ထူးဖောင်ဒေးရှင်းသည် ရွှေပြည်သာမြို့နယ်၊ အမှတ်(၅/၇)ရပ်ကွက်၊ ဗိုလ်ချုပ်အောင်ဆန်းလမ်းတွင် တည်ရှိသော “ မြိုင်” သီလရှင်သင် ပညာရေးကျောင်း၌ ပညာသင်ကြားနေသော ကျောင်းသူ၊ကျောင်းသားများနှင့် မယ်သီလရှင်လေးများအတွက် ယနေ့၊အောက်တိုဘာ(၃) ရက်နေ့တွင် န၀ကမ္မလှူဒါန်းငွေအပါအ၀င် သိန်း(၃၀)ကျော်ခန့် တန်ဖိုးရှိ အလှူပစ္စည်းများ သွားရောက်လှူဒါန်းခဲ့ပါသည်။
အဆိုပါ ပရဟိတကျောင်းတွင် သူငယ်တန်းမှ တက္ကသိုလ်ဝင်တန်းအထိ ပညာသင်ကြားနေသော မယ်သီလရှင်လေးများနှင့် ကိုရင်များအပါအ၀င် ကျောင်းသူ၊ကျောင်းသား စုစုပေါင်း (၁၀၄၈)ဦးရှိကြောင်း သိရှိရပါသည်။
ထူးဖောင်ဒေးရှင်းသည် ကျောင်းရှိပညာသင်ကြားနေသော ကျောင်းသူကျောင်းသားများ အတွက် နေ့လည်စာ၊ မယ်သီလရှင်လေးများအတွက် နေ့ဆွမ်း နှင့် အချိုရည်များ လှူဒါန်းခဲ့ပါသည်။
ထို့နောက်ထူးဖောင်ဒေးရှင်းသည် ကျောင်းသူ၊ကျောင်းသားများ၊ ကိုရင် နှင့် မယ်သီလရှင်လေးများအတွက် စာရေးကိရိယာများနှင့်မုန့်များကို လှူဒါန်းခဲ့ပါသည်။ ထို့ပြင်“မြိုင်” ပရဟိတစာသင်ကျောင်းအတွက် လှူဒါန်းငွေ (၅) သိန်းကို န၀ကမ္မလှူဒါန်းငွေ အဖြစ် ဦးဆောင်စီမံသည့် သီလရှင်ဆရာလေးထံ ပေးအပ်လှူဒါန်းခဲ့သည်။
ယနေ့ထူးဖောင်းဒေးရှင်း၏ စုစုပေါင်းလှူဒါန်းငွေမှာ (၃၀,၂၂၀၀၀) ကျပ်ဖြစ်ပြီး ယင်းလှူဒါန်းမှုအား အများပြည်သူတို့ သာဓုခေါ်ဆို ၀မ်းမြောက်နိုင်ရန် မှတ်တမ်းတင်ဖော်ပြအပ်ပါသည်။
ထူးဖောင်ဒေးရှင်းသည် ပြီးခဲ့သော သြဂုတ်လ ၃၁ ရက်နေ့က ခါကာဘိုရာဇီ တောင်တက်ရင်း ပျောက်ဆုံးသွားသည့် သဘာဝခေါ်သံ ဖောင်ဒေးရှင်းမှ တောက်တက်သမား(၂)ဦးကို လူသားချင်း စာနာမှုဖြင့် ရှာဖွေကယ်ဆယ်ရန် ကြိုးစားခဲ့ပါသည်။ ယင်းရှာဖွေကယ်ဆယ်ရေး လှုပ်ရှားမှု အတွင်း ထိုင်းနိုင်ငံမှ ကယ်ဆယ်ရေး အတွက် ဌားရမ်းထားသည့် B4 ရဟတ်ယာဉ်မှာ လည်း မြေပြင်ကွပ်ကဲရေးနှင့် ထပ်မံ၍ အဆက်အသွယ်ပြတ်တောက်ခဲ့ပြန်သည်။
ထူးဖောင်ဒေးရှင်း၏ ယနေ့ ပြုလုပ်အပ်ပါသော လှူဒါန်းမှု ကုသိုလ်ကြောင့် ထူးဖောင်ဒေးရှင်း နာယက ဦးတေဇ ကိုယ်တိုင် ဦးစီးပြီး ရှာဖွေနေသော ကယ်ဆယ်ရေး လုပ်ငန်းများ အောင်မြင်ပါစေကြောင်း မေတ္တာပို့ ဆုတောင်းအပ်ပါသည်။ ထို့ပြင် တောက်တက်သမားနှစ်ဦးဖြစ်သော ကိုဝေယံမင်းသူ၊ ကိုအောင်မြင့်မြတ်နှင့် B4 ရဟတ်ယာဉ်ပေါ်တွင် လိုက်ပါသွားသော ထိုင်းနိုင်ငံသား ရဟတ်ယာဉ်မှူး Capt Chatchawal ၊ ထူးကုမ္ပဏီမှ Capt. အောင်မြတ်တိုးနှင့် ရွှေရင်တော်ကြီး တို့ ဘေးမသီ ရန်မခ ပါစေကြောင်းလည်း ဆုတောင်းအပ်ပါသည်။
Htoo Foundation
0 comments:
Post a Comment