ထိုင်းနိုင်ငံ ခိုတောင်ကျွန်း၌ စက်တင်ဘာလ ၁၅ ရက်နေ့က အသတ်ခံခဲ့ရသည့် ဗြိတိန်နိုင်ငံသား
နှစ်ဦး ကို သတ်သည်ဟုဆိုကာ ဖမ်းဆီးစွပ်စွဲခံထားရသည့် မြန်မာလူငယ် နှစ်ဦးသည် ၎င်းတို့
အမှုကျူးလွန်ခဲ့သည်ဟု ထိုင်းရဲတပ်ဖွဲ့ထံ ၀န်ခံထားမှုကို တရားဝင် ရုပ်သိမ်းခဲ့သည် ၎င်းတို့၏
မိဘများသည်လည်း ယခုလ ၂၁ ရက်နေ့က ထိုင်းဗီဇာ ရရှိခဲ့ပြီး ယခုလ ၂၂ ရက်နေ့တွင်
မြန်မာနိုင်ငံမှ လေကြောင်းခရီးစဉ်ဖြင့် ထိုင်းနိုင်ငံသို့ ရောက်ရှိနေပြီဖြစ်သည်။
၎င်းတို့သည် လူငယ်နှစ်ဦးနှင့် တွေ့ဆုံကြမည် ဖြစ်ပြီး ထိုင်းနိုင်ငံတွင် တစ်လခန့် နေထိုင်ကြမည်
ဖြစ်သည်ဟု ထိုအရေးကိစ္စကို လိုက်ပါဆောင်ရွက်ပေးနေသူ ပညာရေးဖွံ့ဖြိုးတိုးတက်ရေး
ဖောင်ဒေးရှင်း (မြန်မာ) အမှုဆောင်ဒါရိုက်တာ ဦးထူးချစ်က ယခုလ ၁၄ ရက်နေ့တွင်
မြန်မာဂျာနယ်လစ်ကွန်ရက် ရုံးခန်း၌ ပြုလုပ်ခဲ့သော သတင်းစာရှင်းလင်းပွဲတွင် ပြောကြားခဲ့သည်။
အဆိုပါ အမှုနှင့် ပတ်သက်ပြီး ဆွေးနွေးပွဲတစ်ပွဲကို ယခုလ ၂၃ ရက်နေ့ ညနေပိုင်းက
ဘန်ကောက်မြို့ တွင်ကျင်းပခဲ့ရာ ထိုင်းအမျိုးသား လူ့အခွင့်အရေး ကော်မရှင်၊ ထိုင်းရှေ့နေများ
ကောင်စီ၊ မြန်မာသံရုံး တာဝန်ရှိသူများနှင့် မြန်မာအလုပ်သမားအရေး လှုပ်ရှားနေသူများ အပါအ၀င်
ဖမ်းဆီးခံ ၀င်းဇော်ထွန်းနှင့် ဇော်လင်းတို့၏ မိဘများ ပါဝင်ကာ ဆက်လက်ဆောင်ရွက်မည့်ကိစ္စများ
ကို ဆွေးနွေးခဲ့ကြသည်။
လူငယ်နှစ်ဦးက အမှုကျူးလွန်ခဲ့သည်ဟု ထိုင်း ရဲတပ်ဖွဲ့ထံ ၀န်ခံထားမှုကို ပြန်လည် ရုပ်သိမ်းခဲ့ပြီး
အဆိုပါရုပ်သိမ်းထားသည့် စာကို ယခုလ ၂၂ ရက်နေ့က လက်ခံရရှိခဲ့သည်ဟု တရားလို
ရှေ့နေများ ကပြောကြားသည်။
၎င်းတို့နှစ်ဦးက ထိုင်းရဲတပ်ဖွဲ့တွင် ၀န်ခံချက်ပေးထားမှုကို တရားဝင် ပြန်လည်ရုပ်သိမ်းကြောင်းစာ
ကိုလည်း အဆိုပါ လိပ်ကျွန်း လူသတ်မှု တရားစွဲဆိုရေးအဖွဲ့ တာဝန်ရှိသူတစ်ဦးဖြစ်သည့် ပိုင်ဘွန်း
အာချဝန်နာထခွန် ထံ ထိုင်းရှေ့နေများ ကောင်စီမှ ရှေ့နေ မစ္စတာရတ်စဒါ မန်နူရာစဒါက ယခုလ
၂၁ ရက်နေ့က ပေးအပ်ခဲ့ကြောင်းနှင့် မြန်မာသံရုံး၏ အထူးအဖွဲ့မှ ရှေ့နေဦးအောင်မျိုးသန့် ကလည်း
မြန်မာနှစ်ဦး၏ ထိုင်းရဲစခန်းတွင် ထွက်ဆိုချက်ပေးခဲ့မှုသည် တရားရုံးတွင် သက်ရောက်မှု
မရှိကြောင်း၊ ယခုကဲ့သို့ ရဲစခန်း ၀န်ခံချက်ကိုလည်း ပြန်လည် ရုပ်သိမ်းပိုင်ခွင့် ရှိကြောင်း
ပြောကြားခဲ့သည်ဟု ဧရာဝတီသတင်းဌာနက ရေးသားထားသည်။
ဖမ်းဆီးခံထားရသည့် လူငယ်နှစ်ဦးမှာ အမှုကို ကျူးလွန်ခဲ့ခြင်းမရှိသလို ပါဝင်ပတ်သက်ခဲ့ခြင်းလည်း
မရှိကြောင်း၊ ၎င်းတို့ကို ထိုင်းရဲတပ်ဖွဲ့က နှိပ်စက်ခဲ့ခြင်းများရှိသည်ဟု ၎င်းတို့နှစ်ဦးအတွက်
ဆောင်ရွက်ပေးနေသည့် ရှေ့နေဖြစ်သူ Surapong Kongchantuk က အေအက်ဖ်ပီ သတင်းဌာန
သို့ ပြောကြားခဲ့သည်။
သို့သော် ထိုင်းရဲတပ်ဖွဲ့ကလည်း အဆိုပါ လူငယ်နှစ်ဦးကို တရားခံအဖြစ် အစားထိုးခဲ့သည်ဆိုသည့်
အချက်အပေါ် ငြင်းဆိုခဲ့သလို ဒီအင်န်အေ စစ်ဆေးချက်၊ စုံစမ်းစစ်ဆေးမှုအတွင်း တွေ့ရှိခဲ့ရသော
သက်သေအထောက်အထားများနှင့်တကွ စာမျက်နှာ ၈၅၀ ပါ အစီရင်ခံစာတစ်ရပ်ကို ယခုလ
၇ ရက်နေ့က ထုတ်ပြန်ခဲ့သည်။
စစ်ဆေးခဲ့ကာ အခြားနိုင်ငံများတွင် မျိုးရိုးဗီဇ ကိုက်ညီမှု စစ်ဆေးရန်အတွက် ၄၈ နာရီမှ ၇၂ နာရီ
အထိ အချိန်ယူလေ့ရှိသော်လည်း သေဆုံးသူ ဗြိတိသျှအမျိုးသမီး၏ ကိုယ်တွင်တွေ့ရှိခဲ့သည့်
သဲလွန်စများနှင့် မြန်မာလူငယ်နှစ်ဦး၏ မျိုးရိုးဗီဇများ ကိုက်ညီမှု ရှိသည်ဟု ထိုင်းရဲတပ်ဖွဲ့က
၂၄ နာရီအတွင်း ထုတ်ပြန်ခဲ့သည်။
အဆိုပါ လူငယ်နှစ်ဦးကို စစ်ဆေးမေးမြန်းရာတွင် ရုပ်ပိုင်းဆိုင်ရာအရ နှိပ်စက်မှုများ ရှိနေသည်ဟု
သတင်းများထွက်ပေါ်ခဲ့ရာ ကမ္ဘာ့လူ့အခွင့်အရေး ကြေညာစာတမ်းပါ အချက်အလက်များကို
လေးစားလိုက်နာရန်အတွက် ထိုင်းနိုင်ငံ အမျိုးသား လူ့အခွင့်အရေးကော်မရှင်ထံသို့ မြန်မာနိုင်ငံ
အမျိုးသား လူ့အခွင့်အရေးကော်မရှင်က ယခုလ ၂၁ ရက်နေ့တွင် စာပေးပို့ကာ မေတ္တာရပ်ခံ
တိုက်တွန်းခဲ့သည်။
"၎င်းတို့ နှစ်ဦးအနေဖြင့် ပြစ်မှုကျူးလွန်သည်မှာ မှန်ကန်မှု ရှိပါလျှင် ဥပဒေနှင့်အညီ အရေးယူ
ခံရမည် ဖြစ်သော်လည်း ပြစ်မှုကို စုံစမ်းဖော်ထုတ်ရာတွင် တရားမျှတမှုရှိရှိ ဆောင်ရွက်ပေးဖို့
လိုအပ်ပါသည်။ ထို့ပြင် ၎င်းတို့ နှစ်ယောက်ကို ထိုင်းရဲတပ်ဖွဲ့က ဖမ်းဆီးကာ သူတို့ပြစ်မှုကျူးလွန်
ပါသည်ဟု ၀န်ခံအောင် ရိုက်နှက်နှိပ်စက်ခဲ့သည်ဟူသော သတင်းများလည်း ထွက်ပေါ်လျက်
ရှိပါသည်။
"သို့ဖြစ်ရာတွင် ကမ္ဘာ့လူ့အခွင့်အရေး ကြေညာစာတမ်းတွင် ပါရှိသည့်အတိုင်း ညှဉ်းပန်းနှိပ်စက်ခြင်း
မခံရစေရေးနှင့် အမှုကို လိုအပ်သည်ထက် ပို၍ မကြာစေရေးအတွက် ထိုင်းနိုင်ငံ အမျိုးသား
လူ့အခွင့်အရေး ကော်မရှင်အနေဖြင့် လိုအပ်သလို ကူညီပံ့ပိုး ဆောင်ရွက်ပေးပါရန် မေတ္တာရပ်ခံ
အပ်ပါသည်"ဟု စာတွင် ဖော်ပြထားသည်။
ထို့အပြင် ထိုင်းနိုင်ငံအစိုးရအနေဖြင့် မြန်မာလူငယ် နှစ်ဦးကို ဘန်ကောက်မြို့ရှိ မြန်မာသံအရာရှိများ
က ကောင်စစ် အလုပ်ဝတ္တရားများနှင့်အညီ တွေ့ဆုံဆောင်ရွက်ခွင့်နှင့် ၎င်းတို့၏ မိဘဆွေမျိုးများ
လာရောက် တွေ့ဆုံခွင့်ပြုရေးတို့ကို လူသားချင်းစာနာ ထောက်ထားမှုအရ ခွင့်ပြုဆောင်ရွက်ပေးရန်
မျှော်လင့်ကြောင်း ဖော်ပြထားသည်။
"ထိုင်းနိုင်ငံ အမျိုးသား လူ့အခွင့်အရေး ကော်မရှင်အနေဖြင့် ထိုင်းနိုင်ငံတွင် မြန်မာနိုင်ငံ
အလုပ်သမား နှစ်ဦး၏ လူ့အခွင့်အရေး ဖောက်ဖျက် မခံရစေရေးအတွက် အတတ်နိုင်ဆုံး ပံ့ပိုးကူညီ
ဆောင်ရွက်ပေးပါရန် မြန်မာနိုင်ငံ အမျိုးသားလူ့အခွင့်အရေးကော်မရှင်က အလေးအနက်
မေတ္တာရပ်ခံအပ်ပါသည်" ဟု ရေးသားထားသည်။
သို့သော် ထိုင်းရဲတပ်ဖွဲ့၏ စုံစမ်းစစ်ဆေးမှုများမှာ ပွင့်လင်းမြင်သာမှု မရှိဟု ထိုင်းပြည်တွင်း
သတင်းစာများက ရေးသားခဲ့ပြီး ဗြိတိန်မီဒီယာများကလည်း ဗြိတိန်နိုင်ငံသားနှစ်ဦး အသတ်ခံရမှုနှင့်
ပတ်သက်၍ ထိုင်းရဲတပ်ဖွဲ့ ၏ စုံစမ်းစစ်ဆေးမှုများကို ဝေဖန်ရေးသားခဲ့သည်။
အမှုနှင့် ပတ်သက်ပြီး စုံစမ်းစစ်ဆေးမှုများ ပူးတွဲလုပ်ဆောင်ရန်အတွက် မြန်မာနိုင်ငံနှင့် ဗြိတိန်တို့မှ
ကိုယ်စားလှယ်အဖွဲ့များကိုလည်း ထိုင်းနိုင်ငံက လက်ခံခဲ့သည်။
Myanmar Times
0 comments:
Post a Comment