ဘရိုက်တန် အသင်းကို တာဝန်ယူနေသော နည်းပြ ဂတ်စ်ပိုယက်မှာ ရီးဒင်း နည်းပြနေရာကို စိတ်ဝင်စားလျက် ရှိနေသည်။ ဘရိုက်တန် အသင်းမှာ ချန်ပီယံရှစ်တွင် တန်းတက်ခွင့် Play-off နေရာအတွက် ကြိုးစားနေသော အသင်းဖြစ်ပြီး
ရီးဒင်းမှာ နည်းပြ မက်ဒါမော့ကို ထုတ်ပယ်ခဲ့ပြီးနောက် ပရီးမီးယားလိဂ်တွင်
ဆက်လက် တင်ကျန်ရေးအတွက် နည်းပြသစ်ကို အပူတပြင်း ရှာဖွေလျက် ရှိသည်။
ဥရုဂွေးသား ပိုယက်မှာ ရီးဒင်းသို့ ရောက်ရှိရန် အတော်နီးစပ်နေသည်ဟု
သတင်းများ ထွက်ပေါ်နေသော်လည်း တိကျရေရာသော ဆွေးနွေးမှုများ အကြောင်း
မသိရသေးပေ။ ရီးဒင်းနည်းပြ နေရာအတွက် ထင်ကြေးပေးခံထားရသော
အခြားနည်းပြများမှာ ဆွင်ဒန်တောင်း အသင်းမှ ထွက်ခဲ့သည့် ဒီကာနီယို၊
ဆောက်သင်တန်မှ အထုတ် ခံခဲ့ရသော နည်းပြ အက်ဒကင်၊ ချဲလ်ဆီးနည်းပြဟောင်း
ဒီမက်တီယို စသူတို့ ဖြစ်သည်။ ရီးဒင်း အသင်းမှာ ယခုလာမည့် စနေနေ့တွင်
ပရီးမီးယားလိဂ် ပွဲစဉ်အဖြစ် အိုးလ်ထရက်ဖို့ဒ်၌ မန်ယူနှင့် ဆုံတွေ့ရမည်
ဖြစ်သည်။
0 comments:
Post a Comment