Firefox၏ မိုဘိုင်းလ် OSကို အသုံးပြုထားသည့် တန်ဖိုးနည်း စမတ်ဖုန်း တစ်မျိုးကို ZTE ကုမ္ပဏီက ထုတ်လုပ် ရောင်းချသွားမည်ဟု သိရှိရသည်။ Touchscreen နည်းပညာသုံး အဆိုပါ စမတ်ဖုန်းသည် ဒေါ်လာ (၈၀)မျှ သာ တန်ဖိုးသတ်မှတ်ပြီး တစ်ကမ္ဘာလုံး အတိုင်းအတာဖြင့် ဖြန့် ကျက် ရောင်း ချရန် ရည်ရွယ်ထားပြီး ဖြစ်သည်။ လက်ရှိတွင် စမတ်ဖုန်း ထုတ်လုပ်ရောင်းချမှု နယ်ပယ်၌ Google၏ Android OSက လူသုံးအများဆုံး ဖြစ်နေပြီး Apple၏ iOSက ဒုတိယ လိုက်နေသည်မှာ အငြင်းပွားစရာ မဟုတ်ချေ။ သို့သော်လည်း ZTE၏ ဖုန်းအသစ်နှင့်အတူ ထွက်ပေါ်လာသည့် မေးခွန်းတစ်ခုမှာ တတိယ နေရာတွင် မည်သည့် မိုဘိုင်းလ်OSက ရပ်တည်နိုင်မည် ဆိုခြင်းပင် ဖြစ်သည်။
Windowsဖုန်းများ၊ Blackberry၏ ကိုယ်ပိုင် OSစနစ်နှင့် Linux အခြေခံ ဖုန်းများသည် ယခုအခါ ဈေးကွက်နေရာအတွက် ပြိုင်ဘက်သစ် ကို စောင့်ကြည့်ရတော့မည် ဖြစ်သည်။ ZTE Openဖုန်းကို သက် သာသော ဈေးနှုန်းတစ်ရပ်ဖြင့် eBayမှတစ်ဆင့် ဖြန့်ကျက် ရောင်း ချသွားမည် ဖြစ်သည်။ Firefox OS၏ မိခင်ကုမ္ပဏီဖြစ်သော Mozillaသည် မည်သည့် မိုဘိုင်းလ်ကွန်ရက် ကုမ္ပဏီကြီးများကိုမျှ အမှီမပြုဘဲ ကမ္ဘာ အနှံ့သို့ ဖုန်းများ ရောင်းချပေးနိုင်ရန် စိတ်ကူးထားသည်။ လာမည့် လတွင် ZTE Openကို အမေရိကန်၊ ဗြိတိန်တို့တွင် စတင်ရောင်းချမည်ဟု ZTE က ကြေညာသည်။ စပိန်၊ ဗင်နီဇွဲလားနှင့် ကိုလံဘီယာတို့တွင် အဆိုပါ ဖုန်းများကို စတင်ဝယ်ယူနိုင်နေပြီ ဖြစ်သည်။
ZTE Openသည် ဈေးကွက်အတွင်းရှိ အလွန်အဆင့်မြင့်သော စမတ်ဖုန်း များနှင့် ယှဉ်ပြိုင်ရန် မရည်ရွယ်သေးဘဲ တန်ဖိုးနည်း ဟန်းဆက် နယ်ပယ် တွင်သာ စတင်အခြေချဖွယ် ရှိနေသည်။ ယင်းဖုန်းတွင် (၃.၅)လက်မ အရွယ် Screen ပါဝင်ပြီး Memoryမှ 256MB RAMသာ ပါရှိ သည်။သိုလှောင်မှုစွမ်းရည် 512MB ထည့်သွင်းပေးထားပြီး Bluetooth၊ GPSစနစ်များပါ ထည့်သွင်းထားသည်။ CPUမှာ Single-Core 1GHz Qualcomm MSM7225A Snapdragonဟု ဆိုသည်။ Firefox OSသည် ZTE Openဖြင့် စတင်မိတ်ဆက်လာပြီး နောက်ပိုင်းတွင် ပိုမို စွမ်းဆောင်ရည် ကောင်းမွန်သော ဖုန်းများပါ ထုတ်လုပ်လာဖွယ် ရှိနေကြောင်း သိရှိရသည်။
Planet Myanmar Network
0 comments:
Post a Comment