ပြည်တွင်း၌ ဈေးနှုန်း လျှော့ချပြီး ရောင်းချနိုင်ရန် စက် သုံးဆီထုတ်လုပ်သည့် နိုင်ငံများမှ တိုက်ရိုက်ဝယ်ယူတင်သွင်းရန် စီစဉ်နေကြောင်း မြန်မာနိုင်ငံ စက်သုံးဆီ တင်သွင်းရောင်းချသူများအသင်း အတွင်းရေးမှူး ဦးဝင်းမြင့်က ပြောသည်။
လက်ရှိတွင် မြန်မာနိုင်ငံ အတွင်း တစ်လလျှင် တန်ချိန်သုံးသိန်းကျော် တင်သွင်းရသည့် အောက်တိန်း၊ ဒီဇယ် စသည့် စက်သုံးဆီများကို စင်ကာပူနိုင်ငံမှ တစ်ဆင့် ပြန်လည်ဝယ်ယူပြီး တင်သွင်းနေရခြင်းဖြစ်သည်။ ထို့ကြောင့် ပြည်တွင်းစက်သုံးဆီ ဈေးနှုန်းကို စင်ကာပူနိုင်ငံ စက်သုံးဆီ ဈေးနှုန်းအတိုင်း မရောင်းချနိုင်ခြင်းဖြစ်ကြောင်း အထက်ပါပုဂ္ဂိုလ်က ပြောသည်။
‘‘ကိုယ့်နိုင်ငံကို ထုတ်လုပ်တဲ့ နိုင်ငံက တိုက်ရိုက်တင်သွင်းနိုင် မယ်ဆိုရင် သက်သက်သာသာနဲ့ ဝယ်ခွင့်ရမယ်’’ဟု ဦးဝင်းမြင့်က ပြောသည်။
တရုတ်၊ တောင်ကိုရီးယား နိုင်ငံအပါအဝင် စက်သုံးဆီထုတ် လုပ်သည့်နိုင်ငံများမှ တိုက်ရိုက်တင်သွင်းရန် ရန်ကုန်မြစ်ရေလမ်း ကြောင်း၏ ရေစူးတိမ်မှုသည် လည်း စိန်ခေါ်မှုတစ်ခုကဲ့သို့ ဖြစ်နေသည်ဟု ၎င်းကဆိုသည်။
ရန်ကုန်မြစ်၏ ရေစူးသည် ၉မီတာခန့်သာရှိသဖြင့် ၉ မီတာရေစူးရှိသော ဆီတင်သင်္ဘောများ သာ ဝင်ရောက်နိုင်သည်။ နိုင်ငံတကာတွင် ရေစူး ၁၂ မီတာရှိ တန်ချိန် သုံးသောင်းခွဲတင်ဆောင် နိုင်သော သင်္ဘောများက အများစု ရှိနေသဖြင့် မြန်မာနိုင်ငံသို့ တိုက်ရိုက်လာရောက်ရန် သင်္ဘောအခက်အခဲရှိ ကြောင်း သိရသည်။
လက်ရှိ ပြည်တွင်း စက်သုံး ဆီဈေးနှုန်း မြင့်တက်မှုနှင့် ပတ် သက်၍ နိုဝင်ဘာ ၇ ရက်၌ မင်းရဲကျော်စွာလမ်းရှိ ကုန်သည် စက်မှုအသင်းချုပ်ရုံး (၁၀) လွှာရှိ မြန်မာနိုင်ငံ စက်သုံးဆီတင်သွင်း ရောင်းချသူများ အသင်းက သတင်းစာရှင်းလင်းပွဲ ကျင်းပခြင်း ဖြစ်သည်။
စက်သုံးဆီဈေးနှုန်း မြင့် တက်မှုနှင့်ပတ်သက်၍ ရှင်းလင်း ရာ လက်ရှိအချိန်၌ နိုင်ငံတကာ ဈေးနှုန်း၊ တင်သွင်းမှု ကုန်ကျ စရိတ် တိုးမြှင့်ခြင်းနှင့် နှိုင်းယှဉ် တွက်ချက်ပါက လက်ရှိ ပြည်တွင်းစက်သုံးဆီဈေးနှုန်းမှာ ဖြစ်သင့် သည့် ဈေးနှုန်းဟု ဦးဝင်းမြင့်က ပြောသည်။ သို့သော် အောက် တိန်း -95 အမျိုးအစား စက်သုံးဆီမှာ ဖြစ်သင့်သည့် ဈေးထက် တစ်လီတာလျှင် ကျပ် ၃၀ ကျော် ပိုများနေခြင်းကြောင့် ဈေးနှုန်းညှိ နှိုင်းပေးရန် လက်လီ စက်သုံးဆီ ဆိုင်များမှ တာဝန်ရှိသူများကို ဦးဝင်းမြင့်က တောင်းဆိုခဲ့သည်။
ထို့အပြင် အောက်တိန်း -92ဆီအမျိုးအစားကို တင်သွင်းရာ တွင် အရည်အသွေးမြင့် အမျိုး အစားကိုသာ တင်သွင်းရန် လျှပ် စစ်နှင့် စွမ်းအင် ဝန်ကြီးဌာနသို့ လည်း တင်ပြတောင်းဆိုမည်ဟု သိရသည်။
ယင်းဆီအမျိုးအစားသည် လက်ရှိ တင်သွင်းနေသည့် ဆီ အမျိုးအစားထက် တစ်စည်လျှင် အမေရိကန်ဒေါ်လာ နှစ်ဒေါ်လာမှ လေးဒေါ်လာခန့် ဈေးပိုများသည်။ စက်သုံးဆီ တစ်စည်လျှင် ၃၅ ဂါလံပါဝင်ပြီး ဈေးနှုန်းအနေဖြင့် များစွာ ကွာခြားမှု မရှိနိုင်သော် လည်း သဘာဝပတ်ဝန်းကျင်ကို ထိခိုက်ပျက်စီးနိုင်သည့် ဆာလ်ဖာ ကဲ့သို့ ဓာတုပစ္စည်းပါဝင်မှု နည်းပါးသည်ဟု သိရသည်။
Crediit To >>> 7 Day Daily
0 comments:
Post a Comment