နိုဝင်ဘာအတွင်း ကမ္ဘာ့ ရွှေဈေးနှင့် နိုင်ငံခြား ငွေလဲနှုန်း မြင့်တက်လာခြင်းကြောင့် ပြည် တွင်းရွှေဈေးလည်း ပြန်လည် မြင့် တက်လာကြောင်း သတင်းရရှိ သည်။
စက်တင်ဘာလကုန်က ပြည်တွင်းရွှေဈေးသည် အခေါက်ရွှေတစ်ကျပ်သားလျှင် ကျပ်ကိုးသိန်းကျော် မြင့်တက်ပြီးနောက်အောက်တိုဘာအတွင်း ကျပ်ရှစ်သိန်းခန့်သို့ ပြန်လည်ကျဆင်းခဲ့သည်။ ထို့နောက် နိုဝင်ဘာ ၅ ရက်တွင် ကျပ်ရှစ်သိန်းကိုးသောင်းခန့်သို့ ပြန်လည် မြင့်တက်လာခြင်းဖြစ်သည်။
ပြည်တွင်းအခေါက်ရွှေဈေး သည် စက်တင်ဘာနှင့် အောက် တိုဘာ နှစ်လအတွင်း ကျပ်ငွေ တစ်သိန်းခန့် အပြောင်းအလဲဖြစ် ပြီး ရွှေဈေးကွက် အတက်အကျ အများဆုံး ကာလတစ်ခု ဖြစ် ကြောင်း ဦးထုံရွှေဆိုင် အထွေ ထွေ မန်နေဂျာ ဦးမော်က ပြော ကြားသည်။
‘‘ကမ္ဘာ့ရွှေဈေးက အမြင့်ဆုံးနှုန်း တစ်အောင်စကို ၁,၃၀၅ ဒေါ်လာဖြစ်နေတယ်။ နောက်ပြီး ဒေါ်လာငွေလဲနှုန်းက တစ်ဒေါ်လာကို တစ်ကျပ်တက်တိုင်း ရွှေတစ်ကျပ်သားကို ကျပ် ၆၅၀ ဈေးတက်နေတယ်။ ဒါကလည်းဈေးတက်ရခြင်းရဲ့ အကြောင်းပါ’’ဟု ဦးမော်က ပြောသည်။
ရွှေဈေးအတက်၊ အကျများ နေခြင်းကြောင့် ဝယ်ရောင်းလုပ် ကိုင်သူများသာ အရောင်းအဝယ် လုပ်ပြီး သာမန်ဝယ်ယူသူများ မရှိ ကြောင်း ရွှေအရောင်းအဝယ်သမား ဦးဆန်းမောင်က ပြောသည်။
‘‘ရွှေက ငွေရှိမှ ဝယ်ကြတဲ့ ပစ္စည်းပေါ့။ ဒါကြောင့်တက်လည်း တက်ဈေးနဲ့ ရောင်းကြတယ်။ ဝယ်ကြတယ်။ ကျလည်း ဒီလိုပဲ။ ဒါကြောင့် ဈေးအတက်အကျက ရွှေလောကကို သိသိသာသာ ထိ ခိုက်တာမရှိပါဘူး။ စိုးရိမ်ရမှာက ရွှေဈေးနဲ့အတူ လိုက်တက်လာတဲ့ ကုန်ဈေးနှုန်းပါ’’ဟု မန္တလေးရှိ ရွှေ ဆိုင်ပိုင်ရှင်တစ်ဦးက ပြောသည်။
သီတင်းကျွတ်၊ တန်ဆောင် တိုင်များတွင် ပြည်တွင်း ရွှေရောင်းအား ကောင်းခဲ့သော်လည်းယခုနှစ်၌ ဝယ်လိုအားနည်းနေကြောင်း ရန်ကုန်တိုင်း ရွှေလုပ်ငန်းရှင်များအသင်းအတွင်းရေးမှူး ဦးဝင်းမြင့်က ပြောသည်။
‘‘ဒီနှစ်က ရွှေဈေးတက်တာ အပြင် တောင်သူတွေရဲ့ ကောက် ပဲသီးနှံတွေ အထွက်မကောင်းတာ နဲ့ ဈေးကောင်း မရတာကြောင့် ဝယ်လိုအား နည်းတယ်လို့ ထင် တယ်။ တောင်သူလယ်သမား တွေက ရွှေဈေးကွက်ရဲ့ အဓိက ဝယ်ယူသူပါ။ သူတို့ အဆင်မပြေ တော့ အရောင်းပါးတာပါ’’ ဟု ဦးဝင်းမြင့်က ပြောသည်။
Credit To >>> 7 Day Daily
0 comments:
Post a Comment