လွတ်လွတ်လပ်လပ်စားရတာထက် ခိုးစားရတာ အရသာပိုရှိတယ်ဆိုတဲ့ နန်းခင်ဇေယျာ

• အချက်အပြုတ်ကို ဘယ်အရွယ်လောက်ကတည်းက စပြီးတော့
ဝါသနာပါခဲ့ပါသလဲ။
- အချက်အပြုတ်က ငယ်ငယ်ကတည်းက ၀ါသနာပါတယ်။
(၈)တန်းနှစ်လောက် ကတည်းက ညီမတို့က အိမ်မှာစချက်ရတယ်ပေါ့။

• ဘ၀မှာ ပထမဆုံးစချက်ဖြစ်တဲ့ ဟင်းပွဲလေးကို
မှတ်မိသေးရင်ပြောပြပေးပါဦး။
- အဲဒီလိုမျိုးကြီးတော့ မမှတ်မိဘူး။ မနက်အစောကြီးတော့
နေ့တိုင်းချက်နေရတာ ပါပဲ။ မနက်ဆို ဈေးသွားတယ်။ ဟင်းချက်တယ်။
ဟင်းချက်ပြီးရင်ကျောင်းသွားတယ်။

• အဲဒီလို ပထမဆုံးစချက်တဲ့ဟင်းတုန်းကအရသာကရောဘယ်လိုရှိခဲ့လဲ။
- အရသာက သိပ်တော့မကောင်းဘူး။ ဒါပေမယ့်နောက်ပိုင်း
အမေသင်ပေးတော့ အဆင်ပြေသွားတယ်။

•ညီမချက်တဲ့ဟင်းတွေထဲမှာမှမိသားစုတွေရော သူငယ်ချင်းတွေပါကြိုက်တ
ဟင်းပွဲလေးဆိုရင်ဘာဟင်းပွဲဖြစ်မလဲ။
- လူကြိုက်အများဆုံးဆိုရင် ညီမချက်တာကို အများဆုံး
အိမ်က မိသားစုတွေပဲစားတယ်။ ပြောကြတာကတော့ ကြက်သားကို
ကြက်သွန်ဖြူနဲ့ ငရုတ်သီးနဲ့ချက်တဲ့ ဟင်းက အရမ်းစားလို့ကောင်းတယ်လို့
ပြောကြတာပါပဲ။ အဲဒီဟင်းက ကြက်သားကာလသား ဟင်းလိုပါပဲ။
ဒါပေမယ့် ဒီကဟင်းက ဒီမှာချက်တဲ့ဟင်းလိုတော့ မဟုတ်ဘူး
ရှမ်းပြည်မှာချက်တဲ့ ကာလသားဟင်းပုံစံပါ။

• နန်းခင်ချက်တဲ့ဟင်းတွေကို သူငယ်ချင်းတွေဖြစ်ဖြစ်၊
မိသားစုဝင်တွေဖြစ်ဖြစ် စားပြီးတော့ ကောင်းတယ်လို့
ချီးမွမ်းခံရတုန်းက ခံစားချက်ကရော။
- ပျော်တယ်ပေါ့နော်။ ညီမက ဟင်းချက်လို့ရှိရင်
လက်ဆိတ်လည်းရှိတယ်လို့လည်းပြောကြတယ်။
အဲဒီလိုမျိုးချီးမွမ်းရင်တော့ အရမ်းလည်းပျော်တယ်။
နောက်ထပ်လည်း ထပ်ပြီးတော့ ချက်ချင်နေမိတယ်။

• အချက်အပြုတ်ကို ဘယ်သူတွေဆီက ညီမက
အဓိကသင်ယူခဲ့ပါသလဲ။
- အဓိကက အဘွားသင်ပေးတယ်။ နောက် အမေတို့၊
အဖေတို့နဲ့ အဒေါ်တွေဆီကလည်း သင်ယူခဲ့ပါတယ်။

• နန်းခင်တို့က တိုင်းရင်းသူဆိုတော့ အခြား
ဟင်းဆန်းဆန်းလေးတွေဘာတွေရော ချက်စားဖြစ်လား။
- အင်းညီမတို့ဆိုရင် ပဲပုပ်ငရုတ်သီးချက်တို့၊ မျှစ်သုပ်တို့
အဲဒီလိုဟင်းတွေဆိုရင် ချက်လည်းစားဖြစ်တယ်။
ညီမတို့ဘက်မှာ နာမည်လည်းအရမ်းကြီးတယ်။

•ငယ်ငယ်တုန်းကကြိုက်ပြီး အခုမကြိုက်တဲ့ ဒါမှမဟုတ်
ငယ်ငယ်တုန်းက မကြိုက်ဘဲ အခုမှကြိုက်တဲ့ အစားအစာရောရှိလား။
- အဲဒီလိုတော့ မရှိပါဘူး။ ညီမက အစားအသောက်ဆိုရင်
အကုန်ကြိုက်ပါတယ်။

•ငယ်ငယ် အစားအသောက်နဲ့ ပတ်သက်ပြီး
အမှတ်တရအဖြစ်အပျက်လေးတွေရှိရင် ပြောပြပေးပါဦး။
ဥပမာ- တချို့ သကြားလုံးမျိုမိတာတို့၊ ကျောင်းမှာ မုန့်ခိုးစားလို့
အရိုက်ခံရတာတို့၊ ဟင်းခိုးစားတာတို့ပေါ့။
- အဲဒီလိုမျိုးတော့ ရှိခဲ့တယ်။ ညီမ ထမင်းစားနေချိန်မှာ
စကားပြောလိုက်ရင် ထမင်းလုံးက အပေါ်တက်ပြီးတော့
နှာခေါင်းထဲဝင်သွားတာမျိုး ဖြစ်ဖူးတယ်။ အဲဒီအချိန်ကျရင်
အနေရအရမ်းခက်တာပဲ။ ဘယ်လိုမှကို နေလို့မရဘူး။
အဲဒါကတော့ ဘ၀မှာ အကြောက်ဆုံးပဲ။ အခုချိန်အထိလည်း
ကြောက်တုန်းပဲ။ ဒါကြောင့် အခုထိ ထမင်းစားပြီဆိုရင်
စကားလည်း သိပ်မပြောဘူး။ ရယ်တာမျိုးလည်း မလုပ်ဘူး။
၉ တန်း၊ ၁၀ တန်းလောက်ကတည်းက စဖြစ်တာ
အခုအသက်အထိဖြစ်တုန်းပဲ။အဲဒါကိုတော့ ကြောက်တယ်။
နောက် ကျောင်းတက်တုန်းကလည်း မုန့်ဆို ခဏ၊ ခဏ
ခိုးစားတယ်။ ခိုးစားလွန်းလို့ ဆရာမတောင် မုန့်နံ့တွေရတယ်။
ဒါပေမယ့် အပြင်မှာ လွတ်လွတ်လပ်လပ် စားရတာထက်
ခိုးစားရတာအရသာပိုရှိတယ်။ (ရယ်လျက်)

• ညီမရဲ့ တစ်နေ့တာ စားသောက်မှုပုံစံလေးကရော။
- မနက်စာကိုတော့ အိပ်ရာကထထခြင်း ညီမစားတယ်။
များသောအားဖြင့် ထမင်းပဲစားဖြစ်ပါတယ်။ နေ့လယ်စာလည်း
ထမင်းပဲ။ ဘာဖြစ်လို့လည်းဆိုတော့ ညီမတို့က
နယ်မှာနေကတည်းက ထမင်းပဲ အဓိကစားဖြစ်တော့လေ။
ညစာကိုတော့ လျော့စားဖြစ်ပါတယ်။

•ညစာကိုရော မိသားစုနဲ့ အပြင်မှာထွက်စားဖြစ်သလား။
ညစာစားပြီးရင်ရော အချိုတွေဘာတွေ တည်းလေ့ရှိလား။
- ညစာကိုတော့ မိသားစုနဲ့ အပြင်မှာလည်း ထွက်စားဖြစ်ပါတယ်။
အင်း ညစာစားပြီးရင်တော့ ညီမက အသီးတွေ အမြဲစားတတ်တဲ့
အကျင့်တော့ရှိတယ်။

•ညီမ စားဖူးသမျှအစားအစာတွေထဲမှာ
တစ်သက်မမေ့လောက်အောင်ဖြစ်တဲ့
အစားအသောက်မျိုးရောရှိလား။
- အဲဒီလိုမျိုးတော့ မရှိဘူး။ ညီမက အစားအသောက်နဲ့ပတ်သက်ရင်
အကုန်လုံးကြိုက်တယ်။

•ဒါဆိုရင် ထူးထူးဆန်းဆန်းဖြစ်တယ်လို့ထင်တဲ့
အစားအသောက်ရောရှိလား။
- ထူးထူးဆန်းဖြစ်တယ်ထင်တဲ့ အစားအစာဆိုရင်
ညီမ ပြိုင်ပွဲသွားတုန်းက ဂျပန်မှာ သူတို့ကျွေးတဲ့ သားစိမ်း၊
ငါးစိမ်းတွေကို ပြောရမလိုပါပဲ။ ဒါပေမယ့် အဲဒီ
အစားအသောက်တွေကိုတော့ ညီမမကြိုက်ပါဘူး။
ဂျပန်စာတွေကို ဘယ်လိုမှစားလို့မရဘူး။

•အိမ်ကအမေတွေချက်တဲ့ ဟင်းတွေထဲမှ ဘယ်ဟင်းကိုအကြိုက်ဆုံးလဲ။
- အမေချက်တဲ့ ဟင်းတွေထဲမှာဆိုရင် ကြက်သွန်ဖြူ၊
ငရုတ်သီးဆားထောင်းကို သံပရာသီးလေးညှစ်ထားတာတို့
ပဲသီးဟင်းရည်နဲ့ ပဲပုပ်ကြော်တို့ကို ညီမအကြိုက်ဆုံးပါပဲ။

•နိုင်ငံတကာက အစားအသောက်တွေမှာဆိုရင်
ဘယ်နိုင်ငံက ဘယ်အစားအသောက်ကိုကြိုက်လဲ။
- နိုင်ငံတကာအစားသောက်တွေမှာဆိုရင်တော့
ဥရောပအစားအစာတော်တော်များများကို ကြိုက်ပါတယ်။
နောက် တုံယမ်းတို့၊ ချဉ်စပ်တို့လည်းကြိုက်ပါတယ်။

•နိုင်ငံခြားကိုရောက်နေတဲ့အချိန်မှာ ကိုယ့်နိုင်ငံက
ဘယ်အစာအစားကို လွမ်းဆွတ်တမ်းတမိပါသလဲ။
- နိုင်ငံခြားကိုရောက်လို့ရှိရင်တော့ မြန်မာပြည်က
ဝက်သားဟင်းတို့၊ ကြက်သားဟင်းတို့ကို သတိရတယ်။

•ဘ၀မှာ အမှတ်တရဖြစ်မယ့် အစားအစာရှိလား။
ဥပမာ အဲဒီအစားအစာကို စားလိုက်ရင် တစ်နေရာရာ၊
တစ်ယောက်ယောက် စသဖြင့် အမှတ်တရဖြစ်မယ့်
အစားအစာမျိုးပေါ့။
- အဲဒီလိုမျိုးတော့မရှိပါဘူး။

• နန်းခင်စားဖူးသမျှ အစားအစာတွေထဲမှာ
ဈေးကြီးပြီး မတန်ဘူးထင်တဲ့ အစားအစာ ပြောပြပါဆိုရင်။
- စားဖူးသမျှထဲမှာ ဈေးကြီးပြီးတော့ မတန်တာဆိုရင်
ဟိုတယ်တစ်ခုမှာ ညီမစားခဲ့ရတဲ့ အစားသောက်တစ်ခုပေါ့။
သူတို့ထမင်းလေးကို လေးထောင့်အတုံးလေးတုံးထားပြီး
ခွက်သေးသေးလေးထဲထည့်ထားတာ။ စားလိုက်ရင်လည်း
၂ လုပ်လောက်ပဲ စားရတယ်။ ၀လည်းမ၀ဘူး။
နောက် အစားအသောက်ဆိုရင်လည်း သေးသေးလေးတွေ။
အဲဒါကို ၁၀ ဒေါ်လာလောက်ပေးခဲ့ရတယ်။ ဒါပေမယ့်
အရသာကတော့ ကောင်းတယ်။

• စားဖူးသမျှထဲမှာ ဈေးပေါပြီးတော့ စားလို့ကောင်းတဲ့
အစားအစာဆိုရင် ဘယ်ဟာဖြစ်မလဲ။
- ဈေးပေါပေါနဲ့ စားလို့ကောင်းတာဆိုရင်တော့
သင်္ဘောသီးထောင်းလို့ပဲထင်တယ်။

• စားသောက်ဆိုင်နဲ့ အိမ်မှာဆိုရင် ဘယ်မှာပိုပြီးတော့ စားဖြစ်လဲ။
- ညီမကတော့ အိမ်မှာလည်းစားဖြစ်တယ်။
စားသောက်ဆိုင်မှာလည်း စားဖြစ်တယ်။ ဒါပေမယ့်
စားသောက်ဆိုင်မှာ ပိုစားဖြစ်ပါတယ်။

•နန်းခင်အကြိုက်ဆုံး အသီးအနှံ၊ အရွက်၊ အသား၊ ငါးတွေကို
ပြောပြပေးပါဦး။
- ညီမက အသီးအနှံဆိုရင် အကုန်လုံးနီးပါးကြိုက်ပါတယ်။
အကြိုက်ဆုံးသီးနှံ့ဆိုရင် သရက်သီး၊ နာနတ်သီးပါ။
အရွက်ထဲမှာဆိုရင်တော့ ဆူကာရွက်ကြိုက်တယ်။
ကိုက်လန်အရွက်ကြိုက်တယ်။ သားငါးတွေထဲမှာဆိုရင်
ကြက်သားကြိုက်တယ်။ ၀က်သားကိုတော့
အဆီမကြိုက်ဘူး။ ကြော်တာ ကြိုက်တယ်။

•နန်းခင်နဲ့မတည့်တဲ့ အစားအစာတွေရောရှိလား။
မကြိုက်တဲ့အစားရောရှိလား။
- အဲဒီလိုတော့မရှိဘူး။ အကုန်တည့်တယ်။ အကုန်ကြိုက်တယ်။

• အစားသောက်တစ်ခုခုကိုစားနေတုန်း အဲဒီထဲမှာ
ရွံစရာတွေဘာတွေရော တွေ့ဖူးလား။ ရွံတတ်လား။
- အင်းရွံတတ်တယ်။ အစားအသောက်စားနေတုန်း
ဘေးကနေပြီး နှပ်ချေးညှစ်တာတို့၊ နောက်
အစားအသောက်တွေထဲမှာ ဆံပင်မွေးတွေပါလာရင်တော့
လုံးဝစားလို့ မရတော့ဘူး။

•အစားသောက်စားနေတုန်း ဘေးနားက သူငယ်ချင်းတွေက
ရွံစရာတွေ ဘာတွေပြော ရင်ရော။
- အဲဒီလိုမျိုးဆိုရင်တော့ ညီမမကြိုက်ဘူး။

•အစားသောက်က နိုင်ငံတစ်နိုင်ငံ လူမျိုးတစ်မျိုးရဲ့
ယှဉ်ကျေးမှုကိုဖော်ဆောင်နိုင်တယ်လို့ ထင်မြင်မိပါသလား။
- ထင်မြင်မိပါတယ်။ မြန်မာနိုင်ငံကချက်တဲ့ဟင်းက
တခြားနိုင်ငံကချက်တဲ့ ဟင်းနဲ့မတူဘူး။ တချို့နိုင်ငံက
လူတွေဆိုရင် မြန်မာပြည်ကိုလာရင် မြန်မာအစားသောက်ကို
စမ်းပြီးတော့ စားကြည့်ကြတယ်လေ။

• အခုညီမချက်ပြတဲ့ဟင်းကို စားမယ့်ပရိသတ်များအတွက်
စကားလက်ဆောင်က။
- စမ်းပြီးတော့ လိုက်လုပ်စားကြည့်ပါလို့။
သခွားသီးကြော်ဆိုရင်လည်း လူတိုင်းလုပ်မစားတဲ့
ဟင်းထဲမှာပါတယ်လေ။ ဒီတော့ စားဖြစ်အောင်
လုပ်စားကြည့်ပါလို့ ပြောချင်ပါတယ်။

..........................
အာဂမေးမြန်းသည်

FOOD Magazine