မြန်မာနိုင်ငံ ဂေါက်သီး အဖွဲ့ချုပ် မြန်မာ ပီဂျီအေနှင့် Asian Tour တို့ ပူးပေါင်း၍ ဇေကမ္ဘာ ကုမ္ပဏီ လီမိတက်မှ အဓိကပံ့ပိုး ကူညီမှုဖြင့် ကျင်းပသည့် ၂ဝ၁၃ ဇေကမ္ဘာ မြန်မာအိုးပင်း ဂေါက်သီးရိုက် ပြိုင်ပွဲ ဖွင့်ပွဲ အခမ်းအနားကို ယနေ့ နံနက် ၇ နာရီတွင် မင်္ဂလာဒုံ မြို့နယ်ရှိ ရွိုင်ရယ် မင်္ဂလာဒုံ ဂေါက်ကလပ်၌ ကျင်းပသည်။
ဖွင့်ပွဲတွင် ရှေးဦးစွာ အားကစား ဝန်ကြီးဌာန ပြည်ထောင်စု ဝန်ကြီး ဦးတင့်ဆန်းက အဖွင့်အမှာ စကားပြော ကြားသည်။ ဆက်လက်၍ ဇေကမ္ဘာ ကုမ္ပဏီ လီမိတက် ဥက္ကဋ္ဌ ဒေါက်တာ ခင်ရွှေက အမှာစကား ပြောကြားသည်။ ထို့နောက် Asian Tour ဥက္ကဋ္ဌ ဦးကြည်လှဟန်က ပြိုင်ပွဲနှင့် ပတ်သက်၍ ရှင်းလင်း ပြောကြားသည်။
ယင်းနောက် ပြည်ထောင်စု ဝန်ကြီး ဦးတင့်ဆန်း၊ ဇေကမ္ဘာ ကုမ္ပဏီ လီမိတက် ဥက္ကဋ္ဌ ဒေါက်တာ ခင်ရွှေ၊ လွယ်ဟိန်း ကုမ္ပဏီ လီမိတက် ဥက္ကဋ္ဌ ဒေါက်တာ စိုင်းဆမ်ထွန်းနှင့် Asian Tour ဥက္ကဋ္ဌ ဦးကြည်လှဟန်တို့က ပြိုင်ပွဲကို ဖဲကြိုးဖြတ်၍ ဖွင့်လှစ် ပေးကြပြီး အမှတ် (၁) တီခုံတွင် ဂေါက်သီး ရိုက်၍ ဖွင့်လှစ် ပေးသည်။
ပြိုင်ပွဲကို ဖေဖော်ဝါရီ ၂၄ ရက်အထိ ကျင်းပမည် ဖြစ်ပြီး နိုင်ငံတကာမှ ဂေါက်သီး အကျော်အမော် ၁၂ဝ ကျော်၊ မြန်မာပရို ဂေါက်သီး ကစားသမား ၁၆ ဦး၊ အပျော်တမ်း ဂေါက်သီး ကစားသမား ခြောက်ဦးတို့ ပါဝင်ယှဉ်ပြိုင် ကြမည်ဖြစ်သည်။ ဇေကမ္ဘာ မြန်မာအိုးပင်း ဂေါက်သီးရိုက် ပြိုင်ပွဲ၏ လက်ရှိ ချန်ပီယံ သြစတြေးလျ နိုင်ငံသား ကီရန်ပရတ် အပါအဝင် အာရှမှ နာမည်ကြီး ဂေါက်သီး သမားများ ပါဝင် ယှဉ်ပြိုင်မည် ဖြစ်ကြောင်း သိရသည်။
ရန်ကုန် ဖေဖော်ဝါရီ ၂ဝ
0 comments:
Post a Comment