ပြင်သစ်ထွင်တို့ထွင်သော စတန့် Parkour

ပြင်သစ်နိုင်ငံသား ဗီယက်နန် စစ်ပြန် Raymond Belle စထွင်တဲ့ အားကစား ဖြစ်ပါတယ်။ သူတစ်ယောက်တည်းရယ်လို့ မဟုတ်ပဲ သူ့သားနဲ့ အဖွဲ့ဝင်များ ပူးပေါင်းလို့ ဖန်တီးပြီး ၁၉၉၀ နောက်ပိုင်းမှာ Parkour ဟာ ကမ္ဘာကျော် စတန့်အားကစား တစ်ခု ဖြစ်လာပါတယ်။ ယခုဆိုရင် ယင်း အားကစားနည်းကို ပြင်သစ်စစ်တပ်၊ အမေရိကန် စစ်တပ်၊ ဗြိတိန် စစ်တပ်အပြင် အခြား ဥရောပနိုင်ငံများရှိ မရိန်း-စစ် သင်တန်း လေ့ကျင့်ရေးမှာ Course တစ်ခုအနေနဲ့ သင်ကြားနေပြီ ဖြစ် ပါတယ်။

၁၉၃၉ ခုနှစ် ဗီယက်နမ်နိုင်ငံဖွား ပြင်သစ်-ဗီယက်နမ် ကပြား စစ်သား Raymond Belle အနေနဲ့ စခန်းမှာ ညတိုင်း တိတ်တိဆိတ် လေ့ကျင့်တဲ့ အားကစား တစ်ခု ဖြစ်ပါတယ်။

စစ်ဒဏ်ကြားမှာ အသက်ရှင်နိုင်ဖို့ သူတတ်နိုင်တဲ့ နည်းလမ်းနဲ့ လေ့ကျင့်ယူခြင်း ဖြစ်ပြီး စစ်တပ်ထဲ က လေ့ကျင့်ရေးကွင်းကိုပဲ အသုံးပြုခဲ့ပါတယ်။ ၁၉၅၄ ခုနှစ်တော့ ပြင်သစ်ပြန်ရောက်ပြီး လေးနှစ်ကြာ စစ်ပညာထပ်လေ့လာ သင်ယူပြီးနောက် ပြင်သစ်မီးသတ်ထဲ ဝင်ပါတယ်။ ပြင်သစ် မီးသတ်မှာ တာဝန် ထမ်းဆောင်နေတုန်း သူလေ့ကျင့်ခဲ့တဲ့ Parkour စတန့်အားကစားကို အသုံးပြု ပါတယ်။ ဒါကြောင့် ဘယ်သူမှမဝင်ရဲတဲ့ တိုက်ခန်း၊ မတက်ရဲတဲ့ နံရံ၊ မငြိမ်းရဲတဲ့မီး တို့ကို ဝင်ရောက်ငြိမ်းသတ်ပြီး မီးဘေးဒုက္ခသည်အများအပြား ကိုလည်း ကယ်ဆယ်ခဲ့ပါတယ်။ ဒါကြောင့်ပဲ သူ့ကို ဆုတံဆိပ် အများအပြား ချီးမြင့်ခဲ့ပါတယ်။ ၁၉၇၅ ရောက်တော့ မီးသတ်ကထွက်ပါတယ်။ သုံးနှစ်သားရှိပြီဖြစ်တဲ့ David Belle တစ်ဦးလည်းရှိလာပါပြီ။ David တစ်ယောက် လူပျိုဘဝရောက် လာတော့ ယင်း Parkour ပညာရပ်ကို သင်ကြားပေးပါတယ်။ ရှိရင်းစွဲ ထက် ဖော်မြူလာ အသစ်များ ထုတ်ပါတယ်။ သူတို့နှစ်ဦး တည်းမဟုတ်ပါဘူး။ နောက်ထပ် စတန့်အားကစားသမား၊ ရုပ်ရှင်မင်းသား ဖြစ်တဲ့ Sébastien Foucan အပြင် အခြားသော အဖွဲ့ဝင် အချို့ လည်း ပါဝင်ပါသေးတယ်။ ဒီလိုနဲ့ ၁၉၉၀ ကျော်နောင်းပိုင်းမှာ Parkour အမည်ရ စတန့်အားကစားဟာ မသိသူ မရှိရလောက်အောင် အနောက်တိုင်းမှာ ရေပန်းစားသွားပါတယ်။ ယင်းနဲ့ပက်သက်ပြီး ရုပ်ရှင်၊ မှတ်တမ်းဗီဒီယိုများ ရိုက်ကူးပါတယ်။

B13 အမည်ရ ရုပ်ရှင်မှာ Parkour ကိုတွေ့မြင်နိုင်ပါတယ်။ Parkour မှတစ်ဆင့် Freerunning အားကစားလည်း ထပ်ပေါ်ပေါက်လာပါတယ။် Parkour ပေါ်မှာ ပြန်လည်အခြေခံထားခြင်း ဖြစ်ပြီး တစ်ခါခါဆို အတူတူပဲလို့တောင် မှတ်ယူထားကြပါတယ်။ Prince of Persia, Taxi, Dhoom 3 တို့မှာလည်း ယင်းစတန့်များ မြင်တွေ့ ရမှာ ဖြစ်ပါတယ်။ ယင်း ပညာကို စတင်တီထွင်တဲ့ အဖွဲ့က ဆရာများ ဖြစ် သွားပါပြီ။ အမေရိကန် မရိမ်းတပ်မှလည်း ကြေးစား အနေနဲ့ ခေါ်ယူပြီး သူတို့ စစ်သားတွေကို လေ့ကျင့်ပေးစေပါတယ်။ ဗြိတိန်ကလည်း ခေါ်ပါတယ်။ ပြင်သစ် စစ်တပ်မှာကတော့ သင်ယူအဖြစ် အသုံးပြုတာ အတော်ကြာပြီ ဖြစ်ပါ တယ်။ အားကစားပွဲအနေနဲ့ကတော့ ပြင်သစ်မှာ လူငယ်များ စုဖွဲ့လို့ ကျင်းပတာပဲ ရှိပါတယ်။ Parkour က သာမန်လူ တစ်ယောက် ပြေးတာလောက်နဲ့ မလုံ လောက်ပါဘူး။ အတားအဆီး အပိတ်အဆို့များကို အချိန်တိုအတွင်း လျင်လျင်မြန်မြန် ကျော်ဖြတ်ခြင်း ဖြစ်ပါတယ်။

တိုက် ၃ လွှာကနေ ခုံချလို့တောင် ရတဲ့ ပညာတစ်မျိုး ဖြစ်ပါတယ်။ တိုက်ပေါ်မှာ တစ်ဆင့်ပြီး တစ်ဆင့် ပင့်ကူလူသားလိုပဲ ခုန်ပျံသွားလာနေတာကို မြင်တာနဲ့တင် အတော်လေး ကြည့်ကောင်းပါတယ်။ အုတ်တံတိုင်း၊ နံရံ၊ လှေကား၊ တိုက်ခန်း၊ ဝရံတာ၊ စားပွဲ၊ ပန်းခြံ အစရှိသဖြင့် ဘယ်နေရာမှာမဆို အလွယ်တကူ ပြေးသွား၊ ကျော်လွှားသွားလို့ရတဲ့ ပညာတစ်ခု ဖြစ်ပါတယ်။ မတတ်ရင်တော့ အင်မတန် အန္တရာယ်များတဲ့ အားကစား ဖြစ်ပါတယ်။ အခက်အခဲ အတားအဆီးအမျိုးမျိုးကို ကျော်လွှားဖို့အတွက် ခန္ဓာကိုယ်ရဲ့  Movement ကို ပတ်ဝန်းကျင်သို့ ကူးပြောင်းလိုက်ခြင်း ပညာရပ် တစ်ခုလို့ ဆိုပါတယ်။ ယနေ့ ပြင်သစ်မှာတင်မကပဲ အနောက်တိုင်း နိုင်ငံများ မှာ လေ့ကျင့် အသုံးပြုနေပြီဖြစ်တဲ့ ကိုယ်ခံပညာရပ် တစ်ခုလည်း ဖြစ်တာမို့ ဘာသာပြန်မျှဝေပေးလိုက် ရပါတယ်။ အောက်ပါ လခ့်မှာ Parkour စတန့်သမားများ ဆော့ကစားနေမှုကို ဝင်ရောက် ကြည့်ရှု နိုင်ပါတယ်။ http://youtu.be/NX7QNWEGcNI