မန်ယူ အသင်းဝင်ဟောင်းများ ပါဝင်မည့် ရန်ပုံငွေဘောလုံးပွဲ သုဝဏ္ဏကွင်းတွင် ကျင်းပမည်

၂၆.၄.၂၀၁၃၊ သောကြာနေ့

မြန်မာပြည်သို့ ရောက်ရှိနေသည့် မန်ယူ အသင်းဝင်ဟောင်းများ သတင်းစာရှင်းလင်းပွဲ ပြုလုပ်စဉ် (ဓာတ်ပုံ – ကြယ်ပြာ / ဧရာဝတီ)

မန်ချက်စတာ ယူနိုက်တက် (မန်ယူ) ဘောလုံးအသင်းမှ ကစားသမားဟောင်း ၄ ဦး ပါဝင်သည့် ရန်ပုံငွေ ဘောလုံးပွဲကို ရန်ကုန် သုဝဏ္ဏ အားကစား ကွင်းတွင် ဇွန်လ ၉ ရက်နေ့၌ ကျင်းပရန်ကိစ္စအား ယနေ့ညနေ ၄ နာရီက Park Royal ဟိုတယ်၌ သတင်းစာရှင်းလင်းပွဲ ပြုလုပ်ခဲ့သည်။

အဆိုပါ ရန်ပုံငွေပွဲအတွက် ဘောလုံး ခြေစမ်းပွဲ ကစားမည့် အစီအစဉ်အား နိုင်ငံတကာ ကုမ္ပဏီတခုဖြစ်သော CEA ကုမ္ပဏီက မြန်မာဘောလုံး အဖွဲ့ချုပ် ဥက္ကဋ္ဌ ဦးဇော်ဇော်ထံ ကမ်းလှမ်းခဲ့မှုကြောင့် လက်ရှိ မြန်မာ့လက်ရွေးစင် ဘောလုံးသမားများနှင့် မြန်မာ့လက်ရွေးစင် ဘောလုံး သမားဟောင်းများပါဝင်သည့် ခြေစမ်းပွဲ ကစားရန် စီစဉ်ခြင်းဖြစ်ကြောင်း သိရသည်။

ထိုခြေစမ်း ကစားပွဲတွင် ပါဝင်ကစားမည့် မန်ယူ ကစားသမားဟောင်း ၄ ဦးမှာ ဒင်းနစ်အာဝင်၊ အင်ဒီကိုးလ်၊ ကလေတန် ဘလက်မိုး နှင့် လီရှပ်တို့ဖြစ်ပြီး ၎င်းတို့သည် ယနေ့နံနက်တွင် မြန်မာနိုင်ငံသို့ ရောက်ရှိခဲ့ကြောင်း သိရသည်။

အဆိုပါ ခြေစမ်းကစားပွဲနှင့် ပတ်သက်၍ မြန်မာဘောလုံးအဖွဲ့ချုပ် ဥက္ကဋ္ဌ ဦးဇော်ဇော်က “ဒါက လူမှုရေးနဲ့ ပတ်သက်ပြီး လုပ်တဲ့ ပွဲဖြစ်တဲ့အတွက် လက်မှတ်ကို ကျပ် ၁ ထောင်နဲ့ ၅ ရာလောက်ပဲ သတ်မှတ်မယ်လို့ စီစဉ်ထားတယ်။ ပြီးရင် လှူမယ်” ဟု ပြောသည်။

ခြေစမ်းကစားပွဲတွင် ရရှိမည့် ငွေကြေးများအား ဘုန်းကြီးကျောင်းပညာရေးနှင့် ပရဟိတလုပ်ငန်းများအပြင်၊ HIV ကူးစက် ခံရသူများနှင့် ပတ်သက်သည့် လူမှုရေး လုပ်ငန်းများအတွက် လှူဒါန်းမှုများ ပြုလုပ်သွားမည်ဖြစ်ကြောင်း၊ ခြေစမ်းကစားပွဲတွင် မန်ယူ ကစားသမားဟောင်း ၄ ဦးကို တဘက် ၂ ဦးစီ ခွဲပြီး ကစားသွားမည်ဖြစ်ကြောင်း သိရသည်။

ဧရာဝတီ 

Read More

လက်ပံတောင်းမှာ ဆန္ဒပြသူတွေနဲ့ လုံခြုံရေး တပ်ဖွဲ့တွေ ထိပ်တိုက်တွေ့

၂၆.၄.၂၀၁၃၊ သောကြာနေ့

 

စစ်ကိုင်းတိုင်း ဆားလင်းကြီးမြို့နယ် လက်ပံတောင်း တောင် ဒေသမှာ ဆန္ဒပြသူတွေနဲ့ လုံခြုံရေး ရဲတပ်ဖွဲ့ တွေနဲ့  တင်းမာမှု တွေ ဖြစ်နေတယ်လို့ သတင်းရပါတယ်။ 

ဆားလင်းကြီးမြို့နယ် ၀က်မှေးရွာသစ်အနီးမှာ ဒေသခံ ၁၀၀၀ ၀န်းကျင်ရှိတဲ့ ဆန္ဒပြ လူအုပ်က ထန်းလက် ပျားတုတ် စသည် ကိုင်ဆောင်ပြီး ယမန်နေ့က ဖမ်းဆီးခံခဲ့ရတဲ့ သူတွေ ပြန်လွှတ် ပေးရေးအတွက် တောင်း ဆိုစဉ်မှာ လုံခြုံရေး ရဲအင်အား ၂၀၀ လောက်က ဟန့်တားခဲ့ရာက တင်းမာမှုဖြစ်တာလို့ ဒေသခံ တဦးက ဧရာဝတီကို ပြောပါတယ်။    

ဆန္ဒပြသူတွေက မုံရွာမြို့ကို တက်ပြီး ဆန္ဒပြဖို့ တောင်းဆိုနေမှုကို ရဲတပ်ဖွဲ့ဘက်ကလည်း ခွင့်မပြုနိုင်ကြောင်း၊ ဆန္ဒပြသူတွေဘက်ကလည်း ယမန်နေ့က ဖမ်းဆီးခံခဲ့ရတဲ့ ကိုအောင်စိုးအပါအ၀င် ဒဏ်ရာရ သူတွေအတွက် ဆန္ဒပြတာ ဖြစ်တယ်လို့ ဆိုပြီး တင်းမာမှုကနေ လုံခြုံရေး ရဲတပ်ဖွဲ့တွေက ရဲကားတွေ ပတ်ဝန်းကျင်မှာ နေရာယူထားတယ်လို့ ဆိုပါတယ်။

"ကိုအောင်စိုး၊ ကိုစိုးသူ၊ ကိုမောင်စန်းတို့ကို ချက်ချင်းလွှတ်"လို့လည်း ဆန္ဒပြသူတွေက သံပြိုင်အော် ဟစ် နေကြပါတယ်။      

လုံခြုံရေး ရဲတပ်ဖွဲ့တွေက စည်း ၃ စည်း တား ထားပြီး ကျော်လာပါက ပစ်ခတ်အရေးယူမှာ ဖြစ်တယ်လို့ သတိပေး နေကြောင်း လည်း သိရပါတယ်။ 

ဒေသခံတချို့ က ပြောတာကတော့ ယမန်နေ့က နေပြည်တော်က အစည်းအဝေး ဆုံးဖြတ်ချက် တခုကို အတည်မပြုနိုင် ပေမယ့် ကြားသိချက်တွေအရ ဆန္ဒပြ လယ်သမားတွေကို ပစ်ခတ်ခြေမှုန်းရန် အစီအစဉ် ရှိတဲ့အတွက် ဆန္ဒပြသူတွေ ဘက်က ကျူးလွန်မှုတခုခုကို စောင့်ဆိုင်းနေတယ်လို့ လည်း ဆိုနေကြပါတယ်။ 

ယမန်နေ့က လယ်ယာမြေတွေအပေါ် လယ်သမားတွေက နွားလှည်းတွေနဲ့ထွန်ယက်မှုကို ဟန့်တားပြီး လုံခြုံရေး ရဲတပ်ဖွဲ့တွေရဲ့ အကြမ်းနည်းသုံး ပစ်ခတ်၊ ဖမ်းဆီးမှုကြောင့် ၁ ဦး သေနတ်ဒဏ်ရာရပြီး အခြား ထိခိုက် ဒဏ်ရာရသူ တွေလည်း ရှိခဲ့လို့ ဆေးရုံပို့ထားရတယ်လို့ ဒေသခံတွေက ဆိုပါတယ်။         

၈၈ မျိုးဆက်ကျောင်းသားများအဖွဲ့ကတော့ မည်သည့် အကြမ်းဖက်နှိမ်နင်းမှုကို မဆို မလိုလားကြောင်း ယမန်နေ့က ထုတ်ဖော်ပြောဆိုထားပါတယ်။ 

ယနေ့ ထုတ် နိုင်ငံပိုင် သတင်းစာတွေမှာတော့ ယမန်နေ့က အခင်းဖြစ်စဉ်ကို ဓာတ်ပုံများနှင့် တကွ ဖော်ပြ ထားပြီး ထန်းလက်ပြား ကိုင်ဆောင်ကာ ရဲတပ်ဖွဲ့အား  အော်ဟစ်နေသည့် ဒေသခံရွာသူများ၏ ဓာတ်ပုံနှင့် သတင်းကို ဖော်ပြထား ပါတယ်။

နိုင်ငံပိုင် သတင်းစာတွေ အဆိုအရ ယမန်နေ့က တင်းမာမှုကြောင့် ရဲတပ်ဖွဲ့ ၁၅ ဦး ဒဏ်ရာရခဲ့ပြီး ဆန္ဒပြသူ ဘက်က ၃ ဦး ဒဏ်ရာရပြီး ဒေသခံ တချို့ကို ထိန်းသိမ်းထားတယ်လို့ ဖော်ပြထားပါတယ်။    

နောက်ထပ် ကြား သိရတဲ့သတင်းတွေအရ လက်နက်၊ လူအင်အားအပြည့်နဲ့ နောက်ထပ်  ရဲကား ၅ စီး ထပ်ရောက် တယ်လို့ သိရပြီး ရဲလုံခြုံရေး အင်အားများတွင် ရဲမေတွေလည်း ပါတယ်လို့ ဆိုပါတယ်။            

နောက်ဆုံး ကြားသိရတဲ့ သတင်းအချက်အလက်တွေအရ လုံခြုံရေး ရဲတပ်ဖွဲ့ဝင်တွေက တားဆီးထားတဲ့ စည်း ၃ စည်းကို ဆန္ဒပြ ဒေသခံတွေက မကျူးကျော်ပဲ ပိုစတာများ ကိုင်ဆောင်ကာ နောက်ပြန် ဆုတ် သွားခဲ့တယ်လို့ ဆိုပါတယ်။ 

ဧရာဝတီ 

Read More

ပြည်မြို့ လူသတ်မှု စစ်ခုံရုံး ဖွဲ့စစ်မည်

၂၆.၄.၂၀၁၃၊ သောကြာနေ့

 

ဧပြီလ ၂၃ ရက် ညတွင် ပြည်မြို့၌ ဖြစ်ပွားခဲ့သော လူသတ်မှုတွင် သံသယရှိသူ ၃ ဦးလုံးကို ယခုအခါ ခလရ ၇၅ တပ်ရင်းအချုပ်ခန်းတွင် ထိန်းသိမ်းထားပြီး စစ်ခုံရုံး တွင် စုံစမ်းစစ်ဆေးမှုများ ပြုလုပ်သွားမည် ဖြစ်ကြောင်း သိရှိရ သည်။

ယမန်နေ့က ပြုလုပ်သော သေဆုံးသူ အသက် ၂၃ နှစ် ရှိ မောင်ဇော်မင်းဦး၏ ဈာပနသို့ လာရောက်၍ DNA ထုတ်ယူစဉ် စစ်ခုံရုံး ဥက္ကဋ္ဌဖြစ်သူ ဒု ဗိုလ်မှူးကြီး နေဝင်းက သက်ဆိုင်သူ မိသားစုဝင်များနှင့် သတင်းထောက် များအား ယခုလို ပြောကြားသွားခဲ့ခြင်းဖြစ်သည်။

ယမန်နေ့ည ၉ နာရီခန့်က ပြည်မြို့ ဆင်စုရပ်ကွက်အနီး ဧရာဝတီ မြစ်သောင်ပြင်ပေါ် (နဝဒေးတံတားအောက်) တွင် ချိန်းတွေ့နေသည့် သမီးရည်းစား စုံတွဲအား လူ ၃ ဦးမှ ပစ္စည်းယူ လူသတ်မှုဖြစ်ခဲ့ရာ မသင်္ကာသူ ၂ ဦးကို ဖမ်းဆီးမိရာ တပ်မတော်သားများဖြစ်နေခဲ့သည်။

အဖမ်းခံရသည့် တပ်သား ရဲကိုဦးနှင့် တပ်သား သန်းထိုက်အောင်တို့ကို ရဲတပ်ဖွဲ့က ခလရ ၇၅ တပ်ရင်းသို့ ပြန်လွှဲခဲ့ရာ ချုပ်နှောင်ထားပြီး လွတ်မြောက်သွားသူ တပ်သား သန်းဝင်းအောင် တပ်ရင်းသို့ ပြန်အလာတွင်လည်း ဖမ်းဆီးပြီး အချုပ်ချထားခဲ့ကြောင်း သိရသည်။

အမှုမှန်ပေါ်ပေါက်ရေးအတွက် လွှတ်တော်ကိုယ်စားလှယ်များ၊ ပြည်သူရဲတပ်ဖွဲ့များ ပူးပေါင်းဖြေရှင်းသွားမှာဖြစ်ကြောင်း စစ်ခုံရုံး ဥက္ကဋ္ဌ ဒု ဗိုလ်မှူးကြီးနေဝင်းက သေဆုံးသူ ငယ်စဉ်မှ ဘွဲ့ရသည်အထိ ပညာသင်ကြားပေးခဲ့သူ မဟာဇေယျုံ ကျောင်းတိုက်  ဆရာတော်ဦးဉာဏိဃအား လျောက်ထားပြောကြားခဲ့သည်။

သေဆုံးသူ မောင်ဇော်မင်းဦးသည် မဟာဇေယျုံကျောင်းတိုက်ရှိ ဘုန်းတော်ကြီး စာသင်ကျောင်းတွင် ၇ နှစ်သားအရွယ်မှ စတင်ကာ ကျောင်းထိုင်ဆရာတော်မှ သားတပည့်အဖြစ် မွေးစားကာ  အထူးပြု ပထဝီဘာသာရပ်ဖြင့် ဘွဲ့ရသည်အထိ နေထိုင်ခဲ့ပြီး၊ ၎င်း ဘုန်းတော်ကြီး စာသင်ကျောင်းတွင် ကျောင်းဆရာအဖြစ် တာဝန်ထမ်းဆောင်ခဲ့သူ တယောက်လည်း ဖြစ်ကြောင်း၊ အခုလို သားတပည့်သေဆုံးရမှုနှင့် ပတ်သက်၍ တူညီသောတန်ဖိုးအဖြစ် နောက်နောင်ကို အခုလိုဖြစ်ရပ်မျိုး ထပ်မံမပေါ်ပေါက်စေရန် တာဝန်ရှိသူများ ပြုပြင်သင့်ကြောင်း ပြောကြားသည်။

“ သေသွားတာက သားတပည့်၊ သိပ်လိမ္မာတဲ့ ကလေး၊ ၂ တန်းနှစ်ကတည်းက ကျောင်းမှာ ခေါ်ထားတာ၊ နှမြောတော့ နှမြောတာပေါ့။ အဲဒါနဲ့ ထိုက်တန်တဲ့ လျှော်ကြေးပေးဖို့တော့ ဘုန်းဘုန်းတောင်းလိုက်တယ်။ အဲဒီ လျှော်ကြေးက အခြားမဟုတ်ဘူး။ နောက်နောင်ကို အခုလို ဖြစ်ရပ်မျိုးမဖြစ်အောင် တာဝန်ရှိသူတွေ လုပ်ဆောင်ပါလို့ စစ်တပ်ရော၊ ရဲရော လာတုန်းက ဘုန်းဘုန်းပြောလိုက်တယ်။ တရားခံ ဖော်ထုတ်တာတွေ မထုတ်တာတွေ ဘုန်းဘုန်းမပြောလိုဘူး။ နောင်ကို မဖြစ်အောင်ပဲ ကြိုးစားဆောင်ရွက်စေချင်တယ်” ဟု မဟာဇေယျုံ ကျောင်းတိုက် ဆရာတော် ဦးဉာဏိဃက ဧရာဝတီသို့ ပြောသည်။

ပြည်မြို့နယ် ပြည်သူ့လွှတ်တော်ကိုယ်စားလှယ် ဦးဝင်းမြင့်ကလည်း ယင်းအမှုနှင့်ပတ်သတ်၍ ရက်ပိုင်းအတွင်း အမြန်ဆုံး သတင်းစာရှင်းလင်းပွဲတခု ပြုလုပ်သွားမှာဖြစ်ကြောင်း၊ လူသတ်မှုနှင့်ပတ်သတ်ပြီး တပ်မတော်သားများ သတ်ဖြတ်သည် မှန်ကန်ပါက တပ်တွင်းစစ်ခုံရုံးမှ စစ်ဆေးခံရပြီး အရပ်ဘက်တရားရုံးသို့ ပြန်လည်လွှဲပြောင်းကာ ထပ်မံစစ်ဆေးခံရမှာ ဖြစ်ကြောင်း၊ တပ်မတော်သားများကို တရားစီရင်ရာမှာ လုပ်ထုံးလုပ်နည်းအရ အမှုကို နှစ်ကြိမ်တိုင်တိုင် ရင်ဆိုင်ရမှာ ဖြစ်ကြောင်း သတင်းထောက်များသို့ ပြောကြားခဲ့သည်။

သေဆုံးသူထံမှ DNA ရှာဖွေထုတ်ယူပြီး အထိန်းသိမ်းခံသုံးဦးတို့၏ DNA နဲ့ တိုက်ယူစစ်ဆေးသွားမှာဖြစ်ကြောင်း ၎င်းအမှုနှင့်ပတ်သတ်ပြီး ပြောရေးဆိုခွှင့်ရှိသူ အမျိုးသားလွှတ်တော်ကိုယ်စားလှယ် ဒေါက်တာခင်မောင်လေးက ပြောသည်။ “လက်သည်းကြားတွေ ဘာတွေထဲမှာ ကုတ်လိုက်မိတာမျိုးပဲဖြစ်ဖြစ် သေဆုံးသူထံက ကျူးလွန်သူတွေရဲ့ DNA ရှိကောင်းရှိနိုင်မယ်၊ ထွက်လာတာနဲ့ ထိန်းသိမ်းခံထားရတဲ့ လူတွေရဲ့ DNA ကို တိုက်ဆိုင်စစ်ဆေးသွားမှာ” ဟု ဆိုသည်။

သေဆုံးသူ ဇော်မင်းဦးအား ဧပြီလ ၂၅ ရက်နေ့ နေ့လည် ၃ နာရီက ပြည်မြို့အေးငြိမ်းရာ သုသာန်မှာ မီးသင်္ဂြိုလ်ခဲ့ပြီး ထောင်ချီသောမြို့ခံလူထုမှ ဈာပနအား လိုက်လံပို့ဆောင်ပေးခဲ့ပြီး အလောင်းတွင်လည်း “အမှန်တရားကို ဖော်ထုတ်ပေးကြပါ” စာသားပါ ဆိုင်းဘုတ်ကို ချိတ်ဆွဲခဲ့သည်။ လိုက်လံပို့ဆောင်သူများကလည်း အဆိုပါစာသားပါသည့် စာတန်းများကို ကားများ၊ ဆိုင်ကယ်များနှင့် ဦးထုပ်များတွင် ကပ်၍  အသုဘ ပို့ခဲ့ကြသည်။

ဧရာဝတီ 

Read More

သံလျင်တံတားပေါ် ရှေ့ကားကိုဝင်တိုက်တဲ့ ရဲဆိုင်ကယ်

၂၆.၄.၂၀၁၃၊ သောကြာနေ့

 

ဒီမနက် ၁၁ နာရီကျော်ကျော်လောက်က သန်လျင် - ရန်ကုန် တံတားကြီးပေါ် သန်လျင်ကနေ ရန်ကုန်ဘက် သွားတဲ့ အခြမ်းမှာ ရဲဝန်ထမ်း ၂ ဦးရဲ့ ဆိုင်ကယ်က ခရီးသည်တင် ဟိုင်းလပ်စ်ကား တစီးကို နောက်ကနေ ဝင်တိုက်ခဲ့ပါတယ်။           

ယာဉ်တိုက်မှုကြောင့် တံတား ခဏပိတ်သွားတဲ့ အတွက် ကားတွေရပ်ပြီး စောင့်ဆိုင်းလိုက်ရပါတယ်။ ဆိုင်ကယ် နောက်မှာ ထိုင်စီးလာတဲ့ ရဲဝန်ထမ်း ဦးခေါင်း ထိခိုက်သွားတဲ့အတွက် အဲဒီရဲက တံတားပလက်ဖောင်းမှာ ငုတ်တုတ်ထိုင်ပြီး “မူးတယ် မူးတယ်”နဲ့ အော်နေတာ တွေ့ရပါတယ်။ ဆိုင်ကယ်မောင်းလာသူ ရဲကတော့ တိုက်ပြီးပြီးချင်း ထွက်ပြေးသွားပါတယ်။  

ယာဉ်တိုက်မှုဖြစ်ပြီး ခဏအကြာမှာ သန်လျင်မြို့နယ် ရဲစခန်းက တာဝန်ရှိသူ  ဆိုင်ကယ်နဲ့ ရောက်လာလို့ မေးမြန်းချိန်မှာ ဒဏ်ရာရသွားတဲ့  ရဲဝန်ထမ်းက “ကျနော်တိုက်တာ မဟုတ်ဘူး။ မောင်းလာတဲ့ ကျနော့်ဗိုလ်ကြီး ဝင်တိုက်တာ” လို့ သွေးထွက်နေတဲ့ သူ့ခေါင်းက ဒဏ်ရာကို လက်နဲ့ဖိထားရင်း ပြောနေတာ တွေ့ရပါတယ်။           

အတိုက်ခံရတဲ့ ဟိုင်းလပ်စ်ကားပေါ်မှာ ပါလာသူတွေကတော့ ထိခိုက်ဒဏ်ရာရတာ မတွေ့ရပါဘူး။          

တံတားပေါ်မှာ အရပ်သားဆိုင်ကယ်တွေ စီးနင်းခွင့်မရှိဘဲ တံတားတာဝန်ကျ ရဲတွေသာ ဆိုင်ကယ်စီးနင်းခွင့် ရှိတာပါ။
ဒါပေမယ့် အရပ်သားဆိုင်ကယ်တချို့လည်း နားလည်မှုနဲ့ မကြာခဏ ဆိုင်ကယ်နဲ့ တံတားဖြတ်ကြတာ တွေ့ရလေ့ရှိ ပါတယ်။

ဘေးက ရပ်ကြည့်နေသူ ကားဒရိုင်ဘာတွေကတော့ အခုလိုဖြစ်ရတာ နောက်က ဝင်တိုက်သူ မှားတာလို့ ပြောနေပါတယ်။     

အမှတ် ၂၁၇ ခရီးသည်တင် ကားကြီးတစီးရဲ့ ဒရိုင်ဘာက ...        
 “နောက်ကနေ ဝင်တိုက်တဲ့သူပဲ မှားတာ။  ဒီတံတားပေါ်မှာ ဘယ်ကားမှ ကျော်တက်ခွင့်မရှိဘူး။ ရှေ့က မောင်းနေတဲ့ ကားကို ဝင်တိုက်တယ်ဆိုတာကတော့ တော်တော် ဆိုးတာပဲ” လို့ မှတ်ချက်ပြုပါတယ်။           

ဒီတံတားကြီးပေါ်မှာ ကားကြီးတွေပျက်ရင် နောက်ကားတွေအတွက် တော်တော် ဒုက္ခရောက်ကြလေ့ရှိပါတယ်။
ဒါကြောင့်မို့လည်း အမှတ် ၂ တံတားတစင်း တည်ဆောက်ပြီး ကွန်တိန်နာ ကားကြီးတွေ၊ သစ်လုံးတင်ကားကြီးတွေ ဖြတ်သန်းကြပါတယ်။

 ဒီနေ့မှာတော့ ကားပျက်တာ မဟုတ်ဘဲ ယာဉ်တိုက်မှု ဖြစ်နေလို့ တံတားပေါ်ရောက်နေတဲ့ ခရီးသည်တင် ယာဉ်တွေ၊ တက္ကစီတွေနဲ့ ကိုယ်ပိုင်ကားတွေ နာရီဝက်လောက် နေပူထဲ အလှန်းခံလိုက်ရပါတယ်။ တာဝန်ရှိတဲ့ ရဲတွေရောက်လာပြီး ဟိုင်းလပ်စ်ကားကို ဘေးရွှေ့ပြီးတဲ့ အချိန်ကျမှ နောက်ကကားတွေ ဆက်ထွက်ခွင့် ရကြပါတယ်။

Irrawaddy Blog 

Read More

တောကြောင် လက်ခမောင်း မခတ်စေလို

၂၆.၄.၂၀၁၃၊ သောကြာနေ့

ရန်ကုန်တိုင်းဒေသကြီး သန်လျင်မြို့မဈေးကြီးထဲက ငရုပ်သီးမှုန့်ရောင်းတဲ့ ဆိုင်တဆိုင်ရှေ့မှာ ပိတ်ပြီး ကျပန်းဈေးသည် ယပ်တောင်ရောင်းသူတဦး ရောက်နေတယ်။ အချိန်က မနက်ပိုင်း၊ သင်္ကြန်ပြီးခါစ ဈေးကြီးပြန်ဖွင့်တာမှ နှစ်ရက်ပဲ ရှိသေးတယ်။

ငရုပ်သီးမှုန့်သည်က ယပ်တောင်သည်ကို သူ့ဆိုင်ရှေ့ပိတ်မရောင်းဖို့ ကောင်းကောင်းမွန်မွန် ပြောနေတယ်။ ဒါပေမယ့် ယပ်တောင်သည်က ရုတ်တရက် ကက်ကက်လန်အောင် ပြန်ရန်တွေ့တယ်။ ရန်တွေ့ရုံတင်မကဘဲ မဆိုင်တဲ့ ဘာသာရေး ပုတ်ခတ်မှုတွေပါ ပြောလာတာ ကြားလိုက်ရတော့ အနားက ဈေးသည်ဈေးဝယ်တွေပါ သူတို့ဆီ အာရုံရောက်ကုန်ကြတယ်။

ငရုပ်သီးမှုန့်သည်က မဆိုင်တာတွေ မပြောဖို့နဲ့ သူကောင်းကောင်းမွန်မွန် ပြောတာကို ပြေပြေလည်လည် ပြန်ပြောဖို့ ရှင်းပြလေလေ ယပ်တောင်သည်က ရန်တွေ့တာ ကြမ်းလာလေလေ ဖြစ်လာပါရော။ ငရုပ်သီးမှုန့်သည်က မြန်မာမွတ်စလင် သန်လျင်မြို့ခံပါ။ ဒီဈေးကြီးမှာ ဆိုင်ခန်းယူပြီး ဖွင့်လှစ်လာတာ ကြာပြီ။ ယပ်တောင် သည်က ဘယ်က ဘယ်လို ရောက်လာမှန်းမသိဘဲ သူများဆိုင်ရှေ့မှာ တမင် ပိတ်ကာရောင်း၊ ဟိုက ပြောလာတော့ ဘာသာရေး တွေနဲ့ ပြန်လည် တိုက်ခိုက် တရားလက်လွတ် ပြောဆိုနေတာ ကြည့်မကောင်း ကြားမကောင်း တာတော့ အမှန်ပဲ။

ယပ်တောင်သည် အပြောကြမ်းလာပေမယ့် ငရုပ်သီးမှုန့်သည်က သည်းညည်းခံနေတယ်။ ဒါပေမယ့် ဘေးမှာရှိနေတဲ့ မြန်မာမွတ်စလင် တချို့က မခံချင် ဖြစ်နေပုံဘဲ။ တကယ်တော့လည်း တဘက်သက်ကြီး သူ့ဘက်ကလည်း စစော်ကား သေးတယ် တဘက်သားကိုလည်း မညှာမတာ ပြောဆိုနေတယ်ဆိုတာကို ကြည့်ရင် ယပ်တောင်သည်ပုံစံက တမင်ကို ရန်မဖြစ်ဖြစ်အောင် ရန်စနေသလိုပါ။ ဘေးက ဈေးသည်ဈေးဝယ်တွေကတော့ အခြေအနေကို ဘယ်သူမှလည်း ဝင်မပါဘဲ ဒီအတိုင်း ကြည့်နေ ကြတယ်။ အဲဒီအနားမှာ ခဏ ရုံးစုရုံးစု ဖြစ်လိုက်ပေမယ့် ဈေးစည်ပင်က အခြေအနေကို ဝင်ထိန်းပေးပြီး ယပ်တောင်သည်ကို ခေါ်သွားလို့ ဘာမှဆက်မဖြစ်ဘဲ အခြေအနေ ငြိမ်သက်သွားပါတယ်။

မြို့မဈေးထဲမှာ ဆေးရောင်းသူ တဦးကတော့ အဲဒီယပ်တောင်သည် ဒီလိုပုံစံမျိုး လုပ်တာ ၃၊ ၄ ခါလောက် ရှိပြီလို့ ဆိုပါတယ်။ သူဆိုလိုတာက ယပ်တောင်သည်ဟာ အခုလိုပဲ မြန်မာမွတ်စလင်တွေရဲ့ ဈေးဆိုင်တွေရှေ့မှာ ရန်စတဲ့ ပုံစံမျိုးနဲ့ ပိတ်ရောင်း၊ ဟိုက ဖယ်ခိုင်းတဲ့အခါမှာ နင်ပဲငဆပြော၊ မဆိုင်နဲ့ ဘာသာရေး ပုတ်ခတ်စော်ကားမှုတွေ ပြုဆိုတာမျိုး လုပ်ပြီး အဓိကရုဏ်း အခြေအနေ ဖြစ်လာအောင် ဖန်တီးနေသလားလို့ စဉ်းစားစရာပဲ။

ဒီယပ်တောင်သည် ဘယ်ကရောက်လာလဲ၊ သူ့ကို ဒီလိုလုပ်ဖို့ ဘာက တွန်းအားပေးထားလဲ၊ သူ့ရဲ့ နောက်ခံက ဘာလဲ၊ သူ ဒီလို တခြားသူကို စော်ကားဖို့ ဘယ်သူက ခိုင်းစေလိုက်တာလဲ၊ သူ့လို လူမျိုးတွေ ဘယ်မြို့ ဘယ်ရွာ ဘယ်ဒေသတွေမှာ ဘယ်နှယောက်တောင် ရှိနေမလဲ စတဲ့ မေးခွန်းတွေ ကျမ စိတ်ထဲမှာ အလိုလို ပေါ်လာပါတယ်။ သူ့ကို ဘယ်သူကမှ စေခိုင်းတာမဟုတ်ဘူး ဆိုရင်တောင် ဒါဟာ လူနည်းစုလူမျိုးကွဲ ဘာသာကွဲတွေကို အသားလွတ် စော်ကားထိပါးတာပဲ။ ဒီမိုကရေစီ နိုင်ငံတခုမှာ မရှိသင့်မရှိအပ်တဲ့ လူအချင်းချင်း ခွဲခြားဖိနှိပ်မှု ဆိုတာတွေ ကျမတို့ မြန်မာနိုင်ငံမှာ ရှိနေပြီလား ဆိုတာလည်း စဉ်းစားစရာ ဖြစ်လာပါတယ်။

မနှစ်က အခုလိုအချိန်မှာ ကျမ စင်ကာပူနိုင်ငံရောက်နေပါတယ်။ အာရှနိုင်ငံ ၁၃ နိုင်ငံက ဂျာနယ်လစ် ၁၈ ယောက် တက်ခွင့်ရတဲ့ Asia Journalism Fellowship (AJF) ၃ လ အစီအစဉ် တက်နေချိန်ဖြစ်ပါတယ်။ အဲဒီမှာ ကျမရဲ့ အခန်းဖော် ပါကစ္စတန်သူ ဂိုနီလာ ဆိုတဲ့ အမျိုးသမီးနဲ့ စကားလက်ဆုံ ကျမိတော့ သူတို့နိုင်ငံရဲ့ လူနည်းစုဘာသာဝင်တွေ အပေါ် ဖိနှိပ်ချုပ်ချယ်မှု၊ နှိပ်ကွပ်မှုတွေ အကြောင်း သူပြောပြတာ ကြားခဲ့ပါတယ်။ ပါကစ္စတန်နိုင်ငံမှာ လူနည်းစုက ခရစ်ယာန်ဘာသာနဲ့ ဟိန္ဒူဘာသာဝင်တွေ ဖြစ်ပါတယ်။ လူများစုကတော့ အစ္စလမ် ဘာသာဝင်တွေပါ။ ကျမရဲ့ အခန်းဖော် ဂိုနီလာက ခရစ်ယာန် ဘာသာဝင် တဦးပါ။ အလုပ်ခွင်မှာ၊ ကျောင်းမှာ၊ ရပ်ကွက်ထဲမှာ အင်အားကြီး အစ္စလမ်ဘာသာဝင်တွေရဲ့ ထိပါးရိုင်းပြမှုတွေကို သူတို့လို လူနည်းစုတွေ ဘယ်လို ခံစားရတယ်ဆိုတာ သူက ပြောပြပါတယ်။ အဲဒါတင်မကဘဲ သူတို့နိုင်ငံမှာ အင်အား နည်းသူတွေ ဘက်က ရပ်တည် ရေးသားတဲ့ သတင်းသမားတွေ ဆိုရင်လည်း ခြိမ်းခြောက်ခံရ၊ တချို့ အသက်အန္တရာယ် ထိပါးလာတဲ့အထိ ပြုမူကြတယ်လို့ သိရပါတယ်။

အဆိုးဆုံးကတော့ ၂၀၁၂ မေလထဲမှာ ပါကစ္စတန်နိုင်ငံက ဂျာနယ်လစ်တယောက် သတ်ဖြတ်ခံခဲ့ရပါတယ်။ အစွန်းရောက် အစ္စလမ် ဘာသာဝင်တချို့က သတ်ဖြတ်တယ်လို့ သိရပါတယ်။ အဲဒီ အသတ်ခံရသူ ဂျာနယ်လစ်က ကျမတို့ရဲ့ စီနီယာ အစ်ကို တယောက်လို့ ပြောလို့ရပါတယ်။ သူက AJF တတိယ အသုတ်မှာ တက်ရောက်ခဲ့သူ၊ ကျမတို့က စတုတ္ထအသုတ်မှာ တက်သူတွေ ဖြစ်လို့ပါပဲ။ အဲဒီ ဂျာနယ်လစ်ဟာ အစ္စလမ်ဘာသာဝင် တဦးဖြစ်ပါတယ်။ သူဟာ အမြဲတမ်း လူနည်းစု၊ အားနည်းသူတွေဘက်က ရပ်တည် ရေးသားခဲ့သူလို့ ဂိုနီလာက ပြောပြပါတယ်။ အဲဒီတုန်းက အကြောင်းအရာ တွေဟာ ကျမအတွက် အစိမ်းသက်သက်လို့ မဆိုနိုင်ပေမယ့် ကျမနဲ့ အနီးဝန်းကျင်မှာ ဖြစ်လေ့ဖြစ်ထ ရှိခဲ့တာတွေ မဟုတ်တာကြောင့် တော်တော်လေးတော့ အံ့သြမိပါတယ်။ အစိမ်းသက်သက်လို့ မဆိုနိုင်တာက ကျမရဲ့ မီဒီယာအတွေ့အကြုံ အရ ကျမတို့ မြန်မာနိုင်ငံအတွက် အဲဒီကာလက အထိ လူနည်းစုဆိုတာ တိုင်းရင်းသားလူမျိုးတွေပါ။ တိုင်းရင်းသားလူမျိုးတွေကို ဖိနှိပ်ချုပ်ချယ်တယ်၊ ခွဲခြားဆက်ဆံတယ် ဆိုတာမျိုးဟာ နယ်စပ်ဒေသတွေမှာ ရှိနိုင်ပေမယ့် ကျမတို့ နေထိုင်တဲ့ ပတ်ဝန်းကျင် ဒေသတွေမှာတော့ အကြီးအကျယ် မရှိပါဘူး။

ကျမ ကိုယ်တိုင်လည်း မြန်မာနိုင်ငံရဲ့ လူနည်းစု ဘာသာဝင်လို့ ပြောနိုင်တဲ့ ခရစ်ယာန် ဘာသာဝင် တယောက်ပါပဲ။ ငယ်စဉ် ကတည်းက ကိုယ့်ဘာသာကိုကိုယ် လွတ်လွတ်လပ်လပ် ကိုယ်းကွယ်ဝတ်ပြုခွင့် ရခဲ့တယ်လို့ ကျမ သိထားပါတယ်။ ကျမရဲ့ သူငယ်ချင်းတွေ ထဲမှာလည်း ဘာသာပေါင်းစုံ ပါရှိသလို၊ တိုင်းရင်းသားတချို့လည်း ပါရှိတယ်၊ အားလုံးရဲ့ နေ့ကြီးရက်ကြီးတွေ ခရစ္စမတ်ပဲ ဖြစ်ဖြစ်၊ သီတင်းကျွတ်၊ တန်ဆောင်တိုင်၊ သင်္ကြန်ကာလတွေမှာဖြစ်ဖြစ်၊ အိဒ်ပွဲတော်၊ ဒီပါဝလီ ပွဲတော်တွေမှာပဲ ဖြစ်ဖြစ် အားလုံးပါဝင် ပျော်ရွှင်ကြတာပါပဲ။ အဲဒီအတွက် ဘယ်သူကဖြင့် ခွဲခြားဆက်ဆံ ခံရတယ် ဆိုတာမျိုး တခါမှ မတွေးဖူး ပါဘူး။

ဒီတော့ ကျမက ဂိုနီလာကို ကျမ ခံစားရတဲ့ အတိုင်းပဲ ပြောပြခဲ့ပါတယ်။ ကျမတို့ မြန်မာနိုင်ငံသားတွေဟာ လူမျိုးဘာသာ တန်းတူရည်တူ စိတ်ထားကြတယ်၊ ကျမတို့ မြန်မာနိုင်ငံသားတွေကို ဖိနှိပ်ချုပ်ချယ်တာဟာ စနစ်ပဲ။ အဲဒါကတော့ စစ်အာဏာရှင် ဆိုတဲ့ စနစ် ဖြစ်တယ်။ ဒီစနစ်ကို မြန်မာနိုင်ငံသားတိုင်း၊ ဘယ်ဘာသာ ဘယ်လူမျိုးမဆို တွန်းလှန်ချင်ကြတယ်။ အားလုံးဟာ စစ်မှန်တဲ့ ဒီမိုကရေစီ စနစ်ဆိုတာကို ရရင် အားလုံး တပြေးညီ အကျိုးကျေးဇူး ခံစားကြရမယ် ဆိုတဲ့အကြောင်း ကျမ ဂိုနိလာကို ပြောပြခဲ့တယ်။ မနှစ်ကအထိ ကျမ အဲဒီလိုပဲ ယုံကြည်နေမိပါတယ်။

ဒါပေမယ့် ဝမ်းနည်းစရာ ရှက်စရာ ကောင်းတာကတော့ အခု ဖြစ်နေတဲ့ အခြေအနေလို့ ပြောရမလိုပါ။ ကျမတို့ အထိုက် အလျောက် ဒီမိုကရေစီ ရပြီလို့ ပြောနိုင်နေတဲ့အချိန်၊ အရင်ကထက်စာရင် လွတ်လပ်စွာ ကိုယ့်ရဲ့ ခံစားချက်တွေကို ထုတ်ဖော်ခွင့် ရနေကြတဲ့အချိန်၊ အရပ်သားအစိုးရလို့ဆိုပြီး ပြည့်ပြည့်ဝဝ မရသည့်တိုင်အောင် စစ်အာဏာရှင်စနစ်က ခွဲထွက်နိုင်ပြီလို့ ယူဆနိုင်တဲ့အချိန်၊ ကျမတို့နိုင်ငံအတွက် စီးပွားရေး အခွင့်အလမ်း၊ ပညာရေး အခွင့်အလမ်းတွေ အထိုက်အလျောက် မြင်နေရချိန်မှာမှ ဘာကြောင့် တသက်လုံး ကောင်းအတူဆိုးအတူ ယှဉ်တွဲ နေထိုင်လာသူတွေ အချင်းချင်း မယုံသင်္ကာစိတ်၊ သွေးကွဲစိတ်တွေ ဖြစ်အောင် လုပ်လာရတာလဲဆိုတဲ့ မေးခွန်း မေးချင်နေမိတယ်။ ဒီစိတ်တွေကြောင့် အလင်းရောင်ပြပြ မြင်ရစပြုတဲ့ မြန်မာနိုင်ငံ အမှောင်ဘက်ဆီ လုံးလုံး ပြန်ရောက်သွားနိုင်တယ် ဆိုတာကို မတွေးမိလောက်အောင် ဒီလို အဖြစ်တွေဖြစ်ဖို့ ပါဝင်အားပေးသူတွေ အနေနဲ့ ပညာမဲ့ကြသလား ဆိုတဲ့ ဂရုဏာ ဒေါသလည်း ဖြစ်မိတယ်။

စနစ်တိုင်းမှာ အဆိုးနဲ့အကောင်း ဒွန်တွဲပြီး လာတတ်တဲ့ သဘောရှိတာကို လက်ခံနိုင်ပေမယ့် အားလုံးက အဆိုးနည်းနည်း၊ အကောင်းများများကို မျှော်လင့်ကြတယ်၊ ဖြစ်စေချင်ကြတယ်။ မျှော်လင့်နေတဲ့ ရောင်နီဦးကို ပြပြလေး မြင်ရချိန်မှာ ဘာကြောင့် မိုးမှောင်ကြီး ကျလာတာကို လက်ခုပ်လက်ဝါး တီးချင်ကြတာလဲ။ အဲဒီလို အလင်းရောင်ကို မကြိုက်သူတွေကတော့ အမှောင်ကို အကာအကွယ်ယူပြီး ကိုယ်ကျိုးစီးပွား ဖြစ်ထွန်းနေသူတွေပဲ ဖြစ်ပါလိမ့်မယ်။ ဘယ်သူမှ မြို့ပြကို လောင်မီးကျ စစ်တလင်းလို မဖြစ်စေချင်ကြပါဘူး။ ဘယ်သူမှ အိပ်ကောင်းခြင်း မအိပ်ရ၊ စားကောင်းခြင်း မစားရတဲ့ အထိတ်တလန့် ဘဝမျိုး မလိုချင်ပါဘူး။ တောမီးလောင်တာကို သဘောကျသူတွေကတော့ လက်ခမောင်းထခတ်ချင်တဲ့ တောကြောင်တွေပဲ ဖြစ်လိမ့်မယ် ဆိုတာ ပြောပြနေစရာတောင် မလိုအောင် ရှင်းလင်းပါတယ်။

သန်လျင်မြို့မဈေးထဲက ယပ်တောင်သည်ဟာ သူ့သဘောနဲ့သူ မွတ်စလင်ဆိုင်တွေ ရှေ့မှာ သွားပိတ်ရောင်းပြီး တမင်ရန်စစော်ကား တာလား၊ ဒါမှမဟုတ် သူ့ကို တယောက်ယောက်က ခိုင်းစေတာလား ဆိုတာ မပြောတတ်ပေမယ့် တဘက်သားက မခံချင်ဖြစ်လာလို့ တန်ပြန် တိုက်ခိုက်လာရင်၊ ဘေးက သွေးထိုးသူတွေပါ ပါလာရင် အမှုသေးသေး ကနေ အဓိကရုဏ်း အကြီးကြီးအထိ ဖြစ်သွားနိုင်တဲ့ အနေအထားပါ။

အဲဒီ ယပ်တောင်သည်လိုမျိုး ဘယ်မြို့ ဘယ်ဒေသတွေမှာ ဘယ်နှယောက်လောက်တောင် ရှိနေပြီလဲ ဆိုတာ တွေးမိပြီးလည်း စိုးရိမ်စိတ် ဖြစ်မိပါတယ်။ စော်ကားသူနဲ့ အစော်ကား ခံရသူနှစ်ဦးမှာ အစော်ကားခံရသူ ဘက်က ဘယ်လောက်အထိ ကြာကြာ သည်းညည်းခံ နေနိုင်မှာလဲ ဆိုတဲ့ မေးခွန်းလည်း မေးစရာရှိပါတယ်။ လူသားတွေသာ ဖြစ်တဲ့အတွက် အသားလွတ်စော်ကားမှု ဒဏ်ကို ဘယ်သူမှ ကြာကြာမခံနိုင်ပါဘူး။ ဒီကြားထဲ ဘေးက သွေးကြွအောင် ဆွပေးသူတွေ ရှိမယ်ဆိုရင် နောက်ထပ် အမှိုက်ကစ ပြာသာဒ်မီးလောင်တဲ့ အဖြစ်မျိုးတွေ ဖြစ်မလာဘူးလို့လည်း မပြောနိုင်ပါဘူး။

ဒီလို အဖြစ်မျိုးတွေ (အမှုသေးသေးလေးတွေက အစ) ဒေသခံ ပြည်သူလူထု အနေနဲ့ ပညာသတိနဲ့ယှဉ်ပြီး ကြည့်မြင် ဆင်ခြင်ရလိမ့်မယ်လို့ ယူဆပါတယ်၊ အဲဒီလို အဖြစ်မျိုးလေးတွေ ဖြစ်လာခဲ့ရင် ဘယ်သူမဆို လူမျိုးဘာသာ မခွဲဘဲ အမှန်တရားဘက်က ရပ်တည် ကာကွယ်ပေးရပါမယ်။ ဘယ်ဘာသာ၊ ဘယ်လူမျိုးပဲ ဖြစ်နေပါစေ နိုင်ငံသားတိုင်း ရသင့်တဲ့ အခွင့်အရေးတွေ၊ လွတ်လပ်ခွင့်တွေ ရရမယ်ဆိုတဲ့အသိ လူတိုင်းမှာ ရှိနေမယ်၊ ကိုယ့် အခွင့်အရေးကို တပါးသူက လေးစားဖို့အတွက် တပါးသူရဲ့ အခွင့်အရေးကိုလည်း ကိုယ်က လေးစားတတ်ရမယ်လို့ ယုံကြည်ပါတယ်။ အုပ်ချုပ်သူ တာဝန်ရှိသူများ ဘက်ကလည်း ငြိမ်းချမ်းမှုကို ပျက်ပြားအောင် ပြုသူတွေကို ဘယ်လူမျိုး၊ ဘယ်ဘာသာမှ မခွဲခြားဘဲ တိတိကျကျ ဖော်ထုတ် အရေးယူရမှာပါ။ အဲဒီတော့မှပဲ တရားဥပဒေစိုးမိုးမှု ရှိတဲ့ နိုင်ငံအစိုးရအဖြစ် နိုင်ငံသားများသာမက နိုင်ငံတကာကပါ လေးစားမှု ရှိလိမ့်မယ်လို့ ယုံကြည်ပါတယ်။

လူနည်းစုကို လူများစုက ဖိနှိပ်စော်ကားနိုင်တဲ့ အခွင့်အရေး ဘယ်ဒီမိုကရေစီ နိုင်ငံမှာမှ မရှိပါဘူး။ အင်အားကြီးသူက အင်အားနည်းသူကို ရိုင်းပြစော်ကားဖို့ ဘယ်ဘာသာတရားကမှလည်း မသွန်သင်ထားပါဘူး။ ဟိုနိုင်ငံမှာတော့ ငါတို့ဘာသာဝင် တွေကိုနှိပ်ကွပ်တယ်၊ အဲဒီတော့ ဒီနိုင်ငံမှာ ငါတို့က လူများစု အပေါ်စီးမို့ သူတို့ဘာသာဝင်တွေကို နှိပ်ကွပ်လိုက်မယ် ဆိုတဲ့ စိတ်မျိုး ထားမယ်ဆိုရင်တော့ အမုန်းသံသရာ ရှည်ပြီး ပျော်ရွှင်ငြိမ်းချမ်းမှုနဲ့ ဝေးသည်ထက် ဝေးကြရပါလိမ့်မယ်။ ပြည်သူလူထု ပျော်ရွှင်ငြိမ်းချမ်းမှုနဲ့ ဝေးကွာချိန်မှာ တောကြောင်များသာ လက်ခမောင်း ထခတ်ကြပါလိမ့်မယ်။

စနစ်ဆိုးတခု အောက်က လွတ်မြောက်စပြုလာတဲ့ ကျမတို့ မြန်မာနိုင်ငံသားတွေ အနေနဲ့ ဝါဒစွဲ၊ လူမျိုးစွဲ၊ ကိုယ့်ဝါဒမှ အမှန်၊ ကိုယ့်လူမျိုးမှ အကောင်းဆိုတဲ့ “အစွဲဆိုး” တွေရဲ့ ဖိနှိပ်မှုဒဏ်ကို တဖန်ပြန်မခံရစေဖို့ အရေးကြီးပါတယ်။ မြန်မာနိုင်ငံသားတိုင်း တန်းတူရည်တူ အခွင့်အရေးရရှိပြီး ငြိမ်းချမ်းစွာ အတူယှဉ်တွဲနေထိုင် ပျော်ရွှင်နိုင်ဖို့ အတွက် ဒီမိုကရေစီရေစီးမှာ ပါလာတဲ့ အမှိုက်သရိုက်တွေကို အတူတကွ ပညာ၊ သတိနဲ့ စစ်ထုတ် ဖယ်ရှားကြမှသာ ရလာတဲ့ ရေကောင်းရေသန့်ကို အတူမျှဝေ သောက်သုံး နိုင်မှာဖြစ်ပါတယ်။ အဖျက်အမှောင့် ကင်းကင်းနဲ့ မြန်မာနိုင်ငံရဲ့ အနာဂါတ် လင်းလင်းချင်းချင်း လှပသာယာဖို့ မြန်မာနိုင်ငံသားတိုင်း အပေါ်မှာ မူတည်နေတယ် ဆိုတဲ့အကြောင်း ဖော်ပြလိုခြင်းသာ ဖြစ်ပါတယ်။     ။

ဧရာဝတီ

Read More

အငြင်းပွားကျွန်းများအနီးချဉ်းကပ်လာတဲ့တရုတ်သင်္ဘောများကိုဂျပန်က အင်းအားသုံးဖြေရှင်းမည်

၂၆.၄.၂၀၁၃၊ သောကြာနေ့

ဂျပန်ဝန်ကြီးချုပ် ရှင်ဇိုအာ ဇေးက နှစ်နိုင်ငံအကြား အငြင်း ပွားနေသည့် ဂျပန်နိုင်ငံပိုင်ကျွန်း များအနီး တရုတ်စစ်ရေယာဉ် များချဉ်းကပ်လာမှုကို ဂျပန်က အင်အားသုံးနှင်ထုတ်သွားမည် Japan to use force if (Fina lands on dispute is landsဟူ ၍ ပြောကြားသည်။

တရုတ်ရေယာဉ် ၈ စီးသည် ဧပြီလ ၂၃ ရက်က ဂျပန်ပိုင် ကျွန်းများအနီး ချဉ်းကပ်ခဲ့ကြောင်းကို ဂျပန်ကမ်းခြေ စောင့်တပ်များ မျက်မြင်တွေ့ခဲ့ရပြီး အဆိုပါ တရုတ်သင်္ဘောများသည် အငြင်း ပွားနေသည့် ရှင်ကာကူကျွန်း၏ ရေပြင်ပိုင်နက် ၁၂ မိုင်အတွင်းထိ ၀င်ရောက်ခဲ့ကြောင်း။ ဒါကို မိမိ တို့အနေဖြင့် သည်းမခံနိုင်ကြောင်း၊ နောင်အလားတူ ကိစ္စများဖြစ်လာ ပါက အင်အားသုံးဖြေရှင်းမည် ဖြစ်ကြောင်း ဂျပန်ဝန်ကြီးချုပ်ရုံး ၀န်ကြီး ယူရှီဟိုက်စူဂါကပြော ကြားသည်။

အခုဖြစ်စဉ်သည် ဂျပန်နိုင်ငံ တိုကျိုမြို့လယ်ရှိ ယာဆူကူနီ စစ်သင်္ချိုင်းသို့ ဂျပန်လွှတ်တော် အမတ်(၁၇၀)သွားရောက်လေ့ လာဂါရ၀ပြုရာမှ ယင်းပြဿနာ စခြင်းဖြစ်သည်။ အဆိုပါစစ် သင်္ချိုင်းသည် ဒုတိယကမ္ဘာစစ် အတွင်း ဂျပန်နိုင်ငံက တရုတ်နှင့် ကိုရီးယားကို ကျူးကျော်တိုက် ခိုက်စဉ်က ကျဆုံးခဲ့ရသည့် ဂျပန် စစ်သည်များကို ဂုဏ်ပြုသော အားဖြင့် တည်ဆောက်ထားသော စစ်သင်္ချိုင်းဖြစ်သည်။

အဆိုပါစစ်သင်္ချိုင်းကို ဂျပန်အစိုး ရအနေဖြင့် အာဇာနည်ဗိမာန် တစ်ခုအဖြစ်သတ်မှတ်ခြင်းမပြုရန်၊ နိုင်ငံ့ခေါင်းဆောင်များ တက် ရောက်ခြင်းမပြုရန် တောင်ကိုရီး ယားနှင့် တရုတ်တို့က အစဉ်တ စိုက် ကန့်ကွက်နေသည့်ကြားက ဂျပန်က ယင်းသို့ပြုလုပ်ခြင်းမှာ တရုတ်နှင့် ကိုရီးယားနှစ်နိုင်ငံလုံး အား စော်ကားရာရောက်သည်။ ၎င်းင်းတို့အနေဖြင့်လည်း သည်းခံ နိုင်စရာအကြောင်းမရှိဟု ကန့် ကွက်လျက်ရှိရာ အရှေ့မြောက် အာရှဒေသအတွင်း တရုတ်၊ တောင်ကိုရီးယားတို့သည် ဂျပန် နှင့်ဆက်ဆံရေးထိခိုက်လျက်ရှိ သည်။

တောင်ကိုရီးယားနှင့် ဂျပန်တို့ မပြေမလည်ဖြစ်နေမှုနှင့်ပတ်သက်၍ အမေရိကန်ကဒေသတွင်း အမေရိကန်၏ မိတ်ဆွေနှစ်နိုင်ငံသည် မြောက်ကိုရီးယား၏ အန္တရာယ်ကိုပူးပေါင်းကာကွယ်နိုင်ရန်အတွက် နှစ်နိုင်ငံမိတ်ဝတ် မပျက် ဆက်ဆံနေထိုင်သင့်လှသည်ဟု တိုက်တွန်းလျက်ရှိသည်။ ဂျပန်ဝန်ကြီးချုပ်က ““ဂျပန်အနေနဲ့ ရှင်ကာကူကျွန်းကို တရုတ်တွေ လုံးဝခြေမချစေရ”” ဟု ပါလီမန်တွင် ပြောကြားသွား သည်။

The HotNews 

Read More

လယ်ယာမြေ မှတ်ပုံတင်ရန် လယ်သမားများ အခက်ကြုံနေရ

၂၆.၄.၂၀၁၃၊ သောကြာနေ့

ဧရာဝတီတိုင်း၊ ပဲခူးတိုင်း၊ ရန်ကုန်တိုင်းနှင့် စစ်ကိုင်းတိုင်း ဒေသကြီးများမှ လယ်သမားများမှာ လယ်ယာမြေ မှတ်ပုံတင်ရန် ကြိုးစားလျှက် ရှိသော်လည်း အခက်အခဲများ ရှိနေသဖြင့် ယခုအချိန်အထိ ရရှိသူ နည်းပါးသေးကြောင်း သိရသည်။

ယခုလ ၂၄ ရက်နေ့က ဒေါ်အောင်ဆန်းစုကြည် နေအိမ်၌ ပြည်နယ်နှင့် တိုင်းဒေသကြီး အသီးသီးမှ လယ်သမား ၂၂ ဦး တွေ့ဆုံစဉ် လယ်သမား အချင်းချင်း မေးမြန်းကြည့်ရာ လယ်သမားများမှာ လယ်ယာမြေ မှတ်ပုံတင်ခွင့် မရရှိသေးကြောင်း ပြောဆို ဆွေးနွေးကြသည်ဟု ဧရာဝတီတိုင်းဒေသကြီး အင်္ဂပူမြို့နယ် ကွင်းကောက်ကျေးရွာမှ လယ်သမားကြီး ဦးတင်ထွန်းက ပြောသည်။

“ဒေါ်အောင်ဆန်းစုကြည် ကတော့ အရှုပ်အရှင်းမရှိတဲ့ လယ်မြေကို မှတ်ပုံတင်လို့ ရအောင် ပြန်လုပ်ပေးမယ်၊ သူတာဝန်ယူတယ်လို့ ပြောတယ်” ဟု သူက ဆက်ပြောသည်။

လယ်ယာမြေ မှတ်ပုံတင်ခွင့် ရရှိရန် အခက်အခဲ ကြုံနေရခြင်းမှာ မြေသိမ်းလယ်သိမ်း ကိစ္စရပ်များနှင့် သက်ဆိုင်ကြောင်း၊ လယ်ယာမြေ မှတ်ပုံတင်ရာတွင် လယ်သမားများ အခက်အခဲ ကြုံနေရသည်ကို ကြားသိရကြောင်း လွှတ်တော် လယ်ယာမြေ စုံစမ်းရေး ကော်မရှင်မှ ပြည့်သူ့လွှတ်တော် ကိုယ်စားလှယ် ဦးမင်းသူက ဆိုသည်။

“အထွက်နှုန်း ကောင်းတဲ့ မြေတွေကို မှတ်ပုံတင်ဖို့ လုပ်တဲ့အခါမှာ အကြီးအကျယ် ပြဿနာ တက်နေတယ်။ လယ်သမား ကလည်း သူ့လယ်ယာမြေကို ပြန်လုပ်ချင်တယ်။ ဒီဘက်ကလည်း ဋ္ဌာနဆိုင်ရာနဲ့ စစ်တပ်မြေတွေကို မှတ်ပုံတင်ပေးဖို့ မရဲဘူး။ ဥပဒေနဲ့ အညီ မလုပ်ခဲ့တာတွေက အခု ပြဿနာ တက်တာပဲ” ဟု သူက ပြောသည်။

နေပြည်တော်ရှိ လယ်ယာစိုက်ပျိုးရေးနှင့် ဆည်မြောင်းဝန်ကြီးဋ္ဌာန ကြေးတိုင်နှင့် မြေစာရင်း ဦးစီးဋ္ဌာန ညွှန်ကြားရေးမှူး ဦးအေးမောင်စိန်ကမူ ပြည်နယ်နှင့် တိုင်းဒေသကြီး အားလုံးတွင် လယ်ယာမြေ မှတ်ပုံတင် လျှောက်လွှာ ပုံစံ (၁) ကို ၂၀၁၃ ခုနှစ် ဇန်န၀ါရီလမှ စတင်ကာ တပြေးညီ ထုတ်ပေးလျှက် ရှိကြောင်း၊ ရန်ကုန်နှင့် ပဲခူးတိုင်းဒေသကြီးမှ လယ်သမား တချို့မှာ လယ်ယာမြေ မှတ်ပုံတင် ရရှိသွားပြီ ဖြစ်ကြောင်း ရှင်းပြသည်။

“တချို့ နေရာတွေ လက်မှတ်တွေ ရသွားပြီ။ ဒီနှစ်အတွင်း အကုန် လျှောက်လို့ရပါတယ်” ဟု ၎င်းက ဆိုသည်။

လယ်ယာမြေ မှတ်ပုံတင်ရန် လျှောက်လွှာများကို နေပြည်တော် လယ်/ ဆယ် ဝန်ကြီးဌာနမှ ထုတ်ပေးလိုက်ပြီ ဖြစ်သော်လည်း တိုင်းနှင့် ပြည်နယ် အနှံ့အပြားတွင် လယ်ယာမြေ အရှုပ်အရှင်း ပြဿနာများ ရှိနေသေးသောကြောင့် မှတ်ပုံတင်ရန် လယ်သမားများ အခက်အခဲ ဖြစ်နေသေးကြောင်း ကြားသိရသည်။

ရန်ကုန်တိုင်းဒေသကြီး အတွင်း ရွှေပြည်သာ မြို့နယ်တွင်သာမက ရန်ကုန်မြို့တော် စည်ပင်သာယာရေး ကော်မတီ လက်အောက်ရှိ မြို့နယ်များ အားလုံး မြေယာမှတ်ပုံတင်ခွင့် လျှောက်လွှာ ရရှိဦးမည် မဟုတ်ကြောင်း ရွှေပြည်သာမြို့နယ် အုပ်ချုပ်ရေးမှူး ဦးအောင်မိုးဦး ထံမှ သိရသည်။

“စည်ပင် နယ်နိမိတ်အတွင်းမှာ ရှိတဲ့ လယ်မြေတွေက တပ်မတော်အစိုးရ လက်ထက်မှာ အကြောင်း အမျိုးမျိုးနဲ့ စက်ရုံ အလုပ်ရုံတွေ ဖြစ်ကုန်ပြီ။ ရပ်ကျေးမြေစာရင်း ကော်မတီ ဖွဲ့ရင်လည်း ကျနော်တို့ ဋ္ဌာနတင် မဟုတ်ဘဲနဲ့ စည်ပင်ရော၊ အိုးအိမ်ပါ ပါဖို့လိုပါတယ်။ လယ်မြေအရှုပ်အရှင်း ကိစ္စတွေက သူတို့တွေနဲ့ ပူးပေါင်း လုပ်ဆောင်ရမှာပါ” ဟု ယင်း အုပ်ချုပ်ရေးမှူးက ရှင်းပြသည်။

ရန်ကုန်တိုင်း ဒေသကြီး ရွှေပြည်သာမြို့နယ်တွင် လယ်စိုက်တောင်သူများကို ဘဏ်များမှ စိုက်ပျိုးစရိတ် ချေးငွေများ ထုတ်ပေးလျှက် ရှိသော်လည်း လယ်ယာမြေ မှတ်ပုံတင်ခြင်းကို ခွင့်မပြုသေးကြောင်း ယင်းမြို့နယ်မှ လယ်သမားအရေး ကူညီဆောင်ရွက်နေသူ ဒေါ်မျိုးမျိုးအေးက ဧရာဝတီသို့ ပြောသည်။

“လယ်သမားတွေ ပြန်လိုချင်တဲ့မြေတွေက ကုမ္ပဏီတွေနဲ့ ပြဿနာတွေ ဖြစ်နေတာ။ ရပ်ကွက်ရုံးကို သွားတာ မချပေးသေးဘူး ပြောလို့ မြို့နယ်ရုံးကို လှမ်းမေးတော့ ရွှေပြည်သာအတွက် ပုံစံ (၁) မချပေးသေးတာလို့ ပြောတယ်” ဟု သူက ဆိုသည်။

လယ်ယာမြေ မှတ်ပုံတင်ရန် ကြေးတိုင်နှင့် မြေစာရင်းဋ္ဌာနမှ လာရောက် စာရင်းကောက်ယူခြင်း မရှိသေးကြောင်း၊ နွေစပါး အထွက်နှုန်း ကျသောကြောင့် မိုးမလာမီ အချိန်မီ ရိတ်သိမ်းနိုင်ရန် ပြင်ဆင်နေရသဖြင့် သွားရောက် စုံစမ်းနိုင်ခြင်း မရှိသေးကြောင်း ရန်ကုန်တိုင်းဒေသကြီး တွံတေးမြို့နယ် သ၀န်းတော ကျေးရွာမှ လယ်ဧက ၃၀ ပိုင်ဆိုင်သူ ဦးဋ္ဌေးကြွယ်က ပြောသည်။

“ကျနော် မှတ်ပုံတင် ရချင်တဲ့ အကြောင်းက တောင်သူ လယ်သမားအသင်း အနေနဲ့ ဓာတ်မြေသြဇာတွေကို ကုမ္ပဏီ တခုကနေ အတိုးမဲ့ ထုတ်ချေးတာကို လယ်သမားတွေအတွက် တာဝန်ခံ ပေးထားရတယ်။ သူတို့ မှတ်ပုံတင် ရသွားရင် ကျနော် အာမခံစရာ မလိုတော့ဘူး” ဟု သူက ဆက်ပြောသည်။

တချို့သော ဒေသများတွင်မူ ဝန်ထမ်းအရေအတွက် မလုံလောက် သဖြင့် လယ်ယာမြေမှတ်ပုံတင် ပြုလုပ်ရန် ခက်ခဲမှုများ ရှိကြောင်း သိရသည်။

ဧရာဝတီတိုင်း ဒေသကြီး အိမ်မဲမြို့နယ် ချောင်းဖျားကျေးရွာမှ လယ်သမား ဦးဇော်မင်းဦးက ၎င်းတို့ လယ်မြေများမှာ မှတ်ပုံတင်ခွင့် မရရှိသေးသောကြောင့် သွားရောက် စုံစမ်းသောအခါ ကျေးရွာအုပ်စု တခုတွင် မြေစာရင်း စာရေးတဦးသာ ရှိသောကြောင့် ဆောင်ရွက်မပေးနိုင် သေးကြောင်း ပြန်လည်ပြောဆိုခဲ့သည်ဟု ရှင်းပြသည်။

ဧရာဝတီတိုင်း ဒေသကြီး အင်္ဂပူမြို့နယ် ကွင်းကောက်ရွာမှ လယ်သမားကြီး ဦးတင်ထွန်းက အရှုပ်အရှင်းမရှိသော လယ်မြေများကို ဦးစွာ ခွင့်ပြုပေးစေလိုကြောင်း၊ မှတ်ပုံတင်ခွင့် ရရှိမှသာလျှင် လယ်မြေကို အပေါင်ထားနိုင်မည် ဖြစ်ကြောင်း ဧရာဝတီသို့ ပြောသည်။

“ပြဿနာ ဖြစ်တဲ့ လယ်မြေကထား၊ ဘာမှ မဖြစ်တဲ့ လယ်မြေကိုတော့ မှတ်ပုံတင် ထုတ်ပေးသင့်တယ်။ လယ်မြေ ပိုင်ဆိုင်ကြောင်း အထောက်အထား ဦးပိုင်ကျတွေ မပြီးသေးလို့ ပုံစံထုတ်မပေးတာလို့ သိရတယ်” ဟု သူက ဆိုသည်။

လယ်ယာမြေ မှတ်ပုံတင်လိုပါက ရပ်/ ကျေး အုပ်ချုပ်ရေးမှူးရုံးများတွင် လယ်ယာမြေမှတ်ပုံတင် လျှောက်လွှာ ပုံစံ (၁) ကို သွားရောက်ထုတ်ယူ၍ သက်ဆိုင်ရာ ကြေးတိုင်နှင့် မြေစာရင်းရုံးများတွင် လျှောက်ထားရမည် ဖြစ်ကြောင်း လယ်ယာမြေ ဥပဒေတွင် ပါရှိသည်။

ဧရာဝတီ 

Read More

အလှူ အငြိမ့်ခွေ ခိုးကူးဖြန့်လို့ လူရွှင်တော်တွေက အလှူရှင်ကို တရားစွဲမတဲ့

၂၆.၄.၂၀၁၃၊ သောကြာနေ့

လူရွှင်တော် ခင်လှိုင်နဲ့ ဒိန်းဒေါင်တို့က သူတို့ အငြိမ့်ခွေကို ခိုးကူးဖြန့်တဲ့ မင်္ဂလာဒုံက အလှူရှင်ကို တရားစွဲမယ်လို့ ပြောလာပါတယ်။

မတ်လ ၃၁ ရက်နေ့က မင်္ဂလာဒုံ ဆန်းကြီးဝမှာ ရဟန်းခံရှင်ပြု အလှူပွဲကို အလှူရှင်တွေရဲ့ ဖိတ်ကြားချက်အရ ခင်လှိုင်၊ဒိန်းဒေါင်နဲ့ အနုပညာရှင်တချို့ သွားရောက် ဖျော်ဖြေခဲ့ကြတယ်။ အဲဒီပွဲမှာ ဟာသပြဇာတ်၊ မြန်မာသံ၊ စတေ့ခ်ျရှိုး၊ အငြိမ့် စတဲ့ အစီအစဉ်တွေကို မနက် ၃ နာရီခွဲအထိ တင်ဆက်ခဲ့ကြရာမှာ အလှူရှင်က မှတ်တမ်းခွေကို ကင်မရာ ၂ လုံးနဲ့ ရိုက်ကူးထားပြီး အခွေပြန်ဖြန့်ခဲ့တဲ့အတွက် ခင်လှိုင်နဲ့ ဒိန်းဒေါင်က တရားစွဲဖို့ စီစဉ်လိုက်ကြတာလို့ သိရပါတယ်။

“အခု ဗီဒီယို အခြေခံအဖွဲ့ ဥက္ကဋ္ဌ ဦးဝင်းကြည်ကိုလည်း သတင်းပို့ပြီးပြီ။ ကျနော့် ဆီမှာလည်း အဲဒီအခွေ ရောက်နေပြီ။ မီးပွိုင့်တိုင်းမှာ ရောင်းနေတာ။ ခင်လှိုင်၊ ဒိန်းဒေါင် ဟာသခွေ ဆိုပြီးတော့။ ဘယ်လို ပုဒ်မတပ်မလဲတော့ မသိဘူး၊ အနုပညာရှင်မသိဘဲ၊ အခွေအတွက် အနုပညာကြေးလည်း မပေးဘဲ အခွေကိုဖြန့်တယ်။ အနုပညာကြေး လိုချင်လို့ မဟုတ်ဘူး၊ ဒါကျတော့ လူပါးဝတာ ဖြစ်သွားပြီ” လို့ ကိုခင်လှိုင်က ဧရာဝတီကို ပြောပါတယ်။

အဲဒီ အလှူပွဲမှာ ဖျော်ဖြေခဲ့တဲ့ ကိုဒိန်းဒေါင်ကလည်း ဒီအခွေကို ဘယ်သူထုတ်လဲ ဆိုတာ မသိပေမယ့် အလှူရှင် ဆိုလည်း သူတို့ နာမည်ရဖို့၊ ရိုက်ကူးရေး ဆိုလည်း သူတို့ နာမည်ရဖို့ အတွက် အခုလို လုပ်ကြတာ ဖြစ်တဲ့ အကြောင်း ပြောဆိုပါတယ်။

“ကျနော်တို့လည်း ဒါနဲ့ နာမည်ရခဲ့တဲ့ သူပါ။ ဒါပေမယ့် များလာတဲ့ အခါကျတော့ မသိရင် ကိုယ်ပဲ ခိုးကူး လုပ်စားနေသလိုလို၊ ဒါကြောင့် တရားခံ အတိအကျကို သိချင်တယ်။ ပြက်လုံး တလုံးဟာ ရှာဖို့မလွယ်ဘူး။ ကျနော်တို့ ခွင့်ပြုချက်မရဘဲ ကျနော်တို့အခွေကို အခကြေးငွေနဲ့ ရောင်းစားတဲ့ အမှုနဲ့ပဲ စွဲရမှာပေ့ါ။ ပုဒ်မဘယ်လို တပ်မလဲတော့ မသိသေးဘူး” လို့ ကို ဒိန်းဒေါင်က ဆက်ပြောတယ်။

ဗီဒီယို အခြေခံအဖွဲ့ ဥက္ကဋ္ဌ ဦးဝင်းကြည်ကတော့ ခင်လှိုင်နဲ့ ဒိန်းဒေါင်တို့ နှုတ်နဲ့ တိုင်ကြားထားတာ ဖြစ်တဲ့အကြောင်း၊လူကိုယ်တိုင် စာနဲ့ သေသေချာချာ လာတိုင်ဖို့ ချိန်းထားပြီး ဖြစ်တဲ့အကြောင်း၊ သေသေချာချာ ညှိနှိုင်းပြီး လုပ်စရာရှိတာ လုပ်ပေးမယ် ဆိုတဲ့အကြောင်း ရှင်းပြပါတယ်။

“ဒီလို အလှူပွဲတွေမှာတော့ ဘာမှတ်တမ်းမှ မရိုက်တာ အကောင်းဆုံးပါပဲ။ ရိုက်ရင်တော့ အမှတ်တရ ပြကြမှာပဲ။ ကိုယ့်ဆွေကိုယ့်မျိုး ပြရင်း မသမာသူ လက်ထဲရောက်ရင် ဒီလိုဖြစ်သွားနိုင်တာပေ့ါ” လို့ သူက ပြောတယ်။

ဟိုတလောကလည်း ဒိန်းဒေါင် ကျောက်ဆည်ပွဲ တပွဲမှာသွားကတာ အဲဒီအခွေလည်း ထွက်သွားတယ်၊ ပြက်လုံးတွေက ပျက်လို့ မရတော့ဘူး ဆိုတဲ့အကြောင်း ကိုခင်လှိုင်ဆီက သိရပါတယ်။

“ကျနော်တို့က ပြက်လုံးအသစ် တခုကို တနှစ်လောက်တော့ လုပ်စားချင်တာပေ့ါကွာ။ ဒီပြက်လုံးက ထွင်ထားတာ တလလောက်ပဲ ရှိသေးတယ်။ သူတို့က ခိုးခွေထွက်လိုက်တော့ ကျနော်တို့ ဘယ်လိုမှ လုပ်စားလို့ မရတော့ဘူး။အရမ်း နစ်နာတယ်။ ပြက်လုံးတခုတခု ရေးရတာ လွယ်တာ မဟုတ်ဘူး၊ ဒီလိုဖြစ်သွားတာ အလှူရှင်က တာဝန်ယူပေးရမှာ။သူတို့က မှတ်တမ်း ရိုက်တယ်ဆိုတော့ မရိုက်ပါနဲ့လို့လည်း ပြောပိုင်ခွင့်မရှိဘူး။ ပြီးတော့ သူတို့က ဘုရားရှိခိုးက စပြီး ပွဲခွင် အစအဆုံးကို ရိုက်ထားတာ။ ဒါ သက်သက် ရည်ရွယ်သလို ဖြစ်သွားပြီ၊ ကင်မရာကလည်း Long Shot တလုံး၊အနီးကပ် တလုံး ရိုက်ထားတာ။ အလှူရှင်ကို လှမ်းမေးပြီးပြီ။ သူတို့တော့ မဖြန့်ဘူး၊ ခင်မင်ရင်းနှီးသူတွေကို ဝေပေးဖို့ အခွေ ၇၀ လောက်ပဲ ကူးထားတာပါတဲ့။ ကိုယ့်အတွက်ပဲ မှတ်တမ်း ထားရမှာလေ။ ဘယ်သူ့ကိုမှ ကူးပေးစရာ အကြောင်းမရှိဘူးလေ” လို့ လူရွှင်တော် ခင်လှိုင်က ပြောပါတယ်။

အဲဒီပွဲကို ကိုချစ်တီးဆိုသူရဲ့ အဆက်အသွယ်နဲ့ ငှားခဲ့ပြီး ကိုချစ်တီးက အလှူရှင်ရဲ့ ဖုန်းနံပါတ်ကို တိုက်ရိုက်မပေးဘူးလို့ ကိုခင်လှိုင်ရဲ့ ဇနီးဆီက သိရတယ်။

ကိုချစ်တီးကို ဧရာဝတီက ဆက်သွယ်မေးမြန်းရာမှာ “ကျနော်က စင်ကို ပြင်ဆင်ပေးတဲ့သူ၊ အလှူ မင်္ဂလာပွဲ စီစဉ်တဲ့သူ၊ ဒီကိစ္စကို ထပ်သိချင်ရင် အလှူရှင် ဒေါ်ဖက်ဖူးကို သွားမေး၊ ဆန်းကြီးဝ ရပ်ကွက် ရတနာသိင်္ခလမ်းမှာ သွားမေး၊ ဗီဒီယို ရိုက်ကူးရေးကို သွားမေး၊နောက်တခါ ဒီဖုန်းကိုမဆက်ပါနဲ့” လို့ ပြန်ပြောပါတယ်။

ဗီဒီယိုရိုက်ကူးရေးကိုလည်း သူမသိကြောင်းနဲ့ ပွဲကိုငှားပေးတာလည်း သူမဟုတ်ကြောင်း၊ ကိုခင်လှိုင်တို့နဲ့ အလှူရှင်တွေ တိုက်ရိုက်တွေ့ပြီး ငှားတာဖြစ်ကြောင်း ကိုချစ်တီးက ထပ်ပြောတယ်။ ကိုဒိန်းဒေါင်ကတော့ အလှူရှင်ရဲ့ ဖုန်းနံပါတ် သူ့ဆီမှာမရှိတော့ဘူး ဆိုလို့ ဧရာဝတီက အလှူရှင်ဆီ ဆက်သွယ်လို့ မရတော့ပါဘူး။

ကိုဒိန်းဒေါင်ဆိုတာက အလှူ မင်္ဂလာပွဲတွေမှာ ဖျော်ဖြေတာတွေကို ရိုက်ပြီး ခိုးခွေအဖြစ်ဖြန့်တဲ့ ဗီဒီယို အခွေ တွေကနေ ပေါက်ခဲ့တဲ့ လူရွှင်တော် တယောက်လို့ ပြောလို့ရပါတယ်။ သူ စပေါက်ချိန်တုန်းက သူကိုယ်တိုင်ပဲ နာမည် ရအောင် ခိုးကူး ဖြန့်တဲ့ ပုံစံမျိုး သတင်း ထွက်ခဲ့ဖူးပါတယ်။ အခု ဆန်းကြီးဝ ကိစ္စမှာတော့ ကိုဒိန်းဒေါင်က တရားခံကို ဖော်ထုတ်ချင်နေ ပြန်ပါတယ်။

ကိုခင်လှိုင်ကတော့ ဧပြီ ၂၄ ညက ပဲခူးမှာ အငြိမ့် သွားကခဲ့ပြီး လက်ရှိ အနုပညာ အလုပ်အနေနဲ့ ကြော်ငြာ၊ ဗီဒီယို ကားတွေ လက်ခံ ရိုက်ကူးနေတယ်လို့ သိရပါတယ်။

ဧရာဝတီ 

Read More

ချင်းပြည်နယ်သို့ ကမ္ဘာလှည့်ခရီးသည် ဝင်ရောက်နှုန်း မြင့်တက်

၂၆.၄.၂၀၁၃၊ သောကြာနေ့

ချင်းပြည်နယ်သို့ ယခုနှစ် ကမ္ဘာလှည့်ခရီးသည် ၀င်ရောက်မှုနှုန်းမှာ ယခင်နှစ်များကထက် မြင့်တက်လာပြီး အများစုမှာ သုတေသန ပညာရှင်များဖြစ်ကြောင်း ချင်းပြည်နယ်တောင်ပိုင်း မင်းတပ်မြို့နယ်မှ ဟိုတယ်လုပ်ငန်း လုပ်ကိုင်နေသူများက ပြောကြသည်။

ယခုနှစ်အတွင်း မင်းတပ်နှင့် ကန်ပက်လက်မြို့နယ်များသို့ ကမ္ဘာလှည့်ခရီးသည် လာရောက်မှုနှုန်းမှာ ပျမ်းမျှ ၇၀၀ မှ ၈၀၀ အကြားတွင်ရှိကြောင်း သိရသည်။

“ဒီနှစ် ခရီးသွားတွေ များလာတယ်။ ဥရောပ နိုင်ငံသားတွေ များတယ်။ အရင်နှစ်တွေကထက် ထက်ဝက် ကျော်ကျော် ပိုများလာတယ်” ဟု နတ်မတောင် အမျိုးသားဥယျာဉ် စတင်တည်ထောင်သူ ဦးရှိန်းဂေငိုင်းက ဧရာဝတီသို့ ပြောသည်။

ချင်းပြည်နယ် အတွင်းသို့ ကမ္ဘာလှည့် ခရီးသွားများ လာရောက် လည်ပတ်ခြင်းကို တရားဝင် ခွင့်ပြုလိုက်ခြင်းကြောင့် အဆင့်ဆင့် တင်ပြရခြင်းများ လျော့နည်းလာသော်လည်း တိကျသော ညွှန်ကြားချက်များ မရှိသေးခြင်းကြောင့် အောက်ခြေ ၀န်ထမ်းများနှင့် ဆက်ဆံရေး ခက်ခဲနေဆဲဖြစ်ကြောင်း မင်းတပ်မြို့နယ် အိုအေစစ်ရီဆို့မှ မန်နေဂျာ ဆလိုင်းအွမ်ခေါဂေက ဆိုသည်။

မတူပီ မြို့နယ်မှအပ ချင်းပြည်နယ်အနှံ့သို့ ကမ္ဘာလှည့်ခရီးသွားများ ခွင့်ပြုချက်မလိုအပ်ဘဲ လွတ်လပ်စွာ သွားရောက် လည်ပတ်ခွင့်ရှိသည် ဆိုသော်လည်း တိကျသော ညွှန်ကြားမှုအဆင့်ဆင့် ထုတ်ပြန်ပေးရန် လိုအပ်နေကြောင်း အထက်ပါပုဂ္ဂိုလ်က ပြောသည်။

သူက “အခုက စနစ်ပြောင်းလိုက်တယ် ဆိုပေမယ့် ဘာညွှန်ကြားချက်မှ မလာဘူး။ နိုင်ငံခြားသား ဧည့်သည် လာတည်းရင် ဘယ်ဋ္ဌာနကို အကြောင်းကြားရမယ် ဆိုတာ တိတိကျကျ သိချင်တယ်။ အခုက ခွင့်ပြုမိန့်မလိုတော့ဘူး၊ တရားဝင် သွားလာခွင့်ပြုလိုက်ပြီ ဆိုပေမယ့် အောက်ခြေမှာက ငွေတောင်းနေတာတွေ ရှိနေတုန်းပဲ” ဟု ဆိုသည်။

ယခင်က ချင်းပြည်နယ်တောင်ပိုင်းရှိ မင်းတပ်နှင့် ကန်ပက်လက်မြို့နယ်များသို့ နိုင်ငံခြားသား ခရီးသွားများ လာရောက် လည်ပတ်ပါက စသုံးလုံး၊ လူဝင်မှုကြီးကြပ်ရေးဋ္ဌာန၊ ရဲစခန်း၊ ရဲအထူးအဖွဲ့၊ တပ်မတော် ထောက်လှမ်းရေးအဖွဲ့၊ မြို့နယ် အုပ်ချုပ်ရေးမှူးရုံးနှင့် ခရိုင်အုပ်ချုပ်ရေးမှူး ရုံးများသို့ ခွင့်ပြုချက် မိတ္တူများကို ပေးပို့ရကြောင်း သူက ဆက်ပြောသည်။

“ဧည့်သည်ဆိုတာက အချိန်မရွေး ၀င်တတ်တာဆိုတော့ ခွင့်ပြုမိန့်ပို့ဖို့ နာရီပိုင်းလောက် နောက်ကျရင် ဘာလို့ နောက်ကျတာလဲ၊ ဘာအတွက် စောစောလာ အကြောင်းမကြားတာလဲ ဆိုတာမျိုး ပြောဆိုတာတွေ လုပ်တယ်။ ကျနော်တို့ သွားပို့တဲ့ အချိန်မှာ သူတို့ကရုံးမှာ ရှိမနေတာမျိုး၊ ခဏခဏ သွားရတာမျိုးတွေကြောင့် ဧည့်သည်ကို ၀န်ဆောင်မှုပေးရတာမှာ အခက်အခဲတွေ ရှိခဲ့တယ်” ဟု ယခင်ကြုံခဲ့ရသော အခြေအနေကို ဆလိုင်းအွမ်ခေါဂေက ပြန်လည်ရှင်းပြသည်။

ယခုနောက်ပိုင်း ကမ္ဘာလှည့်ခရီးသည်များကို လွတ်လပ်စွာ သွားလာခွင့်ပြုလိုက်ပြီဟု ဆိုသော်လည်း အောက်ခြေအဆင့် ၀န်ထမ်းများထံမှ ခွင့်ပြုမိန့် တောင်းခံနေရခြင်းသည် ချင်းပြည်နယ်၏ ခရီးသွားလုပ်ငန်းဖွံ့ဖြိုးမှုကို ထိခိုက်စေသဖြင့် အောက်ခြေအထိ ကွင်းဆင်းလေ့လာကာ လိုအပ်ပါက လွှတ်တော်အစည်းအဝေးတွင် တင်ပြသွားမည်ဖြစ်ကြောင်း မင်းတပ်မြို့နယ် အမျိုးသားလွှတ်တော် ကိုယ်စားလှယ် ဦးဟာရှိန်းဘွေက ပြောသည်။

ချင်းပြည်နယ်သည် မြန်မာနိုင်ငံ၏ တိုးတက်ဖွံ့ဖြိုးမှု အနိမ့်ဆုံးပြည်နယ် တခုဖြစ်ရာ ခရီးသွားလုပ်ငန်းကို မှီခို၍ ဒေသဖွံ့ဖြိုးမှု ရရှိစေရန် ပြုလုပ် ရမည်ဖြစ်ကြောင်း သူက ဆက်လက်ပြောသည်။

သို့သော် ချင်းပြည်နယ်တွင် ခရီးသွားလုပ်ငန်းနှင့် ပတ်သက်၍ တိကျသောသတ်မှတ်ချက်၊ မူဝါဒ၊ စီမံခန့်ခွဲမှုနှင့် စည်းမျဉ်း စည်းကမ်းများ မရှိခြင်းက အခက်အခဲ တခုဖြစ်နေကြောင်း ဆလိုင်း အွမ်ခေါဂေက ပြောသည်။

ထို့အပြင် ချင်းပြည်နယ် ခရီးသွားလုပ်ငန်း ဖွံ့ဖြိုးရေးအတွက် အခြေခံ လိုအပ်ချက်တခုဖြစ်သည့် ဟိုတယ်လုပ်ငန်းများကို အစိုးရ၏ ရေနှင့် လျှပ်စစ်မီး ပံ့ပိုးမှု မရရှိဘဲ အခွန်ကောက်ခံနေမှုများ ရှိနေခြင်းကလည်း အခက်အခဲဖြစ်ကြောင်း သူကဆိုသည်။

လက်ရှိ အခြေအနေတွင် ချင်းပြည်နယ်သို့ ကမ္ဘာလှည့် ခရီးသွားများ လွတ်လပ်စွာ သွားလာခွင့် ပြုလိုက်ပြီဟု ဆိုသော်လည်း ဟိုတယ် လုပ်ငန်းများကို တရားဝင် လုပ်ကိုင်ခွင့်ပြုခြင်း မရှိသေးကြောင်း မင်းတပ်နှင့် ကန်ပက်လက်မြို့များမှ ဟိုတယ်လုပ်ငန်း လုပ်ကိုင်နေသူများ ထံမှ သိရသည်။

ဟိုတယ်နှင့် ခရီးသွားလာရေး လုပ်ငန်းဝန်ကြီးဋ္ဌာန၊ ပြည်ထောင်စုဝန်ကြီးဦးဋ္ဌေးအောင်က ချင်းပြည်နယ်၏ စီးပွားရေး ဖွံ့ဖြိုး တိုးတက် ကောင်းမွန်စေရေးတွင် ခရီးသွားလုပ်ငန်းသည် အရေးပါသော အခန်းကဏ္ဍမှ ပါဝင်လာမည်ဖြစ်၍ ပူးပေါင်း ဆောင်ရွက်ကြရန် လိုအပ်ကြောင်း၊ ခရီးသွားလုပ်ငန်းများ ဖွံ့ဖြိုးတိုးတက် လာသည်နှင့်အမျှ ဘေးထွက် ဆိုးကျိုးများလည်း ဖြစ်နိုင်သဖြင့် ကြိုတင်ကာကွယ် ထိန်းသိမ်းရန်လိုအပ်ကြောင်း ပြီးခဲ့သည့် မတ်လအတွင်း ချင်းပြည်နယ် ခရီးစဉ်တွင် ပြောခဲ့သည်။

ထို့အပြင် ဟိုတယ်နှင့် ခရီးသွား လုပ်ငန်းများအတွက် ၀န်ဆောင်မှုအရည်အသွေး ပြည့်ဝစေရန် လိုအပ်သည့် သင်တန်းများကို ချင်းပြည်နယ်တွင် ဖွင့်လှစ်သင်ကြားပေးသွားမည် ဖြစ်ကြောင်းလည်း ၎င်းက ပြောကြားခဲ့သည်။

ချင်းပြည်နယ် တောင်ပိုင်း မတူပီမြို့နယ်သည် ကမ္ဘာလှည့်ခရီးသွားများအတွက် လုံခြုံမှု အပြည့်အ၀ မပေးနိုင်သေးသဖြင့် တရားဝင် ခရီးသွားလာမှုကို ပိတ်ထားဆဲဖြစ်ပြီး ကုလသမဂ္ဂနှင့် ပြည်ပလူမှုရေးအဖွဲ့အစည်းများမှ ၀န်ထမ်းတချို့သာ ယာယီနေထိုင်ခွင့်ရှိကြောင်း မတူပီမြို့နယ် အုပ်ချုပ်ရေးမှူးရုံးမှ အဆင့်မြင့်အရာရှိ တဦးထံမှ သိရသည်။

ဧရာဝတီ 

Read More

ရွှေလီဓာတ်အားပေးစက်ရုံပြင်နေ၍ လျှပ်စစ်မီးတစ်နာရီကျော် ဖြတ်မည်

၂၆.၄.၂၀၁၃၊ သောကြာနေ့

ရွှေလီဓာတ်အားပေးစက်ရုံကြံ့ခိုင်မှုပိုင်းကို ပြုပြင်ထိန်းသိမ်းမှုများ ပြုလုပ်နေ၍ ရန်ကုန်မြို့အပါအ၀င် ပြည်နယ်နှင့်တိုင်းဒေသကြီးအသီးသီးတွင်လျှပ်စစ်မီးပေးဝေမှုကို လျှော့ချမည်ဖြစ်ရာယခုလကုန်အထိမီးပြတ်တောက်မှုများရှိမည်ဖြစ်ကြောင်းရန်ကုန်မြို့တော်လျှပ်စစ်ဓာတ်အားပေးရေးအဖွဲ့မှအင်ဂျင်နီယာဦးထွန်းကြွယ်က ဧပြီ ၂၅ ရက်တွင် ပြောကြားသည်။

“ဓာတ်အားပေးစက်ရုံကြံ့ခိုင်ရေးလုပ်နေလို့ဓာတ်အားထုတ်လုပ်မှုနည်းသွားတာကြောင့် ရန်ကုန် ရော ပြည်နယ်နဲ့တိုင်းတွေပါ မီးပျက်မယ်။ ရန်ကုန်က နေ့ပိုင်းတွေမှာတစ်ရက်ကိုတစ်နာရီကျော်ထိ ပြတ်တောက်မှုတွေရှိနိုင်တယ်”ဟု အထက်ပါ အင်ဂျင်နီယာက ပြောသည်။

ရန်ကုန်မြို့တွင်နံနက်ငါးနာရီနှင့်ညခုနစ်နာရီအတွင်း ပြတ်တောက်မှုများရှိမည်ဖြစ်ပြီး တစ်နာရီကျော်ကြာပြတ်တောက်နိုင်ကြောင်း ၎င်းကဆိုသည်။

ရွှေလီ ဓာတ်အားပေးစက်ရုံ ပြုပြင်မှုကို ဧပြီ၂၃ရက်မှ စတင်ပြုလုပ်နေပြီး မီးစတင်ဖြတ်နေပြီဖြစ်သည်။စက်ရုံပြုပြင်မှုမှာ လကုန်ပိုင်းတွင် အပြီးသတ်မည်ဖြစ်ရာ လျှပ်စစ်မီးဖြတ်တောက်မှုသည် ဧပြီလကုန်ထိသာရှိမည်ဖြစ်ကြောင်း သတင်းရရှိသည်။

ရွှေလီဓာတ်အားပေးစက်ရုံသည် ယခင်က မဂ္ဂါဝပ် ၃၀၀ ကျော် ဓာတ်အားပေး ထုတ်လုပ်ပေးနေရာမှ ဧပြီ ၂၄ ရက်တွင် မဂ္ဂါဝပ် ၁၂၀ သာ

ပေးပို့နိုင်တော့ကြောင်း ဦးထွန်းကြွယ်က ပြောသည်။

“သတ်မှတ်ချက်နဲ့ ပျက်ရင်တော့ ပိုအဆင်ပြေမယ်။ မကြာခဏ ပျက်တာမဟုတ်ဘဲ မီးကတစ်ရက်လုံးမှ တစ်နာရီပျက်တာဆိုတော့ အရင်နှစ်တွေ မီးပျက်တာထက်စာရင် နည်းတယ်လို့ ပြောရမယ်။ ဒါပေမဲ့ဘယ်အချိန်ပျက်မယ်မှန်း မသိတော့ အဆင်မပြေဘူး”ဟု ကမာရွတ်လှည်းတန်းတွင် နေထိုင်သောအိမ်ရှင်မတစ်ဦးက ပြောသည်။

မီးဖြတ်တောက်မှုကို အများပြည်သူအတွက်ပေးသော အချိန်များထဲမှ လျှော့ချသွားမည်ဖြစ်ပြီး မီးဖြတ်တောက်မှုများခဲ့သော စက်မှုဇုန်များကို လျှော့ချခြင်းမရှိသေးဘဲ အုပ်စုနှစ်စုခွဲကာ တစ်ရက်လျှင် ငါးနာရီနှုန်းဖြင့် ဆက်လက်ပေးမည်ဖြစ် ကြောင်း သတင်းရရှိသည်။

7Day News Journal

Read More