မြန်မာသင်္ဘောသားများ ငွေကြေးကိစ္စ သတိထား ဆောင်ရွက်ရန် ကြေညာချက်ထုတ်

မြန်မာသင်္ဘောသားများ အနေနှင့် လာမည့် ဧပြီလ ၁ ရက်နေ့ မတိုင်မီအထိ ငွေကြေး ကိစ္စရပ်များကို သတိထားပြီး လုပ်ကိုင် ဆောင်ရွက်ရန် မြန်မာ့ပင်လယ်ရေကြောင်း အလုပ်သမားများအဖွဲ့ချုပ် (MMWF) က ဖေဖော်ဝါရီလ ၇ ရက်နေ့တွင် သတိပေး ကြေညာချက် ထုတ်ပြန်ခဲ့သည်။
လက်ရှိ ဆက်သွယ် လုပ်ကိုင်နေသော ဒေသခံ ကိုယ်စားလှယ်ထားရှိ ဆောင်ရွက်ခဲ့သည့် လုပ်ငန်းကိစ္စများကို ၂၀၁၄ ခုနှစ် မတ်လ ၃၁ ရက်နေ့တွင် ရပ်ဆိုင်းမည်ဟု သင်္ဘောသား အလုပ်အကိုင် ကြီးကြပ်မှုဌာနခွဲက သတင်း ထုတ်ပြန်ထားခြင်းကြောင့် လိုင်စင်အသစ် ထပ်မံ လျှောက်ထားရန် အခက်အခဲများ ရှိနေသည့် ကုမ္ပဏီများမှ ကိုယ်စားလှယ်များအနေနှင့် ငွေကြေး လိမ်လည်မှုများ ပြုလုပ်လာနိုင်ကြောင်း MMWF အထွေထွေ အတွင်းရေးမှူး (၁) ဦးရဲဝင်းထွန်းက ပြောကြားသည်။

“သင်္ဘောသား တစ်ယောက်ကို သိန်း ၂၀၊ ၂၅ ဆိုတော့ လူ ၂၀ လောက် ဆိုရင် သိန်းလေးငါးရာ။ ဒီတော့ သတ်မှတ် စည်းကမ်းချက်တွေနဲ့ မညီလို့ လိုင်စင် အသစ်မှာ ပါမလာနိုင်တဲ့ ကုမ္ပဏီတွေအနေနဲ့ သင်္ဘောသားတွေဆီက ရသလောက် ယူပြီး လုပ်ငန်းလိုင်စင် ဖျက်သိမ်းလိုက်တာမျိုး၊ ထွက်ပြေးတာမျိုးတွေ လုပ်လာနိုင်ပါတယ်။ လုပ်မယ်ဆိုရင်လည်း ဘယ်သင်္ဘောလဲ၊ ဘယ်ကုမ္ပဏီလဲ၊ ဘာတာဝန် ထမ်းဆောင်ရမှာလဲဆိုတဲ့ အထောက်အထား အပြည့်အစုံရှိမှ ပိုက်ဆံကို ပေးသင့်တယ်” ဟု ဦးရဲဝင်းထွန်းက ဆိုသည်။

လုပ်ငန်းလိုင်စင် အသစ်ဖြစ်သော ပိုင်ရှင်ကိုယ်စား သင်္ဘောသား စုဆောင်း ခန့်ထားသည့် Seafarer Recruitment and Placement Service (SRPS) လိုင်စင်များကို ဧပြီလ ၁ ရက်နေ့မှ စတင်၍ ရေကြောင်းပို့ဆောင်ရေး ညွှန်ကြားမှု ဦးစီးဌာနက တရားဝင် ချထားပေးမည် ဖြစ်ပြီး ယင်းသို့ SRPS လိုင်စင် ရရှိသော ကုမ္ပဏီများသာလျှင် သင်္ဘောသား လူအင်အား ဖြည့်တင်းခြင်း လုပ်ငန်းကို ဆောင်ရွက်နိုင်မည် ဖြစ်ကြောင်း ထုတ်ပြန် ကြေညာချက်တွင် ပါရှိသည်။

အဆိုပါ SRPS လိုင်စင်ရ ကုမ္ပဏီများသည် သင်္ဘောသားများကို တာဝန် ထမ်းဆောင်ရန် ရွေးချယ် စေလွှတ်ရာတွင် မှန်ကန်မှုရှိရန် အပြည့်အဝ တာဝန်ယူရမည့်အပြင် အကြောင်းတစ်စုံတစ်ရာ ချို့ယွင်းမှုကြောင့် သင်္ဘောသားများ ဆုံးရှုံးနစ်နာမှုများ ရှိလာပါက အပြည့်အဝ တာဝန်ယူ ဖြေရှင်းပေးရမည် ဖြစ်ကြောင်း မြန်မာ့ပင်လယ် ရေကြောင်းအဖွဲ့ချုပ်မှ တာဝန်ရှိတစ်ဦးက ထပ်မံ ပြောဆိုသည်။

မြန်မာနိုင်ငံတွင် သင်္ဘောသားဦးရေ တစ်သိန်းဝန်းကျင် ရှိသည့်အနက် အလုပ်လက်မဲ့ သင်္ဘောသားဦးရေ ခြောက်သောင်းကျော် ရှိပြီး ယင်းကဲ့သို့ အလုပ်အကိုင် ရှားပါးမှု အခက်အခဲများအပြင် မမှန်မကန် လုပ်ဆောင်သည့် ပွဲစားအချို့ကြောင့်လည်း သင်္ဘောသား လူသစ်များကို ခက်ခဲကြမ်းတမ်းသည့် ငါးဖမ်းသင်္ဘောများတွင် ပို့ဆောင် အလုပ်လုပ်ကိုင်စေပြီး လုပ်အားခလစာ လုံးဝမရရှိခြင်း၊ အပြည့်အဝ မရရှိခြင်းတို့ ကြုံတွေ့နေကြောင်း MMWF တာဝန်ရှိသူများထံမှ သိရသည်။

The Voice Weekly