ဒဏ်ရာရသူ ၁၂၀ အနက် အတော်များများဟာ စိုးရိမ်ရတဲ့အနေအထားမှာ ရှိတယ်လို့ Peshawar မြို့ဆေးရုံ အုပ်က ပြောပါတယ်။ သေဆုံးသူတွေထဲမှာ အမျိုးသမီးတွေ၊ ကလေးတွေနဲ့ Church ရဲ့ အပြင်မှာ လုံခြုံရေး တာဝန်ယူထားသူ မူဆလင် ရဲအရာရှိ ၂ ဦး လည်း ပါဝင်တယ်လို့ ဆိုပါတယ်။
သက်တမ်း အနှစ် ၁၃၀ ရှိပြီဖြစ်တဲ့ All Saints Church ဘုရားကျောင်းမှာ ၀တ်တက်လာသူ ၆၀၀ အထိရှိပြီး အပြင်ဘက်မြက်ခင်းပြင်မှာ အစားအသောက် အလှူပွဲအတွက် တန်းစီနေစဉ် အသေခံဗုံးခွဲသူတွေက တိုက်ခိုက်လိုက်တာ ဖြစ်ပါတယ်။
ဒီတိုက်ခိုက်မှု သူတို့ရဲ့ လက်ချက်ပါလို့ ပါကစ္စတန်-တာလီဗန်တွေက ကြေညာ ပါတယ်။ ပါကစ္စတန်ရဲ့ ဝေးလံ ခေါင်သီတဲ့ တိုင်းရင်းတောင်တန်းဒေသကို အမေရိကန်က အဝေးထိန်းမောင်းသူမဲ့ ဒုံးလက်နက်တွေနဲ့ တိုက်ခိုက်တာ မရပ်မချင်း မူဆလင်မဟုတ်သူတွေကို ပစ်မှတ်ထားပြီး ဆက်လက် တိုက်ခိုက်သွားမယ်လို့လည်း တာလီဗန် ကြုံးဝါးနေကြပါတယ်။
မောင်းသူမဲ့ အဝေးထိန်းဒုံးလက်နက်နဲ့ နောက်ဆုံးတိုက်ခိုက်တာဟာ တနင်္ဂနွေနေ့က ၀ါဇီရီစတန်မြောက်ပိုင်းရှိ အိမ်ဝင်း ၂ ခုကို ဖြစ်ပြီး စစ်သွေးကြွလို့ မသင်္ကာသူ ၆ ယောက်ကို သုတ်သင်နိုင်ခဲ့တယ်လို့ ပါကစ္စတန် ထောက်လှမ်းရေး အရာရှိတွေက ပြောပါတယ်။
ဗွီအိုအေ (မြန်မာဌာန)
0 comments:
Post a Comment