သေဆုံးသူတွေကို မြဝတီကို ကိုးကားပြီး ကြေးမုံက ဖော်ပြထားရာမှာတော့ ဒုတပ်ကြပ် ဇော်မင်းသိန်း (အမှတ်(၂) အခြေချ စစ်ဗျူဟာ အဖွဲ့) ကွမ်း လုံမြို့၊ တင်မင်းဇော်၊ အသက်(၂၅)နှစ် Asia World ကုမ္ပဏီ စက်မောင်း၊ သူရကျော်၊ အသက်(၂၅)နှစ် Asia World စက် မောင်းတို့ (၃)ဦး သေဆုံးပြီး ဇော်မျိုးအောင် (၂၆)နှစ်၊ (နည်းပြ၊ နတလ သင်တန်းကျောင်း၊ ကွမ်းလုံ)သည် ၀ဲခြေသလုံးရိုး ကျိုးနှင့် သက်ဇေယျာထွန်း (Asia World) လုပ်သားသည် ယာလက်မောင်း ပေါက်ပြဲ ဒဏ်ရာ ရရှိခဲ့ပါတယ်လို့ ရေးထား ပါတယ်။
အဲဒီနောက် သတင်းဖော်ပြမှုအရ ထော်လာဂျီက တစစီ လွှင့်စင်ပျက်စီးသွားပြီး ယာဉ်ပေါ်ပါလာတဲ့ ယာဉ်မောင် အမျိုးသား တဦး( စိစစ်ဆဲ) နဲ့ အမျိုးသမီး ၁ ဦးရဲ့ အလောင်းတွေကို ရှာဖွေမတွေ့သေးဘူးလို့ ကနဦးသတင်းကိုလည်း ကိုးကားဖော်ပြ ထားပါတယ်။ ဒါကြောင့် သေဆုံးသူ စုစုပေါင်း ၅ ဦး ရှိတယ်လို့ ဆိုရမှာဖြစ်ပါတယ်။
ပေါက်ကွဲမှုဟာ ဘယ်လို ပေါက်ကွဲမှုမျိုး ဖြစ်ပွားခဲ့တယ်ဆိုတာတော့ မသိရသေးပါဘူး။
အိမ့်သံစဉ်
ဧရာဝတီ
0 comments:
Post a Comment