မန်ချက်စတာယူနိုက်တက်အသင်း နှင့် ချယ်ဆီးအသင်းကတော့ အုပ်စု (ဒုတိယ) နဲ့ ရှုံးထွက်အဆင့်ကို တက်ရောက်လာတဲ့ အသင်းများ နဲ့တွေ့ဆုံမှာဖြစ်တာကြောင့်အနည်းငယ် သက်သာမှာပါ။ မန်ချက်စတာအသင်းက ဂါလာတာစရေး၊ အိုလံပီယာကော့၊ ရှော်ကေး၊ ဇင်းနစ်၊ အေစီမီလန်စတဲ့အသင်းများထဲက တသင်းသင်းနဲ့တွေ့ဆုံဖွယ်ရှိနေပြီး၊ ချယ်လ်ဆီးအသင်းကတော့ ဘိုင်ယန်လေဗာကူဆင်၊ ဂါလာတာစာရေး၊ အိုလံပီယာကော့၊ ဇင်းနစ်၊ အေစီမီလန်တို့နဲ့ တွေ့ဆုံနိုင်ဖွယ် ရှိနေပါတယ်။ ရှုံးထွက်အဆင့်မှာ တစ်နိုင်ငံတည်း ကလပ်အသင်းများ တွေ့ဆုံကြမှာမဟုတ်ပါဘူး။ အာဆင်နယ်အသင်း ၏နည်းပြ အာဆင်ဝင်းဂါးကတော့ သူ့အသင်းသည် နောက်တဆင့်တွင် အခွင့်အရေးများထပ်မံဖန်တီးနိုင်မည်ဟု ယုံကြည်ကြောင်းလည်းပြောခဲ့ပါတယ်။ "အရင် လေး၊ ငါးနှစ်တွေတုန်းက ကျွန်တော်တို့အသင်း အရမ်းခက်ခဲတဲ့ မဲခွဲမှုရလဒ်တွေ ဖြစ်ခဲ့ပါတယ်။
ဒါကြောင့်လည်း ယခုအချိန်မှာတော့ ကျွန်တော်တို့အသင်း ဟိုအရင်အချိန်က ထက်ပိုပြီး ကံကောင်းနိုင်မယ်လို့ထင်ပါတယ်၊" ဆိုပြီး အုပ်စုခွဲဝေမှု အပေါ် မျှော်လင့်ထားမှုအားပြောပြခဲ့တာပါ. ဒါအပြင် မော်ရင်ဟိုအနေကလည်း အုပ်စုပထမနေရာရထားသော်လည်း ခက်ခက်ခဲခဲကြိုးကြိုးစားစားနဲ့ ယှဉ်ပြိုင်ရမည့်အပေါ် အလွယ်တကူ လက်ခံနားလည်ထားကြောင်းကို "သေချာတာပေါ့ ကျွန်တော်တို့တတွေ အုပ်စု ပထမနဲ့ယခုအဆင့်ကို တက်လာတဲ့အသင်းကို လေ့လာကြည့်တဲ့အခါ၊ ထိုအသင်းကို သင့်အနေနဲ့ ယခုရှုံးထွက်ပွဲစဉ်တွေမှာ အနိုင်ရဖို့ ရေပန်းစားတဲ့အသင်းတစ်သင်းလို့ မြင်လိမ့်မယ်။ ဒါပေမဲ့လည်း လက်ရှိအုပ်စု ဒုတိယနဲ့တက်လာတဲ့အသင်းတွေမှာ ကျွန်တော်တို့အတွက် ခက်ခဲတဲ့ပြိုင်ဖက်ကောင်းတွေရှိတယ်။ ပြီးတော့ လိဂ်အသီးသီးကချန်ပီယံ တွေရှိတယ်။ ရုရှားချန်ပီယံ၊ ဂရိချန်ပီယံစသဖြင့် ရှိနေတယ်။ ပြီးတော့ အေစီမီလန်အသင်းရှိတယ်။ ပြီးတော့ ချန်ပီယံလိဂ်သမိုင်းကြောင်းမှာ ဆုဖလားတွေအများကြီးယူနိုင်တဲ့အသင်း ဖြစ်တာကြောင့်သူတို့အသင်းလည်း ခက်ခဲမဲ့အသင်းဖြစ်တယ်။ ရှုံးထွက်အဆင့်ကို တက်ရောက် လာတဲ့အသင်းတိုင်းဟာ နည်းဗျူဟာပိုင်းဆိုင်ရာအပြောင်းအလဲ တွေနဲ့အတူ တစ်ပွဲနဲ့တစ်ပွဲထက် ပိုမိုကောင်းမွန်စွာ ယှဉ်ပြိုင်ကစားကြမဲ့အသင်းတွေချည်းပါဘဲ။ ဒီအဆင့်မှာအသင်းတိုင်းက အမြဲတမ်း ခက်ခက်ခဲခဲနဲ့ အစွမ်းကုန်ကြိုးစားရမှာပါ။" ဆိုပြီး ပြောဆိုသွားပါတယ်။ ရှုံးထွက်အဆင့် မဲခွဲမှုများကို လာမည့်တနလာင်္နေ့မှာ ကျင်းပပြုလုပ်မည်ဖြစ်ပြီး၊ ပထမအကျော့ပွဲစဉ်များကို ဖေဖော်ဝါရီလ ၁၈ ရက် နှင့် ၁၉ ရက်နေ့တို့မှာ စတင်ကစားကြမည်ဖြစ်ပါတယ်။ ထိုနေ့မှာတော့ မဲခွဲဝေမှုရလဒ်အရ အင်္ဂလန်ပရီးမီးယားလိဂ်ကလဂ်အသင်းများ ကံကောင်းနိုင်ကြမလားဆိုတာကို စောင့်မျှော်ကြည့်ရ တော့မည်ဖြစ်၏။
Written by မိုးတိမ် (တမာမြေ)
0 comments:
Post a Comment