ဘုံအဆင့်ဆင့် ဆောက်လုပ်ထားသည့် အဆောက်အအုံများ၊ အစိမ်းရောင်မြက်ခင်းတို့ လွှမ်းထားသော နေပြည်တော် လွှတ်တော်ဝင်းကြီးသည် နတ်ပြည်နတ်နန်းလော၊ သို့တည်းမဟုတ် မွန်းတည့်ချိန် ပြင်းထန်လွန်းသည့်
နေအပူရှိန်ကြောင့် ဖြစ်ပေါ်လာသော တံလျှပ်ခိုးများကြား သီးခြား တည်ရှိနေသော ထိုအဆောက်အအုံများသည် ငရဲပြည်လောဟု အမျိုးမျိုး ထင်မှတ်မှားစရာ ရှိသည်။
နေအပူရှိန်ကြောင့် ဖြစ်ပေါ်လာသော တံလျှပ်ခိုးများကြား သီးခြား တည်ရှိနေသော ထိုအဆောက်အအုံများသည် ငရဲပြည်လောဟု အမျိုးမျိုး ထင်မှတ်မှားစရာ ရှိသည်။
အစိမ်းရောင်၊ အနီရောင်၊ အ၀ါရောင် ခြယ်ထားသော လွှတ်တော် အဆောက်အအုံ တစ်ခုအတွင်း သစ်သားစားပွဲကြီးတစ်ခု နောက်တွင် ပင်နီတိုက်ပုံ၊ ကချင် လုံချည်ဝ တ်ဆင်ထားသော အမျိုး သားဒီမိုကရေစီအဖွဲ့ချုပ် (NLD) မှ ပြည်သူ့လွှတ်တော်ကိုယ်စားလှယ် ဦးဘိုဘိုဦးသည် ၎င်း၏ ပြည်သူ့လွှတ်တော်ဆိုင်ရာ နိုင်ငံတကာဆက်ဆံရေးကော်မတီ အတွင်းရေးမှူးတာဝန်ဖြင့် အလုပ်များနေသည်။
သံရုံးဖိတ်ကြားစာများ၊ သံတမန်တို့၏ တွေ့ခွင့်တောင်းဆိုမှုများနှင့် ရင်ဆိုင်နေရသလို ရံဖန်ရံခါ ကော်မတီနှင့် မသက်ဆိုင်သော ကိစ္စရပ်များအကြောင်း ဆွေးနွေးရန် စီးပွားရေးသမားများ၊ စီးပွားရေး အကျိုးဆောင်များ ချဉ်းကပ် လာမှုကိုလည်း ဖြေရှင်းရကြောင်း (၅၂)နှစ်အရွယ် ဦးဘိုဘိုဦးကဆို သည်။
‘‘ကျွန်တော်တို့နဲ့ မဆိုင်တဲ့ ကိစ္စတွေအတွက် ခေါ်တွေ့လို့ ဘာထူးမှာလဲ။ ကျွန်တော်တို့ အလိုလိုက်လို့မရတာလေးတွေ ရှိတာပေါ့လေ။ တစ်ခါတလေလည်း လူမှုရေးအရ ကိုးလိုးကန့်လန့်ဖြစ်ရတယ်’’ဟု သူကဆိုသည်။
လွှတ်တော်သစ်တွင် စစ်အစိုးရခေတ် နိုင်ငံရေးလှုပ်ရှားမှုများကြောင့် ထိန်းသိမ်းခံရသော နိုင်ငံရေးအကျဉ်းသားပေါင်း ရာနှင့်ချီ ပါဝင်ရာ ၎င်းတို့အနက် ဦးဘိုဘိုဦးသည်လည်း တစ်ဦးအပါအ၀င်ဖြစ်သည်။
နိုင်ငံရေးအကျဉ်းသားများ အဖြစ် အမှောင်ခေတ်ကို ဖြတ်သန်းလာပြီး အာဏာနှင့်လုပ်ပိုင်ခွင့်များ ရရှိလာသည့် ယခုအချိန်တွင် ထိုအရာများ၏ ဖျက်ဆီးမှုကို မခံရရန် ဆင်ခြင်ရသည်မှာ စိန်ခေါ်မှုတစ်ခုဖြစ်ကြောင်း သူကဆို သည်။
‘‘အကောင်းလောကဓံတွေ လာနေပြီ။ ခံနိုင်ဖို့ အရေးကြီးတယ်’’ဟု သူက Myanmar Now နှင့် နေပြည်တော်တွင် မကြာသေးမီက တွေ့ဆုံစဉ်ပြောသည်။
၂၀၁၅ ရွေးကောက်ပွဲတွင် NLD အနိုင်ရခဲ့သည့် ရလဒ်အဖြစ် ဒီမိုကရေစီနည်းကျ ရွေးချယ်သည့် အရပ်သားအစိုးရသစ် ပေါ်ထွက်လာ၏။ သို့တိုင် တစ်ဖက်တွင် ဖွဲ့စည်းပုံအခြေခံ ဥပဒေအရနိုင်ငံရေး၊ အုပ်ချုပ်ရေး၌ စစ်တပ်က ဆက်လက် လွှမ်းမိုးထားဆဲ ဖြစ်သော်ငြား ဒီမိုကရေစီကူးပြောင်းမှုတွင် ပါဝင်လှုပ်ရှားခဲ့သူ အချို့ကတော့ စစ်အာဏာရှင်ခေတ် အမှောင်ကာလကြီး လွန်မြောက်၍ တိုင်းပြည်အနာဂတ် ဆက်လက် တိုးတက်လိမ့်မည်ဟု
မျှော်လင့်နေကြသည်။
မျှော်လင့်နေကြသည်။
‘‘တဖြည်းဖြည်းနဲ့တော့ ဆက်ပြီး ပြောင်းနေမှာပါပဲ။ ကျွန်တော် ကတော့ တိုင်းပြည်အတွက် အကောင်းမြင်တဲ့စိတ် အပြည့်ရှိတယ်’’ ဟု ဦးဘိုဘိုဦးကဆိုသည်။
အမှောင်ခေတ်မှ အလင်းခေတ်
စစ်အာဏာရှင်ခေတ် လူငယ်များစွာတို့ နိုင်ငံရေးလှုပ်ရှားမှု များကြောင့် အကျဉ်းချခံခဲ့ရပြီး၎င်း တို့အနက် အချို့သောသူတို့မှာ လူ့ဘ၀၏ အတက်ကြွဆုံးအရွယ် များကို သံတိုင်များနောက်တွင် ကုန်လွန်ခဲ့ကြရသည်။
ရန်ကုန်မြို့၏ ချမ်းသာသော မိသားစုတစ်ခုတွင် ကြီးပြင်းလာသော ဦးဘိုဘိုဦးလည်း ထိုအုပ်စုထဲတွင် အပါအ၀င်ဖြစ်သည်။ ရန်ကုန်တက္ကသိုလ်တွင် အင်္ဂလိပ်စာအထူးပြု နောက်ဆုံးနှစ် တက်ရောက်နေစဉ် သူသည် ၁၉၈၈ ဒီမိုကရေစီ အရေးတော်ပုံကြီး၌ ပါဝင်ခဲ့ပြီး နောက်တစ်နှစ်အကြာတွင် ဖမ်းဆီးထိန်းသိမ်းခံခဲ့ရသည်။
‘‘ဖြစ်ချင်ခဲ့တာကတော့ အောင်မြင်တဲ့ စီးပွားရေးသမား တစ်ယောက်ပဲ။ ဒါပေမဲ့ ဒီမိုကရေစီ နဲ့ လူ့အခွင့်အရေးအတွက် နိုင်ငံရေးမှာ ပါဝင်ခဲ့တာပေါ့’’ဟု သူက ဆိုသည်။
သူ၏လူငယ်ဘ၀မှာ ရန်ကုန်ရှိ အင်းစိန်ထောင်၊ စစ်အစိုးရခေတ် နိုင်ငံရေးအကျဉ်းသားများကို အနှိပ်စက်ဆုံး အကျဉ်းထောင်တစ်ခုဟု ဆိုစမှတ်ပြုသော မြင်းခြံ ထောင်တို့တွင် ကုန်ဆုံးခဲ့ရသည်။
ထိုမြင်းခြံထောင်တွင်ထောင် အာဏာပိုင်တို့က စည်းကမ်းထိန်း၊ တန်းစီးစသော ရာထူးများ၌ မုဒိမ်းလူသတ်မှုများဖြင့် အကျဉ်းကျနေ သော ရာဇ၀တ်သားတို့အား ခန့်အပ်ပြီး နိုင်ငံရေးအကျဉ်းသားများကို မျက်ခြည်မပြတ်
စောင့်ကြည့်စေခဲ့ပြီး မထင်ရင်မထင်သလို ရိုက်နှက်၏ဟူသော နာမည်ဆိုးများ ယခုတိုင်ပြောစမှတ်ရှိသည်။
စောင့်ကြည့်စေခဲ့ပြီး မထင်ရင်မထင်သလို ရိုက်နှက်၏ဟူသော နာမည်ဆိုးများ ယခုတိုင်ပြောစမှတ်ရှိသည်။
ဦးဘိုဘိုဦး အဖမ်းခံရစဉ်က အသက်(၂၆)နှစ်ရှိပြီး ပြန်လည် လွတ်မြောက်လာသော ၂၀၀၉တွင် အသက်(၄၆)နှစ် ရှိပြီဖြစ်၏။
နှစ်ပေါင်း ၂၀ ကျော် ထောင်နန်းစံခဲ့သော အချိန်များတွင် အစာရေစာ မလုံလောက်ခြင်း၊ အကျဉ်းခန်းအတွင်း တစ်နေကုန် လှောင်ပိတ်ခံထားရခြင်း၊ ကျန်း မာရေးစောင့်ရှောက်မှု လုံလောက်စွာ မရှိခြင်း စသည့်ဒုက္ခများ လွန်မြောက်၍ မြန်မာ့နိုင်ငံရေး အပြောင်းအလဲ ယခုကဲ့သို့ ဖြစ်လာမည်ဟု ဘယ်သောအခါမျှ မမျှော် လင့်မိခဲ့ကြောင်း၊ သို့သော် မြန်မာပြည်သည် ကောင်းသည့်ဘက်သို့ ရောက်ရှိလာမည်ကို အမြဲယုံကြည်ခဲ့ကြောင်း ဦးဘိုဘိုဦးက ဆိုသည်။
‘‘ခဏခဏ ကျွန်တော်အမေးခံရတယ်။ အခုလို မြန်မာ့နိုင်ငံရေး အခြေအနေ ပြောင်းလဲတာရော၊ ကျွန်တော် လွှတ်တော်အမတ်ဖြစ် လာတယ် ဆိုတာရော ဒါတွေဖြစ်လာမယ်လို့ အရင်က မျှော်လင့်ဖူးသလားလို့။ ကျွန်တော်တော့ တစ်ခါမှ ဒါတွေဖြစ်လာမယ်လို့ တကယ့်ကို မတွေးမိဘူးဗျ’’ဟု သူက ဆိုသည်။
၁၉၉၀ ပြည့်လွန် နှောင်းပိုင်း ကာလ လေတပ်ဦးစီးချုပ်ဖြစ်လာမည့် အဆင့်မြင့်စစ်အရာရှိတစ်ဦး၏ သမီးဖြစ်သူ သူ၏ဇနီးက သူ အကျဉ်းကျနေစဉ် ကာလအတွင်း သူ့ကို ကွာရှင်းခဲ့သည်။ သူထောင်မှ မလွတ်မီ နှစ်အနည်းငယ်
အလိုတွင် သူ၏ဖခင်လည်း ကွယ်လွန်ခဲ့သည်။
အလိုတွင် သူ၏ဖခင်လည်း ကွယ်လွန်ခဲ့သည်။
သူ့ဇနီးက သူ့အား စွန့်ခွာခဲ့ပုံ နှင့်ပတ်သက်၍ မေးမြန်းရာ ‘‘ဒါဟာ တော်တော်ဆိုးတဲ့ အတွေ့အ ကြုံပါပဲ’’ဟု သူကဆိုပြီး အသေးစိတ်ကို ရှင်းပြရန် ငြင်းပယ်ခဲ့သည်။
၂၀၀၉ တွင် သူလွတ်မြောက် လာပြီးနောက် ဘ၀သစ်တစ်ခုကို လျင်မြန်စွာ တည်ဆောက်လိုက် သည်။ သူနှင့်အတူ တစ်နေ့တည်း မြန်မာနိုင်ငံအထက်ပိုင်း မြင်းခြံထောင်မှ လွတ်မြောက်လာသူ နိုင်ငံရေး အကျဉ်းသူ မခင်မိုးအေးနှင့် မကြာမီ လက်ထပ်ပြီး မိုးခအမည်ရ ပန်းချီပြခန်းတစ်ခုကိုလည်း ရန်ကုန်မြို့တွင် ဖွင့်လှစ်ခဲ့သည်။
ထို့နောက်တွင် NLD သို့ ၀င် ရောက်၍ နိုင်ငံရေးလောကကို တစ်ဖန်ခြေစုံပစ်ဝင်ပြီး ၂၀၁၂ကြားဖြတ်ရွေးကောက်ပွဲ မဲဆွယ် လှုပ်ရှားမှုများ၊ ပါတီလှုပ်ရှားမှု များတွင် ရန်ကုန်တိုင်းပါတီစည်း ကမ်းထိန်းသိမ်းရေး ကော်မတီ
အဖွဲ့ဝင်အဖြစ်လည်းကောင်း၊ စမ်း ချောင်းမြို့နယ် NLD ဒုဥက္ကဋ္ဌအဖြစ် လည်းကောင်း တက်ကြွစွာပါဝင် လုပ်ဆောင်ခဲ့သည်။
အဖွဲ့ဝင်အဖြစ်လည်းကောင်း၊ စမ်း ချောင်းမြို့နယ် NLD ဒုဥက္ကဋ္ဌအဖြစ် လည်းကောင်း တက်ကြွစွာပါဝင် လုပ်ဆောင်ခဲ့သည်။
၂၀၁၅ ရွေးကောက်ပွဲတွင် ရန်ကုန်တိုင်းဒေသကြီး စမ်းချောင်းမြို့နယ်တွင် ၀င်ရောက်ယှဉ်ပြိုင် ရာ အနိုင်ရရှိခဲ့ပြီး ယခုအခါလွှတ် တော်ကော်မတီတစ်ခု၏ အတွင်း ရေးမှူး၊ ရန်ကုန်တိုင်းဒေသကြီး NLD လွှတ်တော်အမတ်
များ၏ ဆော်သြရေးမှူးအဖြစ်လည်း တာဝန်ယူထားသည်။
များ၏ ဆော်သြရေးမှူးအဖြစ်လည်း တာဝန်ယူထားသည်။
ဒီမိုကရေစီဖြစ်ထွန်းလာမှု၏ တစ်စိတ်တစ်ဒေသဖြစ်သော လက်ရှိသူ၏ လွှတ်တော်အမတ် ဘ၀နှင့် စစ်အာဏာရှင်ခေတ် ယခင်က သူ၏ အကျဉ်းစံဘ၀ကို ပြန်ပြောင်းနှိုင်းယှဉ်သည့် သဘော ဖြင့် ‘‘အခုတော့ အကောင်းတွေ ချည်းဖြစ်နေတာဗျ။ ဖေဖော်ဝါရီ ၁ ရက် ကျမ်းသစ္စာကျိန်တဲ့နေ့မှာတောင် ထီတစ်သိန်းဆု ပေါက်တယ်ဗျ’’ဟု သူကဆိုသည်။
တစ်မိုးတည်းအောက် အမတ်များ
လွှတ်တော်နှင့် မိုင်အနည်းငယ်အကွာတွင် တည်ရှိသော စည် ပင်သာယာရိပ်သာ ဆိုသည်မှာ နိုင်ငံတစ်ဝန်းမှ ရောက်ရှိလာကြသော ပြည်ထောင်စုလွှတ်တော် အမတ်အများစု တည်းခိုသည့်နေရာဖြစ်သည်။
ကွန်ကရစ်ကြမ်းခင်း၊ ရေချိုးခန်း၊ အိမ်သာ၊ တစ်ယောက်အိပ် သစ်သားခုတင်သုံးလုံး ပါဝင်သော ထိုအခန်းသည် အဆောင်အယောင် ကင်းမဲ့လှသော်လည်း ဦးဘိုဘိုဦးကဲ့သို့သော နိုင်ငံရေး အကျဉ်းသားဟောင်းများ
အတွက်မူ ထောင်ခန်းများနှင့်စာလျှင် ပိုမို ကောင်းမွန်သော နေရာထိုင်ခင်း ဖြစ်နေသည်။
အတွက်မူ ထောင်ခန်းများနှင့်စာလျှင် ပိုမို ကောင်းမွန်သော နေရာထိုင်ခင်း ဖြစ်နေသည်။
ပျင်းရိငြီးငွေ့စရာကောင်းလှသော နေပြည်တော်၌ အားလပ်ချိန်များတွင် ရေကူးခြင်း၊ စာဖတ် ခြင်းဖြင့် အချိန်ကုန်ရကြောင်း ဦးဘိုဘိုဦးကဆိုသည်။
‘‘ဒီမှာထောင်နဲ့ တူတာဆိုလို့ ညဘက်တစ်ယောက်တည်း အိပ်ရတဲ့အခါမှာပေါ့။ တစ်ခါတလေ ညဘက် ပူလို့အိပ်မရဘူး’’ဟု သူ ကဆိုသည်။
သူက ရန်ကုန်ရှိမိသားစုကို ခွဲခွာပြီး လွှတ်တော်တက်ရန်ရောက်နေသည့် မြို့တော်ကြီးတွင် မိတ်ဆွေများနှင့် တွေ့ဆုံလည်ပတ်နိုင်ခြင်းမရှိ ဟုဆိုသည်။
ရန်ကုန် NLD လွှတ်တော်အမတ်များ၏ ဆော်သြရေးမှူးလည်းဖြစ်သောကြောင့် ထိုအမတ်များ လွှတ်တော်တက်နေသည့် ကာလအတွင်း ကျန်းမာရေး၊ စားဝတ်နေရေး အဆင်ပြေစေရန်လည်း စီမံရသည်။
‘‘ပါတီရဲ့မူဝါဒတွေနဲ့ မတိမ်းမစောင်းသွားအောင် လိုက်လုပ်ရတယ်။ တစ်ခါတလေ စိတ်ဓာတ် မြှင့်တင်ရေးတွေလည်း လုပ်ရတယ်။ နောက်ပြီး လာဘ်ပေးလာဘ်ယူကိစ္စဆိုတာ ပုဂ္ဂလိက အခက်အခဲကြောင့်လည်း
ဖြစ်လာရတာရှိတယ်။ ဒါကြောင့် ယုတ်စွအဆုံး ငွေလိုရင်ပြောပါ၊ ကျွန်တော်တို့ ချေးပါမယ်၊ အဲဒီ လောက်တောင် ပြောထားတာ။ ဒါဟာ သိပ်ကိုအရေးကြီးတယ်။ ကျွန်တော်တို့ပါတီရဲ့ အသက်ဗျ’’ ဟု သူကဆက်၍ဆိုသည်။
ဖြစ်လာရတာရှိတယ်။ ဒါကြောင့် ယုတ်စွအဆုံး ငွေလိုရင်ပြောပါ၊ ကျွန်တော်တို့ ချေးပါမယ်၊ အဲဒီ လောက်တောင် ပြောထားတာ။ ဒါဟာ သိပ်ကိုအရေးကြီးတယ်။ ကျွန်တော်တို့ပါတီရဲ့ အသက်ဗျ’’ ဟု သူကဆက်၍ဆိုသည်။
အတိတ်ကို ပြည်ဖုံးကားချရမယ်
နိုဝင်ဘာ ၈ ရက် ရွေးကောက်ပွဲနေ့ ညနေခင်း မဲရေတွက်အပြီး သူအပြတ်အသတ်နိုင်သွားသဖြင့် ထောက်ခံသူ မဲဆန္ဒရှင်များ ပြုံး ပျော်နေချိန်တွင် ဦးဘိုဘိုဦးတစ်ယောက် မျက်ရည်ဝဲမတတ် ဖြစ်ခဲ့ရသည်။
သူ့ကဲ့သို့ ၁၉၈၈ ဒီမိုကရေစီ သပိတ်မှစ၍ နှစ်ပေါင်း (၂၀) ကျော်အတွင်း အာဏာရှင်ဆန့် ကျင်ရေးတွင် ပါဝင်ခဲ့ပြီး ဖမ်းဆီး အကျဉ်းချခံရသူများထဲမှ အချို့ မှာ ကွယ်လွန်ခဲ့ပြီဖြစ်သောကြောင့် ယခုကဲ့သို့ သမိုင်းဝင်မြင်ကွင်းကို တွေ့မြင်ခွင့်မရနိုင်တော့ပေ။
Credit To >>>7Day Daily
0 comments:
Post a Comment