ပြည်တွင်း ငြိမ်းချမ်းရေးအတွက် ကူညီပံ့ပိုးရန် ကွန်ရက်အဖွဲ့ ဖွဲ့စည်း

   ပြည်တွင်းငြိမ်းချမ်းရေး လုပ်ငန်းစဉ်များတွင် ကူညီဆောင်ရွက်ပေးရန်အတွက် ငြိမ်းချမ်းရေးကွန်ရက်ကို ဖွဲ့ စည်းလိုက်ပြီး ယင်းကွန်ရက်အနေဖြင့် အမျိုးသားအားလုံး တန်းတူအခွင့်အရေးရရှိရေးကို ဆောင်ရွက်သွား မည်ဖြစ်သည်ဟု ကွန်ရက်အဖွဲ့ဝင်တစ်ဦးဖြစ်သူ ဦးအောင်သူက မဇ္ဈိမသို့ပြောကြားခဲ့သည်။ ယင်းကွန်ရက် ရဲ့လုပ်ဆောင်ချက်များ ဆောင်ရွက်ရာတွင် တန်းတူအခွင့်အရေးရရှိရေးနှင့် လူ့အခွင့်အရေးတို့ကို အခြေခံ သတ်မှတ်ထားသည့် ဆရာကြီးသခင်ကိုယ်တော်မှိုင်းမူဖြင့် ပါဝင်လုပ်ဆောင်သွားမည်ဖြစ်သည် ဟုလည်း ဦးအောင်သူကပြောသည်။၎င်းက''အခုငြိမ်းချမ်းရေးဆွေးနွေးပွဲ တွေကိုကြည့်ရတာ ဟန်ပြတွေပဲဖြစ်နေတယ် ၊ ကဏ္ဍအလိုက်မှာ အခွင့်အရေးတွေ ဆုံးရှုံးနေတာကိုတွေ့ရတယ်၊ တကယ်ကို အားမရပါဘူး၊ ကျွန်တော်တို့ ကွန်ရက်က အဲဒီကဏ္ဍတွေမှာ လိုက်လံပံ့ပိုး လုပ်ဆောင်သွားမှာပါ၊ လုပ်ငန်းစဉ်အသေးစိတ်ကိုတော့နောက် ပိုင်းမှာထပ်ဆွေးနွေးသွားပါမယ်''ဟု ပြောသည်။ ယင်းကွန်ရက်က ဆူပူမှုဖြစ်စေရန် လုပ်ဆောင်မှုများကို အခြားသော အဖွဲ့အစည်းများနှင့် ချိတ်ဆက်ကာ ကန့်ကွက်ခြင်း၊ ဟန့်တားခြင်းများ ပြုလုပ်သွားမည်ဖြစ်ပြီး ငြိမ်းချမ်းရေးနှောင့်ယှက်မှု အသွင်အားလုံးတို့အားပြည်သူများကြားသိရန်လည်း ဖော်ထုတ်သွားမည်ဟု ဆို သည်။ အဖွဲ့ဝင်တစ်ဦးဖြစ်သူ ဦးတင်အေးက ''တချို့ဆူပူမှုတွေက သိသာပါတယ်၊ နိုင်ငံရဲ့ ငြိမ်းချမ်းနေမှုကို ပျက်ပြားအောင်လုပ်နေတဲ့ ကိစ္စတွေကိုလည်း လက်မခံနိုင်ပါဘူး၊ နိုင်ငံရဲ့ငြိမ်းချမ်းမှုကိုတော့ အထောက်အ ကူဖြစ်အောင်လုပ်နေတဲ့ လုပ်ရပ်တွေကိုတော့ ကျွန်တော် တို့ကွန်ရက်က ထောက်ခံမယ်'' ဟု ပြောသည်။ ကွန်ရက်လုပ်ငန်းစဉ်များအဖြစ် နိုင်ငံ ရေး၊ ငြိမ်းချမ်းရေးနှင့် ဆက်စပ်နေသည့် ပြည်တွင်း စီးပွားရေး၊ ဒီမို ကရေစီရေးများနှင့် လူ့အခွင့်အရေးဆိုင်ရာ ကိစ္စရပ်များတွင် လက်ရှိလုပ်ကိုင်နေသည့် အဖွဲ့အစည်းများနှင့် လည်း ပူးပေါင်းလုပ်ဆောင်သွားမည်ဖြစ်သည်။ ကွန်ရက်မှဆောင်ရွက်မည့် လုပ်ငန်းစဉ်အားလုံးတို့သည် ယ ခင်သခင်ကိုယ်တော်မှိုင်းလုပ်ဆောင်ခဲ့သည့် လုပ်ရပ်များကိုအသက်ပြန်သွင်းကာငြိမ်းချမ်းရေးနှင့်ဆက်နွယ် လုပ်ဆောင်ခြင်းသာ ဖြစ်သည်ဟုလည်း အဖွဲ့ဝင်များက ဆိုသည်။

   ကွန်ရက်ဖွဲ့စည်းမှုနှင့်ပတ်သက်၍ ရန်ကုန်အခြေစိုက်ရုံးမှ ဒေါက်တာလှမြင့်က ''ကွန်ရက်ရဲ့အလုပ်တွေကို စိတ်ပါဝင်စားတဲ့သူတွေကို အဖွဲ့ဝင်အဖြစ်လက်ခံပါတယ်၊ အခုလက်ရှိမှာတော့ အဖွဲ့ဝင်တွေက ၁၉၆၂ ခုနှစ် က ဗကသကျောင်းသားဟောင်းတွေ များပါတယ်၊ တချို့တွေကလည်း နိုင်ကျဉ်းတွေပါ၊ အခုကွန်ရက်မှာ ဥက္ကဋ္ဌရယ်၊ အတွင်းရေးမှူးရယ် ခွဲခြားထားတာမရှိပါဘူး'' ဟု ဆိုသည်။သခင်ကိုယ်တော်မှိုင်း ငြိမ်းချမ်းရေး ကွန်ရက်အနေဖြင့် ရန်ကုန်၊ မန္တလေးနှင့် မြင်းခြံ မြို့တို့တွင် ရုံးများထားရှိသည်။ ရန်ကုန်အခြေစိုက်ကွန်ရက် သည်ဇွန်လ ၁၅ ရက်မှ ၁၈ ရက်ထိ ကရင်ပြည်နယ်၊ DKBA ကလို့ထူးဘောစစ်ဌာနချုပ်တွင် ပထမအကြိမ်ပြု လုပ်ခဲ့သည့် တိုင်းရင်းသားပေါင်းစုံရဲ့ သဘောထားအမြင်များ နှီးနှောဖလှယ်ပွဲတွင်လည်း တိုင်းရင်းသားများ အရေးနှင့် ငြိမ်းချမ်းရေးဆွေးနွေးပွဲများတွင် ပူးပေါင်းပါဝင်ရန် ဆွေးနွေးညှိနှိုင်းပြီးဖြစ်သည်။သခင်ကိုယ်တော် မှိုင်းသည် ပြည်တွင်းရှိတောင်သူလယ်သမား၊ အလုပ်သမားတို့၏ အခွင့်အရေးဆိုင်ရာတောင်းဆိုမှုများတွင် လှုပ်ရှားခဲ့သူ ခေါင်းဆောင်တစ်ဦးဖြစ်သည်။ ကမ္ဘာ့ငြိမ်းချမ်းရေး ကွန်ဂရက်(မြန်မာနိုင်ငံ) ၏ ဥက္ကဋ္ဌကြီးဖြစ်ပြီး ၁၉၅၅ ခုနှစ်တွင် ကမ္ဘာ့ငြိမ်းချမ်းရေးစတာလင်ဆုကို ရရှိခဲ့ကာ ၁၉၂ဝ ခုနှစ်မှ ၁၉၆၄ ခုနှစ်ထိ ငြိမ်းချမ်းရေး လုပ်ငန်းစဉ်များ ဆောင်ရွက်ခဲ့သူ ဖြစ်သည်။

Ref..mizzimaburmese

Read More

မဟာသက္ကရာဇ် ၊ သာသနာ သက္ကရာဇ် နှင့် ကောဇာသက္ကရာဇ် အဓိပ္ပါယ်

မဟာ သက္ကရာဇ် ဆိုတာ မြတ်စွာဘုရားရှင်ရဲ့ အဘိုး ( မယ်တော် မာယာဒေ၀ီရဲ့ ဖခင် ) ဒေ၀ဒဟ ပြည့်ရှင် ဘိုးတော် အဉ္စန မင်းကြီး ဟာ ကမ္ဘာဦး မဟာ သမ္မတ မင်းမှ စ၍ ရေတွက်လာသော ရောက်ဆဲ သက္ကရာဇ် ( ၈၆၄၉ ) ခုနှစ်ကို ဆရာဖြစ်သော ဒေ၀ိလ ရသေ့နှင့် တိုင်ပင်ကာ ရောက်ဆဲနှစ် တပေါင်းလကွယ် နေ့ မှ စ၍ ဖြိုဖျက် ပြီးလျင် သက္ကရာဇ် ၁ ခု ဆိုပြီး ရေတွက်ခဲ့တာပါ၊( သက္က + ရာဇ ) သာကီဝင် မင်းတို့ စတင်ရေတွက်သော နှစ် သက္ကရာဇ် ဆိုတာ ပါဠိမှ ဆင်းသက်လာသော မြန်မာစကား လို့ ဆိုနိုင်ပါတယ်၊

နောက်မှာတော့ သာကီဝင်လူမျိုးတွေဟာ အခြားသောလူတို့ထက် ဥပဓိရုပ်လက္ခဏာ ဥာဏ်ပညာစသည်အားဖြင့် သာလွန် မြင့်မြတ်တယ် ဆိုတဲ့ အဓိပ္ပါယ်သဘောနဲ့ ( မဟာ ) ဆိုတဲ့ စကားလုံးကို ထည့်သုံးလာပြီး မဟာသက္ကရာဇ် ဆိုတာ ဖြစ်လာတာပါပဲ၊ဒါကြောင့် မဟာ သက္ကရာဇ် ၆၈ ခုနှစ် (ယေရှု့ ခရစ်တော် မပေါ်ခင် နှစ်ပေါင်း ၆၂၃ စောတဲ့ ကာလ ) မှာ ဘုရားအလောင်းတော် ကို မွေးဖွားပြီး ၁၄၈ ခုနှစ်မှာ ပရိနိဗ္ဗာန် ပြုတော်မူခဲ့ပါတယ်၊ ဒါကတော့ မဟာသက္ကရာဇ် အသုံးအနှုံးပါ၊

နောက် တခုက ဘုရားရှင်လွန်တော်မူပြီး ပဋ္ဌမ သင်္ဂါယနာတင် မထေရ်ကြီး အရှင် မဟာ ကဿပနဲ့ ဘုရင် အဇာတသတ် တို့ တိုင်ပင်ပြီး ရောက်ဆဲ မဟာ သက္ကရာဇ် ( ၁၄၈ ) ခုနှစ်ကို ဖြိုလျက် ၁ ခုကြွင်း ထားကာသာသနာနှစ်၁နှစ်ဆိုပြီးစတင် ရေတွက်ခဲ့ကြပြန်တယ်၊ ဘုရားရှင်လွန်တော်မူပြီး ရေတွက်လာသောနှစ်ကို သာသနာနှစ် လို့ မှတ်သားရပါမယ်၊ အဲဒီ သာသနာနှစ်ဟာ ယခု ၂၅၅၃ ခုနှစ်ရှိပြီမို့ ဘုရားရှင် လွန်တာဟာလဲ နှစ်ပေါင်း ၂၅၅၃ နှစ် လို့ မှတ်နိုင်ပါတယ်၊အဲဒီနောက် သာသနာ သက္ကရာဇ် ၆၂၄ ခုနှစ် အရောက် သရေခေတ္တရာပြည် သုမုန္ဒရီ မင်း လက်ထက်မှာ ၆၂၂ နှစ်ကို ပထမအကြိမ်အနေနဲ့ ဖြိုဖျက်ပြီး ၂ ခုကြွင်း ထားကာ စတင် ရေတွက်ခဲ့ကြပြန်တယ်။

ဒုတိယ သက္ကရာဇ်ဖြိုသူကတော့ ပုဂံပြည် ပုပ္ပားစောရဟန်းမင်း ပါ။ သူ့လက်ထက် သရေခေတ္တရာ မှ စတင်ရေတွက်လာသော ရောက်ဆဲ သက္ကရာဇ် ၅၆၂ ခုနှစ်အရောက်မှာ ၅၆၀ ကို ဖြိုဖျက်၍ ၂ ခုကြွင်းထားကာ မြန်မာ သက္ကရာဇ် ၂ နှစ် ၃နှစ် စသည်ဖြင့် စတင်ရေတွက်ခဲ့တာ ဟာ ယနေ့ လက်ရှိ ကောဇာ သက္ကရာဇ် အစပဲ ဖြစ်ပါတယ် ၊

ဒါကြောင့် ရှေးရှေး ဆရာတို့က သာသနာနှစ်ကို သိလိုလျင် ( ဒွေ အဋ္ဌ ဧက ဧက နှော =ဒွေ-၂ အဋ္ဌ-၈ ဧက ဧက - ၁၁ )ပါဠိ ဂဏန်းမှန်သမျှ ပြောင်းပြန်ယူတွက်ရသောကြောင့် ( တစ် တစ် ရှစ် နှစ် သက္ကရာဇ် ပေါင်းလစ် သာသနာ၊ ဆိုပြီး ၂ ကြိမ် ဖြိုခဲ့သော ခုနှစ်များကိုရောက်ဆဲ ကောဇာ သက္ကရာဇ်ဖြင့် ပေါင်းထည့်က သိနိင်တယ် လို့ ဆိုပါတယ်၊ ( ၆၂၂ + ၅၆၀ = ၁၁၈၂ ) ( ကောဇာ - ၁၃၇၁ + ၁၁၈၂ = ၂၅ ၅၃ )ယေရှု့ ခရစ်တော် သေဆုံးပြီး ပြန်လည် ထမြောက်ရာအခါမှ ရေတွက်လာသော နှစ်ကို ခရစ်နှစ် လို့ ယနေ့တိုင်ခေါ်ဆိုနေကြပါတယ်၊ ဒါကြောင့် ခြားနားတဲ့ အဓိပ္ပါယ် ရှိတဲ့ ခရစ် နှင့် သက္ကရာဇ် ဆိုတာကို ဘုန်းဘုန်းတို့ ဗုဒ္ဓဘာသာဝင်တွေဟာ တွဲဘက် အသုံးမပြုသင့်ပါဘူး၊

A D = An no Domini ( used to indicade that a date comes the specified number of years the traditional date of christ’s birth ) AD is an abbreviation of latin Anno domini . it is normal to write the third century AD . AD should be placed before the numerals, as in AD 375 ( not 375 AD )  ဒါက Oxford Dictionary က ဖွင့်ပြတာပါ၊ လိုရင်းအချုပ်ကတော အေဒီ အသုံးအနှုံးဟာ ရိုးရာအနေအားဖြင့် ခရစ်တော် မွေးဖွားတဲ့ နေ့ကနေ ရေတွက်တဲ့ နှစ် လို့ မှတ်ရပါမယ်၊ လက်တင် ဘာသာ ကနေ ဆင်းသက်လာတယ် လို့ ဆိုပါတယ် ၊

B C = before Christ ( placed after a date, indicating that it is before the Christian era. Usage- in 72 BC, ( not BC 72 )  ဆိုလိုတာက ဘီစီ ဆိုတာ before Christ ခရစ်တော် မမွေးဖွားမီ သုံးနှုံ့း ရေတွက်ခဲ့တဲ့ ခုနှစ် တွေကို ရည်ညွန်းပါတယ်၊

၁၂ ရာစု၊ ၁၉ ရာစု ဆိုတာကတော့ ပထမ အနေနဲ့ ရာစုနှစ်ကို ပြောရပါမယ်၊ ပညာရှင်တွေ အဆိုအရတော့ နှစ်ပေါင်း ၁၀၀ ကို ၁ ရာစု လို့ သတ်မှတ်ပြီး ၂၀၀ ရောက်ရင် ၂ ရာစု၊ ၅၀၀ ရောက်ရင် ၅ ရာစု စသည်ဖြင့် ရေတွက်ခဲ့ကြတာပါ၊ ဒါကြောင့် အခု ၂၀၀၉ ဆိုတော့ ၂၁ ရာစုနှစ်လို့ ပြောစမှတ် ပြုနေကြခြင်း ဖြစ်ပါတယ်ဒီနေရာမှာ ရာစု ဆိုလို့ ပြောရအုံးမယ်၊ သာသနာနှစ် ၆ ရာစု အတွင်း ဂျေရုစလင် မြှိုတော် မှာ ခရစ်ယာန်ဘာသာကို စတင် တည်ထောင်သော ယေရှု့ ခရစ်တော် ပေါ်ပေါက် ဖွားမြင်ခဲ့တယ်လို့ ဆိုပါတယ် ။

သာသနာ ၁၂ ရာစု အတွင်းမှာတော့ အာရေဗျပြည် ( ယခု အခေါ် ဆော်ဒီ အာရေးဗီးယား နိုင်ငံ မက္ကာ မြို့တော်မှာ တမန်တော် မိုဟာမက် ဆိုတာ ပေါ်ပေါက်လာပြီး အစ္စလာမ် ဘာသာ ကို တည်ထောင်ခဲ့ တာပါ၊ ဒါကြောင့် ဗုဒ္ဓ၀ါဒ ဟာ သိပ်ပြီးရှေးကျ တယ်လို့ ဆိုနိုင်ပါတယ်။

ဒီနေရာမှာ လူတွေ ပြောနေကြတဲ့ လူ့ သက်တမ်း ကို တွက်ပြပါအုံးမယ်၊ ယခု ၁၀၀ သက်တမ်း မဟုတ်ဘဲ ၇၅ နှစ် သက်တမ်း ပဲ ရှိတော့တယ် ဆိုတာ နှစ်ပေါင်း ၂၅၀၀ ကျော်လာပြီ ဖြစ်တဲ့ အတွက် နှစ် ၁၀၀ ကို ၁ နှစ် လျော့လာလိုက်တာ ၁၀၀ တမ်းကနေ ၂၅ နှစ် ဆုတ်ယုတ်ရင် ၇၅ နှစ် တမ်း ဆိုတာ ဖြစ်လာတာပါ၊
ဒါကြောင့် ယခု ၇၅ နှစ်သက်တမ်း တောင် အပြည့် မရှိတော့ပဲ နှစ်ပေါင်း ၅၅၃ အစွန်းထွက် ပိုနေတာကြောင့် ၇၄ နှစ် ခွဲ သက်တမ်းလို့တောင် ပြောနိုင်ပါတယ်။ တကယ် သတိ သံဝေဂ ယူတတ်မယ် ဆိုရင် တော်တော် ထိတ်လန့်စရာပါပဲ။

ဒါပေမယ့် အသက်ရှည်ကြောင်း အတိတ်ဘ၀ ၊ ယခု ဘ၀ ကုသိုလ်ကောင်းမှု့တွေ ရှိနေတယ် ဆိုရင်တော့ ၇၅ နှစ် မကပဲ ရာကျော် သက်တမ်းထိလဲ နေရတတ်ပါတယ် ၊ ဒါကြောင့် ကုသိုလ်ကောင်းမှု့ တွေကို သတိ တရား လက်ကိုင်ထားပြီး ဆည်းပူးနိုင်ပါစေ လို့ ပတ္ထနာပြု နိဂုံးချုပ်လိုက်ပါတယ်။

အပ္ပမာဒေန သမ္ပာဒေထ၊ အရှင်သုနန္ဒာလင်္ကာရ ( သီဟိုဠ် )

Ref: MMExpress

Read More

ကျောင်းခေါ်ချိန် မပြည့်သည့် ကျောင်းသားကို စာမေးပွဲဖြေခွင့်ပေးသည့် ဆရာ၊ ဆရာမများ အရေးယူခံရမည်

ကျောင်းခေါ်ချိန် ၇၅ ရာခိုင်နှုန်း ပြည့်မီခြင်းမရှိသည့် တက္ကသိုလ်ဝင်တန်း ကျောင်းသားများကို စာမေးပွဲ ဝင်ရောက် ဖြေဆိုခွင့်ပြုသည့် ဆရာ၊ ဆရာမများအား ရာထူးလျှော့ချသည်အထိ အရေးယူသွားမည်ဖြစ်ကြောင်း ပညာရေးဝန်ကြီးဌာနမှ အဆင့်မြင့်အရာရှိကြီးတစ်ဦးက ပြောသည်။ “ကျောင်းခေါ်ချိန် ၇၅ ရာခိုင်နှုန်းပြည့်အောင် ကျောင်းတက်ရပါမယ်။ စာမေးပွဲ မဖြေခင်လအထိတော့ ကျောင်းမတက်ကြတာ မှန်ပေမယ့် အောက်တိုဘာ၊ နိုဝင်ဘာလအထိ ကျောင်းခေါ်ချိန်မှန်ပြီး ၇၅ ရာခိုင်နှုန်း ပြည့်နေတဲ့ ကျောင်းသားက စာမေးပွဲဖြေခွင့် ရှိတယ်။ တချို့ကျောင်းသားတွေ ၇၅ ရာခိုင်နှုန်း မပြည့်ဘဲ ၆၀ တို့၊ ၆၅ ရာခိုင်နှုန်းလောက်ပဲ ရှိနေတာ စစ်ဆေးတွေ့ရရင် ပြန်ပြီး ပယ်ဖျက်ရတာတွေ ရှိတယ်” ဟု အဆိုပါ အဆင့်မြင့်အရာရှိက ပြောသည်။ တချို့သော တက္ကသိုလ်ဝင်တန်း ကျောင်းသားများသည် ကျောင်းများထက် ကျူရှင်များကို ဦးစားပေး တက်ရောက်ကြပြီး ကျောင်းခေါ်ချိန် ပြည့်မီရန် ဆရာ၊ ဆရာမများနှင့် နားလည်မှုယူကာ စာမေးပွဲ ဝင်ရောက် ဖြေဆိုခြင်းများ ရှိနေသည့်အပေါ် အဆိုပါအရာရှိကြီးက ညွှန်းဆိုပြောကြားလိုက်ခြင်း ဖြစ်သည်။ “တချို့ကျောင်းသား တစ်ယောက်စ၊ နှစ်ယောက်စတော့ ရှိကောင်းရှိမယ်။ နယ်တွေမှာတော့ ဒီလိုမျိုးတွေ မရှိကြဘူး။ အဲဒီလိုမျိုး ကျောင်းသားနဲ့ ဆရာကြား မသမာမှုတို့၊ ဘက်လိုက်မှု၊ လာဘ်စားမှုတွေကို စစ်ဆေးတွေ့ရှိရရင် ပြစ်မှုကျူးလွန်တဲ့ အတိုင်းအတာအထိ သက်ဆိုင်ရာ ပညာရေးဝန်ထမ်းကို ပြောင်းရွှေ့မိန့်ကနေ ရာထူးချတဲ့အထိ အပြစ်ပေးခံရမယ်” ဟု ယင်းအဆင့်မြင့် အရာရှိက ဆက်လက်ပြောသည်။ ယင်းကျောင်းခေါ်ကြိမ် ပြည့်မီခြင်း မရှိသည့် ကိစ္စရပ်များသည် ယခင်ကတည်းက ရှိနေပြီး ယခုအချိန်တွင်လည်း ဆက်လက်ရှိနေဆဲပင်ဖြစ်ကြောင်း သိရသည်။

Ref: MMExpress

Read More

အရှေ့တောင်အာရှ တံခွန်စိုက် ပန်ကြပ်ဆီလတ် ပြိုင်ပွဲတွင် မြန်မာတို့ ငွေနှစ်ခု ရရှိထား

  စတုတ္ထ အကြိမ်မြောက် အရှေ့တောင်အာရှ တံခွန်စိုက်ပန်ကြပ်ဆီလတ်ပြိုင်ပွဲ တတိယနေ့ပွဲစဉ်များကို ဇွန် ၂၆ ရက်က နေပြည်တော်ရှိ ၀ဏ္ဏသိဒ္ဓိအားကစားရုံတွင် ကျင်းပခဲ့ရာ အိမ်ရှင်မြန်မာပန်ကြပ်ဆီလတ်အဖွဲ့ က ငွေတံဆိပ်နှစ်ခု ဆွတ်ခူးရရှိထားကြောင်းသိရသည်။ မြန်မာပန်ကြပ် ဆီလတ်အဖွဲ့အတွက်ငွေတံဆိပ်ဆု ကို ထက်ဝေလှိုင်က အမျိုးသားတစ်ဦးချင်းအပြပြိုင်ပွဲတွင် ရယူနိုင်ခဲ့ခြင်းဖြစ်ပြီး အင်ဒိုနီးရှားအသင်းကရွှေတံ ဆိပ်နှင့် ဗီယက်နမ်အသင်းက ကြေးတံဆိပ်တို့ရရှိခဲ့ကြပါသည်။ နောက်ထပ်ငွေတံဆိပ် တစ်ခုကိုမူသူရစိုးနှင့် ရဲမောင်မောင်အတွဲက အမျိုးသားနှစ်ယောက်တွဲ အပြပြိုင်ပွဲတွင်ရယူနိုင်ခဲ့ပြီး ရွှေတံဆိပ်ဆုကိုဗီယက်နမ်နှင့် ၊ကြေးတံဆိပ်ဆုကို မလေးရှားတို့က ရရှိခဲ့သည်။ ပြိုင်ပွဲတတိယနေ့အပြီးတွင် ဗီယက်နမ်အသင်းက ရွှေသုံးခု ၊ ငွေတစ်ခု၊ ကြေးတစ်ခု ရရှိကာ နိုင်ငံအလိုက် ဆုရရှိမှုတွင် ဦးဆောင်နေပြီး အင်ဒိုနီးရှားအသင်းက ရွှေနှစ်ခု ၊ ငွေတစ်ခုရရှိကာ ဒုတိယနေရာကနေလိုက်နေကြောင်း သိရသည်။ ယင်းပြိုင်ပွဲတွင် ရွှေတံဆိပ် ၁၈ ခုချီးမြှင့် မည်ဖြစ်ပြီး ဇွန် ၂၇ ရက် (ယနေ့) တွင် အတိုက်ပြိုင်ပွဲ၏ ဗိုလ်လုပွဲ ပွဲစဉ် ၁၃ ပွဲကို ဆက်လက်၍ ကျင်းပသွား မည်ဖြစ်ကြောင်း သိရသည်။ ဇွန် ၂၆ ရက် ညနေပိုင်းတွင် အတိုက်ပြိုင်ပွဲ၏ ဆီမီးဖိုင်နယ်ပွဲစဉ်များကို ကျင်းပ ခဲ့ပြီး အပြပြိုင်ပွဲ အမျိုးသားပြိုင်ပွဲ သုံးပွဲနှင့် အမျိုးသမီးပြိုင်ပွဲ နှစ်ပွဲ၊ စုစုပေါင်းငါးပွဲကိုမူ နံနက်ပိုင်းတွင် ကျင်းပ ခဲ့ကြောင်း သိရသည်။ မြန်မာပန်ကြပ် ဆီလတ်အဖွဲ့သည် မတ်လအတွင်းက ကျင်းပခဲ့သည့် ဆီးဂိမ်းစ်အကြို အာဆီယံဖိတ်ခေါ်ပြိုင်ပွဲတွင် အောင်မြင်မှုများရရှိခဲ့သော်လည်း ယခုပြိုင်ပွဲတွင်မူ တတိယနေ့အပြီးအထိရွှေ တံဆိပ်ရယူနိုင်ခြင်း မရှိသေးကြောင်းသိရသည်။ ပြိုင်ပွဲကို ဇွန် ၂၇ ရက်အထိ ကျင်းပမည် ဖြစ်သည်။

Ref..news-eleve

Read More

နယ်ပယ်စုံမှ သတင်းအချက်အလက်နှင့် နည်းပညာများအကြောင်း သိရှိနိုင်မည့် ဟောပြောပွဲ ကျင်းပမည်

နည်းပညာ၊ နိုင်ငံရေး၊ စီးပွားရေး၊ မီဒီယာ အစရှိသည့် နယ်ပယ်စုံမှ သတင်းအချက်အလက်နှင့် နည်းပညာအကြောင်း သိရှိနိုင်မည့် ဟောပြောပွဲ (One Click Impact To Myanmar) ကျင်းပမည်ဖြစ်ကြောင်း အဆိုပါ ပွဲစီစဉ်သူ ကိုဇော်ဇော်မျိုးလွင်က ပြောကြားသည်။ အဆိုပါ ဟောပြောပွဲကို ဇွန်လ ၃၀ ရက် နံနက် ၉ နာရီမှ ညနေ ၅  နာရီအထိ MICT Park အတွင်း၌ ကျင်းပသွားမည်ဖြစ်ကြောင်း သိရသည်။ “ပထမပိုင်း ဟောပြောပွဲအပြီး ညနေပိုင်းမှာ Final Discussing ကို ပြုလုပ်သွားမှာ ဖြစ်ပါတယ်။ အဲ့ဒီမှာ ထိုင်းနိုင်ငံကနေ Speaker တစ်ယောက် လာရောက် ဆွေးနွေးပြောကြားမှာ ဖြစ်ပါတယ်။ သူက Social Network Conflict နဲ့ ပတ်သက်ပြီး လေ့လာတဲ့သူပါ” ဟု ကိုဇော်ဇော်မျိုးလွင်က ပြောသည်။ အကြောင်းအရာပေါင်းစုံ မျှတအောင် ဟောပြော ဆွေးနွေးမည်ဖြစ်ပြီး အဆိုပါအစီအစဉ်ကို DVB ရုပ်သံလိုင်းမှ ထုတ်လွှင့်ပေးသွားမည်ဖြစ်ကြောင်း သိရသည်။ “ဒီအခမ်းအနား တက်ရောက်ခြင်းအားဖြင့် Social Media အသုံးပြုမှု၊ အွန်လိုင်း အသုံးပြုမှု၊ မီဒီယာကျင့်ဝတ်၊ နည်းပညာဆိုင်ရာ လုံခြုံရေးပိုင်း အစရှိတဲ့ အကြောင်းအရာတွေနဲ့ ပတ်သက်ပြီး အသိပညာတွေ တိုးပွားသိရှိနိုင်မှာ ဖြစ်ပါတယ်” ဟု ဆက်လက် ပြောကြားသည်။ အဆိုပါ အခမ်းအနားကို မည်သူမဆို တက်ရောက်နိုင်မည် ဖြစ်ကြောင်း သိရသည်။ ပြည်တွင်း မီဒီယာပိုင်းဆိုင်ရာမှ ပညာရှင်များ၊ Blogger များ၊ ရုပ်သံလိုင်းမှ ပညာရှင်များ၊ လူမှုရေးလုပ်ငန်း ဆောင်ရွက်နေသူများ အစရှိသည်တို့ အပါအဝင် ဟောပြော ဆွေးနွေးသူ (၈) ယောက် ဝန်းကျင်ခန့် ရှိမည်ဟု သိရကြောင်းသိရသည်။

Ref: MMExpress

Read More

"Ms. Hannah Beech (TIME Magazine) သို့ အိတ်ဖွင့်ပေးစာ"

ခင်မင်ရပါသော နှမတော် ဟန်နာဘိခ်ထံ အမျိုးသားရေးဝါဒီ ဦးပဉ္စင်း ဦးဝီရသူ စာရေးလိုက်ပါတယ်။ မင်း ငါ့ဆီလာစဉ်တုန်းက မင်းနှင့် မင်းရဲ့ဓာတ်ပုံဆရာအပေါ် ငါတို့ ဧည့်ဝတ်ကျေပွန် ခဲ့တယ်နော်။ မင်းတို့ဖြစ်စေ ချင်တာအားလုံးကို ငါအကုန် ကူညီခဲ့တယ် ဆိုတာလည်း မင်းသိမှာပါ။ မင်းတို့သတင်းသမားတွေ သတင်း မှန်သိစေချင်တဲ့ စိတ်ရင်းစေတနာကောင်း တစ်ခုတည်းနဲ့ ငါတို့ မင်းကိုကူညီခဲ့ကြတာပါ။ မင်းတို့နိုင်ငံကြီး သားတွေကို လေးစားလို့ မင်းတို့ TIME ဌာနကြီးကို အထင်ကြီးလို့၊ မင်းတို့ လိမ်လိမ့်မယ် မထင်လို့၊ သတင်း သမားကျင့်ဝတ်ကို ဖောက်ဖျက်လိမ့်မယ် မထင်လို့ ငါတို့ မင်းကို ကူညီခဲ့ကြခြင်းဖြစ်ပါတယ်။

အခုမှ မင်းဟာ ငါ့အတွက် ဧည့်ဆိုးမှန်း သိလိုက်ရပါတယ်။ မင်းမျက်နှာပေါ်က လှပတဲ့အပြုံးရဲ့နောက်ကွယ် က အမုန်းတရားတွေကို မြင်အောင် ငါမကြည့်နိုင်ခဲ့ဘူး။ နူးညံ့တဲ့မင်းရဲ့အမူအရာတွေအောက်က အကြင်နာ တရား ကင်းမဲ့မှုတွေကို မြင်အောင်ငါမကြည့်နိုင်ခဲ့ဘူး။ ချိုသာတဲ့စကားတွေထဲက ဓားသွားလိုရက်စက်မှုတွေ ကိုလည်း မြင်အောင် ငါမကြည့်နိုင်ခဲ့ဘူး။

မင်းလို နူးညံ့သိမ်မွေ့ပြီး ချောမောလှပတဲ့ မိန်းကလေးတစ်ယောက်မှာ ကမ္ဘာနဲ့ချီပြီး ရက်စက်ရဲလောက်တဲ့ အာဃာတနှလုံးသားမျိုး ရှိလိမ့်မယ်လို့ ငါမထင်ခဲ့တာဟာ မင်းပြောသလို ငါဟာ အခြေအနေမဲ့ ဘဝကလာ တဲ့ ရဟန်းတစ်ပါး ဖြစ်နေလို့ပဲ ယူဆရပါတော့မယ်။ ဗမာဘင်လာဒင်တို့၊ နာဇီလက်သစ်တို့၊ နာဇီကတုံး တို့၊ မြန်မာ အိုစမာတို့ဟာ facebook မှာ ကုလားတွေပေးထားတဲ့ နာမည်တွေပါလို့ မင်းကို ငါပြောခဲ့ရဲ့သား နဲ့ မင်းက The Buddhist Monk, The Title "Burmese Binladen" လို့ သုံးရက်တယ်နော်။ ရှေ့မှာတုန်း က The Buddhist Monk လို့ သုံးထားပြီးမှ With the man in burgundy robes လို့ တမင်ရည်ရွယ်ချက် ရှိရှိ သုံးထားတာကို တွေ့ရပြန်တော့ မင်းကိုယ်မင်း မင်းဘဝရဲ့သရုပ်မှန်ကို ဝန်ခံလိုက်တာလို့ပဲ အောက်မေ့ မိတယ်။ ဘာကြောင့်လဲ ဆိုတော့ မင်းဟာ ငါထင်ထားသလို လူကြီးလူကောင်းတစ်ယောက်မဟုတ်တော့ဘဲ အစွန်းရောက်ကုလားတွေနဲ့ တစ်တန်းစားတည်း ဖြစ်နေလို့ပါ။ ကုလားတွေလည်း ငါ့ကို မင်းလိုဘဲ သင်္ကန်း ခဏခဏချွတ်ခိုင်းနေကြလို့ပါ။ ပြီးတော့ ဘုန်းကြီးတစ်ပါးအဖြစ်အသိအမှတ်မပြုဘဲ သင်္ကန်းဝတ်လို့ ခေါ်ဝေါ် ကြလို့ပါ။

ငါ့တရားတွေက မင်းပြောသလို အမုန်းတရားတွေနဲ့ တောက်လောင်နေတာ မဟုတ်ပါဘူး။ မင်းရဲ့ရေးသား ချက်တွေကမှ အမုန်းတရားတွေပြည့်နှက်နေခဲ့တာပါ။ ကောက်ချက်ချလွဲမှားတာ၊ နားလည်မှုလွဲမှားတာတွေ ကို ခွင့်လွတ်လို့ ရတယ်နော်။ ငါ့ကိုပစ်မှတ်ထား တိုက်ခိုက်နေမှန်း မင်းစကားလုံးတွေက သက်သေပြနေ တယ်ဆိုတာ မင်း ငြင်းဦးမှာလား မိန်းကလေး။

မင်းပြောတဲ့စကားနှင့် ငါဟောတဲ့တရားတွေကို အသေအချာပြန်ပြီး တိုက်ဆိုင်ကြည့်ပါဦး။

Now is not the time for calm.

Now is the time to rise up to make your blood boil. (အဲ့ဒါ မင်းစကား)။

၉၆၉ ဟာ ငြိမ်းချမ်းရေးအတွက်

ထမ်းရွက်ထိုက်တဲ့ ဂုဏ်တော်တွေ။

အမျိုးဘာသာ သာသနာအတွက်ကို

အကြမ်းမဖက်ဖို့ ပုံဖော်နေ။

ရတနာသုံးပါး ဦးထိပ်ထားလို့

ရိုးသား၊ နိုးကြား၊ ကြိုးစားလေ။

အမျိုးသားရေး သွေးမအေးပဲ

အမြဲတစေ နွေးပါစေ။

ဒါကိုကြည့်ရင် မင်းကိုယ်တိုင်က တမင်တကာ ရည်ရွယ်ချက်ရှိရှိနဲ့ ငါ့ကို ပစ်မှတ်ထားပြီး တိုက်ခိုက်နေ တာပေါ်လွင်တယ်နော်။ ဥပဒေမဲ့ အကြမ်းဖက်တုန့်ပြန်တာတွေ မလုပ်ဖို့ ဟောကြားနေတဲ့ ငါ့ကို မင်းက အကြမ်းဖက်သမားလို့ စွပ်စွဲခဲ့တယ်။ ရိုးသားဖို့၊ နိုးကြားဖို့၊ ကြိုးစားဖို့ တိုက်တွန်းတဲ့ ငါ့ကို မင်းက ထချဖို့၊ စတိုက်ဖို့၊ တိုက်တွန်းလှုံ့ဆော်တဲ့ပုံစံမျိုး ချိုးသွားခဲ့ပြန်တယ်။ ငါက သွေးမအေးစေနဲ့ သွေးနွေးစေကြ ဖို့ ဟောတာကို မင်းက သွေးဆူသွေးပွက်အောင်လုပ်ခိုင်းတဲ့ ရန်တိုက်ပေးတဲ့ပုံစံမျိုး လုပ်သွားခဲ့ပြန်တယ်။

တတ်လည်း တတ်နိုင်တဲ့ မိန်းကလေးပဲနော်။

(ဆက်လက်ဖော်ပြပါမည်။)

                                              မေတ္တာမပျက် ချစ်ခင်လျက်

                                              (အကြမ်းဖက်သမားကြီး)

                                              ဦးပဉ္စင်း

                                              ဦးဝီရသူ

                                              25.6.2013- PM- 11:37

http://www.facebook.com/notes/wira-thu/ms-hannah-beech-time-magazine-သို့-အိတ်ဖွင့်ပေးစာ/285807391562776

Read More

လွှတ်တော်သည် ပိုမိုအားကောင်း လာသည်ဟု ဒေါ်အောင်ဆန်းစုကြည် ပြောကြား

ဇွန် ၂၆ ရက်က ပြုလုပ်သော ပြည်သူ့လွှတ်တော် အစည်းအဝေး၌ ဒေါ်အောင်ဆန်းစုကြည်အား တွေ့ရစဉ်

လွှတ်တော်သည် ပိုမိုအားကောင်း လာသည်ဟု အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ပြည်သူ့လွှတ်တော် ကိုယ်စားလှယ်ဒေါ်အောင်ဆန်းစုကြည်က ဇွန် ၂၆ ရက်လွှတ်တော်အစည်းအဝေး မစတင်မီသတင်းထောက် များကို ပြောကြားသည်။ လွှတ်တော် အစည်းအဝေးများကို ၂၀၁၁ ခုနှစ် ဇန်န၀ါရီ ၁ ရက်မှစ၍ ကျင်းပခဲ့ပြီး အထူးအစည်းအဝေး တစ်ကြိမ်၊ ပုံမှန်အစည်းအဝေး ခြောက်ကြိမ် ကျင်းပခဲ့ပြီး လက်ရှိတွင် သတ္တမအကြိမ် ပုံမှန်အစည်းအဝေး ကျင်းပလျက် ရှိသည်။
  
လွှတ်တော်အစည်းအဝေး ဒုတိယ သက်တမ်းတွင် ပြည်ထောင်စုလွှတ်တော် နာယကအဖြစ် ပြည်သူ့ လွှတ်တော် ဥက္ကဋ္ဌ သူရဦးရွှေမန်းက ပြောင်းလဲတာဝန် ယူမည်ဖြစ်သောကြောင့် လွှတ်တော်သည် ပိုမို အားကောင်း လာနိုင်သည်ဟု သုံးသပ်မှုများလည်း ရှိနေသည်။ "နာယက ပြောင်းတာကြောင့်လို့ မပြောလို ပါဘူး။ ဘယ်နာယကကြီးပဲဖြစ်ဖြစ် အကောင်းဆုံး လုပ်ကြမှာပါပဲ။ လွှတ်တော်ရဲ့ ပုံစံကိုက တစ်နေ့ထက် တစ်နေ့ ပိုအားကောင်းလာတာ" ဟု ဒေါ်အောင်ဆန်းစုကြည်က ပြောကြားသည်။ ပြည်သူ့လွှတ်တော် ဥက္ကဋ္ဌ သူရဦးရွှေမန်းကလည်း ယခင်က လွှတ်တော်အစည်းအဝေးများကို ငါးမိနစ်လွှတ်တော်ဟု ဝေဖန် ကြကြောင်း၊ နောက်လက်ညှိုးထောင် ခေါင်းညိတ်လွှတ်တော်ဟု ခေါ်ဝေါ်ကြကြောင်း၊ လက်ရှိတွင် အနောက်နိုင်ငံများ အပါအ၀င် နိုင်ငံအများစုမှာ လွှတ်တော်သည် ပိုမိုပီပြင် အသက်ဝင်လာသည်ဟု လက်ခံ လာကြကြောင်း ပြီးခဲ့သည့် လွှတ်တော်အစည်းအဝေးများတွင် ပြောကြားသည်။ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်က လွှတ်တော်သည် ပြည်သူများအပေါ် အကျိုးသက်ရောက်မှု အားနည်းနေသေးကြောင်း ဇွန် ၉ ရက်က ပြင်ဦးလွင်မြို့တွင် လူထုတွေ့ဆုံပွဲ ပြုလုပ်စဉ်က ဝေဖန်ပြော ကြားသည်။

EMG

Read More

တစ်လတာ ကာလအတွင်း မလေးရှားမှ မြန်မာနိုင်ငံသို့ ပြန်ရောက်လာသူ ၅၅၀၀ ကျော်ရှိ

မြန်မာနိုင်ငံသို့ ပြန်လာမည့်သူများကို ကွာလာလမ်ပူ လေဆိပ်၌ ဇွန် ၁၇ ရက်က တွေ့ရစဉ် (ဓာတ်ပုံ -နေထွန်းနိုင်)

၂၀၁၃ ခုနှစ် မေ ၂၅ ရက်မှ ဇွန် ၂၅ ရက်အထိ တစ်လတာ ကာလအတွင်း မလေးရှားနိုင်ငံမှ မြန်မာနိုင်ငံ သို့ ပြန်လည်ရောက်ရှိလာသူ စုစုပေါင်း ၅၅၉၅ ဦးရှိပြီး၊ ထိုသူများထဲတွင် CI မြန်မာနိုင်ငံသားဖြစ်ကြောင်း အထောက်အထားဖြင့် ရောက်ရှိလာသူ ၅၄၁ ဦး ပါဝင်ကြောင်း လူဝင်မှု ကြီးကြပ်ရေး ဌာနမှ ဒုတိယ ညွှန်ကြားရေးမှူး ဦးကျော်မြင့်၏ ပြောကြားချက်အရ သိရပါသည်။ "မေ ၂၅ ရက်ကနေ ဇွန် ၂၅ ရက်အထိ မလေးရှားကနေ မြန်မာနိုင်ငံကို ပြန်လာသူ စုစုပေါင်း ၅၅၉၅ ဦး ရှိခဲ့ပါတယ်။ ဒီထဲမှာ CI နဲ့ ရောက်လာတာ က ၅၄၁ ဦးပါ" ဟု လူဝင်မှုကြီးကြပ်ရေး ဌာနမှ ဒုတိယ ညွှန်ကြားရေးမှူး ဦးကျော်မြင့်က ပြောကြားသည်။ ၂၀၁၃ ခုနှစ်၊ မေလ ၃၀ ရက်မှ ဇွန်လ ပထမအပတ်အတွင်း မလေးရှားနိုင်ငံတွင် ဖြစ်ပွားခဲ့သည့် အကြမ်း ဖက် တိုက်ခိုက်မှုများကြောင့် မြန်မာနိုင်ငံသားအချို့ မြန်မာနိုင်ငံသို့ ပြန်လာခဲ့ကြခြင်း ဖြစ်သည်။

ယင်းသို့ မလေးရှားနိုင်ငံသို့ရောက်ရှိနေသည့် မြန်မာနိုင်ငံသားများ မြန်မာနိုင်ငံသို့ပြန်လာနိုင်ရန် မြန်မာနိုင်ငံ ရှိ စီးပွားရေး လုပ်ငန်းရှင် အချို့နှင့် အလှူရှင်များက အလှူငွေများ လှူဒါန်းခဲ့ကြသည်။ မြန်မာနိုင်ငံ ရှိ လေကြောင်းလိုင်း တစ်ခုဖြစ်သည့် အပြည်ပြည်ဆိုင်ရာ မြန်မာ့လေကြောင်း MAI မှလည်း ကွာလာလမ်ပူ-ရန်ကုန် ခရီးစဉ်၏ လေယာဉ်လက်မှတ် ဈေးနှုန်းအား ထက်ဝက်လျှော့ချ ပေးခဲ့သည်။ Air Bagan, Asian Wings နှင့် ရွှေမြန်မာ လေကြောင်းလိုင်းများက မလေးရှားနိုင်ငံမှ ပြန်ရောက်လာသည့် မြန်မာနိုင်ငံသား များ နေရပ်သို့ ပြန်လိုပါက လေယာဉ်လက်မှတ်များအား အခမဲ့ ပို့ဆောင်ပေးခဲ့ကြောင်း    မလေးရှား သို့ ရောက်နေသည့် မြန်မာအလုပ်သမား ၇ သိန်းကျော်ရှိပြီး၊ တရားဝင် မှတ်ပုံတင်ဖြင့် သွားရောက်လုပ် ကိုင်နေသူ သုံးသိန်းသုံးသောင်းကျော်ရှိကြောင်း သိရသည်။

EMG

Read More

ဆက်သွယ်ရေး အော်ပရေတာ လုပ်ငန်းများအတွက် ကုမ္ပဏီများ ရွေးချယ်တာဝန် ပေးအပ်ခြင်းကို ဆက်သွယ်ရေးဥပဒေ ပြဋ္ဌာန်းပြီးမှသာ ဆက်လက်ဆောင်ရွက်ရန် ပြည်ထောင်စု အစိုးရသို့ တိုက်တွန်းကြောင်း အရေးကြီးအဆို ကန့်ကွက်သူမရှိ အတည်ပြု

ဆက်သွယ်ရေး အော်ပရေတာ လုပ်ငန်းများအတွက် တင်ဒါတင်ထားသည့် ကုမ္ပဏီများ 

ဆက်သွယ်ရေး အော်ပရေတာလုပ်ငန်းများအတွက် ကုမ္ပဏီများ ရွေးချယ်တာဝန် ပေးအပ်ခြင်းကို ဆက်သွယ်ရေး ဥပဒေ ပြဋ္ဌာန်းပြီးမှသာ ဆက်လက်ဆောင်ရွက်ရန် ပြည်ထောင်စု အစိုးရသို့ လွှတ်တော်က တိုက်တွန်းခဲ့သည်။ 

ဇွန် ၂၆ ရက်တွင် ကျင်းပသည့် ပထမအကြိမ် ပြည်သူ့လွှတ်တော် သတ္တမပုံမှန် အစည်းအဝေး ဒုတိယနေ့ တွင် တနိုင်းမဲဆန္ဒနယ် ပြည်သူ့လွှတ်တော် ကိုယ်စားလှယ် ဦးမျိုးဆွေက "ဆက်သွယ်ရေး သတင်းအချက် အလက်နှင့် နည်းပညာဝန်ကြီးဌာနမှ ဆက်သွယ်ရေး အော်ပရေတာလုပ်ငန်းအတွက် ကုမ္ပဏီများ ရွေးချယ် တာဝန် ပေးအပ်ရာတွင် ပြည်တွင်းပြည်ပ ဖက်စပ်ကုမ္ပဏီများအဖြစ် သတ်မှတ်ရွေးချယ် တာဝန်ပေး အပ် ရန်နှင့် ဆက်သွယ်ရေး အော်ပရေတာ လုပ်ငန်းအတွက် ကုမ္ပဏီများ ရွေးချယ် တာဝန်ပေးအပ်ခြင်းအား ဆက်သွယ်ရေးဥပဒေ ပြဋ္ဌာန်းပြီးမှ ဆက်လက်ဆောင်ရွက်ပါရန် ပြည်ထောင်စုအစိုးရသို့ တိုက်တွန်းကြောင်း " အရေး ကြီး အဆိုကို တင်သွင်းခဲ့သည်။

ဦးမျိုးဆွေက "ပြည်ထောင်စု အစိုးရ အနေနဲ့ နိုင်ငံတော် ဖွံ့ဖြိုးတိုးတက်ရေးဆိုင်ရာ မူဝါဒလမ်းစဉ်တွင် ဆက်သွယ်ရေး၊ သတင်းအချက်အလက်နှင့် နည်းပညာဖွံ့ဖြိုးရေးလုပ်ငန်းကို ဦးစားပေး သတ်မှတ်ဆောင် ရွက် လျက်ရှိပြီး နိုင်ငံတော်တွင် တယ်လီဖုန်း သုံးစွဲမှု တိုးတက်ရေး၊ ဈေးနှုန်းသက်သာစွာဖြင့် တယ်လီဖုန်း သုံးစွဲနိုင်ရေး အရှိန်အဟုန်မြှင့် ဆောင်ရွက်လျက် ရှိပါတယ်။ ဆက်သွယ်ရေး ၀န်ကြီးဌာနမှ မြန်မာနိုင်ငံရဲ့ ဆက်သွယ်ရေး ၀န်ဆောင်မှု လုပ်ငန်းတစ်ခုဖြစ်တဲ့ ဆက်သွယ်ရေး အော်ပရေတာ လုပ်ငန်းတွင် ပြည် တွင်း၊ ပြည်ပ ကုမ္ပဏီများအား သတင်းစာမှတစ်ဆင့် ခေါ်ယူခဲ့ပြီး စနစ်တကျ စိစစ်မှုများ ပြုလုပ်ကာ မကြာမီ ကာလအတွင်း တင်ဒါတင်သွင်းလာတဲ့ ကုမ္ပဏီများ အနက်မှ သင့်တော်တဲ့ ပြည်တွင်းကုမ္ပဏီ နှစ်ခုဖြစ် တဲ့ မြန်မာ့ဆက်သွယ်ရေး လုပ်ငန်းနှင့် မြန်မာ့စီးပွားရေး ကော်ပိုရေးရှင်းတို့ ပူးပေါင်း၍ လည်းကောင်း၊ ရတနာပုံ တယ်လီပို့ ကုမ္ပဏီအား အများပိုင် ကုမ္ပဏီအဖြစ် ပြောင်းလဲဖွဲ့စည်း၍ လည်းကောင်း၊ ဆက် သွယ်ရေး အော်ပရေတာလိုင်စင်ချထားပေးရန် စီစဉ်လျက်ရှိကြောင်း တွေ့ရှိရပါတယ်။ ဒါ့အပြင် ပြည်ပ ကုမ္ပဏီ နှစ်ခုကိုလည်း လိုင်စင်ချထား ပေးမှာဖြစ်ကြောင်း သိရှိရပါတယ်။ မြန်မာကုမ္ပဏီ နှစ်ခုကို အော် ပရေတာ အဖြစ် ပြောင်းလဲတာဝန် ယူစေခြင်းဖြင့် နည်းပညာ ဖွံ့ဖြိုးတိုးတက်ရန် ရည်ရွယ်ကြောင်း သိရှိရပါတယ်။ 

လက်ရှိ လိုင်စင်ချထားပေးမယ့် ပုံသဏ္ဌာန်အရ ပြည်တွင်းကုမ္ပဏီ နှစ်ခုနဲ့ ပြည်ပကုမ္ပဏီ နှစ်ခုတို့ ယှဉ်ပြိုင် လုပ်ဆောင်ရမယ့် အခြေအနေ ဖြစ်ပေါ်နေကြောင်း တွေ့ရှိရပါတယ်။ အော်ပရေတာအဖြစ် လိုင်စင်ချ ထားပေးမယ့် ပြည်ပကုမ္ပဏီများဟာ ပြည်တွင်းကုမ္ပဏီများထက် နည်းပညာ အဆင့်အတန်း၊ အတွေ့အကြုံ နဲ့ ငွေကြေးဓနအင်အား များစွာသာလွန်နေကြောင်း တွေ့ရပါတယ်။ ရည်ရွယ်ချက်နှင့် စေတနာ ကောင်း မွန်သော်လည်း ရေရှည်ယှဉ်ပြိုင် ဆောင်ရွက်ရာမှာ ပြည်တွင်းကုမ္ပဏီများ အနေဖြင့် အခက်အခဲများ၊ ဆုံးရှုံး မှုများနဲ့ ရင်ဆိုင်ရနိုင်ပြီး ပြည်ပကုမ္ပဏီများရဲ့ လက်ဝါကြီးအုပ် ၀ါးမျိုခြင်း ခံရနိုင်တယ်လို့ ပြည်သူများအကြား စိုးရိမ်မှုများ ဖြစ်ပေါ်နေပါတယ်။ ပြည်တွင်းပြည်ပ ကုမ္ပဏီများ သီးခြားယှဉ်ပြိုင် လုပ်ဆောင်ကြရမှာ ဖြစ်တဲ့ အတွက် ပြည်ပကုမ္ပဏီများရဲ့ နည်းပညာနဲ့ အတွေ့အကြုံများကို ပြည်တွင်းကုမ္ပဏီများ ရရှိရန် အခွင့်အရေး နည်းပါးနေမှာ ဖြစ်ပါတယ်။ ပြည်ပကုမ္ပဏီနဲ့ ပြည်တွင်းကုမ္ပဏီ ဖက်စပ်လုပ်ကိုင်မှသာ နည်းပညာ အတွေ့ အကြုံ အပါအ၀င် အများပြည်သူ အကျိုးအမြတ်များ ရရှိမှာ ဖြစ်ပါတယ်။ ဒါ့ကြောင့် အော်ပရေတာလိုင်စင် ချထားပေးရာမှာ ပြည်တွင်းနဲ့ ပြည်ပကုမ္ပဏီများ ဖက်စပ်ချထား ပေးပါရန် အလေးအနက်ထား စဉ်းစား သင့်ကြောင်း တင်ပြလိုပါတယ်။ ကျွန်တော်တို့ မြန်မာနိုင်ငံမှာ ပကတိ အခြေအနေနဲ့ ကိုက်ညီတဲ့ ဆက် သွယ်ရေး ဥပဒေများ မရှိသေးသဖြင့် တည်ဆဲဥပဒေဖြစ်သော နိုင်ငံတော်ပိုင် စီးပွားရေး လုပ်ငန်းများ ဥပဒေ၊ နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ ဥပဒေအမှတ် ၉/၈၉၊ မြန်မာနိုင်ငံ ရင်းနှီးမြှုပ်နှံမှု ဥပဒေတို့ဖြင့် ဆောင်ရွက်ရမည်ဖြစ်ကြောင်း တွေ့ရှိရပါတယ်။ နိုင်ငံတော်နဲ့ နိုင်ငံသားများရဲ့ ရေရှည်အကျိုး စီးပွားကို ကာကွယ်နိုင်ရန်အတွက် ခေတ်နဲ့ညီတဲ့ ဆက်သွယ်ရေး ဥပဒေကို ပြဋ္ဌာန်းဆောင် ရွက်မှ သာ နိုင်ငံတော်နဲ့ နိုင်ငံသားများရဲ့ရှေရည်အကျိုးစီးပွားကို ကာကွယ်နိုင်မယ်လို့ ယူဆပါတယ်။

စောစောက တင်ပြခဲ့တဲ့ အချက်အလက်များဟာ နိုင်ငံတော်နဲ့ နိုင်ငံသားများရဲ့ ရေရှည်အကျိုးစီးပွားကို ရည်ရွယ်ပြီး တင်ပြရခြင်း ဖြစ်ပါတယ်။ ဒါ့ကြောင့် ဆက်သွယ်ရေး သတင်းအချက်အလက်နှင့် နည်းပညာ ၀န်ကြီးဌာနမှ ဆက်သွယ်ရေး အော်ပရေတာ လုပ်ငန်းအတွက် ကုမ္ပဏီများ ရွေးချယ်တာဝန် ပေးအပ်ရာ တွင် ပြည် တွင်း၊ ပြည်ပဖက်စပ်ကုမ္ပဏီများအဖြစ် သတ်မှတ်ရွေးချယ် တာဝန်ပေးအပ်ရန်နှင့် ဆက် သွယ်ရေး အော်ပရေတာ လုပ်ငန်းအတွက် ကုမ္ပဏီများ ရွေးချယ်တာဝန် ပေးအပ်ခြင်းအား ဆက်သွယ်ရေး ဥပဒေ ပြဋ္ဌာန်းပြီးမှ ဆက်လက်ဆောင်ရွက်ပါရန် ပြည်ထောင်စု အစိုးရသို့ တိုက်တွန်းကြောင်း "အရေးကြီး အဆိုကို တင်သွင်းအပ်ပါတယ်" ဟု ပြောကြားသည်။

ထို့နောက် အရေးကြီး အဆိုကို လွှတ်တော်၏ ဆန္ဒရယူခဲ့ရာ ကန့်ကွက်သူ မရှိဘဲ အတည်ဖြစ်ခဲ့သည်။ အဆိုပါကိစ္စနှင့် ပတ်သက်၍  ပြည်သူ့လွှတ်တော်ဥက္ကဋ္ဌ သူရဦးရွှေမန်းက အဆိုရှင် တင်သွင်းသည့် ပြည်ပ ကုမ္ပဏီများမှ ပြည်တွင်းကုမ္ပဏီများကို ၀ါးမျိုသွားမည်ဆိုသည့် အချက်သည် မဟုတ်ဘဲ ပြည်တွင်း ကုမ္ပဏီ များ ပြုတ်သွားပြီး ဆက်သွယ်ရေး အော်ပရေတာ လုပ်ငန်းကို ပြည်ပကုမ္ပဏီများကသာ လုပ်သွားနိုင်မည် ဆိုသည့် သဘောမျိုး သက်ရောက်နေကြောင်း ပြောကြားသည်။

အကယ်၍ မြန်မာနိုင်ငံတွင် ဆက်သွယ်ရေးလုပ်ငန်း လုပ်ကိုင်ရန် လျှောက်ထားသည့် နိုင်ငံခြား ကုမ္ပဏီများ ထဲမှ ပြည်တွင်းကုမ္ပဏီနှင့် ပူးပေါင်းထားသော ကုမ္ပဏီကိုသာ လုပ်ငန်းလိုင်စင် ပေးအပ်မည် ဆိုပါက အကြို အရည်အချင်း ပြည့်မီသော စာရင်းတွင် ပါဝင်ထားသည့် နိုင်ငံခြားကုမ္ပဏီ ခုနစ်ခုကို ထုတ်ဖယ်လိုက်သကဲ့ သို့ ဖြစ်သွားမည် ဖြစ်သည်။ အဆိုပါ ထုတ်ပယ်ခံရသည့် စာရင်းတွင် Telenor နော်ဝေ ကုမ္ပဏီ၊ France Telecom Orange ပြင်သစ်ကုမ္ပဏီနှင့် ဂျပန်နိုင်ငံမှ Marubeni တို့ ပေါင်းထားသည့် ကုမ္ပဏီ၊ QTel (Ooredoo) ကာတာကုမ္ပဏီ၊ ဗီယက်နမ် ဆက်သွယ်ရေး ကုမ္ပဏီ Viettel Group၊ အိန္ဒိယ ဆက်သွယ်ရေး ကုမ္ပဏီ Bharti Airtel နှင့် ဆိုက်ပရပ်နိုင်ငံမှ Palazio Ventrues တို့ ပူးပေါင်းထားသည့် ကုမ္ပဏီ၊ မလေးရှားနိုင်ငံမှ Axiata ကုမ္ပဏီ၊ လူဇင်ဘတ်နိုင်ငံမှ Millicom International Cellular ကုမ္ပဏီတို့ ပါဝင် သွားမည် ဖြစ်သည်။ ထို့ကြောင့် တင်ဒါ အကဲဖြတ်ရေးနှင့် ရွေးချယ်ရေး ကော်မတီက ကျန်ကုမ္ပဏီ လေးခု ထဲမှ ရွေးချယ်ရတော့မည် ဖြစ်သည်။ ကျန်ရှိနေသည့် ကုမ္ပဏီများမှာ KDDI+Sumitomo+MICTDC+A1 ကုမ္ပဏီ၊ MTN(Dubai)+M1 Telecom+Amara Communications ကုမ္ပဏီ၊ Sing Tel+Royal Myanmar Transport (KBZ)+M Tel ကုမ္ပဏီ၊ Digicel Group+Quantum Strategic Partners+YSH Finance တို့ ပါဝင်သည်။ ဤကဲ့သို့ တင်ဒါအောင်မြင်သူ ဆက်သွယ်ရေး ကုမ္ပဏီနှစ်ခု၏ စာရင်းကို မကြေညာမီ တစ်ရက်အလိုတွင် ယခုကဲ့သို့ အရေးကြီးအဆို တင်သွင်းခဲ့ခြင်း ဖြစ်သည်။ 

EMG

Read More

ဗိုလ်ချုပ်ဈေး လဟာပြင်မြေကွက်တွင် ၃၄ ထပ်နှင့် ၃၂ ထပ်ရှိသော Twin Tower ပုံစံ အထပ်မြင့် အဆောက်အအုံ နှစ်လုံးကို လေးနှစ်အတွင်း အပြီးတည်ဆောက်မည်

Twin Tower တည်ဆောက်မည့် ဗိုလ်ချုပ်ဈေး လဟာပြင် မြေကွက်အား ဇွန်လဆန်းပိုင်းက တွေ့ရစဉ် (ဓာတ်ပုံ-ကျော်ထင်)

ရန်ကုန်မြို့၊ ဗိုလ်ချုပ်အောင်ဆန်းလမ်းနှင့် ရွှေတိဂုံဘုရား လမ်းထောင့်ရှိ ဗိုလ်ချုပ်ဈေး လဟာပြင် မြေကွက် တွင် ၃၄ ထပ်နှင့် ၃၂ ထပ်ရှိသော Twin Tower (အမြွှာပုံစံ) အထပ်မြင့် အဆောက်အအုံ နှစ်လုံးအထိ ရန်ကုန်မြို့တော် စည်ပင်သာယာရေး ကော်မတီနှင့် ရွှေတောင်ကုမ္ပဏီတို့ အကျိုးတူ ပူးပေါင်း၍ လေးနှစ် အတွင်း အပြီးတည်ဆောက် သွားမည်ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီ၊ ဈေး များဌာနမှ သိရသည်။  

ရန်ကုန်မြို့တော် စည်ပင်သာယာရေး ကော်မတီမှ အကျယ်အ၀န်း ခြောက်ဧကကျော်ရှိသော ဗိုလ်ချုပ်ဈေး လဟာပြင်မြေကွက်အား လုပ်ငန်းရှင်များနှင့် အကျိုးတူပူးပေါင်း ဆောက်လုပ်ရန်အတွက် ပြီးခဲ့သည့် ၂၀၁၂ ခုနှစ် မတ်လအတွင်းက နိုင်ငံပိုင် သတင်းစာများမှတစ်ဆင့် ခေါ်ယူခဲ့ရာ ရွှေတောင်ကုမ္ပဏီမှ ရရှိခဲ့ခြင်း ဖြစ်ကြောင်း သိရသည်။ ထို့သို့ အကျိုးတူ ပူးပေါင်းဆောက်လုပ်ရန်အတွက် ရန်ကုန်မြို့တော် စည်ပင်သာယာရေး ကော်မတီနှင့် ရွှေတောင်ကုမ္ပဏီတို့ မေ ၁၁ ရက်က သဘောတူ လက်မှတ်ရေးထိုး ခဲ့ကြကြောင်း သိရသည်။  

  

"အခု ဗိုလ်ချုပ်ဈေးသစ် လဟာပြင် နေရာမှာ ၃၄ ထပ်နဲ့ ၃၂ ထပ် အမြင့်ရှိတဲ့ အဆောက်အအုံနှစ်လုံးကို Twin Tower လို ပုံစံမျိုး ဆောက်မှာပါ။ အဆောက်အအုံ နှစ်လုံးကို စာချုပ်ချုပ်ခဲ့တဲ့ မေ ၁၁ ရက်နေ့က စပြီး လေးနှစ်အတွင်း အပြီးဆောက်မယ်လို့ မှန်းထားတယ်။ ဖျက်သိမ်းမယ့် ဗိုလ်ချုပ်ဈေးသစ်က ဆိုင်ခန်း ၄၃၇ ခန်း ပိုင်ရှင်တွေကိုလည်း အဆောက်အအုံတွေ ဆောက်ပြီးရင် အဲဒီမှာ မူလနေရာအတိုင်း ပြန်ပေး ဖို့လည်း ညှိနှိုင်းထားပါတယ်" ဟု ရန်ကုန်မြို့တော် စည်ပင်သာယာရေး ကော်မတီ၊ ဈေးများဌာနမှ တာဝန်ရှိ သူ တစ်ဦးက ပြောပြသည်။ Twin Tower အဆောက်အအုံကို အကျိုးတူ ပူးပေါင်းဆောက်လုပ်ရာတွင် ရာခိုင်နှုန်း ခွဲဝေမှုကိုမူ ရန်ကုန်မြို့တော် စည်ပင်သာယာရေး ကော်မတီ၏ အစီအစဉ်ဖြင့်သာ ပြုလုပ် ခဲ့ခြင်း ဖြစ်ကြောင်း၊ ယခု ဆောက်လုပ်မည့် ၃၄ ထပ် နှင့် ၃၂ ထပ် Twin Tower အဆောက်အအုံ နှစ်လုံးမှာ ရန်ကုန်မြို့ရှိ အထပ်မြင့် အဆောက်အအုံကြီးများတွင် ပါဝင်လာမည်ဖြစ်ပြီး ရွှေတိဂုံ စေတီတော်၏အမြင့်ပေ ထက် ကျော်လွန်ခြင်း မရှိစေရန် စိစစ်ဆောက်လုပ် စေမည်ဟုလည်း သိရသည်။

EMG

Read More