ဆွီဒင် ရေပိုင်နက်ထဲသို့ ရုရှား ရေငုပ်သင်္ဘောတစ်စီး ကျူးကျော် ဝင်ရောက်ခဲ့ကြောင်း စွပ်စွဲချက်များကို ရုရှား ကာကွယ်ရေး ဝန်ကြီးဌာနက ငြင်းပယ်ခဲ့သည်။
ဆွီဒင်ရေတပ်သည် ကမ်းလွန်ရေပြင် တစ်နေရာတွင် အဝေးမှ ရိုက်ကူးထားသည့် အမျိုးအမည်မသိ ရေငုပ်သင်္ဘောတစ်စီး၏ ပုံရိပ်ကို ပြသခဲ့သည်။ ထို့အပြင် ဆွီဒင်ရေတပ်၏ အပေါ့စား တိုက်သင်္ဘော Visby သည် အောက်တိုဘာ (၁၇)ရက် ကတည်းက နိုင်ငံ၏ ကမ်းလွန်ရေပြင်တွင် ရှာဖွေရေး ခရီးစဉ်တစ်ခု သတ်မှတ် ဆောင်ရွက်ခဲ့သည်။
ဆွီဒင်စစ်ဘက်က မိမိတို့၏ စစ်ဆေးမှုများအရ မူမမှန်သည့် အခြေအနေတစ်ရပ် ဖြစ်ပေါ်ခဲ့သည်ဟု ခိုင်ခိုင်မာမာ ယုံကြည်ရသည့် သက်သေ အထောက်အထားများ ရှိနေကြောင်း ဆိုသည်။ အဆိုပါ အနေအထားက ဘောလ်တစ်ဒေသတွင် နိုင်ငံရေးအရ မယုံသင်္ကာမှုများ တိုးပွားလာစေနိုင်ကြောင်း လေ့လာသူများက မှတ်ချက်ပြုခဲ့သည်။
ဆွီဒင်ရေတပ်က စတော့ခ်ဟုမ်း မြို့တော်အနီး ရေပြင်တွင် တွေ့ရှိလိုက်ရသည့် အရာသည် ရေငုပ်သင်္ဘောတစ်စီး ဖြစ်နိုင်သည်ဟုမူ အတိအလင်း ကြေညာခြင်း မရှိချေ။ သို့သော်လည်း ဆွီဒင်သတင်းစာ တစ်စောင်က ရေတပ်သည် ရုရှားစစ်တပ်က အသုံးပြုသည့် အချက်ပြလှိုင်းတစ်ခုကို ကြားဖြတ် ဖမ်းယူမိခဲ့ကြောင်း ရေးသားခဲ့သောကြောင့် ရုရှားရေငုပ်သင်္ဘောတစ်စီး ဆွီဒင်ရေပိုင်နက်သို့ ကျူးကျော်ခဲ့ခြင်းဟု စွပ်စွဲမှုများ ရှိလာခဲ့သည်။
ဆွီဒင်၏ နောက်တန်း သေနာပတိ အန်ဒါးစ် ဂရန်းစတက်ဒ်ကမူ “လောလောဆယ် စုံစမ်းမှုတွေ လုပ်ဆောင်နေဆဲပါ။ အရင်ကလည်း ဒီရေပြင် ဧရိယာကို တခြား အင်အားကြီး နိုင်ငံတွေက စိတ်ဝင်စားတဲ့ အရိပ်အခြေတွေ မြင်ခဲ့ရဖူးပါတယ်”ဟု ပြောကြားခဲ့သည်။ (၁၉၈၀)ပြည့်လွန်၊ စစ်အေးခေတ် ကာလများက ဆိုဗီယက် ပြည်ထောင်စု၏ ရေငုပ်သင်္ဘောများ ဆွီဒင်ရေပိုင်နက်ထဲ ကျူးကျော်ဝင်ရောက်သဖြင့် လုံခြုံရေး ကဏ္ဍကို အဆင့်မြှင့်တင်ခဲ့ရဖူးသည်။
ပြီးခဲ့သည့်လကလည်း ရုရှား၏ SU-24 တိုက်လေယာဉ် နှစ်စီးသည် ဆွီဒင် လေပိုင်နက်ထဲ ဝင်ရောက်လာသဖြင့် ဆွီဒင်၏ တိုက်လေယာဉ်များ အရေးပေါ် ပျံတက်ခဲ့ရကြောင်း ဆွီဒင် သတင်းစာ Expressen က ဖော်ပြခဲ့ဖူးသည်။ ယခုဖြစ်ရပ်တွင်မူ ရုရှား၏ ရေငုပ်သင်္ဘော တစ်စီးက ဆွီဒင်ရေပိုင်နက်ထဲ ဝင်ရောက်ကြောင်း စွပ်စွဲမှုများကို တာဝန်ရှိသူ တစ်ဦးက ငြင်းဆန်ခဲ့သည်။
မော်စကိုရှိ ရုရှားကာကွယ်ရေးဝန်ကြီးဌာနမှ ပြောရေးဆိုခွင့်ရ ပုဂ္ဂိုလ် တစ်ဦးက “ရုရှားရဲ့ တိုက်သင်္ဘောတွေ၊ ရေငုပ်သင်္ဘောတွေ အားလုံးဟာ သတ်မှတ် အစီအစဉ်တွေအတိုင်း တာဝန် ထမ်းဆောင်နေပါတယ်။ တခြား မူမမှန်တဲ့ ဘယ်လို လုပ်ဆောင်မှုမှ မရှိခဲ့ပါဘူး”ဟု ပြောကြားခဲ့သည်။
ဆွီဒင်ရေတပ်သည် ရေငုပ်သင်္ဘောဖျက် လက်နက်နည်းပညာများ တပ်ဆင်ထားသည့် Visby သင်္ဘောကို ရှာဖွေရေး တာဝန်ဖြင့် စေလွှတ်ထားပြီး မသင်္ကာသည့် ရေပြင် ဧရိယာများတွင် ရဟတ်ယာဉ်များ၊ အခြားရေယာဉ်များ စေလွှတ်ကာ ရေအောက်ကို Scan ဖတ် ရှာဖွေမှုများ ပြုလုပ်နေစေကြောင်း သိရသည်။
_Ref: BBC
