ကလေးများအတွက် အိမ်မွေးတိရစ္ဆာန်ရုံ တည်ဆောက်နေသည့် ဘရတ်ပစ်တ်

ဟောလီးဝုဒ်မင်းသား ဘရတ်ပစ်တ်သည် ယခုအခါ နေအိမ်တွင် အိမ်မွေးတိရစ္ဆာန်ရုံ အငယ်စားလေး တည်ဆောက်နေကြောင်း သိရှိရသည်။ အန်ဂျလီနာဂျိုလီနှင့် ချစ်သူများ ဖြစ်နေပြီး သားသမီး (၆) ဦးရှိသော ပစ်တ်က ကလေးများအတွက် ရည်ရွယ်ကာ အဆိုပါ ဥယျာဉ်လေးကို ဖန်တီးထားခြင်း ဖြစ်သည်။ ယင်းဥယျာဉ်ကို ပြင်သစ်နိုင်ငံရှိ ၎င်းတို့၏ မိသားစုပိုင် စံအိမ်ကြီးတွင် ဖွဲ့စည်းတည်ဆောက်နေခြင်း ဖြစ်ပြီး ဆိတ်ငယ်လေးများ၊ မွေးရှည် ကုလားအုတ်လေးများ၊ ဘဲများ၊ ငန်းများနှင့် ကြက်ပေါက်လေးများ အပါအဝင် ချစ်စဖွယ် တိရစ္ဆာန်ငယ်လေးများကို မွေးမြူထားမည် ဖြစ်သည်။ ပစ်တ်သည် ကျားနှင့် ခြင်္သေ့ကဲ့သို့ တိရစ္ဆာန် အကြီးစားများကို မွေးမြူလိုသော်လည်း ကလေးများနှင့် ပိုမို ကိုက်ညီမည့် ရုံငယ်လေးကိုသာ တည်ထောင်ရန် ဆုံးဖြတ်ခဲ့ခြင်းဟု ဆိုသည်။

ပစ်တ်နှင့် နီးစပ်သူ တစ်ဦးက "ပစ်တ်ရဲ့ ကလေးတွေထဲမှာ မက်ဒေါ့စ်နဲ့ ပက်စ်က ဆာဖာရီ ဥယျာဉ်လို အခြေအနေမျိုးကို သိပ်သဘောကျတာလေ။ ပစ်တ်က ခြင်္သေ့တွေ၊ ကျားတွေနဲ့ မိကျောင်းတွေတောင် ဝယ်သင့်တယ် ဆိုတာမျိုး သူတို့က ပူဆာကြတယ်။ ပစ်တ်ကလည်း ဒါကို စိတ်ဝင်စားပါတယ်။ ဒါပေမဲ့ ကလေးတွေအတွက် အဆင်ပြေမယ့် တိရစ္ဆာန်ရုံ အသေးစားလေးပဲ ဆောက်ဖို့ သူဆုံးဖြတ်ခဲ့တယ်။ ဒါက အမြွှာလေးနှစ်ယောက်ဖြစ်တဲ့ နော့စ်နဲ့ ဗီဗီယန်အတွက်လည်း အဆင်ပြေစေချင်လို့ပါ။ တိရစ္ဆာန်လေးတွေရဲ့ ဓလေ့သဘာဝကို ရင်းရင်းနှီးနှီး ထိတွေ့နေတယ်ဆိုတာ ကလေးတွေအတွက် ကောင်းကျိုး ဖြစ်စေမယ်လို့ ပစ်တ်ကလည်း ယုံကြည်နေတယ်လေ" ဟု ပြောကြားသွားသည်။