‘‘၁၀ ရက်နေ့ ရန်ကုန်ပြန်ရောက်ပြီးရင် ၁၈ရက်နေ့မှာတော့ ဟန်သီ Fanတွေနဲ့ အိမ်မှာ တွေ့ဆုံဖို့ရှိတယ်။ ဟန်သီကိုယ်တိုင် ချက်တဲ့ဟင်းကျွေးမယ်။ ပြီးရင် သူတို့ကို လက်ဆောင်လေးတွေ ပြန်ပေးဖို့အစီအစဉ်လုပ်ထားတယ်’’ဟု ဟန်သီက ပြောသည်။
မော်ဒယ်သရုပ်ဆောင် ဟန်သီသည် အမေရိကန်နိုင်ငံ နယူးယောက်မြို့ရှိ New Film Acad-emy ကျောင်းတွင် ရုပ်ရှင်သရုပ်ဆောင်လုပ်ငန်းနှင့်ပတ်သက်သည့် Acting for Film, Acting Technique, Film Making, Speech, Voice & Movement, Intro to Audition Technique, Text in Action စသည့် ဘာသာရပ်များ သွားရောက်သင်ကြားခဲ့ခြင်းဖြစ်သည်။
ဟန်သီသည် အမေရိကန်နိုင်ငံသို့ မသွားမီ ၎င်း၏ တစ်ကိုယ်တော်မီနီအယ်လ်ဘမ်ဖြစ်သည့်‘မချစ်တတ်သေးဘူး’အခွေကို အသက် (၁၈)နှစ်ပြည့်မွေးနေ့ ၂၀၁၅ ဇူလိုင် ၃၁ ရက်တွင် ဖြန့်ချိပေး ခဲ့ပြီး စက်တင်ဘာတတိယပတ်၌ အမေရိကန်သို့ ထွက်ခွာခဲ့ခြင်းဖြစ်သည်။
လက်ရှိတွင် ဟန်သီသည် အမေရိကန်နိုင်ငံ လော့စ်အန်ဂျလိစ်မြို့တွင် ဓာတ်ပုံသွားရောက်ရိုက်ကူးရန် စီစဉ်နေပြီး New FilmAcademy ကျောင်းမှ ပေးအပ်မည့် ဘွဲ့ယူပြီးပါက မြန်မာနိုင်ငံသို့ ပြန်လာမည်ဖြစ်သည်။
Credit To >>> 7 Day Daily
0 comments:
Post a Comment