သမ္မတ ဦးသိန်းစိန်နဲ့ RCSS/ SSA ဥက္ကဋ္ဌ ဗိုလ်ချုပ်ယောဆခ် တွေ့ဆုံ

သမ္မတ ဦးသိန်းစိန်ဟာ ရှမ်းပြည်တပ်မတော် RCSS/ SSA ဥက္ကဋ္ဌ ဗိုလ်ချုပ် ယောဆခ် ဦးဆောင်တဲ့ ကိုယ်စားလှယ် အဖွဲ့နဲ့ တွေ့ဆုံကြပါတယ်။ အဲဒီလိုတွေ့ဆုံကြရမှာ ထူးခြားမှု တခုအနေနဲ့တွေ့ရတာက ဗုဒ္ဓမြတ်စွာဘုရားဆင်းတုတော် တဆူကို သမ္မတနဲ့ ဗိုလ်ချုပ် ယောဆခ်တို့ကြားမှာ တွေ့ရတာပါ။ ဗိုလ်ချုပ်ယောဆခ်က သမ္မတဦးသိန်းစိန်ကို အဆိုပါ ဆင်းတုတော်နဲ့ ရှမ်းရိုးရာ ၀တ်စုံတခု လက်ဆောင် အဖြစ် ပေးအပ်ခဲ့တယ်လို့ သမ္မတ ပြောခွင့်ရ ဦးရဲထွဋ်က သူ့ဖေ့စ်ဘုတ်မှာ ဖော်ပြထားပါတယ်။ RCSS/ SSA ဥက္ကဋ္ဌ ဗိုလ်ချုပ်ယောဆခ်နဲ့ အဖွဲ့ဟာ သမ္မတ ဦးသိန်းစိန်နဲ့ ငြိမ်းချမ်းရေး ကိစ္စတွေ အပါ အ၀င် ဒေသ ဖွံ့ဖြိုး ရေး ပူးပေါင်းဆောင်ရွက်ရေး ကိစ္စတွေ ဆွေးနွေးဖို့ နေပြည်တော် ကို ယမန်နေ့က ညနေ ၅ နာရီကျော်က ရောက်လာခဲ့ တာပါ။ နေပြည်တော်လေဆိပ်ကို ရောက်လာတဲ့ ဗိုလ်ချုပ်ယောဆခ်နဲ့ ကိုယ်စားလှယ်အဖွဲ့ကို သမ္မတ ရုံးဝန်ကြီး ဦးအောင်မင်းနဲ့ အဖွဲ့က သွားရောက်ကြိုဆိုခဲ့တာလည်းဖြစ်ပါတယ်။

Read More

Iron Man ရုပ်ရှင်ထဲကဖုန်းမျိုး မကြာခင်သုံးရတော့မည်

တကယ်မှန်အတိုင်း ထိုးဖောက်မြင်နေရမယ့် စမတ်ဖုန်း Prototype ကို ထိုင်ဝမ် ပိုလီထရွန် ကုမ္မဏီက ပြသခဲ့ တာ ဖြစ် ပါတယ်။ စပီကာ၊ ဆင်းကဒ်၊ meomry ကဒ် တို့ကို အထင်းသားကြီး မြင်နေရပြီး မျက်နှာပြင်မှာ အရောင် လက်လက်၊ လက်လက် နဲ့ ယခုလို မြင်တွေ့ရ ပါတယ်။ အင်တာဗျူး မှာတော့ ကုမ္မဏီရဲ့  ပြောဆိုချက်ရ ၂၀၁၄ မှာ အမှန် တကယ် ထုတ်လုပ် လာ နိုင်မယ့် ဟန်းဆက်ဖြစ်လာအောင် ကြိုးစားမယ်လို့ ဆိုပါတယ်။ သူတို့က ဟာ့ဒ်ဝဲ အသားပေး ထုတ်တဲ့ ကုမ္မဏီ ဖြစ်တဲ့အတွက် ယင်းနည်းပညာကို အခြားကုမ္မဏီများအား ရောင်းချ မှာ ဖြစ်ပါတယ်။

နည်းပညာ ရောင်းနိုင်ပေမယ့် ကုန်ကြမ်းကျတော့ တော်တော်လေး ရှာယူကြိုးစား ရမှာပါ။ ဖန်သားလို မြင်နေရတဲ့ သတ္တုပေါ်မှာ ရောင်စုံ ပုံရိပ်တွေ ပေါ်အောင် လုပ်ထားတဲ့ နည်းပညာဆိုတော့ ကမ္ဘာ့ အိုင်တီ Gadgets လောကကို တုန်လှုပ်စေအုံးမယ့် တီထွင်ဆန်းသစ်မှု တစ်ခုလည်း ဖြစ်ပါတယ်။

Ref: Techgad

Read More

မလေးရှား မှာ ရခိုင်တချို့ တိုက်ခိုက်ခံရ

မလေးရှား နိုင်ငံမှာ အလုပ် လုပ်ဖို့ရောက်လာတဲ့ ရခိုင် တချို့ ဒီရက် အတွင်း တိုက်ခိုက်ခံ ရမှု တွေ ရှိနေ ပါတယ်။ မနေ့ က ဆိုရင် ရခိုင် ပြည်နယ် ရသေ့တောင် မြို့နယ် မှ ရောက် လာသူ ကိုခင်မောင်ဝင်း ဟာ မလေးရှား ထီးစက်ရုံ မှ အလုပ်သမား တယောက် ဖြစ် ပါတယ်။ မလေးရှား ရောက်တာ ၉ လ မျှ ရှိပါသေးတယ်။

ဇွန်လ ၈ ရက် မနက်စောစော ၃ နာရီ ခန့် မှာ ရခိုင် အလုပ်သမား ၆ ယောက် အိပ်နေစဉ် သစ်သားအိမ် ရဲ့ အိမ်နံရံ သွပ်ပြား လက်တဝါးခန့် အပေါက် မှ စပရေးဗူး နဲ့ ဖျန်းရာ၊ အလုပ်သမား တွေ ဟာ မျက်စိစပ်၊ အသက်ရှူ မွန်းလာတဲ့ အတွက် အိမ်တံခါး ကို ဖွင့်လိုက်ကြပါတယ်။ ဒီအခါ မှာ မျက်နှာဖုံး တပ်ထားတဲ့ လူခြောက်ယောက် ဟာ ဓါး ကိုယ်စီ ကိုင်ဆောင် ထားပြီး အလုပ်သမားတွေ ကို ခုတ်ပါတယ်။ လေးယောက် က ထွက်ပြေး လွတ်မြောက် သွားကြပါတယ်။

ကိုခင်မောင်ဝင်း နဲ့ အခြား အလုပ်သမား တယောက် ကတော့ တိုက်ခိုက်ခံရပါတယ်။ ကိုခင်မောင်ဝင်း ဟာ လက်၊ နှာခေါင်း နဲ့ ခေါင်း တွေမှာ ဒဏ်ရာရပြီး မေ့မျော သွားတဲ့ အတွက် မိတ်ဆွေ တွေက ဆေးရုံတင်တဲ့ အကြောင်း ဘီဘီစီ ကိုပြောပြပါတယ်။ သူတို့ကို တိုက်ခိုက်သူတွေ ဟာ ကိုယ်လုံး ကိုယ်ထည် ထွားကျိုင်းပြီး၊ မလေး စကား ပြောကြပေမယ့်၊ ပီသခြင်း မရှိ၊ မြန်မာလိုတော့ မပြော တဲ့ အတွက် အိန္ဒိယ မှ မွတ်စလင် တွေ ဟု ထင်မြင်ကြောင်း၊ သူ တို့ အလုပ်လုပ်တဲ့ ထီးစက်ရုံ မှာ အဆိုပါ လူမျိုးတွေ များ ကြောင်း ဘီဘီစီ ကို ကိုခင်မောင်ဝင်း က ရှင်းပြပါတယ်။

ဒီအခင်းဖြစ်မှု မတိုင်မီ၊ ပြီးခဲ့တဲ့ ရက်ကလည်း မြန်မာ လူမျိုး သုံးယောက် တိုက်ခိုက်ခံ ရတဲ့ အခါမှာ နှစ်ယောက်ဟာ နေရာတင် ပွဲချင်းပြီး သေဆုံးသလို၊ ကျန်တယောက် က ဆေးရုံ အရောက် မှာ သေဆုံးတဲ့ အကြောင်း မလေးရှားဒေသခံ တယောက် က ဘီဘီစီ ကို ပြောပါတယ်။

Ref: BBC Burmese

Read More

နိုင်ငံပိုင် မီဒီယာတွေကို အများပြည်သူ ဝန်ဆောင်မှု မီဒီယာအဖြစ် ပြောင်းလဲသွားမည်

နိုင်ငံပိုင် မီဒီယာတွေကို အများပြည်သူ ဝန်ဆောင်မှု မီဒီယာတွေအဖြစ် ပြောင်းလဲသွားမယ်လို့ အစိုးရ ပြန်ကြားရေး ဒုတိယဝန်ကြီး ဦးရဲထွဋ်က ဒီနေ့ အများပြည်သူ ဝန်ဆောင်မှု မီဒီယာဥပဒေကြမ်း ရှင်းလင်းပွဲမှာ ပြောလိုက်ပါတယ်။ ရန်ကုန်မြို့ သိမ်ဖြူလမ်း ပြန်ကြားရေးရုံးမှာကျင်းပတဲ့ သတင်းစာရှင်းလင်းပွဲမှာ နိုင်ငံပိုင် မီဒီယာတွေကို အများပြည်သူ ဝန်ဆောင်မှု မီဒီယာတွေအဖြစ် ပြောင်းလဲသွားမယ့်အကြောင်း ဒုတိယဝန်ကြီး ဦးရဲထွဋ်က ပြောခဲ့တာပါ။ "မီဒီယာက အာဏာရပါတီ၊ အာဏာရအစိုးရကို ကိုယ်စားပြုလို့မရတော့၊ ဒါ့ကြောင့် နိုင်ငံပိုင် မီဒီယာကို အများပြည်သူ ဝန်ဆောင်မှု မီဒီယာအဖြစ်ပြောင်းရမယ်၊ အဲလိုပြောင်းတဲ့အခါမှာလည်း တကယ်ကို နိုင်ငံတကာ စံနှုန်းတွေနဲ့ ကိုက်ညီတဲ့ ပြည်သူတွေလိုချင်တဲ့ သတင်းအချက်အလက်အားလုံကိုပေးနိုင်တဲ့၊ ပြည်သူတွေပြောတဲ့ဟာတွေအားလုံးကို တင်ပြပေးနိုင်တဲ့ မီဒီယာတစ်ခုဖြစ်အောင်၊ နောက် အင်အားနည်းအုပ်စုတွေ၊ လူနည်းစုတွေအထိ ပျံ့နှံ့ရောက်အောင်ကြိုးစားပြီးတော့ ကြိုးပမ်းမှာဖြစ်တယ် " အစိုးရပိုင် မီဒီယာတွေကို ပြုပြင်ပြောင်းလဲမှု လုပ်ဆောင်ဖို့ ပြင်ဆင်ရာမှာ ကြေးမုံ၊ မြန်မာ့အလင်း သတင်းစာတွေအပြင် မြန်မာ့အသံ၊ အသံလွှင့်ဌာနကိုလည်း အစိုးရ ပြန်ကြားရေးဝန်ကြီးဌာနရဲ့ ထိမ်းချုပ်မှုအောက်မှာ မထားတော့ပဲ သီးသန့်ဖွဲ့စည်းထားတဲ့ အုပ်ချုပ်ရေးအဖွဲ့ကနေ စီမံခန့်ခွဲသွားမှာ ဖြစ်တယ်လို့သိရပါတယ်။ ဒါ့အပြင် ရွေးကောက်ပွဲလို အချိန်မျိုးမှာ နိုင်ငံရေးပါတီတွေရဲ့ ရပ်တည်ချက်တွေကို အများပြည်သူသိရှိအောင် ဖော်ပြပေးသွားမှာဖြစ်သလို တိုင်းရင်းသားဘာသာစကားအားလုံးနဲ့လည်း တင်ပြသွားဖို့ရှိတယ်လို့ ဆိုပါတယ်။ အဲဒီလို အကောင်အထည်ဖေါ်ဖို့အတွက် ပြည်ထောင်စုလွှတ်တော်က လိုအပ်တဲ့ဘဏ္ဍာငွေရဲ့ ၇ဝ% ကို ထောက်ပံ့ပေးရမှာဖြစ်သလို ကျန်တဲ့ ၃ဝ% ကိုတော့ ကြော်ငြာခကနေ ရယူသုံးစွဲသွားမယ်လို့ ဆိုပါတယ်။ အခုရေးဆွဲထားတဲ့ မီဒီယာဥပဒေကြမ်းဟာ ပုဂ္ဂလိကသတင်းစာ ဂျာနယ်စတာတွေနဲ့ သက်ဆိုင်မှုမရှိပဲ အစိုးရမီဒီယာတွေ ပြုပြင်ပြောင်းလဲရေးအတွက် ရေးဆွဲထားတဲ့ မီဒီယာဥပဒေမူကြမ်းသာ ဖြစ်တယ်လို့ သိရပါတယ်။ ဒီမီဒီယာဥပဒေမူကြမ်းကို ကုလသမဂ္ဂ ကလေးများရံပုံငွေအဖွဲ့ UNICEF နဲ့ နိုင်ငံတကာ ကျွမ်းကျင်သူတွေရဲ့ အကြံပြုချက်တွေအပြင် ဥရောပနိုင်ငံတွေမှာ လေ့လာပြီး ရေးဆွဲထားတဲ့ ဥပဒေကြမ်းလို့ သိရပါတယ်။ အများပြည်သူ ဝန်ဆောင်မှု မီဒီယာ ဥပဒေကြမ်းကို ပြည်ထောင်စု လွှတ်တော်မှာတင်ပြပြီး အတည်ပြုချက်ရယူရမှာ ဖြစ်ပါတယ်။ From: Myanmarexpress

Read More

ရခိုင်ပဋိပက္ခ ၁ နှစ်ပြည့် အခမ်းအနားတွေ ကျင်းပ

ပြီးခဲ့တဲ့ ၂ဝ၁၂ ခုနှစ်၊ ဇွန်လ ၈ ရက်နေ့မှာ စတင်ဖြစ်ပွားခဲ့တဲ့ ရခိုင်ပြည်နယ် ပဋိပက္ခ တစ်နှစ်ပြည့် ဝမ်းနည်းအောက်မေ့ဖွယ် အထိမ်းအမှတ် အခမ်းအနားတစ်ခုကို ရခိုင်ပြည်ကျောင်းသားသမဂ္ဂအဖွဲ့က ဦးဆောင်ပြီး ဒီကနေ့စစ်တွေမြို့မှာ ကျင်းပပြုလုပ်ခဲ့ပါတယ်။

ဒီအခမ်းအနားပြုလုပ်ရတာနဲ့ ပတ်သက်လို့ ရခိုင်ပြည်ကျောင်းသားသမဂ္ဂအဖွဲ့ရဲ့ ဘဏ္ဍာရေးမှူး ကိုစောနိုင်လင်းက RFA ကို အခုလိုပြောပါတယ်။

"သေဆုံးသွားတဲ့ ရခိုင်ပြည်သူပြည်သားတွေအားလုံးကို ကျနော်တို့က ဝမ်းနည်းခြင်းအထိမ်းအမှတ်အနေနဲ့ ပြုလုပ်ရခြင်းဖြစ်ပါတယ်၊ အစီအစဉ်ကတော့ သံဃာ ၉ ပါးကို ဆွမ်းကပ်လှူပြီးတော့ ကျနော်တို့ ကျောင်းသူကျောင်းသားတွေက ရေစက်ချအမျှဝေတယ်"

အလားတူ ဆုတောင်းပွဲမျိုး ဒီကနေ့ရန်ကုန်မြို့၊ ရွှေတိဂုံဘုရား အရှေ့ဘက်မုခ် ဓညဝတီကျောင်းတိုက်မှာ ကျင်းပပြုလုပ်ခဲ့ပါတယ်။ ရခိုင်ပြည်နယ်မှာ အကြမ်းဖက်မှုတွေ ဖြစ်ပွားခဲ့ရာမှာ အသက်ဆုံးရှုံးခဲ့ကြရသူ ရဟန်းရှင်လူတွေအတွက် တစ်နှစ်ပြည့်မြောက်အဖြစ် အမျှပေးဝေ ဆုတောင်းမေတ္တာပို့သတဲ့ပွဲနဲ့ ပတ်သက်လို့  ရခိုင်အမျိုးသားကွန်ရက် ဥက္ကဌ ဦးတင်ထူးအောင်က RFA ကိုပြောပါတယ်။

“ရခိုင်ပြည်နယ်မှာ ဒီဒုတိယအကြိမ် အကြမ်းဖက်ခံရတဲ့ ပဋိပက္ခတွေဖြစ်တဲ့ ၁ နှစ်ပြည့်တဲ့ အခမ်းအနားတစ်ခုပါ၊ ဆွမ်းကျွေး အမျှဝေပြီးတော့ ကျနော်တို့ဒီမှာ ကျဆုံးသွားတဲ့ ရဟန်းပြည်သူ၊ မိဘပြည်သူတွေကို ရန်ကုန်တက္ကသိုလ် ကျောင်းသားဟောင်းတွေက ဦးစီးဦးဆောင်ပြီးတော့ ကုသိုလ်ကောင်းမှုလုပ်ခဲ့တယ်”

ဒီအခမ်းအနားကို ရန်ကုန်တိုင်း ရခိုင်တိုင်းရင်းသားရေးရာဝန်ကြီး ဦးဇော်အေးမောင်လည်း တက်ရောက်ခဲ့ပြီး လူတစ်ရာနီးပါး တက်ရောက်ခဲ့ကြပါတယ်။

From: myanmarexpress

Read More

သရုပ်ဆောင် ရဲတိုက်အား ခရစ်ယာန် ဘုရားကျောင်းအတွင်း ၀င်ရောက် ဆန္ဒပြမှုကြောင့် ပုဒ်မ ၂၉၅ (က) ဖြင့် အမှုဖွင့် အရေးယူထား

၂၉.၅.၂၀၁၃၊ ဗုဒ္ဓဟူးနေ့

 

ဗိုလ်တထောင်မြို့နယ်ရှိ စိန့်မေရီကာသီဒြယ် ခရစ်ယာန်ကျောင်းအတွင်း

မေ ၂၈ ရက် နံနက်ပိုင်းက ခွင့်ပြုချက်မရဘဲ တစ်ကိုယ်တော် ဆန္ဒဖော်ထုတ်

ခဲ့သည့် သရုပ်ဆောင်ရဲတိုက်အား ဘာသာ၊ သာသနာကို ညှိုးနွမ်းအောင် ရည်ရွယ်ချက် အကြံအစည် ပြုမူလုပ်ဆောင်ခြင်း ပြစ်မှုဆိုင်ရာ ဥပဒေပုဒ်မ ၂၉၅/(က) ဖြင့် အရေးယူထားကြောင်း သိရသည်။

ဖြစ်စဉ်မှာ သရုပ်ဆောင် ရဲတိုက်သည် ယင်းနေ့နံနက် ၁၀ နာရီခန့်က ရန်ကုန်မြို့ ဗိုလ်ချုပ်လမ်းမကြီးနှင့် ဗိုလ်အောင်ကျော် လမ်းထောင့်ရှိ စိန့်မေရီကာသီဒြယ် ခရစ်ယာန် ဘုရားကျောင်းဝင်း အတွင်းသို့ ၀င်လာကြောင်း၊ ဘုရားကျောင်း တာဝန်ရှိသူတွေမှ တားဆီးသည့်အခါတွင် ၎င်းက တံခါးချက်များကို အတင်းဖွင့်ပြီး ဘုရားကျောင်းထဲ ၀င်ရောက်ခဲ့ကြောင်း၊ ယင်းနောက် မွန်းတည့် ၁၂ နာရီခန့်တွင် ဒုတိယအကြိမ် ထပ်ဝင်လာကြောင်း၊ ဘုရားကျောင်း တာဝန်ရှိသူများမှ နေ့လယ် ၁၂ နာရီမှ ညနေ ၃ နာရီ အထိ တံခါးပိတ်ကြောင်း ပြောသည့်အခါ မယ်တော်ဂူကို ကျောခိုင်း၍ ရှိခိုးပြီး ပြန်ထွက်သွားခဲ့ကြောင်းနှင့် မွန်းလွဲ ၁ နာရီ ၂၀ မိနစ်ခန့်တွင် ၎င်းမှ ဘုရားကျောင်းဝင်း အတွင်းသို့ ထပ်မံရောက်ရှိလာခဲ့ကာ အင်္ဂလိပ်ဘာသာဖြင့် ရေးထားသော "နှလုံးသားမှ ထွက်ပေါ်လာသော နာကျင်မှုစာသား၊ ဘုရားသခင် ရှေ့မှောက်မှာ ဒူးထောက်ခြင်းကို ကျွန်ုပ်နှစ်သက်ပါသည်။ ဒါပေမဲ့ တစ်စုံတစ်ယောက်က ကျွန်ုပ်ကို အရူးလို့ ပြောတယ်။ ကျွန်ုပ်က တရားမျှတခြင်းကို ယုံကြည်ပါတယ်" ဟု မြန်မာလို အဓိပ္ပာယ်ရသည့် စာတန်းအား ကိုင်ဆောင်၍ ဒူးထောက်ကာ ဆန္ဒထုတ်ဖော်ခဲ့ခြင်း ဖြစ်ကြောင်း ဗိုလ်တထောင်မြို့နယ် ရဲစခန်းမှ စခန်းမှူးဖြစ်သူ ဒုရဲမှူးသာဇံ၏ ပြောကြားချက်အရ သိရသည်။ ၎င်းက ဆက်လက်ပြီး "ခရစ်ယာန်ဘာသာ ကိုးကွယ်သူတွေ ပြုမူတဲ့ အမူအကျင့်အတိုင်း မဟုတ်ဘဲနဲ့ တစ်ဖက်က ခရစ်ယာန်ဘာသာကို ညှိုးနွမ်းစေတဲ့ အပြုအမူတွေ ပါဝင်နေတဲ့အတွက် ဘုရားကျောင်းက တာဝန်ရှိတဲ့ ဘာသာရေး အကျိုးဆောင်တွေ ပြောတာကို သူကမနာခံဘူး။ မနာခံဘဲနဲ့ ဆက်လုပ်နေတဲ့အတွက် ကျွန်တော်တို့ကို လှမ်းအကြောင်းကြားလို့ ကျွန်တော်တို့ သွားရောက်ထိန်းသိမ်း လိုက်တာပါ။ လောလောဆယ် ကျွန်တော်တို့ သူ့ကို ဒီမှာပဲ ထိန်းသိမ်းထားပါတယ်။ လောလောဆယ်တော့ အာမခံ မပေးသေးပါဘူး" ဟု ပြောကြားသည်။

ယင်းဖြစ်စဉ်နှင့် ပတ်သက်ပြီး စိန့်မေရီကာသီဒြယ် သာသနာ့အကျိုး

တော်ဆောင် အဖွဲ့မှ မေ ၂၈ ရက်ညပိုင်းတွင် သတင်းထုတ်ပြန်ချက်တစ်ခု ထုတ်ပြန်ခဲ့သည်။ အဆိုပါ ထုတ်ပြန်ချက်တွင် သရုပ်ဆောင် ရဲတိုက်သည် သူတော်စင်များသာ ၀င်ရောက်ရသည့် ဓာတ်တော်မွေတော်များ ထားရှိရာ သန့်ရှင်းသည့်နေရာ၊ အထွတ်အမြတ်ထားရာ (Sanctuary) အတွင်းသို့

မြန်မာ့ယဉ်ကျေးမှု ဓလေ့စရိုက်နှင့် ဆန့်ကျင်သည့် မတင့်တယ်သော အ၀တ်အစား (စွပ်ကျယ်လက်ပြတ်)နှင့် ၀င်ရောက်ကာ အထွတ်အမြတ်

ထားရာ ဗိမာန်တော်ကို ကျောပေးလျက် မသင့်တင့် မလျောက်ပတ် မလျော်ကန်သော အပြုအမူမျိုး ပြုလုပ်ခြင်းနှင့် တတိယအကြိမ် ပြန်လည်

ရောက်ရှိလာရာတွင် သတင်းထောက်များ၊ မီဒီယာအဖွဲ့ဝင်များ ခေါ်လာပြီး အသင့်ရေးလာသော ဆိုင်းဘုတ်ကိုင်ဆောင်ကာ ဘုရားကျောင်း သာသနာ့ ပရ၀ဏ်အတွင်း ၀င်ရောက်ကာ မည်သည့်အာဏာပိုင် အဖွဲ့အစည်း၏ ခွင့်ပြုချက်မျှ ရယူခြင်းမရှိဘဲ တစ်ကိုယ်တော် ဆန္ဒပြခဲ့ကြောင်း ဖော်ပြ

ပါရှိသည်။ 

eleven media group

Read More

စမ်းချောင်းမြို့နယ်တွင် အမျိုးသမီးငယ်များအားပြည်ပသို့ပို့ရန်စီစဉ်သဖြင့် အရေးယူ

၂၉.၅.၂၀၁၃၊ ဗုဒ္ဓဟူးနေ့

 

၂၈.၅.၂၀၁၃ ရက်နေ့တွင် ရန်ကုန်လူကုန်ကူးတပ်ဖွဲ့စုမှ

တပ်ဖွဲ့ဝင်များသည် စမ်းချောင်းမြို့နယ်၊ အမှတ် ၁၀၂၊ ဗဟိုလမ်း၊ စမ်းချောင်း(မြောက်)ရပ်ကွက်နေအိမ်တွင် စင်္ကာပူနိုင်ငံသို့ အိမ်အကူအလုပ်ဖြင့် လူပို့ဆောင်ရန် ဆောင်ရွက်နေကြောင်း

အထက်ဌာန၏ချပြသတင်းအရ အိမ်ရှင်ဒေါ်ချယ်ရီ(ခ) ဒေါ်မြင့်မြင့်အေး(ခ)မမော်အား စိစစ်ရာ ၎င်း၏နေအိမ်တွင် မမိုးမိုးလှိုင်၊ မစုမွန်ထွေး၊ မခင်မိုး (ခ) မခင်မိုးမြင့်၊ မဖူးငုံ၊ မမြမြစိုး၊ မမြင့်မြင့်ခိုင်၊ မမြတ်မီမီဇင်၊ မနှင်းဝေကြူ(ခ)သင်းဝေကြူ၊ မနှင်းဝေေ၀ထွန်း(ခ)၊ နန်းစီလာ၊ မရွှေဇင်ဝင်း(ခ)မင်းမင်း၊ မသက်သက်ခိုင်၊ မဥမ္မာလင်းနှင့် မဥမ္မာတို့ (၁၃)ဦးအားတွေ့ရှိခဲ့ပါသည်။

၎င်းအမျိုးသမီးငယ်များအား စင်္ကာပူနိုင်ငံတွင် အိမ်အကူအလုပ်လုပ်၍ လုပ်အားခအဖြစ် ၁ လလျှင် စင်္ကာပူဒေါ်လာ ၄၀၀ မှ ၄၅၀

(မြန်မာငွေ ၃ သိန်းကျပ် (သို့) ၃ သိန်းခွဲ) ရမည်ဖြစ်ကြောင်း ပို့ဆောင်ခအဖြစ် ၆လ/၇လ လစာဖြတ်ယူကာ ၂ နှစ်စာချုပ်ဖြင့် ပို့ဆောင် ပေးမည်ဖြစ်ကြောင်း ပြောဆိုစည်းရုံးစုစည်းထားရှိပြီး

နိုင်ငံကူးလက်မှတ်များ ဆောင်ရွက်ပေးကာ စင်္ကာပူနိုင်ငံရှိ

KCL ကုမ္ပဏီနှင့် ဆက်သွယ်ပို့ဆောင် ပေးရန် စီစဉ်လျက်ရှိသည်ကို စိစစ်တွေ့ရှိ ရသဖြင့် ပြည်ပအလုပ်အကိုင်ရှာဖွေရေးလိုင်စင်မရှိဘဲ အမျိုးသမီးငယ်များအား အိမ်အကူအဖြစ်ပြည်ပသို့ ပို့ဆောင်ရန်ဆောင်ရွက်ခဲ့သူ့ ဒေါ်ချယ်ရီ(ခ) ဒေါ်မြင့်မြင့်အေး

(ခ)မမော်အား စမ်းချောင်းမြို့မရဲစခန်းတွင် အရေးယူထားရှိကြောင်း သတင်းရရှိပါသည်။

Yangon Police

Read More

လားရှိုးမြို့တွင်အမျိုးသမီးတစ်ဦးဓာတ်ဆီလောင်းမီးရှို့ခံရမှုနောက်ပိုင်း ဖြစ်ပွားခဲ့သော ဗလီမီးရှို့မှုများကြောင့် အရေးပေါ် အခြေအနေ ပုဒ်မ-၁၄၄ ထုတ်ပြန်

၂၉.၅.၂၀၁၃၊ ဗုဒ္ဓဟူးနေ့

 

ည ၈ နာရီ ၀န်းကျင်ခန့်က လားရှိုးမြို့ရှိ အစ္စလာမ်ဘာသာ စာသင်ကျောင်း မီးလောင်နေစဉ်

ရှမ်းပြည်နယ်၊ လားရှိုးမြို့၊ နယ်မြေ (၇)၊ အမှတ် ၈ ရပ်ကွက်၊ သန္နီလမ်းပေါ်တွင် မေ ၂၈ ရက် ညနေ ၄ နာရီ ၁၅ မိနစ်ခန့်က အမျိုးသမီးတစ်ဦးအား အမျိုးသားတစ်ဦးက ဓာတ်ဆီလောင်း မီးရှို့ရာမှ စတင်ခဲ့သော ပဋိပက္ခကြောင့် အစ္စလာမ်ဘာသာ အဆောက်အအုံ နှစ်လုံးနှင့် ဈေးဆိုင်ခန်းများ မီးလောင်ကျွမ်းခဲ့ပြီး ညပိုင်းတွင် အရေးပေါ်အခြေအနေ ပုဒ်မ (၁၄၄) ထုတ်ပြန်ခဲ့ကြောင်း သိရသည်။

ဖြစ်စဉ်မှာ ယင်းနေ့ညနေ ၄ နာရီ ၁၅ မိနစ်ခန့်တွင် သန္နီလမ်းပေါ်၌ ဓာတ်ဆီရောင်းနေသော မအေးအေးဝင်း (၂၄ နှစ်) (ရှမ်း/တရုတ်/မြန်မာ/ဗုဒ္ဓ) ကို ကျိုင်းတုံမြို့၊ ၂ ရပ်ကွက်မှ ရောက်ရှိလာသူ နေ၀င်း (၄၈ နှစ်) (အိန္ဒိယ/တရုတ်/အစ္စလာမ်) မှ ဓာတ်ဆီလောင်းပြီး မီးရှို့ရန် ပြေးလိုက်သဖြင့် မအေးအေးဝင်းမှ ရတနာတင်းတိမ် လမ်းအတွင်းသို့ ထွက်ပြေးသွားခဲ့ကြောင်း သိရသည်။ ထိုလမ်းအတွင်းမှာပင် မအေးအေးဝင်းမှာ မပြေးနိုင်တော့ဘဲ မိသွားစဉ် နေ၀င်းမှ ဓာတ်ဆီလောင်း မီးရှို့ခဲ့ကြောင်း၊ အဆိုပါ မြင်ကွင်းကြောင့် ပတ်ဝန်းကျင်ရှိ ဒေသခံများက ထိုအစ္စလမ် ဘာသာဝင်ကို ၀ိုင်းရိုက်ခဲ့ကြကြောင်း၊ သတင်းကြားသည်နှင့် ရဲတပ်ဖွဲ့များ ရောက်ရှိလာကာ ဓာတ်ဆီလောင်း မီးရှို့သူ နေ၀င်းကို အမှတ် (၁) ရဲစခန်းသို့ ဖမ်းဆီးခေါ်ဆောင်သွားကြောင်း၊ ယင်းနောက် ဒေသခံ ၁၅၀ ခန့်သည် ညနေ ၅ နာရီခန့်တွင် အမှတ် (၁) ရဲစခန်းရှေ့သို့ စုရုံးရောက်ရှိလာပြီး မီးရှို့သူ တရားခံကို ထုတ်ပေးရန် အော်ဟစ်ပြောဆို ခဲ့ကြကြောင်း မျက်မြင်ဒေသခံများက ဆိုသည်။

"မီးရှို့တဲ့သူနဲ့ အရှို့ခံရတဲ့ မိန်းကလေးက နဂိုကတည်းက သိကြတာ မဟုတ်ဘူး။ မြင်လည်းမြင်ဖူးကြတာ မဟုတ်ဘူး။ ဒီဘာသာခြားကလည်း လားရှိုးမြို့ကို ရောက်လာတာ သုံးရက်ပဲ ရှိသေးတယ်၊ တည်းခိုခန်း တစ်ခုမှာတည်းတာ" ဟု The Daily Eleven ၏ လားရှိုးသတင်းထောက်က သတင်းပေးပို့ခဲ့သည်။ ဓာတ်ဆီလောင်း မီးရှို့ခံရသော မအေးအေးဝင်းသည် ခြေ၊ လက်နှင့် ဆံပင်များ မီးလောင်ကျွမ်းသွားပြီး လားရှိုးမြို့ ဆေးရုံကြီး၊ အရေးပေါ်ဌာနတွင် တင်ပို့ကုသထားကြောင်း သိရသည်။

အဆိုပါ ဖြစ်စဉ်အပေါ် ရှမ်းပြည်နယ် ရဲတပ်ဖွဲ့မှူးရုံး တာဝန်ရှိသူ တစ်ဦးက "ကျိုင်းတုံမြို့၊ ၂ ရပ်ကွက်နေ နေ၀င်းနဲ့ ပြည်ထောင်စုလမ်းမကြီး နံဘေး၊ မိခင်နဲ့ကလေး စောင့်ရှောက်ရေးရုံးအနီး ဓာတ်ဆီဆိုင်ဖွင့် ရောင်းနေတဲ့ မအေးအေးဝင်းတို့ စကားများ ရန်ဖြစ်ရာက ခုလို ပြဿနာ စဖြစ်တာပါ။ နေ၀င်းကို ဖမ်းမိစဉ် ရှာဖွေတဲ့အခါမှာ သူ့ဘောင်းဘီအိတ်ထဲက စိတ်ကြွရူးသွပ်ဆေးပြား နှစ်ပြားတွေ့ရပါတယ်။ အခုလို ဓာတ်ဆီလောင်း မီးရှို့တဲ့ ဖြစ်စဉ်နဲ့ ပက်သက်လို့ မအေးအေးဝင်းရဲ့ဖခင် ဦးမောင်မောင် (ရပ်ကွက် ၈၊ နယ်မြေ ၁၅၊ နယ်မြေမှူး) ကပဲ တရားလိုလုပ်ပြီး အမှုဖွင့်ထားပါတယ်။ ည ၇ နာရီခန့်မှာ မအေးအေးဝင်းရဲ့ ဆွေမျိုးငါးဦးခန့်နဲ့ သံဃာတော် ၁၀ ပါးခန့် ရဲစခန်းကို ရောက်လာပြီး တရားခံကို ထုတ်ပေးဖို့ ပြောရာကနေ လူ ၃၀ လောက် ဖြစ်သွားတယ်။ ဒါနဲ့ ည ၇ နာရီခွဲခန့်မှာပဲ တရားခံကို လားရှိုးအကျဉ်းထောင်ကို ပို့လိုက်ပြီ ဖြစ်ပါတယ်" ဟု ပြောကြားသည်။

ယခု ဖြစ်စဉ်အပေါ် မကျေနပ်သော ဒေသခံတို့မှ ည ၇ နာရီခန့်တွင် လားရှိုးမြို့မဈေးကြီး အနီးရှိ အစ္စလာမ်ဗလီ တစ်လုံးကို မီးရှို့လိုက်ကြကြောင်း၊ ယင်းနောက် လမ်းမတော်လမ်းရှိ အစ္စလာမ်ဘာသာ စာသင်ကျောင်းကိုလည်း မီးရှို့လိုက်ကြကြောင်း၊ ယခု ၁၀ နာရီ ထိုးသည်အထိ အဆိုပါ အဆောက်အအုံများ မီးလောင်ကျွမ်းဆဲဖြစ်ပြီး စာသင်ကျောင်း နံဘေးရှိ ဈေးဆိုင်ခန်း ၁၅ ခန်းခန့်မှာလည်း မီးလောင်ကျွမ်းနေဆဲ ဖြစ်ကြောင်း သိရသည်။

ဓာတ်ဆီလောင်း မီးရှို့သူ တရားခံနေ၀င်းကို လားရှိုးမြို့နယ် အမှတ် (၁) ရဲစခန်းမှ (ပ) ၂၅၇/၂၀၁၃၊ ပြစ်မှုဆိုင်ရာ ပုဒ်မ ၃၀၇/၄၃၆၊ ၃၂၆ နှင့် မယ(ပ) ၈၇/၂၀၁၃၊ မူး/စိတ် ၁၅/၁၆(ဃ) တို့ဖြင့် အမှုဖွင့် အရေးယူထားကြောင်း သိရသည်။

ထို့နောက် ရဲစခန်းရှေ့နှင့် မြို့ပေါ်အနှံ့ရှိ အဆိုပါကိစ္စကို မကျေနပ်ကြသည့် လူအုပ်စုကို သက်ဆိုင်ရာ တာဝန်ရှိသူတို့က ည ၈ နာရီခွဲခန့်တွင် ထိန်းလိုက်နိုင်ပြီဖြစ်ပြီး ဗလီ၊ စာသင်ကျောင်းနှင့် ၎င်းအနီးရှိ ဈေးဆိုင်ခန်းများ မီးလောင်ကျွမ်းမှုကို ငြိမ်းသတ်နေဆဲဖြစ်ကြောင်း ရှမ်းပြည်နယ် ရဲတပ်ဖွဲ့မှူးရုံးမှ တာဝန်ရှိသူ တစ်ဦးက ဆိုသည်။

လက်ရှိတွင် လားရှိုးမြို့ပေါ် ရပ်ကွက်အသီးသီးတွင် ည ၉ နာရီ ခန့်ကတည်းက အရေးပေါ်အခြေအနေ ပုဒ်မ (၁၄၄) ထုတ်ပြန်လိုက်ပြီ ဖြစ်ကြောင်း၊ လောင်ကျွမ်းနေသော မီးမှာလည်း ည ၁၁ နာရီခန့်တွင် ငြိမ်းစပြုနေပြီဖြစ်ကြောင်း ဒေသခံများကို ဆက်သွယ်မေးမြန်းချက်အရ သိရသည်။

ယခု လားရှိုးမြို့ ပဋိပက္ခ ဖြစ်ပွားသောနေ့မှာ ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့နှင့် ကချင်လွတ်မြောက်ရေး အဖွဲ့ချုပ် (KIO/KIA) ငြိမ်းချမ်းရေးအဖွဲ့တို့ မြန်မာနိုင်ငံအတွင်း ပထမဆုံး ငြိမ်းချမ်းရေး ဆွေးနွေးသည့်နေ့နှင့် တိုက်ဆိုင်နေသည်။

လားရှိုးမြို့သည် တရုတ်လူမျိုးများပြီး အစ္စလာမ်ဘာသာဝင် နည်းပါးကြောင်း၊ ယခု ဖြစ်စဉ်နှင့် ပတ်သက်၍ နောက်ကွယ်၌ မည်သည့်နိုင်ငံ၊ မည်သည့်အဖွဲ့အစည်းများ ပါဝင်ပတ်သက်နေသည်ကို စုံစမ်းစစ်ဆေး ဖော်ထုတ်၍ အများပြည်သူအား အသိပေးရန် လိုအပ်နေကြောင်း သုံးသပ်မှုများ ရှိနေသည်။

လက်ရှိ အစိုးရလက်ထက် ပထမဆုံး အဓိကရုဏ်း ဖြစ်ခဲ့သည့် ၂၀၁၂ ခုနှစ် ဇွန် ၈ ရက် ရခိုင်ပြည်နယ် ပဋိပက္ခများ၏ အစပြုရာ မေ ၂၈ ရက်နေ့ မသီတာထွေး အသတ်ခံရမှု ဖြစ်စဉ်သည် မေ ၂၇ ရက်တွင် အိန္ဒိယနိုင်ငံ ၀န်ကြီးချုပ် ဒေါက်တာမန်မိုဟန်ဆင်း မြန်မာပြည်သို့ လာရောက်ခဲ့ပြီး နှစ်နိုင်ငံ ပူးပေါင်းဆောင်ရွက်ရေး ကိစ္စများ လာရောက်ဆွေးနွေးမှုနှင့် တိုက်ဆိုင်နေသည်။ ယင်းမတိုင်မီ မေ ၁၇ ရက်ကလည်း အမေရိကန် နိုင်ငံခြားရေးဝန်ကြီး ဟီလာရီကလင်တန်၏ ဖိတ်ခေါ်မှုကြောင့် အမေရိကန်သို့ ရောက်ရှိနေသော နိုင်ငံခြားရေးဝန်ကြီး ဦးဝဏ္ဏမောင်လွင်အား မြန်မာနိုင်ငံအပေါ် ငွေကြေးဆိုင်ရာ ပိတ်ဆို့ကန့်သတ်မှုများကို ဆိုင်းငံ့သည့် အမိန့်အား သမ္မတအိုဘားမားက ထုတ်ပြန်ပေးမည်ဟု ဟီလာရီကလင်တန်က ပြောကြားခဲ့သည်။

၂၀၁၃ ခုနှစ် မတ် ၂၀ ရက်တွင် မိတ္ထီလာမြို့၌ စတင်ကာ ပဲခူးတိုင်း အနောက်ခြမ်း မြို့နယ်များထိ ကူးစက်ခဲ့သော ပဋိပက္ခများ ဖြစ်ပေါ်ခဲ့ရာ ယင်းမတိုင်မီ မတ် ၁၂ ရက် နေ့က ဒေါ်အောင်ဆန်းစုကြည် ဦးဆောင်သည့် လက်ပံတောင်းတောင် စုံစမ်းစစ်ဆေးရေး ကော်မရှင်၏ အစီရင်ခံစာ ထွက်ရှိခဲ့ပြီး သမ္မတ ဦးသိန်းစိန်သည်လည်း နယူးဇီလန်နှင့် သြစတြေးလျ နိုင်ငံများသို့ ချစ်ကြည်ရေးခရီး သွားရောက်နေသည့် အချိန်အတွင်း ဖြစ်ပွားခဲ့ခြင်းဖြစ်သည်။

Eleven Media Group

Read More

"ဘရေးလ် (BRAILLE) မျက်မမြင်စာ"

၂၈.၅.၂၀၁၃၊ အင်္ဂါနေ့

 

မျက်မမြင်စာရဲ့ မြစ်ဖျားခံ ရာကတော့ ၁၉ရာစု ပြင်သစ် စစ်တပ်က ကပ္ပတိန်ချားလ်စ် ဘာဗီယေးဖြစ်ပါတယ်။ စစ်ဗိုလ် ချုပ်ကြီး နပိုလီယန်က ည အမှောင်ထုထဲမှာ 

အသံတိတ် ဆက်သွယ်ရေးလုပ်ဖို့ သင်္ကေတ တွေ ထီထွင်ခိုင်းရာမှ နောင် တစ်ချိန်၊ ဘရေးလ် (Braille) မျက်မမြင်စာ ဖြစ်လာမယ့် အခြေခံပုံစံတစ်ခု ဖြစ်လာတာ ပါ။ ပြင်သစ်လိုတော့ 

Ecriture Nocturne အင်္ဂလိပ်လိုက Night writing ဆိုတဲ့ ညရေး "စာ" လို့ ခေါ်ကြပါတယ်။ အနိဋ္ဌာ ရုံစစ်ပွဲတွေရဲ့ ဖြစ်ခဲလှတဲ့ ကောင်း မွေတွေထဲကရှားပါးတစ်ခုပါပဲ။အခြေခံအားဖြင့် အဖု လေး ၆ဖုကို ဒေါင်လိုက် ၂တန်း အလျားလိုက် ၃ တန်းရှိတဲ့ အခန်းငယ်လေးတစ်ခုနဲ့ အက္ခ ရာတွေ၊ကိန်းဂဏန်းတွေ၊ ပုဒ် ထီး၊ ပုဒ်မတွေကို ရေးထားတာ ပါ။ 

ဘရေးလ်မျက်မမြင်စာကို ကျွမ်းကျင်တဲ့ မျက်မမြင်စာဖတ် သမားတွေဟာ ဘယ်ဘက်လက် ညှိုးကိုသုံးပြီးဖတ်လေ့ရှိပါတယ်။ များသောအားဖြင့် ညာဘက်ကို သုံးလေ့မရှိကြပါဘူး။ဒီမျက် မမြင် စာကို လူး ဝစ်(စ်)ဘရေးလ် Louis Braille (၁၈ဝ၉-၅၂) က ကပ္ပတိန်ချားလ်စ်ဘာဗီယေး ရဲ့ သင်္ကေတတွေကို လက်တွေ့ လွယ်လွယ်ကူကူ သုံးနိုင်အောင် 

မွမ်းမံခဲ့တာပါ။ ဘရေးလ်ဟာ ၃နှစ်သားမှာ မျက်စိနှစ်ဖက် စလုံးအလင်းကွယ်ခဲ့ပြီး အရွယ် ရောက်တဲ့အခါ ပြင်သစ် တော် ဝင်လူငယ် မျက်မမြင်ကျောင်း Royal Institution for Blind 

Youth မှာ တက်ခဲ့တယ်။

တကယ်တော့ ဒီမျက်မမြင် စာအယူအဆကို ကပ္ပတိန် ချားလ်စ်ဘာဗီယေးကပဲ ၁၈၂၁ ခုနှစ်မှ စတင် ပြခဲ့ပေမယ့်လည်း ရှုပ်ထွေးလှတဲ့အတွက် အဆင် မပြေခဲ့ပါဘူး။ မူလ 

စစ်သုံးစာ မှာ အဖု၁၂ဖုနဲ့အတန်း ၆တန်း ပါရာကလူးဝစ်(စ်)ဘရေးလ်က အသက် ၁၅နှစ်အရွယ် ၁၈၂၄ ခုနှစ်မှာ အဖု ၆ဖု၊ ဒေါင်လိုက် ၂ တန်း၊အလျှာ့လိုက် ၃တန်း ရှိတဲ့ အခန်းငယ်လေးအဖြစ် ရှင်းလင်း လျော့ချခဲ့ပါတယ်။

ဒီဘရေးလ်မျက်မမြင်စာနဲ့ ဂီတ သင်္ကေတတွေကိုလည်း ရေးလို့ရပါ တယ်။ အခုအခါမှာ မြန်မာစာ၊ တိုင်းရင်းသားတွေရဲ့ စာနဲ့ ကမ္ဘာ့ဘာသာ စကား တော်တော်များများကို ဒီ ဘရေးလ် မျက်မမြင်စာ အက္ခရာတွေ သုံး ပြီး မျက်စိအလင်း ကွယ်နေ သူတွေဟာ ဖတ်နိုင်ကြပါပြီ။

Popular Journal

Read More

ငါးကြိမ်မြောက် ချန်ပီယံဆုရယူပြီး ချန်ပီယံလိဂ်တွင် တတိယ အအောင်မြင်ဆုံးအသင်း ဖြစ်လာသည့် ဘေယန်မြူးနစ်

၂၆.၅.၂၀၁၃၊ တနင်္ဂနွေနေ့ 

ဒေါ့မွန် ၁-၂ ဘေယန်မြူးနစ်

ဒိုင်လူကြီး - ရစ်ဇိုလီ(အီတလီ)

ကစားသည့်ကွင်း - ၀င်ဘလေ(အင်္ဂလန်)

ကြည့်ရှုသူပရိသတ်ဦးရေ - ၉၀၀၀၀ ဦး

၂၀၁၂-၁၃ ဘောလုံးရာသီ ချန်ပီယံလိဂ် ပြိုင်ပွဲ၏ ဗိုလ်လုပွဲစဉ်ကို မေ ၂၅ ရက် ညပိုင်းက အင်္ဂလန်နိုင်ငံ၊ လန်ဒန်မြို့ရှိ ၀င်ဘလေ အားကစားကွင်းတွင် ယှဉ်ပြိုင်ကစားခဲ့ရာ ဘေယန်မြူးနစ်အသင်းက ဒေါ့မွန်အသင်းကို ၂-၁ ဂိုးဖြင့် အနိုင်ရရှိခဲ့ကြောင်း သိရသည်။

နှစ်သင်းစလုံးတွင် အဓိက ကစားသမား အစုံအလင် ပါဝင်လာခဲ့ပြီး ဒေါ့မွန်အသင်းက လီဝန်ဒေါစကီးကို အထောင်ထားကာ မာကိုရူးစ်၊ ဘလက်ဇီကောစကီး၊ ဟမ်းမဲလ်တို့ဖြင့် ပွဲထွက် ကစားခဲ့သည်။

ဘေယန်မြူးနစ် အသင်းကလည်း တိုက်စစ်ပိုင်းတွင် မန်ဇူကစ်ကို အထောင်ထားပြီး ရော်ဘင်၊ မူလာ၊ ရီဘာရီ၊ ရှဝိန်းစတိုင်ဂါ၊ မာတီနက်ဇ်တို့ဖြင့် လူစုံပွဲထွက်ခဲ့သည်။ ပထမပိုင်း ၂၅ မိနစ်အထိ ဘေယန်မြူးနစ်အသင်း ကစားကွက် တည်မရခဲ့ဘဲ ဒေါ့မွန်အသင်းက ဂိုးသွင်းခွင့်များ အကြိမ်ကြိမ် ရရှိခဲ့သည်။ ၁၃ မိနစ်တွင် လီဝန်ဒေါစကီး၏ ဧရိယာပြင်ပမှ ကန်ချက်ကို ဘေယန်ဂိုးသမား နူအာ ပုတ်ထုတ်နိုင်ခဲ့သလို၊ ၁၄ မိနစ်တွင်လည်း ဘလက်ဇီကောစကီး၏ ဧရိယာအတွင်းမှ အပိုင်ကန်သွင်းမှု နူအာ၏ ခြေထောက်နှင့် ထိထွက်ခဲ့သောကြောင့် ဒေါ့မွန်အသင်း နစ်နာခဲ့ရသည်။ ၂၅ မိနစ် နောက်ပိုင်းတွင် ဘေယန်မြူးနစ် အသင်းက ပြန်လည်ဖိအား ပေးလာခဲ့ပြီး အခွင့်အရေးများလည်း ရရှိခဲ့သည်။ ၂၉ မိနစ်နှင့် ၄၂ မိနစ်တွင် ရော်ဘင် ဂိုးသမားနှင့် တစ်ဦးချင်း ရင်ဆိုင်တွေ့ခဲ့သော်လည်း အခွင့်အရေး မယူနိုင်သောကြောင့် ပထမပိုင်း အပြီးတွင် ဂိုးမရှိ သရေဖြစ်နေခဲ့သည်။

ဒုတိယပိုင်းတွင် ဒေါ့မွန်အသင်း ကစားအား ကျသွားခဲ့ပြီး ဘေယန်မြူးနစ် အသင်းက ဘောလုံးပိုင်ဆိုင်မှု အသာဖြင့် ကစားနိုင်ခဲ့သလို၊ ဂိုးသွင်းခွင့်များလည်း ပိုမိုရရှိခဲ့သည်။ ၅၉ မိနစ်တွင် ဘေယန်မြူးနစ်အသင်း ဦးဆောင်ဂိုး စတင်ရရှိခဲ့ပြီး ယင်းဂိုးကို ရီဘာရီ၊ ရော်ဘင်တို့၏ တွဲလုံးမှတစ်ဆင့် ရော်ဘင်၏ ပေးပို့မှုကို မန်ဇူကစ်က အနီးကပ် ပိတ်သွင်းယူနိုင်ခဲ့ခြင်း ဖြစ်သည်။ ၆၆ မိနစ်တွင် ဘေယန်နောက်ခံလူ ဒန်တေ ဒေါ့မွန်ကွင်းလယ်လူ မာကိုရူးစ်ကို ပယ်နယ်တီ ဧရိယာအတွင်း ဘောလုံးမထိဘဲ လူကိုကန်မိခဲ့သဖြင့် ဒိုင်လူကြီးက ဒေါ့မွန်အသင်းဘက်သို့ ပယ်နယ်တီ ပြစ်ဒဏ်ဘော ပေးခဲ့သည်။ ယင်းပယ်နယ်တီကို ဒေါ့မွန်ကွင်းလယ်လူ ဂန်ဒိုဂန်က နူအာ၏ ဘယ်ဘက်ထောင့်သို့ အမှားအယွင်းမရှိ ကန်သွင်းယူခဲ့ပြီး ချေပဂိုး သွင်းယူနိုင်ခဲ့သည်။ ၈၉ မိနစ်တွင် ရီဘာရီ၏ နောက်ပြန်ပေးပို့မှုမှတစ်ဆင့် ရော်ဘင်က ဒေါ့မွန်နောက်ခံလူ တစ်ဦးကို ကျော်ဖြတ်ကာ ဂိုးသမားနှင့် အနီးကပ် အနေအထားတွင် အပိုင်သွင်းယူ ခဲ့သောကြောင့် ဘေယန်မြူးနစ်အသင်း အနိုင်ဂိုး ရရှိခဲ့သည်။

ဘေယန်မြူးနစ် အသင်းမှာ ချန်ပီယံလိဂ် သမိုင်းကြောင်း တစ်လျှောက်တွင် ငါးကြိမ်မြောက် ချန်ပီယံဆုကို ရယူနိုင်ခဲ့ခြင်းဖြစ်ပြီး ချန်ပီယံလိဂ်ပြိုင်ပွဲ၏ အအောင်မြင်ဆုံး အသင်းများ နေရာတွင်လည်း လီဗာပူးလ်ကို ကျော်တက်ကာ တတိယနေရာသို့ ရောက်ရှိလာခဲ့သည်။ ဘေယန်မြူးနစ် အသင်းသည် ၁၉၇၄၊ ၁၉၇၅၊ ၁၉၇၆ ခုနှစ်များတွင် ဥရောပဖလားကို သုံးကြိမ်ဆက် ရယူခဲ့ပြီး ၂၀၀၁ ခုနှစ်တွင် လေးကြိမ်မြောက် ချန်ပီယံဆုကို ရယူကာ ၁၂ နှစ်အကြာတွင် ငါးကြိမ်မြောက် ဆုဖလားကို ရယူနိုင်ခဲ့ခြင်းလည်း ဖြစ်သည်။

Eleven Media Group

Read More