနမှ သတင်းရရှိသည်။

ယခုနှစ် ခြောက်လတာ အတွင်း ဆန်တင်ပို့ခြင်းမှ ကန် ဒေါ်လာ ၁၇၇ သန်းရရှိထားပြီး ယခင်နှစ်က ကန်ဒေါ်လာ ၂၄၁ သန်းရရှိသဖြင့် ကန်ဒေါ်လာသန်း ၆၀ ကျော် လျော့နည်းနေကြောင်း စီးပွားကူးသန်းဝန်ကြီးဌာန ညွှန်ကြားရေး မှူးတစ်ဦးကပြောကြားသည်။

‘‘တရုတ်ဘက်က ဆန်အ ဖမ်းအဆီးရှိတဲ့အတွက် တင်ပို့တာ လျော့သွားတယ်။ လတ်တလော မှာ မူဆယ်ဘက်က ဆန်အရောင်း အ၀ယ်မရှိဘူး’’ ဟု ၎င်းက ပြောကြားသည်။

ပြည်ပနိုင်ငံများသို့ ဆန်စပါး အပါအ၀င် လယ်ယာထွက်ကုန် တင်ပို့ခြင်းမှ ကန်ဒေါ်လာ ၁ဒသမ ၃ ဘီလီယံကျော် ရရှိထားပြီး ပြည်ပနိုင်ငံများသို့ ပို့ကုန်တင်ပို့ ခြင်းမှ အမေရိကန်ဒေါ်လာ ၅ ဒသမ ၅ ဘီလီယံကျော်ရရှိထား ကာ ပြီးခဲ့သည့် ဘဏ္ဍာနှစ် တစ် နှစ်လုံးတွင် ပြည်ပနိုင်ငံများသို့ လယ်ယာထွက်ကုန်ပစ္စည်း ကန် ဒေါ်လာ ၂ ဒသမ ၅ ဘီလီယံဖိုး တင်ပို့ထားခဲ့သည်။

မြန်မာနိုင်ငံတွင် တစ်နှစ်လျှင် ဆန်တန်ချိန် ၁၃ သန်းခန့်ထွက်ရှိပြီး ပြည်တွင်း စားသုံးမှုမှာရှစ်သန်းခန့်ရှိကာ ငါးသန်းခန့် ပိုလျှံနေကြောင်း စီးပွားကူးသန်း ၀န်ကြီးဌာနမှ ကောက်ယူထားသည့် စာရင်းအရသိရသည်။

ယခု ဘဏ္ဍာနှစ်ခြောက်လ တာအတွင်း ပြည်ပနိုင်ငံများနှင့် ကန်ဒေါ်လာ ၁၃ ဘီလီယံခန့် ကုန် သွယ်ထားကြောင်း ၀န်ကြီးဌာန စာရင်းများအရသိရသည်။

Credit To >>> 7 Day Daily