သမိုင်းဝင် စကော့တလန် လွတ်လပ်ရေး ဆန္ဒခံယူပွဲအတွက် ပြိုင်ဘက်အင်အားစုများ နောက်ဆုံးပိတ် အပြင်းအထန် မဲဆွယ်

ဗြိတိန်နိုင်ငံမှ စကော့တလန် ခွဲထွက်ကာ လွတ်လပ်ရေး ရယူရန် အဆုံးအဖြတ်ပေးမည့် လူထုဆန္ဒခံယူပွဲကို မနက်ဖြန် (စက်တင်ဘာ ၁၈) ရက်နေ့တွင် ကျင်းပပြုလုပ်တော့မည် ဖြစ်ရာ ယင်းဆန္ဒခံယူပွဲ မပြုလုပ်မီ တစ်ရက်အလိုတွင် ဆန့်ကျင်သူနှင့် ထောက်ခံသူ အင်အားစုများက မဲဆွယ်စည်းရုံးမှု အသီးသီးကို နောက်ဆုံးပိတ် အနေနှင့် ပြင်းပြင်းထန်ထန် လုပ်ဆောင်လျက်ရှိကြောင်း သတင်းဌာနများက ရေးသားဖော်ပြသည်။

ထိုသို့ မဲဆွယ်စည်းရုံးမှုများကို အပြိုင်အဆိုင် ပြင်းထန်စွာ လုပ်ဆောင်နေရခြင်းမှာ စကော့တလန် လွတ်လပ်ရေးအတွက် လူထုဆန္ဒခံယူပွဲ အလွန်နီးကပ်နေသည့်အတွက် မျှသာမက နောက်ဆုံး ထွက်ရှိလာသော သဘောထား စစ်တမ်းများအရ ထောက်ခံသူနှင့် ကန့်ကွက်သူ ဦးရေမှာ မတိမ်းမယိမ်း အနေအထားတွင် ကပ်လျက် ရှိနေသောကြောင့် ဖြစ်သည်ဟု BBC သတင်းဌာနက ဖော်ပြသည်။

စကော့တလန်ပြည်နယ် ဝန်ကြီးချုပ် အဲလက်စ်ဆယ်မွန်က ပြည်သူများအတွက် စာတစ်စောင် ရေးသားရာတွင် ထောက်ခံမဲ (Yes Vote) ပေးကြရန် တိုက်တွန်းပြီး “လွတ်လပ်ရေးကြီးကို ရယူကြရအောင်လား” ဟု ဖော်ပြခဲ့သည်။

ဗြိတိန်နှင့်သမဂ္ဂ ဖွဲ့ကာ ပေါင်းစည်းနေထိုင်ရေးကို လိုလားသည့် အင်အားစုများက ဗုဒ္ခဟူးနေ့ တစ်နေ့လုံး “အတူတကွ ကောင်းစွာနေထိုင်ရေး” ဟူသည့် ခေါင်းစဉ်ဖြင့် မဲဆွယ်စည်းရုံးမှုများကို လုပ်ဆောင်ခဲ့ကြပြီး “စကော့တလန်ကို ချစ်လျှင် ကန့်ကွက်မဲ ထည့်ကြပါ” ဟူသော ခေါင်းစီးစာတန်းများ ကိုင်ဆောင်ကာ အက်ဒင်ဘရာမြို့ တစ်လျှောက် စီတန်းလှည့်လည်ခဲ့ကြသည်။

ထို့အတူ စကော့တလန် လွတ်လပ်ရေးကို ထောက်ခံသူများက အပြာရောင် တီရှပ်များ၊ စကော့တလန် အလံများနှင့် တံဆိပ်များ ကိုင်ဆောင်တပ်ဆင်ကာ ဂလပ်စကော့မြို့၌ လွတ်လပ်ရေးဟူသည့် ကြွေးကြော်သံများဖြင့် စီတန်းလှည့်လည် မဲဆွယ်စည်းရုံးကြသည်။

Daily Mail သတင်းစာက နောက်ဆုံးအကြိမ် အဖြစ် ပြုလုပ်သော ဆန္ဒသဘောထား စစ်တမ်းအရ လွတ်လပ်ရေး ရယူမည့် ကိစ္စကို ကန့်ကွက်သူ ၄၈ ရာခိုင်နှုန်း ရှိပြီး ထောက်ခံသူ ၄၄ ရာခိုင်နှုန်း ရှိသည်။

သို့သော် အဆိုပါ ကိန်းဂဏန်းများသည် ထောက်ခံရန် သို့မဟုတ် ကန့်ကွက်ရန် မဆုံးဖြတ်ရသေးသူများကို ထည့်သွင်း တွက်ချက်ထားခြင်း မရှိဟု Daily Mail က ဖော်ပြသည်။

သို့အတွက်ကြောင့် နောက်ဆုံး အချိန်အထိ မဲဆွယ်စည်းရုံးမှုများကို ပြင်းပြင်းထန်ထန် လုပ်ဆောင်ကြခြင်း ဖြစ်ကြောင်း၊ အကယ်၍ ထောက်ခံသူများက အနိုင်ရရှိသွားမည် ဆိုပါက ယင်းဖြစ်ရပ်သည့် စကော့တလန် အတွက်သာမက မျက်မှောက်ခေတ် ကမ္ဘာကြီးအတွက် ထူးခြားသော သမိုင်းဝင်ဖြစ်စဉ် တစ်ခုအဖြစ် သတ်မှတ်ခံရမည် ဖြစ်ကြောင်း Reuters သတင်းဌာနက ဖော်ပြသည်။

The Voice Weekly