သန်းခေါင်စာရင်းကောက်ယူခြင်းနှင့် ပတ်သက်၍ “အခြား” ဆိုသည့် လူမျိုးအမည်စာရင်း ထည့်သွင်းမည့်ကိစ္စအပေါ် ရခိုင်တိုင်းရင်းသား တိုးတက်ရေးပါတီ ကြေညာချက်ထုတ်ပြန်

၆.၃.၂၀၁၄၊ ကြာသပတေးနေ့

သန်းခေါင်စာရင်းကောက်ယူခြင်းနှင့် ပတ်သက်ပြီး စာရင်းကောက်ယူရာတွင် ထည့်သွင်းမည့် လူမျိုးအမည်စာရင်းတွင် “အခြား” ဆိုသည့် လူမျိုးအမည်စာရင်း ထည့်သွင်းမည့် ကိစ္စအပေါ် လက်ခံနိုင်ခြင်းမရှိကြောင်း ရခိုင်တိုင်းရင်းသားများတိုးတက်ရေးပါတီ၏ ဗဟိုအလုပ်အမှုဆောင်ကော်မတီမှ မတ် ၄ ရက်က ကြေညာချက်တစ်စောင် ထုတ်ပြန်လိုက်ကြောင်း သိရသည်။


အဆိုပါထုတ်ပြန်ချက်တွင် လူ့အခွင့်အရေးဦးစားပေး သန်းခေါင်စာရင်းကောက်ရန် နိုင်ငံတကာထောက်ပံ့ငွေကိုလက်ခံပြီး ခိုးဝင်ဘင်္ဂါလီများအား လူဦးရေစာရင်း ကောက်ယူခြင်းမှာ နိုင်ငံတကာနှင့် ပြေလည်ရေးကို ဦးစားပေးသော အစီအစဉ်သာဖြစ်သဖြင့် ဒို့တာဝန်အရေးသုံးပါးကို မျက်ကွယ်ပြုရာရောက်ကြောင်း၊ အတိတ်ကာလမှ နိုင်ငံတကာ နှင့်ပြေလည်ရေး နိုင်ငံ့ဘဏ္ဍာငွေ မသုံးစွဲရရေးကို ဦးစားပေး၍ ပေါ့ပေါ့တန်တန် ဖြေရှင်းခဲ့မှုများကြောင့် တရားမ၀င်လူဦးရေ ဖောင်းပွမှုဒဏ်နှင့် လူမျိုးအတုအမည်ဖန်တီးမှု ဆိုးကျိုးကို ၂၀၁၂ ခုနှစ်တွင် ရခိုင်လူမျိုးများ ခါးစည်း၍ ခံခဲ့ရပြီးဖြစ်ကြောင်းနှင့် ရခိုင်ပြည်နယ်၌ ဘင်္ဂါလီများအား သန်းခေါင်စာရင်းကောက်ယူရာတွင် “အခြား” ဆိုသည့် ကွက်လပ်ဇယားနေရာ၌ “ဘင်္ဂါလီ” ဟုသာ ထည့်သွင်းရမည် (သို့မဟုတ်) ကုတ်နံပါတ်တစ်ခုခုကို တိတိကျကျ သတ်မှတ်ပေးရမည်ဖြစ်သည်။ “ရိုဟင်ဂျာ” ဆိုသော လူမျိုးလိမ်နာမည်ကို (လုံးဝ) သုံးခွင့်မပြုရန် တောင်းဆိုကြောင်းလည်း ပါရှိကြောင်း သိရသည်။

ယင်းနှင့်ပတ်သက်၍ RNDP ပါတီ၏ ဗဟိုအလုပ်အမှုဆောင် ကော်မတီအတွင်းရေးမှူး ဦးခိုင်ပြည်စိုးက “ဒါဟာ နိုင်ငံရေး ပရိယာယ်တစ်ခုသာ ဖြစ်တယ်။ နောက်ပြီး နိုင်ငံတကာအင်အားစုအနေနဲ့လည်း ဘင်္ဂါလီကိစ္စနဲ့ ပတ်သက်ပြီး ဘယ်လိုနည်းလမ်းမျိုးကို သွားမလဲဆိုတာလည်းပါမယ်။ အခုလည်း လူမျိုးအမည်မှာ အခြားဆိုပြီး ထည့်ရေးရမယ့်နေရာမှာ ရိုဟင်ဂျာလို့ထည့်ရေးဖို့ တပ်လှန့်နေတာတွေကိုလည်း သိနေရတယ်။ တကယ်ဆို တရားဝင် နာမည်ပဲဖြစ်ရမယ်။ တရားဝင် မဟုတ်တဲ့နာမည်ကို သုံးမယ်ဆိုရင် ကျွန်တော်တို့ လုံးဝခွင့်မပြုဘူး။ နောက်ပြီး ရခိုင်ပြည်နယ်အတွင်းမှာ ၁၃၀၂ ဦးကို စာရင်းကောက် ဖို့အတွက် လ၀က မသိဘဲ ဘင်္ဂါလီတွေကို ရွေးချယ်တာဝန်ပေးထားတာဟာ မဖြစ်နိုင်တဲ့ ကိစ္စပဲ။ နိုင်ငံသားမဟုတ်သူတွေ ကောက်တဲ့ စာရင်းဇယားဟာ ဘယ်လောက် တိကျမှန်ကန်မလဲ၊ တိကျမှုမရှိဘူး။ သူတို့ကောက်ရင်လည်း ကျွန်တော်တို့ အသိအမှတ်မပြုနိုင်ဘူး။ ပြီးတော့ ၁၉၈၂ ဥပဒေအရ စစ်ဆေးပြီးမှသာ လုပ်သင့်တယ်လို့ သုံးသပ်ပါတယ်။ ဒါကြောင့် ဒီအချက်တွေကို ပြင်ဆင်ပေးဖို့ တောင်းဆိုတာဖြစ်တယ်။ ပြည်ထောင်စုအဆင့်အထိ တင်ပြသွားမှာဖြစ်ပါတယ်” ဟု ပြောကြားသည်။

အလားတူစွာပင် ရခိုင်ပြည်နယ် ၁၀ မြို့နယ်အတွင်းရှိ ဘင်္ဂါလီများအား စာရင်းကောက်ယူရန် ဘင်္ဂါလီလူမျိုးစာရင်းကောက် စာရင်းစစ် ၁၃၀၂ ဦးကို လက်သိပ်ထိုး တာဝန်ပေးထားသည်ဟု သိရှိရကြောင်း၊ ထိုကဲ့သို့ နိုင်ငံသားဖြစ်မှု၊ မဖြစ်မှု မသေချာသူများက ကောက်ယူပြုစုပေးသည့် ဘင်္ဂါလီလူဦးရေ စာရင်းကို RNDP ပါတီက လုံးဝ အသိအမှတ်ပြုလိမ့်မည် မဟုတ်ကြောင်း၊ ခိုးဝင်ဘင်္ဂါလီများနှင့် ပတ်သက်၍ နိုင်ငံတော်က လုပ်ဆောင်ရမည့်တာဝန်မှာ ရခိုင်ပြည်သူများနှင့် ပြည်ထောင်စု မြန်မာနိုင်ငံရှိ ရဟန်းရှင်လူပြည်သူတစ်ရပ်လုံးက တောင်းဆိုထားကြသည့်အတိုင်း ၁၉၈၂-ခုနှစ် မြန်မာနိုင်ငံသားဖြစ်ခွင့် ဥပဒေနှင့် စစ်ဆေးပြီး နိုင်ငံသားဖြစ်ခွင့်မရှိသူများကို တိတိကျကျ အရေးယူရန် ဖြစ်သည်။

ထိုကဲ့သို့ လုပ်ဆောင်အရေးယူရန် အလေးအနက် တိုက်တွန်းကြောင်း၊ ထိုကဲ့သို့ လက်မခံနိုင်သည့်နည်းစနစ်များဖြင့် သန်းခေါင်စာရင်း ကောက်ယူမှုကို RNDP ပါတီက ကန့်ကွက်လိုက်ကြောင်းနှင့် လိုအပ်သည်များကို အချိန်မီပြန်လည်ဖြည့်စွက်ပြင်ဆင်ပေးရန် RNDP ပါတီက အလေးအနက် တောင်းဆိုလိုက်ကြောင်းတို့ ပါရှိသည်။

Eleven Media Group