ဒုတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေး ဒုတိယနေ့ကို ယနေ့နံနက် ၁ဝ နာရီတွင်ကျင်းပရာ ပြည်ထောင်စုဝန်ကြီး ဦးသိန်းဆွေက အထက်ပါအတိုင်း ဖြေကြားခဲ့ခြင်းဖြစ်သည်။
ပြည်ထောင်စုဝန်ကြီးက လက်ရှိတွင် မြန်မာနိုင်ငံမှ ပြည်ပသို့ အလုပ် သမားများ တရားဝင်စေလွှတ်နိုင်ရန် မှတ်ပုံတင်ခွင့်ပြုထားသည့် အေဂျင်စီ ပေါင်း ၂၄၃ ခုရှိပြီး မြန်မာပြည်ပအလုပ်အကိုင်ဝန်ဆောင်မှုလုပ်ငန်းရှင်များ အဖွဲ့ချုပ်ကိုလည်း ဖွဲ့စည်းပေးထားပါကြောင်း၊ ပြည်ပနိုင်ငံများသို့ သွားရောက် အလုပ်လုပ်ကိုင်ကြမည့် မြန်မာအလုပ်သမားများအား ပြည်ပသို့ မထွက်ခွာမီ သွားရောက်အလုပ်လုပ်ကိုင်မည့် နိုင်ငံ၏ဥပဒေများ၊ ဓလေ့ထုံးတမ်းများနှင့် ဘာသာစကားစသည်တို့ကို အတန်အသင့်သိရှိထားရန်အတွက် အကြိုသင်တန်း များပေးခြင်း၊ လိုအပ်သည့်မှာကြားမှုများပြုလုပ်ခြင်းတို့ကို ဆောင်ရွက်ပေး လျက်ရှိပြီး စည်းကမ်းလိုက်နာမှုမရှိသည့် အေဂျင်စီများကိုလည်း ယင်းတို့၏ စည်းကမ်းဖောက်ဖျက်မှုအနည်းအများအလိုက် အလုပ်သမားစေလွှတ်ခြင်းကို ယာယီရပ်ဆိုင်ခြင်းမှ အပြီးပိတ်သိမ်းခြင်းအထိ အဆင့်ဆင့်အရေးယူမှုများကို ဆောင်ရွက်လျက်ရှိပါကြောင်း ပြောကြားခဲ့သည်။
လက်ရှိအချိန်တွင် ပြည်ပနိုင်ငံများသို့ စေလွှတ်ခဲ့သည့် အလုပ်သမား များနှင့်ပတ်သက်၍ အလုပ်သမားနှင့် အလုပ်ရှင်အကြား နှစ်ဖက်သဘောတူ စာချုပ်တွင် အလုပ်သမား၏ လုပ်ခလစာ၊ အချိန်ပိုလုပ်ခ၊ အလုပ်အမျိုးအစား၊ နေရာထိုင်ခင်း၊ အစားအသောက်၊ အလုပ်ချိန်၊ နားရက်၊ ဆေးဝါးကုသခွင့်နှင့် ခရီးသွားလာခွင့်စသည့် အချက်အလက်များပြည့်စုံစွာပါရှိသည့်အပြင် အသက် အာမခံကိစ္စရပ်များကိုလည်း စီစဉ်ပေးထားပါကြောင်း၊ ထို့ပြင် မြန်မာအလုပ် သမားများအား သက်ဆိုင်ရာနိုင်ငံ၏ ဥပဒေအတိုင်း အကျိုးခံစားခွင့်ရရှိစေရန် စီစဉ်ပေးခြင်းတို့ကို ထည့်သွင်းချုပ်ဆိုဆောင်ရွက်လျက်ရှိကြောင်း။
ထို့ပြင် ပြည်ပနိုင်ငံများသို့ အလုပ်သမားစေလွှတ်သော အေဂျင်စီများ အတွက် ဆောင်ရွက်ရမည့်တာဝန်ဝတ္တရားများနှင့် လိုက်နာရမည့်စည်းမျဉ်း၊ စည်းကမ်းများကိုလည်း ချမှတ်ပေးထားပြီးဖြစ်၍ အေဂျင်စီများအနေဖြင့် အလုပ်သမားများ စတင်စေလွှတ်သည်မှစ၍ မြန်မာနိုင်ငံသို့ အလုပ်သမား ပြန်လည်ရောက်ရှိသည်အထိ တာဝန်ယူဆောင်ရွက်လုပ်ကိုင်စေပါကြောင်း။
မြန်မာနိုင်ငံသည် အာဆီယံအဖွဲ့ဝင်နိုင်ငံဖြစ်သည်နှင့်အညီ ရွှေ့ပြောင်း အလုပ်သမားများ၏ အခွင့်အရေးများ ကာကွယ်စောင့်ရှောက်ခြင်းနှင့် မြှင့်တင် ခြင်းဆိုင်ရာ အာဆီယံကြေညာစာတမ်းတွင်ပါရှိသော ရွှေ့ပြောင်းအလုပ်သမား ဆိုင်ရာမူဝါဒများကို အကောင်အထည်ဖော်ဆောင်ရွက်လျက်ရှိရာ အာဆီယံ နိုင်ငံများအနက် အလုပ်သမားစေလွှတ်သော နိုင်ငံများနှင့် လက်ခံသောနိုင်ငံ များရှိ အစိုးရ၊ အလုပ်ရှင်အဖွဲ့အစည်းများ၊ အလုပ်သမားအဖွဲ့အစည်းများနှင့် လူမှုအဖွဲ့အစည်းများအကြား ရွှေ့ပြောင်းအလုပ်သမားများ ရင်ဆိုင်နေရသော အခက်အခဲများ ဖြေလျှော့နိုင်ရေး၊ ကောင်းမွန်လုံခြုံစိတ်ချရသော လုပ်ငန်းခွင် ဖြစ်စေရေး၊ ခွဲခြားဆက်ဆံခံရမှုမရှိစေရေး၊ ခေါင်းပုံဖြတ်မခံရစေရေးတို့အတွက် အာဆီယံအဖွဲ့ဝင်နိုင်ငံများအချင်းချင်း ညှိနှိုင်းဆွေးနွေးမှုများပြုလုပ်၍ အကောင်အထည်ဖော် ဆောင်ရွက်လျက်ရှိပါကြောင်း ပြည်ထောင်စုဝန်ကြီးက ပြောကြားသည်။
ရှမ်းပြည်နယ် မဲဆန္ဒနယ်အမှတ်(၁)မှ ဦးဇော်မင်းလတ်၏ ၂ဝ၁၃ ခုနှစ် အနည်းဆုံးအခကြေးငွေ ဥပဒေအရ ၂ဝ၁၃ ခုနှစ် ဖေဖော်ဝါရီလ ၂ဝ ရက်နေ့က ဖွဲ့စည်းခဲ့သော အနည်းဆုံးအခကြေးငွေသတ်မှတ်ရေးဆိုင်ရာ အမျိုးသား ကော်မတီမှ ၂ဝ၁၅ ခုနှစ် ဇွန်လ ၂၉ ရက်နေ့တွင် ထုတ်ပြန်ခဲ့သော နေရာဒေသ နှင့် လုပ်ငန်းအမျိုးအစားမခွဲခြားဘဲ တစ်နိုင်ငံလုံး တစ်ပြေးညီ အလုပ်သမားများ အတွက် အနည်းဆုံးအခကြေးငွေ တစ်နာရီ ငွေကျပ် ၄၅ဝ နှုန်းဖြင့် တစ်ရက် အလုပ်ချိန် ၈ နာရီအတွက် ငွေကျပ် ၃၆ဝဝ သတ်မှတ်ချက်နှုန်းထားကို ပြန်လည်သုံးသပ်ပြင်ဆင်ပေးရန် အစီအစဉ်ရှိ၊ မရှိ မေးခွန်းနှင့်စပ်လျဉ်း၍ ပြည်ထောင်စုဝန်ကြီး ဦးသိန်းဆွေက အနည်းဆုံးအခကြေးငွေ နှုန်းထားတစ်ခု သတ်မှတ်ရာ၌ အဓိကအားဖြင့် အလုပ်သမားများ၏ လိုအပ်ချက်များကို ဖြေရှင်းနိုင်မည့် ငွေကြေးပမာဏဖြစ်ရန် လိုအပ်သကဲ့သို့ အလုပ်ရှင်များက အမှန်တကယ်ပေးနိုင်မည့် ငွေကြေးပမာဏဖြစ်ရန် လိုအပ်ပါကြောင်း။
အနည်းဆုံးအခကြေးငွေနှုန်းထားသတ်မှတ်ရန်အတွက် မျက်မှောက် ကာလဖြစ်ပေါ်လျက်ရှိသည့် ကုန်ဈေးနှုန်းအခြေအနေများ၊ နိုင်ငံခြားရင်းနှီး မြှုပ်နှံမှုအခြေအနေများ၊ အလုပ်ရှင်၊ အလုပ်သမားအခြေအနေများ၊ အလုပ် အကိုင် အခွင့်အလမ်းအခြေအနေများ၊ ငွေကြေးတည်ငြိမ်မှုအခြေအနေများ နှင့် နယ်မြေဒေသအခြေအနေများအပေါ်မူတည်၍ ဘက်စုံထောင့်စုံမှ လေ့လာ စောင့်ကြည့်ရန်လိုအပ်ပါကြောင်း ဖြေကြားသည်။
ထို့ပြင် အနည်းဆုံးအခကြေးငွေသတ်မှတ်ရေးဆိုင်ရာ အမျိုးသား ကော်မတီမှ ထုတ်ပြန်ခဲ့သည့် အနည်းဆုံးအခကြေးငွေနှုန်းထားသည် ပထမဆုံး အကြိမ် ထုတ်ပြန်သတ်မှတ်ထားခြင်းဖြစ်ကြောင်း၊ ပြန်လည်ပြင်ဆင်ရန် သက်ဆိုင်ရာ ပြည်ထောင်စု၊ တိုင်းဒေသကြီးနှင့် ပြည်နယ် အနည်းဆုံးအခကြေးငွေ သတ်မှတ်ရေးကော်မတီများနှင့် ဆွေးနွေးညှိနှိုင်းရန် လိုအပ်ပါသဖြင့် လတ်တလောတွင် ပြင်ဆင်ဆောင်ရွက်ပေးနိုင်ခြင်း မရှိသေးပါကြောင်း ပြည်ထောင်စုဝန်ကြီးက ပြောကြားခဲ့သည်။
ကချင်ပြည်နယ် မဲဆန္ဒနယ်အမှတ်(၈)မှ ဒေါက်တာခင်မကြီးက နိုင်ငံ အတွင်း လာရောက်အလုပ်လုပ်ကိုင်နေကြသော နိုင်ငံခြားသားအလုပ်သမား များအား မည်သည့်ဥပဒေအထောက်အထား ကန့်သတ်ချက်များဖြင့် လုပ်ကိုင် ခွင့်ပြုထားသည်ကို သိရှိလိုကြောင်းနှင့် ၄င်းအလုပ်သမားများထံမှ အခွန်အခ များ ကောက်ခံရယူခြင်း ရှိ၊ မရှိ သိရှိလိုကြောင်း မေးခွန်းနှင့်စပ်လျဉ်း၍ ပြည်ထောင်စုဝန်ကြီး ဦးသိန်းဆွေက မိမိတို့ဝန်ကြီးဌာနအနေဖြင့် မြန်မာနိုင်ငံသို့ အကြောင်းအမျိုးမျိုးကြောင့် နိုင်ငံခြားသားများ ဝင်ရောက်ခြင်း၊ ထွက်ခွာခြင်း၊ နေထိုင်ခွင့်ပြုခြင်းတို့ကို တည်ဆဲဥပဒေများဖြစ်သည့် ၁၉၄၇ ခုနှစ် လူဝင်မှု ကြီးကြပ်ရေး (လတ်တလောပြဋ္ဌာန်းချက်များ)အက်ဥပဒေ၊ ၁၉၄ဝ ခုနှစ် နိုင်ငံခြားသားများ မှတ်ပုံတင်ရေးအက်ဥပဒေ၊ ၁၉၄၈ ခုနှစ် နိုင်ငံခြားသားများ မှတ်ပုံတင်ရေးနည်းဥပဒေများ၊ ၁၉၅၁ ခုနှစ် ချုပ်နှောင်ခြင်းနည်းဥပဒေ၊ ၂ဝ၁၆ ခုနှစ် ဇန်နဝါရီ ၁၁ ရက်နေ့မှစ၍ ပြောင်းလဲပြင်ဆင်အသုံးပြုလျက်ရှိသည့် ပြည်ဝင်ဗီဇာ (၁၂)မျိုး၊ ပြည်ပြန်ဝင်ခွင့်ဗီဇာ (၃)မျိုး၊ နှစ်နိုင်ငံသဘောတူစာချုပ် များနှင့်အညီ သတ်မှတ်အခငွေများကောက်ခံပြီး စနစ်တကျစိစစ်ခွင့်ပြု ဆောင်ရွက်လျက်ရှိပါကြောင်း ရှင်းလင်းဖြေကြားသည်။
Credit To >>> The Mirror Daily
