အဆိုပါ စီမံချက်အမည်မှာ "ASEAN COST IN ONCOLOGY PROJECT" ဖြစ်ပြီး အာဆီယံနိုင်ငံများအနက် စင်ကာပူနှင့် ဘရူနိုင်းနိုင်ငံမှအပ
အခြားအာဆီယံဒေသတွင်း နိုင်ငံများအားလုံး ပူးပေါင်းလုပ်ဆောင်ခြင်းဖြစ်ကြောင်းနှင့် စီမံချက်ကာလမှာ သုံးနှစ်ဖြစ်ကြောင်း သိရသည်။
"ဒီစီမံချက်ဖြစ်လာဖို့ လွန်ခဲ့တဲ့ ၂၀၁၀ ခုနှစ်ကတည်းက အာဆီယံဒေသတွင်း နိုင်ငံတွေအားလုံး ပြင်ဆင်မှုတွေ စလုပ်ခဲ့တယ်။ အဓိကဒီစီမံချက်က အာဆီယံနိုင်ငံတွေမှာ ကင်ဆာရောဂါဖြစ်နှုန်းတွေ ဘယ်လောက်ရှိနေသလဲဆိုတာမျိုးကို လုပ်တာမဟုတ်ပါဘူး။ ကင်ဆာဝေဒနာရှင်တစ်ဦးရှိလာရင် မိသားစုရဲ့ လူမှုစီးပွားရေးအပေါ် သက်ရောက်မှုဘယ်လောက်ရှိနေသလဲ။ ငွေကြေးကုန်ကျမှု ဘယ်လောက်ရှိသလဲ။ ဘာဆေးတွေ သုံးနေကြသလဲ။ အခြားကျန်းမာရေး၊ လူမှုရေးဝန်ဆောင်မှုတွေမှာ ဘယ်လောက်အတိုင်းအတာထိ ၀န်ပိနေကြသလဲ စတာတွေကို အဓိကသုတေသနပြုလုပ်သွားမှာပါ။ နိုင်ငံတစ်နိုင်ငံချင်းစီရဲ့ လက်ရှိအခြေအနေတွေကို သုတေသနပြုလုပ်ပြီးရင် အာဆီယံဒေသတွင်းနိုင်ငံတွေ စုပေါင်းပြီး ဘာတွေဆက်လုပ်ကြမလဲဆိုတာကို ဆက်ဆွေးနွေးသွားကြမှာပါ"ဟု ဆေးသုတေသနဦးစီးဌာန (အောက်မြန်မာပြည်)၊ ASEAN COST IN ONCOLOGY PROJECT မှ အဓိကသုတေသီ ဒေါက်တာမျိုးခင်က ဆိုသည်။
သုတေသနပြုလုပ်ရာတွင် ရန်ကုန်ပြည်သူ့ဆေးရုံကြီး ကင်ဆာရောဂါဌာန၊ သွေးရောဂါဌာနနှင့် မေးရိုးခံတွင်းဌာန၊ မန္တလေးပြည်သူ့ဆေးရုံကြီး ကင်ဆာရောဂါဌာန၊ သွားဘက်ဆိုင်ရာဆေးတက္ကသိုလ် (ရန်ကုန်)၊ တပ်မတော်ဆေးရုံကြီး ကင်ဆာရောဂါဌာနမှ ကင်ဆာဝေဒနာရှင်များ အပါအ၀င်နှင့် ပုဂ္ဂလိကဆေးရုံဆေးခန်းများမှ ဝေဒနာရှင်များကိုလည်း သုတေသနပြုလုပ်ထားကြောင်းနှင့် ယင်းစီမံချက်ကို လာမည့် ၂၀၁၄ ခုနှစ်တွင် အပြီးသတ်လုပ်ဆောင်နိုင်ရန် စီစဉ်ထားကြောင်း သိရသည်။
အဆိုပါ စီမံချက်လုပ်ဆောင်နေစဉ်အတွင်း ရရှိလာသည့် ကင်ဆာရောဂါဆိုင်ရာ သုတေသနတွေ့ရှိချက်များကိုလည်း ဆေးသုတေသဦးစီးဌာန (အောက်မြန်မာပြည်)မှ ကျင်းပပြုလုပ်ခဲ့သည့် ကျန်းမာရေး သုတေသနဆိုင်ရာ ညီလာခံများတွင်လည်း ထည့်သွင်းပြသခဲ့ပြီးဖြစ်ကြောင်း သိရသည်။
လက်ရှိ မြန်မာနိုင်ငံတွင် ကင်ဆာဖြစ်ပွားသူဦးရေ နှစ်စဉ်မြင့်မားလာပြီး ခန့်မှန်းခြေလူဦးရေ တစ်သိန်းတွင် ကင်ဆာဖြစ်ပွားသူ ၁၅၀ ခန့်ရှိနေပြီး မြန်မာနိုင်ငံအပါအ၀င် ဖွံ့ဖြိုးဆဲနိုင်ငံများတွင် ကင်ဆာကြောင့် သေဆုံးသူဦးရေမှာ လူဦးရေသုံးသန်းအထက်တွင် ရှိနေကြောင်း သိရသည်။
ဦးလှထွန်းမေတ္တာရိပ်မွန်(ကင်ဆာ)ဖောင်ဒေးရှင်းတွင် တက်ရောက်ကုသနေသည့် ဝေဒနာရှင်များအား တွေ့ရစဉ် (ဓာတ်ပုံ-အိသဉ္ဇာကျော်)
Eleven Media Group
0 comments:
Post a Comment