လုံခြုံရေးအကူအညီအဖြစ် ယူကရိန်းသို့ နောက်ထပ် ဒေါ်လာ ၃၃၅ သန်းပေးရန် အမေရိကန်က ရှေ့တိုးဆောင်ရွက်လျက်ရှိကြောင်း အမေရိကန် ဒု-သမ္မတ ဂျိုးဘိုက်ဒင်က ယူကရိန်းသမ္မတ ပက်ထရိုပိုရိုရှင်ကို အား မတ် ၃၁ ကပြောကြားခဲ့သည်ဟု အိမ်ဖြူတော်၏ ကြေညာချက်တစ်ခုတွင် ဖော်ပြထားသည်။
နျူကလီးယားလုံခြုံရေးထိပ်သီးဆွေးနွေးပွဲတစ်ခု၏ ကြားကာလအချိန်တွင် ဘိုက်ဒင်နှင့် ပိုရိုရှင်ကိုတို့ တွေ့ဆုံခဲ့ကြပြီး ပြုပြင်ပြောင်းလဲရေးကို ရှေ့ရှုသော အစိုးရတစ်ရပ်ကို ဖွဲ့စည်းရန် ကိဗ်၏ ကြိုးပမ်းမှုများက အမေရိကန်၏ တတိယမြောက် ဒေါ်လာ ၁ ဘီလျံချေးငွေအာမခံအပါအ၀င် နိုင်ငံတကာစီးပွားရေးအကူအညီလမ်းပွင့်ရေးအတွက် အလွန်အရေးကြီးကြောင်း ဘိုက်ဒင်က ပိုရိုရှင်ကိုအား ပြောကြားခဲ့သည် ဟု ကြေညာချက်တွင် ဖော်ပြခဲ့သည်။
Credit To >>> Mizzima Burmese
0 comments:
Post a Comment