ရွေးကောက်ပွဲတွင် တရုတ်အစိုးရက ၀င်ရောက် ခြယ်လှယ်မှုအပေါ် ကန့်ကွက်သည့်အနေဖြင့် ဟောင်ကောင်ကျောင်းသားများ ကျောင်းမတက်ဘဲ သပိတ်မှောက်

ဟောင်ကောင်မြို့တော်၏ အုပ်ချုပ်ရေးမှူးရွေးချယ်ရာတွင် တရုတ်အစိုးရက ကြိုးကိုင်ခြယ်လှယ်မှု လုပ်ဆောင်လာသည့်အပေါ် ကန့်ကွက်သည့်အနေဖြင့် ဟောင်ကောင်ကျောင်းသားများက တစ်ပတ်ကြာ ကျောင်းမတက်ဘဲ သပိတ်မှောက်သည့် အစီအစဉ်ကို စက်တင်ဘာ ၂၂ ရက်က စတင်လိုက်ကြောင်း သိရသည်။

တစ်စိတ်တစ်ပိုင်း ကိုယ်ပိုင်အုပ်ချုပ်ခွင့်ရ ဟောင်ကောင်မြို့တော်အုပ်ချုပ်ရေးမှူး ရွေးချယ်ရာတွင် တရုတ်အစိုးရက ဖွဲ့စည်းပေးထားသည့် ကော်မတီက တင်သွင်းထားသူများကိုသာ မဲပေးရွေးချယ်ရန် ညွှန်ကြားလာခြင်းကို ဟောင်ကောင်ဒီမိုကရေစီလိုလား သူများက ကန့်ကွက်လျက်ရှိကြသည်။

အဆိုပါ ဆန္ဒပြမှုများကို ဦးဆောင်သည့် Occupy Central အဖွဲ့က အဆိုပါ လုပ်ရပ်သည် ဒီမိုကရေစီ အတုအယောင်ဖြစ်ပြီး ကန့်တတ်ချုပ်ခြယ်မှုတစ်ခုဖြစ်ကြောင်း ပြောကြားထားကာ မြို့တော်အတွင်းရှိ စီးပွားရေးအချက်အခြာနေရာကို ပိတ်ဆို့ခြင်းအပါအ၀င် ဆန္ဒပြမှုအများအပြားကို လုပ်ဆောင်သွားမည်ဟု ပြောကြာထားသည်။

ပြည်သူတို့၏ စိတ်ဝင်စားမှုပိုမိုရရှိစေရန်နှင့် ဒီမိုကရေစီလှုပ်ရှားမှုကို အားပေးရန် ကျောင်းသားများက ဆန္ဒပြရာမှ ယခုကဲ့သို့ သပိတ်မှောက်သည့် အစီအစဉ်ကို တိုးမြှင့်လုပ်ဆောင်ခြင်းဖြစ်ကြောင်း သိရသည်။

တက္ကသိုလ်များမှ ကျောင်းသားထောင်ပေါင်းများစွာက မိမိတို့ တက္ကသိုလ်များ၏ အလံများနှင့် ဖဲကြိုးအ၀ါများကို ဝှေ့ယမ်းကာ ဟောင်ကောင်တရုတ်တက္ကသိုလ်ဝင်းအတွင်း ကျောင်းမတက်ဘဲ  သပိတ်မှောက်ခဲ့ခြင်းဖြစ်ကြောင်း သိရသည်။

အသက် ၂၀ ပိသုကာပညာကျောင်းသားတစ်ဦးဖြစ်သည် ၀ူတက်ဇ်က “တရုတ်အစိုးရက ကျွန်တော်တို့ရဲ့ အခွင့်အရေးတွေကို ပိတ်ဆို့ထားလို့ရမယ် မထင်ပါဘူး။ ဒါကြောင့် ကျွန်တော်တို့ရဲ့ အခြေခံ လိုအပ်ချက်တွေအတွက် တိုက်ပွဲဝင်ခြင်းပဲဖြစ်ပါတယ်” ဟု ပြောကြားသည်။

အသက် ၁၉နှစ်အရွယ် ဒုတိယနှစ် လူမှုဝန်ထမ်းကျောင်းသားတစ်ဦးက “ကျောင်းသားတွေရဲ့ သပိတ်မှောက်မှုက ဟောင်ကောင်လူ့အဖွဲ့အစည်းရဲ့ သတိထားမိမှုကို ပိုမိုမြင့်တက်လာစေမှာဖြစ်သလို ဟောင်ကောင်ရဲ့ အနာဂတ်ရွေးကောက်ပွဲတွေနဲ့ တရားစီရင်ရေးတွေမှာ သူတို့ဘာလုပ်နိုင်မလဲဆိုတာ စဉ်းစားလာမိစေမှာပါ” ဟု ပြောကြားသည်။

Ref:AFP

Read More

ပညာရှင်စကား

ဈေးကွက်စီးပွားရေးစနစ်ကို ကျင့်သုံးနေတယ်ဆိုရင် ယှဉ်ပြိုင်မှုဥပဒေဆိုတာ ရှိရတယ် အခုဟာက သတင်းဦးသူ စားဆိုတာမျိုး ဖြစ်နေတယ်

မြန်မာနိုင်ငံ၏ စီးပွားရေးစနစ်သည် ရေတိုကူးပြောင်းရေးစနစ်နှင့် သွားနေသောကြောင့် ပုဂ္ဂလိကကဏ္ဍဖွံ့ဖြိုးရေး လုပ်ငန်းများမှာ ထိရောက်မှု မရှိကြောင်း စီးပွားရေးပညာရှင် ဦးသန်းစိုး(ဘောဂဗေဒ)က ပြောကြားထားရာ...
*******
လက်ရှိ မြန်မာနိုင်ငံရဲ့ ပုဂ္ဂလိကကဏ္ဍကို ကြည့်ရင် ဘယ်လိုလုပ်ငန်းရှင်တွေ နေ ရာရနေလဲပေါ့။ ပြီးတော့ အစိုးရပိုင်းကလဲ အိမ်ခြံမြေ ဈေးတက်လာရင် အိမ်ခြံမြေကို ထိန်းလိုက်။ ပြီးရင် တခြားတစ်ခုကို သွားထိန်းလိုက်နဲ့ ရေတိုကူးပြောင်း ရေးနဲ့ပဲသွားနေပြီး စီးပွားရေးသီအိုရီဆိုတာ ရှိရဲ့လား ဆိုတာ သံသယဖြစ်စရာပေါ့'' ဟု စီးပွားရေးပညာရှင် ဦးသန်းစိုး(ဘောဂဗေဒ)က ပြောသည်။
နိုင်ငံတော်က ပုဂ္ဂလိကကဏ္ဍ ဖွံ့ဖြိုးရေးအ တွက် ပုဂ္ဂလိကပိုင်ပြုလုပ်ပေးခြင်းများ ရှိခဲ့သော်လည်း ပုဂ္ဂလိကပိုင်ပြုလုပ်ခြင်းနှင့်ပတ်သက်၍ ဥပဒေမရှိသေး ကြောင်း ပုဂ္ဂလိကပိုင်ပြုလုပ်ရေးကော်မရှင် ရှိသော် လည်း နိုင်ငံပိုင် အဆောက်အအုံများကိုရောင်း၍ တစ် ဆင့်ခံ ပြန်လုပ်ခြင်းဖြစ်နေသည်ဟု သိရသည်။
လက်ရှိဆောင်ရွက်နေသည့် ဆင်းရဲမွဲတေ မှုလျှော့ချရေးသည်လည်း စီးပွားရေးသီအိုရီများထဲတွင် မပါသည့်အတွက် စီးပွားရေး ပြုပြင်ပြောင်းလဲရေးနှင့် အထောက်အကူ ပြုနိုင်မည်လားဆိုသည်မှာ သံသယ ဖြစ်စရာ ဖြစ်နေသည်ဟုဆိုသည်။
ဦးသန်းစိုး(ဘောဂဗေဒ)က ''စီးပွားရေး လုပ်ငန်းတွေကိုကြည့်ရင် အောင်မြင်တယ်လို့ ပြောချင် ပြောနိုင်လိမ့်မယ်။ ဒါပေမဲ့ အောင်မြင်တယ်ဆိုတဲ့ လုပ် ငန်းတွေက အစိုးရက ချထားပေးတဲ့ ပရောဂျက်တွေ၊ စီမံကိန်းတွေနဲ့ အစိုးရဘတ်ဂျက်တွေကိုမှီပြီး အောင် မြင်နေတာပါ။ ပုဂ္ဂလိကကဏ္ဍ သီးသန့်ဖွံ့ဖြိုးရေးအ တွက် တိတိကျကျ ရေးဆွဲထားတာမျိုး မရှိသေးပါဘူး'' ဟု ပြောသည်။
ထို့ပြင် ပုဂ္ဂလိကကဏ္ဍ ဖွံ့ဖြိုးရေးအတွက် နိုင်ငံတော်က ဘတ်ဂျက်များ၊ စီမံကိန်းများ ချပေးထား သော်လည်း အစိုးရကချပေးသည့်ပရောဂျက်နှင့် ပုဂ္ဂလိက ကြားရှိ ငွေကြေးစီးဆင်းမှုများတွင် ပြဿ နာရှိခြင်း ကြောင့် ကြာလျှင် နိုင်ငံတော်အတွက် ကြွေးမြီသာတက် လာနိုင်သည်ဟု သိရသည်။
ပြည်တွင်းလုပ်ငန်းရှင်တချို့နှင့် ပြည်ပမှဝင် ရောက်လာမည့် လုပ်ငန်းများကိုလည်း မျှတသည့်ယှဉ် ပြိုင်မှုမျိုး ပေးမထားကြောင်း သိရသည်။
''ဈေးကွက်စီးပွားရေးစနစ်ကို ကျင့်သုံးနေ တယ်ဆိုရင် ယှဉ်ပြိုင်မှုဥပဒေဆိုတာ ရှိရတယ်။ အခု ဟာက သတင်းဦးသူစားဆိုတာမျိုးဖြစ်နေတယ်။ ပြီး တော့ မြန်မာနိုင်ငံမှာက အစိုးရပိုင်လုပ်ငန်းလိုလို၊ ပုဂ္ဂလိ ကပိုင်လိုလို လုပ်ငန်းတွေကလဲ ရှိနေသေးတယ်''ဟု ယင်းက သုံးသပ်သည်။
စီးပွားရေးဖွံ့ဖြိုးတိုးတက်ရန် ထုတ်ကုန်ဈေး ကွက်နှင့်သွားမလား၊ လုပ်သားဈေးကွက်နှင့် သွားမ လား၊ ငွေကြေးဈေးကွက်ကို အကောင်အထည်ဖော်မည် လား စသည်ဖြင့် စဉ်းစားရမည်ဖြစ်သည်ဟုသိရသည်။
ယင်းက ''ဥပမာ-မြန်မာနိုင်ငံရဲ့ လူဦးရေ ဘယ်နှရာခိုင်နှုန်းက လယ်ယာကဏ္ဍကို အခြေခံထား သလဲပေါ့။ မြန်မာနိုင်ငံမှာ အားသာတာက စိုက်ပျိုး ရေး၊ ဒါဆို ထုတ်ကုန်ဈေးကွက်ကို အခြေခံထားမလား ပေါ့'' ဟုပြောသည်။
ငွေကြေးဈေးကွက်ကို အကောင်အထည် ဖော်မည်ဆိုပါက စတော့ဈေးကွက်များကို အောင်မြင် စေရန်လိုအပ်ပြီး ပြည်ပဘဏ်များကိုလည်း မျှတ သည့် ယှဉ်ပြိုင်မှုမျိုး လုပ်ပေးသင့်ကြောင်းဆိုသည်။
‪
‎TheFlowerNews‬

Read More

မြန်မာနိုင်ငံဆီ ကမ္ဘာလှည့် ခရီးသည် ပိုလာစေချင်တယ် ဆိုရင်

မကြာခင် သီတင်းကျွတ်တော့မယ်။ မိုးရာသီကုန်ဆုံးပြီး ပွင့်လင်းရာသီရောက်တော့မယ်။ ဒီအချိန်ဟာ မြန်မာနိုင်ငံဆီ အလည်သွားချင်တဲ့ နိုင်ငံခြားသားတွေအတွက်ရော၊ နိုင်ငံခြားရောက် မြန်မာတွေအတွက်ပါ ခရီးသွားဖို့၊ ဘုရားဖူးထွက်ဖို့ အချိန်ကောင်းတခုပါပဲ။

ဟိုတယ်နဲ့ ခရီးသွားဝန်ကြီးဌာနရဲ့ ခန့်မှန်းချက်အရဆိုရင် ၂၀၁၄ ခုနှစ်အတွင်း ကမ္ဘာ့လှည့်ခရီးသည် ၃ သန်းအထိ ၀င်လာဖို့မျှော်လင့်ထားပြီး အခု သြဂုတ်လကုန် ၈ လအတွင်းမှာတင် ၁.၈ သန်းဝင်လာခဲ့ပြီးပြီလို့သိရပါတယ်။ ဒါဟာ ၂၀၁၃ ခုနှစ်က၀င်လာတဲ့ ၂.၀၄ သန်းနဲ့စာရင် အများကြီး တိုးလာတယ်။ အခုတလော ၀င်လာတဲ့အထဲမှာ တချိန်က မြန်မာနိုင်ငံဆီ ခရီးမသွားကြဖို့ အဓိက ပိတ်ဆို့ဟန့်တားခဲ့ဖူးတဲ့ အမေရိကန်နိုင်ငံက အများဆုံးဖြစ်နေတယ်လို့လည်း သတင်းတွေထဲ ဖတ်ရပါတယ်။


စာရေးသူသည် ထိုင်း-မြန်မာ နယ်စပ်တွင် အခြေစိုက်သော ကျောင်းသား လက်နက်ကိုင် ABSDF အဖွဲ့ဝင်ဟောင်း ဖြစ်ပြီး DVB ၏ သတင်းထောက် ဟောင်းလည်း ဖြစ်သည်။ ယခုအခါ နော်ဝေနိုင်ငံတွင် နေထိုင်လျက် ရှိသည်

ဒီသတင်းတွေကိုဖတ်ရင်းနဲ့ ပြီးခဲ့တဲ့နှစ် မြန်မာနိုင်ငံဆီသွားခဲ့စဉ်က ကြုံခဲ့ရတာတွေ၊ လိုအပ်ချက်တွေကို ပြန်စဉ်းစားမိပါတယ်။ ပထမဆုံး အခက်အခဲက ဗီဇာ ပြသာနာ။ ကျနော်တို့လို မြန်မာပြည်ဖွား နိုင်ငံခြားသား စာအုပ်ကိုင်ထားသူတွေအတွက် ဗီဇာ ခက်တာကို ထားလိုက်ပါ။ နိုင်ငံခြားသားစစ်စစ်တွေ မြန်မာပြည်သွားဖို့ ဗီဇာလျှောက်တဲ့အခါ တခြားနိုင်ငံတွေလောက် မလွယ်ဘူးလို့ သိရပါတယ်။

ဥပမာ အိမ်နီးချင်း ထိုင်းနိုင်ငံကို လာမယ်ဆိုရင် အနောက်နိုင်ငံသားတွေအတွက် ဘာဗီဇာမှ မလိုပါ။ လာချင်တဲ့အချိန် လေယဉ်လက်မှတ်ဝယ်ပြီး ထလာရုံပါပဲ။ ဒီလိုလာနိုင်ဖို့ အနောက်နိုင်ငံတွေနဲ့ ထိုင်းနိုင်ငံအကြား နားလည်မှုလက်မှတ်ရေးထိုးထားတယ်လို့ ဆိုပါတယ်။ တနှစ်တခါ Holiday ဟောလီးဒေး သွားလေ့ရှိတဲ့ အနောက်တိုင်းသားတွေဟာ လေယဉ်လက်မှတ်ကို ကြိုဝယ်ထားလေ့ရှိပါတယ်။ ချက်ချင်း ၀ယ်တာနဲ့ ၆ လလောက် ကြိုဝယ်တဲ့ လက်မှတ်က ဈေးထက်ဝက်လောက် ကွာလေ့ရှိပါတယ်။

ခရီးသည်တွေအ ဆင်ပြေအောင် ဗီဇာကြေးမယူ၊ ဗီဇာလျှောက်စရာမလိုအောင် လုပ်ပေးလိုက်တော့ သံရုံးတွေက ဗီဇာကြေးမရတော့ပါဘူး။ ဘန်ကောက်သံရုံးမှာ ဗီဇာ လျောက်ရင် တဦးကို ဘတ် ၂၀၀၀ ကျော် (ဒေါ်လာ ၈၀-၀န်းကျင်) ပေးရပါတယ်။ အနောက်နိုင်ငံသံရုံးတွေမှာဆိုရင်တော့ ဒေါ်လာ ၁၀၀ ပေးရပါတယ်။ လူ ၃ သန်းအတွက် ဗီဇာ လျှောက်စရာ မလိုတော့ဘူးဆိုရင် သံရုံးတွေ၊ သို့မဟုတ် နိုင်ငံ ခြားရေးဌာနအတွက် ဒေါ်လာ သန်း ၃၀၀ နစ်နာမှာပေါ့။

လူ ၃ သန်းသာလာတဲ့ မြန်မာနိုင်ငံမှာ ဒေါ်လာ သန်း ၃၀၀ နစ်နာမယ်ဆိုရင် လူ ၁၃ သန်းမက လာနေ တဲ့ အိမ်နီးချင်းထိုင်းနိုင်ငံမှာဆိုရင် ဘယ်လောက်များ နစ်နာနေလေမလဲ။ ဘာကြောင့် ဒီလိုနစ်နာခံပြီး ဗီဇာ အလကား ပေးထားတာလဲ။ နိုင်ငံခြားရေးဌာနနဲ့ ဟိုတယ်ခရီးသွားဌာနကြား ဆွေးနွေးသင့်တဲ့ ကိစ္စတခုပါပဲ။ ဆိုလိုတာက ဗီဇာလျောက်ခိုင်းရင် ဒေါ်လာ ၁၀၀ ပဲ နိုင်ငံခြားရေးဌာနကရမယ်။ ဗီဇာလျှောက်စရာမလိုပဲ ၀င်ခွင့်ပေးလိုက်ရင် ခရီးသည်တွေ ပိုဝင်လာပြီး ၁၀၀ မကပဲ ဒေါ်လာတသောင်းအထိ မြန်မာနိုင်ငံက ရနိုင်ပါတယ်။ နိုင်ငံခြားရေးဌာနအတွက် တိုက်ရိုက်ဝင်ငွေဆုံးရှုံးပေမယ့် ဟိုတယ် ခရီးသွားဌာနအပါဝင် တခြားဌာနတွေ၊ သာမန်တက္ကစီသမားတွေ၊ ဈေးရောင်းသူတွေအတွက် များစွာဝင်ငွေရတာပေါ့။ ဒါပေမယ့် ပွင့်လင်းစ မြန်မာနိုင်ငံမှာ ဗီဇာ ကိစ္စကို လုံခြုံရေးအမြင်နဲ့ တင်းကျပ်ထားတာလား၊ ငွေကြေး (လာဘ်စားခွင့်) ရလိုမှုနဲ့ တင်းကျပ်ထားတာလားဆိုတာကတော့ သိပ်မကွဲပြားလှပါ။

ဒါက မြန်မာပြည်ဝင်ဖို့ ပထမ အဆင့် ပြင်ဆင်မှု အပိုင်းပါ။ ဗီဇာ ရပြီးလို့ ရန်ကုန်လေဆိပ်ရောက်ပြီဆိုရင်လည်း ဘန်ကောက်လေဆိပ်ကို ရောက်တာနဲ့ မတူပြန်ပါဘူး။ ၀င်လာတဲ့လေယာဉ်က တနာရီမှ ၂-၃ စီး သာရှိပေမဲ့ ၅ မိနစ်တစီးလောက်ဝင်နေတဲ့ ဘန်ကောက်လေယဉ်ကွင်းနီးပါးကြာအောင် လ၀က ကောင် တာမှာတန်းစီစောင့်ရပါတယ်။ အပြင်ရောက်တော့ ဘန်ကောက်မှာလို မိုးပျံရထားမရှိ၊ လေယာဉ်ကွင်းနဲ့ မြို့ထဲပြေးတဲ့ အထူးဘတ်စ်ကားမရှိ။ တက္ကစီတွေငှားမယ်ပြင်တော့ ဘယ်နှစ်ယောက်စီးမှာလဲလို့ စမေးပါတယ်။ တက္ကစီငှားတာပဲဗျာ။ ဘယ်နှစ်ယောက်စီးစီး အတူတူပဲ မဟုတ်ဘူးလားဆိုတော့ မတူဘူး။ တဦးတည်းဆိုရင် နောက်ထပ်ခရီးသည်တဦးကိုပါ ထပ်တင်လိုက်ပါသေးတယ်။

မြို့ထဲရောက်လို့ ဟိုတယ်တည်းမယ်ဆိုရင်တော့ အနိမ့်ဆုံးဟိုတယ်ခက ဒေါ်လာ ၆၀ အထက်မှာ။ ဘန် ကောက်မှာဆိုရင် ဘတ် ၉၀၀ (ဒေါ်လာ ၃၀) လောက်နဲ့ ရန်ကုန်က ဒေါ်လာ ၆၀ တန်း အခန်းထက်သာတဲ့ အခန်းမျိုး ရပါတယ်။ နောက်ထပ်ထူးခြားချက်ကတော့ နိုင်ငံခြားသားကို ဟိုတယ်ခ ၂ ဆယူခြင်းပါ။ ဟိုတယ်ခတင်လားဆိုတော့ မဟုတ်သေး။ ပြည်တွင်းလေယာဉ်ခ၊ သင်္ဘောခ၊ ရထားခတွေအပြင် ယုတ်စွအဆုံး ညစ်ပေနံဟောင်နေတဲ့ အိမ်သာ အသုံးပြုခကိုပါ ၂ ဆယူပြန်ပါတယ်။  ဘာ ကြောင့်လဲ။ နိုင်ငံခြားသားက မြန်မာတွေထက် ၂ ဆ ပိုလေးနေလို့လား။

ဒါတင်လားဆိုတော့ မဟုတ်သေး။ နိုင်ငံခြားသားဆိုရင် အစိုးရက သတ်မှတ်ထားတဲ့ ဟိုတယ်တွေ၊ တည်းခိုခန်းတွေမှအပ သာမန်အများပြည်သူတွေရဲ့နေအိမ်မှာ အိပ်ခွင့်မရှိပါ။ ကိုယ်ဖိတ်တဲ့ နိုင်ငံခြားသားမိတ်ဆွေကိုတောင် ကိုယ့်အိမ်မှာ တည်းခွင့်မပေးနိုင်တဲ့အခြေအနေ ဆိုပါတော့။ အိမ်နီးချင်း ထိုင်းနိုင်ငံမှာတော့ ဟိုတယ်ခရော၊ တည်းခိုတဲ့နေရာကိုရော ဒါမျိုး ကန့်သတ်ထားတာမရှိပါ။ ဒါကိုလည်း လုံခြုံရေး အမြင်အရ လုပ်ထားတာလား။ ၂ ဆကောက်ပြီး ငွေများများလိုချင်လို့လားဆိုတာ သိပ်မရှင်းလှပါ။

တတိယ အဆင့်အနေနဲ့ကတော့ အဲဒီလို ၂ ဆပေးတည်း၊ ၂ ဆပေးသွားပြီးတဲ့နောက် ရွှေတိဂုံဘုရားကို ၀င်ဖူးမယ်ဆိုရင် ကင်မရာကြေး ၅ ဒေါ်လာ ထပ်ပေးရပြန်ပါတယ်။ တခြားစေတီပုထိုးတွေကိုဝင်တဲ့ အခါ မှာလဲ ၅ ဒေါ်လာမဟုတ်ရင်တောင် အနည်းဆုံး တဒေါ်လာတော့ ပေးရပါတယ်။ ရွှေတိဂုံပေါ်မှာတောင် အလှူခံတွေက တနေရာတည်းမဟုတ်။ စေတီအဆူတိုင်းလိုလိုမှာ သီးခြားအလှူခံတွေ ရှိနေပြန်ပါတယ်။ ကျိုက်ထီးရိုး၊ ပုဂံ၊ အင်းလေးဖက်က စေတီပုထိုးတွေမှာလဲ ဒီလိုပါပဲ။ အလှူခံတွေက လိုအပ်တာထက် ပိုများနေတဲ့အတွက် ခရီးသွားတွေအဖို့ စိတ်အနှောက်ယှက်ဖြစ်ရပါတယ်။

ဒီနေရာမှာလဲ ထိုင်းကအခြေနေကို လေ့လာသင့်ပါတယ်။ ထိုင်းမှာဆိုရင် နေရာတကာမှာ တဒေါ်လာစီ ကောက်မနေပါဘူး။ ရှေ့မှာတင်ပြခဲ့တဲ့ ဗီဇာကြေး အလကားပေးထားသလိုပါပဲ။ ကင်မရာကြေးကို အလကားပေးထားပြီး အဲဒီထက် ဆယ်ဆမကများတဲ့ ဇုန်ဝင် ကြေးကို တခါတည်း တရားဝင် လက်မှတ် တွေဘာတွေနဲ့ အသေအချာ ကောက်ခံလိုက်ပါတယ်။ ဥပမာ မြဘုရားကို ၀င်မယ်ဆိုရင် ဘတ် ၅၀၀ (ဒေါ် လာ ၂၀ ၀န်းကျင်) တခါတည်း ယူထားလိုက်ပါတယ်။ ကင်မရာကြေး ၅ ဒေါ်လာ ယူတာထက် ပိုရတဲ့ အပြင် ခရီးသည်တွေလည်း ခဏခဏ မပေးရလို့ စိတ်ညစ်စရာ မလိုတော့ပါ။

စတုတ္တအချက်ကတော့ ဘုရားဖူး၊ ပြတိုက်ကြည့်၊ ထင်ရှားတဲ့နေရာတွေကို လေ့လာပြီးတဲ့နောက် ဗိုက်ဆာလို့ တခုခု စားမယ်ဆိုရင်လဲ နီးစပ်ရာဆိုင်မှာ ၀င်စားလိုက်ရုံပါပဲ။ ခပ်သန့်သန့်ပြင်ထားတဲ့ဆိုင်ဆို ၁၀၀-၂၀၀။ ခပ်ညံ့ညံ့ဆိုင်ဆိုရင် ၅၀-၁၀၀ ပေါ့။ ဘန်ကောက်က ဆိုင်တွေကို ပြောတာပါ။ ရန်ကုန်မှာတော့ အဲဒီလို ၀င်စားလို့မရ။ ဆိုင်အပြင်အဆင်တွေ၊ စားစရာအဆင့်အတန်းတွေက ဘန် ကောက်မှာလို စားချင့်စဘွယ် သန့်ပြန့်မနေပါ။ နေရာအတော်များများမှာ ကွမ်းတံတွေးတွေ၊ အညစ် ထေးတွေနဲ့ ပေရေနေဆဲပါ။

နောက်တချက်က ငွေကြေးသုံးစွဲရမှု အခက်အခဲ။ Holiday ထွက်လာတဲ့ အနောက်တိုင်းသားတွေက မြန်မာတွေလို ငွေထုတ်ပိုက်ပြီး ခရီးသွားသူတွေမဟုတ်ပါ။ Credit Card တွေ၊ Bank Card တွေကိုင်ပြီး သွားနေကြ။ နော်ဝေးမှာဆိုရင် ဘဏ်ကတ်သုံးဈေးဝယ်သူက အများစုဖြစ်နေပြီး ငွေသားကိုင်သုံးသူက ၁၀ ရာခိုင်နှုန်းတောင် မရှိတော့ဘူးလို့ သိရပါတယ်။ ဒါပေမယ့် ရန်ကုန်ရောက်ရင်တော့ အဲဒီကဒ်တွေက သုံးဖို့ သိပ်မလွယ်။ ဟိုတယ်ခတွေ၊ လေယာဉ်ခတွေကို Credit Card နဲ့ပေးလို့ရနိုင်ပေမယ့် တက္ကစီခကအစ အရာအားလုံးကို ငွေသားနဲ့သာပေးရပါတယ်။

ဒီအတွက် မြန်မာနိုင်ငံဆီသွားမယ်လို့ ခရီးစဉ်ပြင်ကတည်းက အမေရိကန်ဒေါ်လာ ၁၀၀ တန် အသစ် စက်စက်တွေကို ဘဏ်ကနေ လဲယူလာရပါတယ်။ ရန်ကုန်ရောက်တာနဲ့ ငွေလဲကောင်တာတွေဆီသွား ပြီး အဲဒီဒေါ်လာကို မြန်မာကျပ်ငွေနဲ့ လဲရပါတယ်။ ”ဒီအရွက်က မျက်နှာပေါ်ခေါက်ရိုးကျိုးနေတဲ့အတွက် ပြန်လဲပေးပါ” ဆိုပြီး ကောင်တာထိုင်ကောင်မလေးက ဒေါ်လာ ၁၀၀ တန်ကို ပြန်ပေးတာ ကြုံရဖူးပါတယ်။ ပိုက်ဆံအိတ်ထဲခေါက်ထည့်လာမှတော့ ခေါက်ရိုးကျိုးမှာပေါ့။ မြန်မာငွေတွေလည်း ဒီလိုပဲကျိုးနေ တာပဲ မဟုတ်ဘူးလားဆိုပြီး မေးခွန်းပြန်ထုတ်တော့ သိပ်ကြိုက်ပုံမရ။ ပြန်မလဲပေးရင်တော့ ၅ ရာ ခိုင် နှုန်း အလျော့ခံရမယ်လို့ ဆိုပါတယ်။

ဒါမျိုးတွေ ဘန်ကောက်မှာမရှိပါ။ ပါလာတဲ့ Credit Card ကို နီးစပ်တဲ့ ATM စက်မှာသာ သွားထုတ်လိုက်။ တခါထုတ်ရင် ဘတ် နှစ်သောင်း ထွက်လာပါလိမ့်မယ်။ အဲဒီလို ထွက်လာတဲ့အထဲမှာ တထောင်တန်နဲ့ ၅၀၀ တန်မှအပ ၁၀၀ တန်၊ ၅၀ တန်၊ ၂၀ တန်တွေ ပါမလာပါ။ ဒါပေမယ့် ရန်ကုန်က ငွေလဲ ကောင်တာမှာတော့ အမြင့်ဆုံးဖြစ်တဲ့ ၅၀၀၀ တန်ကိုမပေးပဲ တထောင်တန်နဲ့ အောက်အဆင့်တွေကို ချည်းပေးလိုက်ပါတယ်။ တဒေါ်လာ ၉၀၀ ကျပ်နဲ့တွက်တော့ ဒေါ်လာ ၅၀၀ အတွက် တထောင်တန် အရွက်ရေ ၄၅၀ ရွက်နဲ့ ၅၀၀ တန်၊ ၂၀၀ တန်၊ ၁၀၀ တန်၊ ၅၀ တန်နဲ့ ၂၀ တန်အထိ စုံလို့။

ဒါပေမယ့် အဲဒီဘဏ်ကပေးလိုက်တဲ့ ၂၀ တန်ကို ဘယ်သူမှ လက်မခံပါ။ ၂၅ နှစ်တာကာလအတွင်း ငွေ ကြေးဖောင်းပွမှုနှုန်းထားကို မသိလိုက်တဲ့ ကျနော်ဟာ ”ငါးပြားနိုင်နိုင်၊ ဆယ်ပြားနိုင်နိုင်” ဆိုတဲ့ခေတ်လို သဘောထားပြီး ငွေလဲကောင်တာဝန်းကျင်က သူတောင်းစားကို ၂၀ တန်တရွက်သွားလှူမိပေါ့။ အဲဒီ တော့မှ ၂၀ တန်ကို သူတောင်းစားတောင် လက်မခံမှန်း သိလိုက်ရပါတယ်။ ၂၀ တန်တောင် မသုံးတော့ဘူးဆိုရင် မြန်မာနိုင်ငံမှာအကြွေဆိုတာ ဘယ်ရှိတော့မလဲ။

အကြွေနဲ့သုံးမှရတဲ့ လမ်းဘေးတယ်လီဖုန်းဆက်တာတွေ၊ ဘူတာရုံက ကော်ဖီစက်တွေ၊ ကိုကာကိုလာနဲ့ ရေသန့်ဗူးစက်တွေမှာ ဘယ်လိုဝယ်သလဲ။ အဲဒီစက်တွေတွေမရှိသေးလို့ အကြွေသုံးစရာမလိုသေးဘူး ဆိုပြီး ဆင်ခြေပေးကြမလား။ ထိုင်းမှာဆိုရင်တော့ သူတို့ အကြွေစေ့တွေ မပျောက်သွားစေဖို့အတွက် မိုးပျံရထား၊ မြေအောက်ရထားလက်မှတ်ဝယ်တာကို အကြွေနဲ့ဝယ်မှရတဲ့ စနစ်မျိုးလုပ်ပြီး ထိန်းထားတာ တွေ့ရပါတယ်။ အနောက်နိုင်ငံတွေမှာလည်း ဒီလိုပါပဲ။ အကြွေတွေကို သုံးနေဆဲ၊ အကြွေတွေ တန်ဖိုးရှိနေဆဲပါ။ ထားတော့။ အကြွေကိစ္စကတော့ နိုင်ငံခြားသားတွေ သိပ်စိတ်ဝင်စားဘွယ်မရှိပါ။ ပြည်တော်ပြန် မြန်မာတဦးအနေနဲ့ နိုင်ငံတကာနဲ့ ယှဉ်ပြီးတွေးမိခြင်းသာ ဖြစ်ပါတယ်။

အနှစ်ပြန်ချုပ်ရရင်တော့ ဟိုတယ်ခရီးသွားဝန်ကြီးဌာနအနေနဲ့ တကယ်ပဲ ကမ္ဘာလှည့်ခရီးသည် အများအပြား လာလည်စေချင်တယ် ဆိုရင် ရှေ့မှာတင်ပြခဲ့တဲ့ အဟန့်အတား စိတ်အနှောက်ယှက်ဖြစ်ဖွယ် ကိစ္စတွေကို ပြုပြင်ပေးဖို့လိုပါလိမ့်မယ်။ နိုင်ငံခြားရေးဌာန၊ ဟိုတယ်/ခရီးဌာနနဲ့ သက်ဆိုင်ရာအခြားဌာန တွေအကြား ဒီထက်မက ပူးပေါင်းဆောင်ရွက်ဖို့ လိုပါလိမ့်မယ်။ ပြီးရင် လူပြောများနေတဲ့ အစားအ သောက်၊ အနေအထိုင် သန့်ရှင်းသန့်ပြန့်မှု၊ နေရာတကာ ကွမ်းသွေးတွေနဲ့ ညစ်ထေးပေရေနေမှုတွေ အတွက်လည်း နိုင်ငံသားတဦးချင်းစီက ပြုပြင်သွားဖို့လိုမယ်လို့ ထင်မြင်မိပါကြောင်း တင် ပြလိုက်ရပါတယ်။

ဧရာဝတီ Blog

Read More

"ထူးဖောင်ဒေးရှင်းမှ ကယ်ဆယ်ရေးတောင်တက်အဖွဲ့ ပေပေါင်း ၁၃၂၀၀ အမြင့်ရှိသည့် Base Camp သို့ ရောက်ရှိတော့မည်"

ထူးဖောင်ဒေးရှင်း နာယက ဦးတေဇ၏ အနီးကပ် စီမံကွပ်မှုများဖြင့် ပျောက်ဆုံးတောင်တက်သမား(၂)ဦးကို ရှာဖွေနေသော မြေပြင် ကယ်ဆယ်ရေး တောင်တက်အဖွဲ့သည် စက်တင်ဘာလ(၂၃)ရက်နေ့တွင် ပေပေါင်း (၁၃၂၀၀) အမြင့်ရှိသည့် Base Camp သို့ ရောက်ရှိမည် ဖြစ်ပါသည်။
အဆိုပါ မြေပြင်ကယ်ဆယ်ရေး အဖွဲ့တွင် ဧ၀ရတ်တောင်တက်ရန် အထူး လေ့ကျင့်ထားသော ထူးဖောင်ဒေးရှင်းမှ ကိုရဲမင်းသူ၊ ကိုစိုင်းကျော်ဝဏ္ဏစိုး၊ ကိုစိုင်းကျော်သူထွေး၊ ဦးနမားဂျွန်ဆင်၊ ဦးအန်းကော နှင့် ဒေသခံ တိုင်းရင်းသား ပစ္စည်းသယ်ပိုးပေးသူများ ပါဝင်ပါသည်။
ထူးဖောင်ဒေးရှင်းမှ B3 ရဟတ်ယာဉ် ၂ စင်း၊ ထိုင်းနိုင်ငံ Advance Aviation မှ B4 ရဟတ်ယာဉ် တစ်စင်း၊ တပ်မတော်လေ မှ MI 17 ရဟတ်ယာဉ် တစ်စင်း တို့ဖြင့် ထူးကုမ္ပဏီမှ လေယာဉ်မှူးများ ဖြစ်ကြသော ကပ္ပတိန်ထွန်းလွင်နှင့် ကပ္ပတိန် ရဲမြင့် တို့သည် ထိုင်းနိုင်ငံနှင့် နီပေါနိုင်ငံတို့မှ ရဟတ်ယာဉ်မှူးများနှင့်အတူ ရာသီဥတု အနေအထားကို ကြည့်ပြီး ရှာဖွေရေးနှင့် ထောက်ပံ့ပို့ဆောင်ရေးများကို လုပ်ဆောင်လျက် ရှိပါသည်။

Htoo Foundation

Read More

တရုတ်နိုင်ငံ ရှင်ကျန်းဒေသတွင် ပေါက်ကွဲမှုများဖြစ်ပွားပြီး နှစ်ဦး သေဆုံး

တရုတ်နိုင်ငံ အနောက်ဖျားပိုင်း ရှင်ကျန်းဒေသတွင် စက်တင်ဘာ ၂၂ ရက်က ဖြစ်ပွားခဲ့သည့် ပေါက်ကွဲမှုများကြောင့် နှစ်ဦးသေဆုံးကာ အများအပြား ဒဏ်ရာရသွားကြောင်း ဒေသဆိုင်ရာ အစိုးရက ထုတ်ပြန်ခဲ့သည်။

ရှန်ကျင်းဒေသတောင်ပိုင်း လန်တေးစီရင်စုရှိ ဈေးတစ်ခုအပါအ၀င် သုံးနေရာထက်မနည်းတွင် ပေါက်ကွဲမှုများဖြစ်ပွားခဲ့ကြောင်း ရှင်ကျန်းအစိုးရ၏ Tianshan ၀က်ဘ်ဆိုက်တွင် ဖော်ပြထားသည်။

ပေါက်ကွဲမှုဖြစ်ပွားရသည့် အကြောင်းရင်းနှင့် ထိခိုက်ဒဏ်ရရသူအရေအတွက် အတိအကျကို အဆိုပါ သတင်းတွင် ဖော်ပြမထားပေ။

ဝီဂါမွတ်စလင်အများစုနေထိုင်သည့် ရှင်ကျန်းဒေသတွင် ဒေသခံများနှင့် လုံခြုံရေးတပ်ဖွဲ့များအကြား တိုက်ခိုက်မှုများနှင့် အရပ်သားများကို ပစ်မှတ်ထား တိုက်ခိုက်ခံရမှုများကြောင့် ယမန်နှစ်အတွင်းက သေဆုံးသူ ၂၀၀ အထိရှိခဲ့သည်။

အဆိုပါ တိုက်ခိုက်မှုများကို ခွဲထွက်ရေးတောင်းဆိုနေသော အကြမ်းဖက်သမားများက ပြုလုပ်ကြောင်း တရုတ်အစိုးရက ပြစ်တင်ထားသော်လည်း ယဉ်ကျေးမှုနှင့် ဘာသာရေးဆိုင်ရာ ကိစ္စများတွင် အစိုးရက ဖိနှိပ်မှုများ ရှိနေသောကြောင့် ၀ီဂါလူမျိုးများ၏ မကျေနပ်မှုများ ဆိုးရွားလာခြင်းဖြစ်ကြောင်း လူ့အခွင့်အရေးအုပ်စုများက ပြောကြားထားသည်။

တိုက်ခိုက်မှုများသည် ရှင်ကျန်းဒေသ အပြင်ဘက်သို့ ယမန်နှစ်မှစတင်၍ ပျံ့နှံ့လာခဲ့သည်။ မေလအတွင်းကလည်း ရှင်ကျန်းဒေသ မြို့တော် ယုံကီးရှိ ဈေးတစ်ခုအတွင်း မေလအတွင်းက တိုက်ခိုက်မှုတစ်ခု ဖြစ်ပွားခဲ့ရာ လူ ၃၀ ထက်မနည်း သေဆုံးခဲ့ပြီး မတ်လအတွင်းက နိုင်ငံအနောက် တောင်ပိုင်း ကူမင်းမြို့ ရထားဘူတာတစ်ခုတွင် ဓားသမားများ၏ တိုက်ခိုက်မှုကြောင့် လူ ၂၉ ဦး သေဆုံးခဲ့သည်။

ယုံကီးမြို့တွင် တိုက်ခိုက်မှုဖြစ်ပွားပြီးနောက် တရုတ်အစိုးရက အကြမ်းဖက်နှိမ်နှင်းရေး အစီအစဉ်များ ပြုလုပ်ခဲ့ရာ သံသယရှိသူ ၁၀၀ ကျော်ကို ဖမ်းဆီးခဲ့သည်။

ကူမင်းမြို့တိုက်ခိုက်မှုတွင် ဖမ်းဆီးခဲ့သူများအနက် စက်တင်ဘာအစောပိုင်းက ၀ီဂါလူမျိုးဖြစ်နိုင်ဖွယ်ရှိသူ သုံးဦးကို  သေဒဏ်ချမှတ်ခဲ့ပြီး တစ်ဦးကို ထောင်ဒဏ်တစ်သက် အပြစ်ပေးခဲ့သည်။

Ref:AFP

Read More

၂၀၁၄-၂၀၁၅ ပညာသင်နှစ်အတွက် ထူးချွန်ဆရာဆု ချီးမြှင့်မည်

ပညာတန်ဆောင်နှင့် တော်ဝင်ဖွံ့ဖြိုးမှုဖောင်ဒေးရှင်းတို့ ပူးပေါင်း၍ ထူးချွန်ဆရာဆု ရွေးချယ်ချီးမြှင့်ခြင်း အစီအစဉ်ကို ၂၀၁၄-၁၅ ပညာသင်နှစ်တွင် ပထမဦးဆုံးအကြိမ်အဖြစ် စတင်ဆောင်ရွက်မည်ဖြစ်ကြောင်း သိရသည်။

၎င်းအစီအစဉ်ကို အခြေခံပညာ ဆရာ၊ ဆရာမများ သင်ကြားမှုအရည်အသွေး မြင့်မားစေရန်နှင့် ဘက်စုံဖွံ့ဖြိုးတိုးတက်စေရန်အတွက်  ပြုလုပ်ခြင်းဖြစ်ပြီး  တိုင်းဒေသကြီးနှင့် ပြည်နယ်အဆင့်အတွက် ထက်/လယ် /မူပြ ရာထူး တစ်ဆင့်လျှင် ပထမဆု ကျပ် ၅ သိန်း၊ ဒုတိယဆု ကျပ် ၃ သိန်းနှင့် တတိယဆု ကျပ် ၂ သိန်းစီအား လည်းကောင်း၊ ဗဟိုအဆင့်အတွက် ထက်/လယ်/မူပြ ရာထူးတစ်ဆင့်လျှင် ပထမဆု ကျပ်သိန်း ၄၀၊ ဒုတိယဆု ကျပ်သိန်း ၂၀ နှင့် တတိယဆု ကျပ် ၁၀ သိန်း အသီးသီးဂုဏ်ပြုချီးမြှင့်မည်ဖြစ်သည်။ ဗဟိုအဆင့်သို့ လာရောက်ယှဉ်ပြိုင်မည့် ထူးချွန်ဆရာ ၅၄ ဦး၏ ကုန်ကျစရိတ်ကို ဗဟိုမှ ချီးမြှင့်မည်ဖြစ်သည်။

အဆင့်အလိုက် ရွေးချယ်ခြင်းအစီအစဉ်ကို ကျောင်းအဆင့်အား အောက်တိုဘာလ ၁၄ ရက်တွင်လည်းကောင်း၊ မြို့နယ်အဆင့်အား  အောက်တိုဘာလ ၃၀ ရက်တွင်လည်းကောင်း၊ တိုင်းဒေသကြီးနှင့် ပြည်နယ် အဆင့်အား နိုဝင်ဘာလ ၂၁ ရက်တွင်လည်းကောင်း၊ ဗဟိုအဆင့်အား ဒီဇင်ဘာလ ၂၂ ရက်တွင်လည်းကောင်း ပြုလုပ်သွားမည် ဖြစ်သည်။

မြို့နယ်အဆင့်နှင့် တိုင်းဒေသကြီး/ပြည်နယ်အဆင့်တို့တွင် ရေးဖြေ၊ နှုတ်ဖြေများကို ပြုလုပ်ရမည်ဖြစ်ပြီး ဗဟိုအဆင့်တွင် ရေးဖြေ၊ နှုတ်ဖြေအပြင် လက်တွေ့သင်ကြားပြသမှုများကိုပါ ပြုလုပ်ရမည်ဖြစ်သည်။ ရေးဖြေ စစ်ဆေးမှုများကို သတ်မှတ်ထားသောရက်များ၏ နံနက် ၁၀ နာရီမှ နေ့လယ် ၁၂ နာရီအထိလည်းကောင်း၊ လူတွေ့နှုတ်ဖြေကို အဆိုပါနေ့ မွန်းလွဲ ၁ နာရီမှ စတင်ကာဖြေဆိုရမည်ဖြစ်သည်။ ဆုရွေးချယ်ချီးမြှင့်ခြင်းနှင့် စပ်လျဉ်းသည့် အသေးစိတ် လုပ်ငန်းအစီအစဉ်ကို သက်ဆိုင်ရာ ဦးစီးဌာနများ၊ တိုင်းဒေသကြီး/ပြည်နယ်/မြို့နယ် ပညာရေးဌာနများသို့ ဆက်လက်ပေးပို့မည်ဖြစ်ပြီး ထပ်မံသိရှိလိုသော အချက်အလက်များအား ထူးချွန်ဆရာဆု ရွေးချယ်ချီးမြှင့်ရေး ဦးစီးကော်မတီ (ပညာတန်ဆောင်အဖွဲ့) ဖုန်း-၅၃၉၇၃၈ သို့ ဆက်သွယ်မေးမြန်းနိုင်မည်ဖြစ်သည်။

Internet Journal

Read More

ကလေးမြို့ နည်းပညာတက္ကသိုလ်မှ ပါမောက္ခချုပ်ကို တာဝန်မှ ယာယီရပ်ဆိုင်းအဖြေလွှာကိုခိုးယူသည့်တရားခံကို ဖော်ထုတ်နိုင်ရန် အထူးရဲတပ်ဖွဲ့ဖြင့် စုံစမ်းစစ်ဆေးမည်

ကလေး မြို့ နည်းပညာတက္ကသိုလ်မှ အဖြေ လွှာကို ခိုးယူသည့် တရားခံအား ဖော်ထုတ်နိုင်ရန် အထူးရဲတပ်ဖွဲ့ဖြင့် စုံစမ်းစစ်ဆေးသွားမည်ဖြစ်ကြောင်း သိရသည်။
အဖြေလွှာများ ခိုးယူသော တရားခံကို ဖော်ထုတ်နိုင်ရန် ကလေး မြို့နယ် ရဲစခန်းမှ မသင်္ကာသူ ကျောင်း သားတချို့အား ခေါ်ယူစစ်ဆေးလျက် ရှိပြီး ယခုကိစ္စကို စုံစမ်းစစ်ဆေးရာ တွင် ကျောင်းသားများ ပါဝင်နေ သဖြင့် တခြားတရားခံများ စစ်ဆေး သည့်ပုံစံများအတိုင်း စစ်ဆေး၍မရ သည့်အတွက် အထူးရဲတပ်ဖွဲ့များဖြင့် စုံစမ်းစစ်ဆေးမည်ဖြစ်ကြောင်း ကလေး မြို့နယ်ရဲစခန်းမှ သိရသည်။
''အခုကိစ္စက ကျောင်းသားတွေ ပါတော့ တခြားတရားခံတွေလိုစစ်လို့ မရဘူး။ ဒါကြောင့် နေပြည်တော်က အထူးရဲတပ်ဖွဲ့သုံးဦး လွှတ်လိုက် တာ ၂၁ရက်နေ့ရောက်တယ်။ သူတို့ က ဒီကိစ္စကိုပဲ ဇောက်ချစုံစမ်းသွား မယ်။ ဒီကိစ္စက ကျောင်းလုံခြုံရေး အား နည်းတာကို အခွင့်ကောင်းယူသွား တာလို့ မှတ်ချက်ပေးလို့ရတယ်''ဟု ကလေးမြို့နယ်ရဲမှူး ဦးမြင့်စိုးက ပြောသည်။
ယင်းကဲ့သို့ အဖြေလွှာများ အခိုး ခံခဲ့ရခြင်းမှာ စက်တင်ဘာ ၁၇ရက် ညပိုင်းကဖြစ်ပြီး ခိုးယူသူမှာ ယင်း အဖြေလွှာများကို ရေထဲသို့ မျှောခဲ့ ကြောင်း၊ အဖြေလွှာထုပ် နှစ်ထုပ် တွင် အဖြေလွှာ ငါးဆယ်ခန့်ရှိ ကြောင်း ကလေးမြို့ နည်းပညာ တက္ကသိုလ်မှ သိရသည်။
ကလေးမြို့ နည်းပညာတက္က သိုလ်တွင် မြို့ပြအင်ဂျင်နီယာ၊ စက်မှု အင်ဂျင်နီယာ၊ လျှပ်စစ်စွမ်းအားအင် ဂျင်နီယာနှင့် လျှပ်စစ်ဆက်သွယ်ရေး အင်ဂျင်နီယာ ဘာသာရပ် စသည့် ပညာရပ်များကို သင်ကြားနေခြင်း ဖြစ်သည်။
''ဒီကိစ္စကို ကျောင်းသားတွေ နစ်နာမှုမရှိအောင် အဆင်ပြေအောင် ဆောင်ရွက် ပေးသွားမှာဖြစ်ပါတယ်'' ဟု စက်မှုနှင့် သက်မွေးပညာဦးစီး ဌာနမှ ညွှန်ကြားရေးမှူးချုပ် ဒေါက် တာဇော်ဝင်းက ပြောသည်။
အဆိုပါကျောင်းဝင်းအတွင်းသို့ ကျောင်းသူ၊ ကျောင်းသားများမှာ အစစ်အဆေး အမေးအမြန်းမရှိ ဝင် ထွက် သွားလာနိုင်ကြောင်းနှင့် စာ မေးပွဲမတိုင်ခင်နှင့် ဖြေဆိုချိန် အချိန် များတွင် ကျောင်းအနီးရှိ သာယာဝတီ ရွာတွင်နေထိုင်သည့် အဆောင်နေ ကျောင်းသားအချို့သည် ညအချိန်၌ ပင် သုံးထပ်ကျောင်းဆောင် အတွင်း စာကျက်ကြသည်များ ရှိကြောင်း ကလေးမြို့ နည်းပညာတက္ကသိုလ် ကျောင်းသားတစ်ဦးက ပြောသည်။
ယင်းအပြင် လတ်တလောတွင် ရေးသားဖော်ပြမှုများ ရှိနေသည့် ကလေး နည်းပညာတက္ကသိုလ်မှ အဖြေ လွှာပျောက်ဆုံးသွားသည့် ကျောင်းသား များအား ဂုဏ်ထူးမှတ်ပေးလိုက်သည် ဆိုခြင်းမှာ မမှန်ကန်ကြောင်း သိပ္ပံ နှင့် နည်းပညာဝန်ကြီးဌာန ဒုတိယ ဝန်ကြီး ဒေါက်တာဘရွှေကလည်း ပြောကြားလိုက်သည်။
အဆိုပါကိစ္စကို ဖြေရှင်းရန် သိပ္ပံ နှင့် နည်းပညာဝန်ကြီးဌာနမှ ဒုတိယ ဝန်ကြီး ဒေါက်တာဘရွှေ၊ စက်မှု သက်မွေးပညာဦးစီးဌာနညွှန်ကြား ရေးမှူးတို့က စက်တင်ဘာ ၂ဝရက် တွင် ယင်းကျောင်းသို့ ရောက်ရှိကာ ကျောင်းသားများ၊ ကျောင်းအာဏာ ပိုင်အဖွဲ့အစည်းများဖြင့် တွေ့ဆုံညှိနှိုင်း မှုများ ပြုလုပ်ခဲ့ရာ ကျောင်းသားများ မှ စာမေးပွဲပြန်လည်မဖြေဆိုလိုသည့် ကိစ္စကို လက်ခံကြောင်း၊ ယင်းတို့အ တွက် ကျောင်းပညာရေးအဖွဲ့မှ နစ် နာမှုမရှိစေရန် ဆက်လက်ဆောင်ရွက် ပေးလိမ့်မည်ဖြစ်ကြောင်း သိရသည်။
''ဂုဏ်ထူးမှတ်နဲ့ အအောင်ပေး မယ်ဆိုတာက မှန်းဆပြောဆိုနေတာ တွေ ဖြစ်ပါလိမ့်မယ်''ဟု ဒုတိယ ဝန်ကြီး ဒေါက်တာဘရွှေက ပြော ကြားသည်။
နည်းပညာတက္ကသိုလ်များ၏စာမေးပွဲစနစ်မှာ ပထမနှစ်ဝက် အ မှတ်၎ဝ၊ ဒုတိယနှစ်ဝက်အမှတ် ၄ဝ နှင့် လက်တွေ့အတွက် အမှတ် ၂ဝဖိုး သုံးခုပေါင်းစပ်ပြီးမှ နောက်ဆုံးအောင် စာရင်းကို ထုတ်ပြန်ကြောင်း၊ ပျောက် ဆုံးသွားသည့် စာမေးပွဲအဖြေလွှာ ပိုင်ရှင်ကျောင်းသားများ မနစ်နာစေ ရန်သာ ကျောင်းပညာရေးအဖွဲ့မှ အကောင်းဆုံးဖြစ်ရန် ဆောင်ရွက် ပေးသွားမည်ဖြစ်ကြောင်း၊ ယင်းကိစ္စ ကို ကျောင်းသားများမှလည်း လက်ခံ ကြောင်း သိရသည်။
''ဒီလိုကိစ္စဖြစ်လာပြီဆိုရင် သက် ဆိုင်ရာကျောင်းရဲ့ အုပ်ချုပ်သူကို အ ရေးယူလို့ရတယ်။ တာဝန်က ရပ် ဆိုင်းထားတယ်ဆိုတာက ထုတ်ပယ် လိုက်တာမဟုတ်ပါဘူး။ သူ့ကို ခဏ ဒီတာဝန်ပေးမထားဘဲ သူ့နေရာမှာ အခြားတစ်ယောက်ကို တာဝန်ပေးထား ရပါတယ်။ အစိုးရဝန်ကြီးဌာနရဲ့ လုပ်ထုံးလုပ်နည်းမှာ ဒီလိုပဲ ရှိပါ တယ်။ ဒါပေမဲ့ သူ့ရဲ့စီမံခန့်ခွဲမှု ကြောင့် ဖြစ်တာဆိုရင်တော့ အုပ် ချုပ်မှုသဘောအရ အရေးယူမှုရှိလာ မှာပါ'' ဟု ဒေါက်တာဘရွှေက ဆက် လက်ပြောကြားသည်။
ယင်းကိစ္စနှင့်ပတ်သက်ပြီးကလေး မြို့နယ် နည်းပညာတက္ကသိုလ်မှ တာ ဝန်ရှိသူများထံ စုံစမ်းမေးမြန်းသော် လည်း ဆက်သွယ်၍မရခဲ့ပေ။
''ဒီကိစ္စနဲ့ပတ်သက်ပြီး ဝန်ကြီး ဌာနက ဝင်ရောက်စွက်ဖက်မှုလုပ်မှာ မဟုတ်ပါဘူး။ ညှိနှိုင်းပေးရုံပဲ လုပ် မှာပါ။ ကျန်တဲ့အပိုင်းကတော့ ကျောင်း ပညာရေးအဖွဲ့ကပဲ ဆောင်ရွက်ပါလိမ့် မယ်''ဟု ဒေါက်တာဘရွှေက ဆိုသည်။
အဆိုပါကိစ္စရပ်နှင့်စပ်လျဉ်း၍ ကျောင်းသားများအနေဖြင့် ယင်းတို့ ၏အမှားမဟုတ်ခြင်းကြောင့် စာမေး ပွဲ ပြန်လည်ဖြေဆိုမည်မဟုတ်ကြောင်း လည်း စက်တင်ဘာ ၁၈ရက်က သဘောထားကြေညာချက် ထုတ် ပြန်ခဲ့သည်။
ကလေးမြို့နည်းပညာတက္ကသိုလ် တွင် အထက်ချင်းတွင်းဒေသများ ဖြစ်သည့် ဟုမ္မလင်း၊ မော်လိုက်၊ ဖောင်း ပြင်၊ ခန္တီးနှင့် ချင်းပြည်နယ်မှ ကျောင်း သားစုစုပေါင်း တစ်ထောင်ခန့် ပညာ သင်ကြားနေခြင်းဖြစ်သည်။
ကျောင်း လုံခြုံရေးအစောင့်အရှောက် နည်း သော်လည်း ယခုကဲ့သို့ ပျောက်ဆုံး ခြင်းမှာ ကျောင်းသက်တမ်းတစ် လျှောက် ပထမဆုံးအကြိမ်ဖြစ်ကြောင်း သိရသည်။

‪‎Democracytoday‬

Read More

ငြိမ်းချမ်းရေးနေ့တွင် အစိုးရထံ ပြည်သူများက အချက်ငါးချက် တောင်းဆို

ပင်လုံစိတ်ဓာတ်ကိုအ ခြေခံသည့်အင်အားစုအားလုံးပါ ၀င်သော နိုင်ငံရေးဆွေးနွေးပွဲများ မဖြစ်မနေကျင်းပရန်နှင့် လူမျိုး ရေး၊ ဘာသာရေးပဋိပက္ခများ၊အ ကြမ်းဖက်မှုများမပေါ်ပေါက်စေ ရန် အစိုးရအနေဖြင့် တာဝန်ယူမှု ရှိစွာ တရားဥပဒေစိုးမိုးရေးကိုအ ကောင်အထည်ဖော်ဆောင်ရွက် ပေးရန်အပါအ၀င် အချက်ငါး ချက်ကို အရပ်ဘက်လူမှုအဖွဲ့အ စည်းများနှင့် နိုင်ငံရေးအင်အားစု များကအပြည်ပြည်ဆိုင်ရာငြိမ်း ချမ်းရေးနေ့တွင် ကြေညာချက် ထုတ်ပြန်တောင်းဆိုလိုက်သည်။

ပြည်တွင်းစစ်ဖြစ်ပွားနေခဲ့ သည်မှာ နှစ်ပေါင်းခြောက်ဆယ် ကျော်ကြာမြင့်ခဲ့ပြီဖြစ်ပြီး မကြာ သေးမီကလည်း လူမျိုးရေး၊ဘာ သာရေးကိုအခြေခံသည့် ပဋိပက္ခ များ၊ အကြမ်းဖက်မှုများပေါ်ပေါက် ခဲ့၍ ပြည်သူလူထု၏အသက်အိုး အိမ်၊ စည်းစိမ်များထိခိုက်ဆုံးရှုံး  ကာ ရုပ်ပိုင်းနှင့် စိတ်ပိုင်းဆိုင်ရာ လုံခြုံမှုများကင်းမဲ့ခဲ့ရသည်။ ယင်း အတွက်ကြောင့် ငြိမ်းချမ်းရေး ကို လိုလားသော လူငယ်များ၊ ကျောင်းသားအဖွဲ့အစည်းများ၊ နိုင်ငံရေးတက်ကြွလှုပ်ရှားသူများ နှင့် အရပ်ဘက်လူမှုအဖွဲ့အစည်း များက အပြည်ပြည်ဆိုင်ရာငြိမ်း ချမ်းရေးနေ့ဖြစ်သော စက်တင် ဘာ ၂၁ ရက်တွင် လေးလေးနက် နက် ကြေညာချက်ထုတ်ပြန် တောင်းဆိုခြင်းဖြစ်သည်ဟု ဆို သည်။

ငြိမ်းချမ်းရေးလိုလားသော တက်ကြွလှုပ်ရှားသူများကပင်လုံ စိတ်ဓာတ်ကိုအခြေခံသော ပွင့် လင်းမြင်သာ၍ အင်အားစုအား လုံးပါဝင်သည့်နိုင်ငံရေးဆွေးနွေး ပွဲများမဖြစ်မနေကျင်းပရန်၊တိုင်း ရင်းသားလက်နက်ကိုင်တော်လှန် ရေးအင်အားစုများ၊တပ်မတော် နှင့် အစိုးရကြားဆောင်ရွက်နေ သော ငြိမ်းချမ်းရေးလုပ်ငန်းစဉ် များကို ပိုမိုပွင့်လင်းမြင်သာမှုရှိ အောင် ပြုလုပ်ဆောင်ရွက်ပေးရန် တောင်းဆိုခဲ့သည်။

‘‘အပစ်အခတ်ရပ်စဲလောက် ရုံနဲ့တော့ ကျွန်မတို့လိုချင်တဲ့စစ် မှန်တဲ့ ငြိမ်းချမ်းရေးရမှာမဟုတ်ပါ ဘူး။ ကျွန်မတို့အားလုံးလိုချင်တဲ့  စစ်မှန်တဲ့ ငြိမ်းချမ်းရေးထာဝရ တည်တံ့ခိုင်မြဲဖို့ဆိုတာ ဖက်ဒရယ်ပြည်ထောင်စုကြီးဖြစ်မှသာလျှင် စစ်မှန်တဲ့ ငြိမ်းချမ်းရေးရရှိမှာဖြစ် ပါတယ်’’ဟု Generation Waveမှ မအိအိမိုးကပြောသည်။

ငြိမ်းချမ်းရေးတက်ကြွလှုပ် ရှားသူများက တိုင်းရင်းသားပြည် သူများငြိမ်းချမ်းစွာယှဉ်တွဲနေထိုင် ရေးအတွက်အမျိုးသားတန်းတူ ခွင့်၊ ကိုယ်ပိုင်ပြဋ္ဌာန်းခွင့်နှင့်တရား မျှတသောဒီမိုကရက်တစ်ဖက်ဒ ရယ်ပြည်ထောင်စုပေါ်ပေါက်လာ စေရန် တောင်းဆိုခဲ့သည်။

ထို့အပြင် ပြည်သူများကြား ရုပ်ပိုင်းနှင့်စိတ်ပိုင်းဆိုင်ရာလုံခြုံမှု ကင်းမဲ့သော ပဋိပက္ခများ၊အကြမ်း ဖက်မှုများမပေါ်ပေါက်စေရန် အ စိုးရအနေဖြင့် တာဝန်ယူမှု၊ တာဝန်ခံမှုရှိစွာဖြင့် တရားဥပဒေစိုးမိုးရေးကို အကောင်အထည်ဖော် ဆောင်ရွက်ပေးရန် ကြေညာချက်တွင် ဖော်ပြထားသည်။

အပြည်ပြည်ဆိုင်ရာ ငြိမ်း ချမ်းရေးနေ့တွင် ငြိမ်းချမ်းရေးနှင့်ပတ်သက်သည့် လှုပ်ရှားမှုများကို ရန်ကုန်မြို့အနှံ့တွင် ပြုလုပ်ခဲ့ကြသည်။

7 Day Daily

Read More

ရာသီဥတုဆိုးရွားမှုကြောင့် ပျောက်ဆုံးတောင်တက်သမားများကို လေကြောင်းမှရှာရန် အခက်အခဲဖြစ်နေ

ခါကာဘိုရာဇီတောင်၏ ဆိုးရွားသော ရာသီဥတုအခြေ အနေကြောင့် ပျောက်ဆုံးသွားသော တောင်တက်သမားများအား လေကြောင်းမှရှာ ဖွေရန် အခက်အခဲများဖြင့် ကြုံတွေ့နေရကြောင်း ထူးဖောင်ဒေးရှင်းမှ သိရသည်။

ပျောက်ဆုံးနေသော တောင်တက်သမားများကို B3 ရဟတ်ယာဉ်နှစ်စင်း ဖြင့် ရှာဖွေမှုများ ပြုလုပ်လျက်ရှိသော်လည်း ပြင်းထန်စွာ မိုးရွာသွန်းခြင်း၊ လေပြင်း တိုက်ခြင်း စသည့် ရာသီဥတုအခြေအနေများကြောင့် ပျံသန်းနိုင်သော သတ်မှတ်အ မြင့်ပေအထိ ပျံသန်းနိုင်ခြင်းမရှိဘဲ လေကြောင်းဖြင့် ရှာဖွေရေးလုပ်ငန်းမှာ တွင်ကျယ် မှုမရှိကြောင်း ထူးဖောင်ဒေးရှင်းမှ ပြန်ကြားရေးတာဝန်ခံ ကိုဖြိုးကိုကိုကပြောသည်။

''ဒီနေ့ မွန်းလွဲ ၁ နာရီက စရှာပေမယ့် ရုတ်တရက် မိုးတွေအရမ်းရွာလာ လို့ ရဟတ်ယာဉ်နှစ်စင်းစလုံး ရပ်ထားရတယ်။ ရှာဖွေရေးကိုတော့ မတွေ့မချင်း လုပ် သွားမှာပါ''ဟု ပြန်ကြားရေးတာဝန်ခံ ကိုဖြိုးကိုကိုက စက်တင်ဘာ ၂ဝ ရက်တွင် ပြော သည်။

အဆိုပါတောင်တက်သမားနှစ်ဦး၏ ပျောက်ဆုံးချိန်မှာ လက်ရှိအချိန်တွင် ရက် ၂ဝ ခန့် ကြာမြင့်ပြီရှိသော်လည်း အဆိုပါနှစ်ဦးနှင့်ပတ်သက်သည့် သတင်းအချက် အလက် တစ်စုံတစ်ရာ ရှာဖွေတွေ့ရှိခြင်း မရှိသေးပေ။

အဆိုပါ ပျောက်ဆုံးနေသော တောင်တက်သမားနှစ်ဦးအား ရှာဖွေရန် လက်ရှိအချိန်တွင် မြန်မာနိုင်ငံအပါအဝင် နိုင်ငံပေါင်းခြောက်နိုင်ငံမှ ပူးပေါင်းရှာ ဖွေလျက်ရှိပြီး စုစုပေါင်း ရဟတ်ယာဉ်လေးစင်း အသုံးပြုကာ ရှာဖွေလျက်ရှိသည်။

TheFlowerNews

Read More

ဘီယွန်ဆေးရဲ့ဘီကီနီပုံမှာ ဘာကိုပြုပြင်ထားသလဲ

သရုပ်ဆောင် အဆိုတော် Beyonce ရဲ့ ဓာတ်ပုံထဲ ပေါင်တံတွေ  သွယ်လျလျဖြစ်အောင် ပြုပြင်ထားတယ်လို့ ဆိုပါတယ်။

 Beyonce ရဲ့ အင်တာနက်စာမျက်နှာမှာ တင်လိုက်တဲ့  မြွေအရေခွံဒီဇိုင်း ဘီကီဝတ်ဓာတ်ပုံကို ကြည့်ပြီး အဲဒီလို ဆိုနေကြခြင်းပါ။

လှေခါးကနေ ခပ်ပြုံးပြုံးလေး ဆင်းလာတဲ့ဒီပုံမှာ သူ့ပေါင်အတွင်းသား ခပ်ပါးပါး ထွင်းထားတာကတော့ သိသိသာသာပါပဲ။

နောက်ခံ လှေခါးထစ်က ပုံစံပျက်နေပါတယ်။

ပေါင်သားကို ထွင်းထားတာ မဟုတ်ဘူး ဆိုရင်တော့ လှေခါးထစ်တပ်ဆင်တဲ့လက်သမားတွေ အသုံးမကျတာပဲ ဖြစ်ပါလိမ့်မယ်။

လက်သမားတွေ အပြစ်မရှိဘူး ဆိုရင်တော့ ဓာတ်ပုံကို ပြုပြင်တဲ့ငနဲ သို့မဟုတ် ငနဲမ သောက်သုံးမကျဘူးလို့ ဆိုရမယ်။

သန်းကြွယ်သူဌေးဖြစ်ပြီး အကောင်းစား ကွန်ပြူတာသမား မငှားနိုင်ဘူးလားလို့  Beyonce ကို အပြစ်တင်သူတောင် ရှိလာနိုင်ပါတယ်။

သူက ပြီးခဲ့တဲ့ရက်ပိုင်းအတွင်း အသက် ၃၃ နှစ် ပြည့်သွားပါပြီ။

လူမည်း ဂီတသမားတွေထဲမှာတော့ ကြေးအများဆုံး ရသူပါပဲ။
Time ကလည်း သူ့ကို ပြီးခဲ့တဲ့နှစ်ရော ဒီနှစ်ရော ကမ္ဘာ့ သြဇာအကြီးဆုံး ၁ဝဝ စာရင်းထဲ ထည့်ထားတာပါ။

အနောက်ကမ္ဘာမှာ လူကြိုက်များတဲ့ သရုပ်ဆောင် အဆိုတော် Beyonce ဓာတ်ပုံထဲက ပေါင်တံ ပြုပြင်လို့ လူမိတာ ဒါ ဒုတိယအကြိမ်ဖြစ်ပါလိမ့်မယ်။

သူ့ရဲ့ကိုယ်နေဟန်ထားကြည့်ရတာ ဝဝဖိုင့်ဖိုင့် မဟုတ်ပါဘူး။ ပေါင်တံသွယ်သွယ် ဖြစ်ချင်တယ် ဆိုတော့ လူအများအပြားက ပေါင်တံသွယ်သွယ်မှ နှစ်သစ်ကြတယ်လို့ ယူဆတာကြောင့် ဖြစ်ပုံရပါတယ်။

ဆံပင်အရောင်ကလည်း ပြင်ဆင်ထားခြင်းပါ။ ရွှေရောင်ဆံပင်ကို ကြိုက်သူ အတော်များနေပါပြီ။

ဒီအဆိုတော်က အဆင်းအသွင်ကို ပြုပြင်ထားပေမယ့် သူ့သီချင်းထဲက သူ့အသံကတော့ အစစ်အမှန်ဖြစ်မယ်လို့ ထင်ရပါတယ်။

ဧရာဝတီ Facebook

Read More