စတုတ္ထတန်းနှင့်ပဉ္စမတန်းကျောင်းသူသုံးဦးကို မူလတန်းလွန်ကျောင်းမှ ကျောင်းဆရာက သားမယားပြုကျင့်ရန်ကြံစည်ကြောင်း မိဘများက သိရှိပြီးနောက် ရဲစခန်းတွင် အမှုဖွင့်တိုင်ကြားခဲ့သည်။
မန္တလေးတိုင်းဒေသကြီး သပိတ်ကျင်းမြို့နယ် ဖုန်းကုန်းကျေးရွာအုပ်စုအင်ပျံကျေးရွာမူလတန်းလွန်ကျောင်းတွင် ဖြစ်ပွားခြင်းဖြစ်သည်။ ကျေးရွာက ငှားရမ်းထားသည့် အသက် (၂၃) နှစ်အရွယ် ဆွဲခန့်ဆရာက ကလေးများအား ယခုကဲ့သို့ ကြံစည်နေခြင်းကိုကျောင်းမသွားချင်ဖြစ်နေသော သမီးများအား မေးကြည့်ရာမှ မိဘများက သိရှိခြင်းဖြစ်ကြောင်း သတင်းရရှိသည်။
စတုတ္ထတန်းကျောင်းသူက ကျောင်းမတက်လိုကြောင်း မ ကြာခဏ ပြောဆိုနေ၍ မိခင်က မေးမြန်းရာ ယင်းဆရာက ဆရာများ နားနေခန်းသို့ခေါ်ပြီး သားမယားပြုကျင့်ရန် ကြံစည်သဖြင့် ထွက်ပြေးခဲ့ရကြောင်းကလေး ငယ်က ပြန်လည်ပြောပြခဲ့သည်ဟု သိရသည်။
အဆိုပါကိစ္စနှင့်ပတ်သက်၍ မြို့နယ် ပညာရေးမှူးရုံးက အ ကြောင်းကြားလာခြင်း မရှိသေး ကြောင်း မန္တလေးတိုင်းဒေသကြီး ပညာရေးမှူးရုံးက ပြောကြား သည်။
‘‘ဒီဇင်ဘာ ၂၆ ရက်အထိ တော့ အကြောင်းကြားလာတာမ ရှိသေးဘူး။ ကျေးရွာက ခန့်ထား တာဖြစ်တဲ့အတွက် ကျွန်တော်တို့ နဲ့တော့မဆိုင်ပါဘူး။ မှုခင်းဆိုင်ရာ အရ ရဲကပဲဆောင်ရွက်သွားမှာ ဖြစ်ပါတယ်’’ဟု မန္တလေးတိုင်းဒေ သကြီး ပညာရေးမှူးရုံး စီမံဌာနမှ တာဝန်ရှိသူတစ်ဦးကပြောသည်။
ဆွဲခန့်ဆရာက ပဉ္စမတန်း ကျောင်းသူနှစ်ဦးကိုလည်း နားနေ ခန်းတွင် သားမယားကျင့်ရန်ကြံ စည်ခဲ့သည်ဆိုကာ မိဘများက အမှုဖွင့်ထားပြီး စွပ်စွဲခံရသူကို လည်း ဖမ်းဆီးစစ်ဆေးလျက်ရှိ သည်။
ပြီးခဲ့သည့် နိုဝင်ဘာကလည်း မိတ္ထီလာမြို့နယ်တွင် အခြေခံပညာမူလတန်းကျောင်းမှ ကျောင်းဆရာတစ်ဦးက တတိယတန်းနှင့် စတုတ္ထတန်း ကျောင်းသူ ၁၂ ဦးကို မဖွယ်မရာပြုလုပ်သည်ဟုဆို ကာ မိဘအုပ်ထိန်းသူများက အမှု၁၂ မှုဖွင့်လှစ်တိုင်တန်းမှု ဖြစ်ပွားခဲ့သည်။
Credit To >>> 7 Day Daily
0 comments:
Post a Comment