စက်တင်ဘာ (၁၈)ရက်နေ့ မဲပေးမှု အပြီးတွင် စကော့တလန်ရှိ မဲဆန္ဒဇုန် (၃၂)ခုအနက် (၃၁)ခုမှ မဲများကို ရေတွက်ပြီးနောက် အဆိုပါ ရလဒ်ကို ကြေညာနိုင်ခဲ့ခြင်း ဖြစ်သည်။ ပျမ်းမျှအားဖြင့် မဲအရေအတွက် (၁.၈၅)သန်းကျော် ရရှိမှ အဆိုအောင်မြင်မည်ဟု ကြိုတင် ခန့်မှန်းထားရာ မဲဆန္ဒနယ် (၃၁)ခု၏ ရလဒ်များကို ထုတ်ပြန်ပြီးချိန်တွင် ခွဲထွက်ရေးကို ဆန့်ကျင်သူ (၁.၉၁)သန်းနှင့် ထောက်ခံသူ (၁.၅၄)သန်း ရှိနေခဲ့သည်။ ထို့ကြောင့်လည်း ခွဲထွက်ရန် အဆိုကို ကန့်ကွက်မဲပေးသူ ပိုမိုများပြားကြောင်း ပေါ်လွင် ခိုင်မာသွားခဲ့သည်။
အဆိုပါ မဲရလဒ်ကို အတည်ပြုပြီးနောက် စကော့တလန် ဝန်ကြီးချုပ် (Scotland’s First Minister) အဲလက်စ် ဆယ်လ်မွန်က မိမိတို့၏ ခွဲထွက်ရေးအဆို အရေးနိမ့်သွားခြင်းကို ဝန်ခံခဲ့ပြီး စကော့တလန် နိုင်ငံရေးပါတီ အားလုံး ဗြိတိန်နှင့်အတူ စည်းလုံးညီညွတ်စွာ ဆက်လက် ရပ်တည်ရန် ပန်ကြားချက် ထုတ်ပြန်ခဲ့သည်။
ဗြိတိန်ဝန်ကြီးချုပ် ဒေးဗစ်ကင်မရွန်ကလည်း မဲရလဒ်ကို ကျေနပ်ကြောင်း ပြောကြားခဲ့ပြီး ဗြိတိန်၏ စည်းလုံးညီညွတ်စွာ ရပ်တည်မှုကို ရှေ့ဆက်စေလိုကြောင်း ပြောကြားခဲ့သည်။ ဆယ်လ်မွန်က “ကျွန်တော်တို့ လုပ်ဆောင် ကြိုးပမ်းခဲ့တာဟာ စကော့တလန်ရဲ့ လုပ်ပိုင်ခွင့် အာဏာကို ပိုမိုမြှင့်တင်ဖို့သာ ရည်ရွယ်ပါတယ်။ စကော့တလန်အနေနဲ့ လုပ်ပိုင်ခွင့် ပိုမိုကျယ်ပြန့်လာဖို့လည်း မျှော်လင့်ထားပါတယ်။ လက်ရှိ မဲရလဒ်တွေအရ စကော့တလန် နိုင်ငံသား (၁.၆)သန်းလောက်က လွတ်လပ်စွာ ရပ်တည်မှုကို တောင်းဆိုခဲ့တာ အထင်အရှား တွေ့ရပါတယ်”ဟု ထောက်ခံသူများအား ပြောကြားခဲ့သည်။ ၎င်းက ယခုမဲရလဒ်သည် ဒီမိုကရေစီ နည်းလမ်းနှင့် ညီညွတ်စွာ ထွက်ပေါ်လာခြင်းဟု ဝန်ခံခဲ့သော်လည်း မဲပေးခွင့်ရသည့် လူငယ်ပိုင်းတွင် မိဘများ၊ အုပ်ထိန်းသူများ၏ ဖိအားပေးမှုအချို့ ရှိနိုင်ကြောင်း မှတ်ချက်ပြုခဲ့သည်။
စကော့တလန်၏ လုပ်ပိုင်ခွင့်ဩဇာ ပိုမိုကျယ်ပြန့်လာစေရန် ရည်ရွယ်ခဲ့သည့် အဆိုတင်သွင်းမှုအတွက် (၂)နှစ်မျှ အချိန်ယူ ဆော်ဩလှုပ်ရှားခဲ့သည်။ ထိုအတောအတွင်း ယင်းအဆိုကို ထောက်ခံသူများရော၊ ကန့်ကွက်သူများပါ ရှိခဲ့ပြီး ပြီးခဲ့သည့် လပိုင်းများတွင် ခွဲထွက်ရေးကို ဆန့်ကျင်သူ အရေအတွက် ပိုမိုများပြားလာသည်။ ဗြိတိန်ဝန်ကြီးချုပ် ကင်မရွန်က စကော့တလန်အနေဖြင့် ခွဲထွက်မသွားပါက လုပ်ပိုင်ခွင့်အာဏာ ပိုမိုရရှိလာစေမည်ဟု ကတိပြုထားခဲ့ပြီး စကော့တလန် နိုင်ငံသား အများစုက ဗြိတိန်ကို အမှီအခိုမပြုဘဲ ရပ်တည်ရာတွင် အခက်အခဲများစွာ ကြုံရမည်ဟု ယုံကြည်ယူဆလာခဲ့သည်။
စကော့တလန်၏ မြို့ကြီး အများစုတွင်မူ ခွဲထွက်ရေးကို ထောက်ခံသည့် မဲပေးမှု ပိုမိုများပြားခဲ့သည်။ စကော့တလန်၏ အကြီးဆုံးမြို့ဖြစ်သည့် ဂလက်စဂိုတွင် ခွဲထွက်ရေးကို ထောက်ခံသည့် မဲအရေအတွက်က (၁၉၄၇၇၉)နှင့် ကန့်ကွက်သည့် အရေအတွက်က (၁၆၉၃၄၇) ရှိခဲ့သည်။ ဒန်ဒီး၊ ဝက်စ်ဒန်ဘာတန်ရှိုင်းယားနှင့် နော့သ်လန်ကက်ရှိုင်းယားတို့တွင်လည်း ခွဲထွက်ရေးကို ထောက်ခံမှု ပိုမိုများပြားခဲ့သည်။
စကော့တလန်၏ မြို့တော်ဖြစ်သည့် အီဒင်ဘာ့ဂ်တွင်မူ ခွဲထွက်ရေးကို ပယ်ချသူ အရေအတွက် (၁၉၄၆၃)ဦး ရှိခဲ့ပြီး ထောက်ခံသူများဘက်က (၁၂၃၉၂၇)မဲသာ ရရှိခဲ့သည်။ အဘာဒင်းတွင်လည်း ခွဲထွက်ရေးကို မထောက်ခံသူ အရေအတွက် ပိုမိုများပြားခဲ့သည်။
ကင်မရွန်က “ဗြိတိန်ပေါင်းစည်းရေး လှုပ်ရှားမှုကို ဦးဆောင်တဲ့ အေလက်စတဲ ဒါလင်နဲ့ ကျွန်တော် စကားပြောပြီးပါပြီ။ သူ့ရဲ့ အားထုတ်လုပ်ဆောင်မှုအတွက်လည်း ဂုဏ်ပြုစကား ပြောခဲ့ပါတယ်”ဟု ဆိုသည်။ ၎င်းက “မဲရလဒ်နဲ့ ပတ်သက်ပြီး ဘာအမှားမှ မရှိသလို နောက်တစ်ကျော့ မဲကောက်ခံမှုတွေလည်း ပြုလုပ်မှာ မဟုတ်ပါဘူး။ ကျွန်တော်တို့ဟာ ဗြိတိန်နဲ့ ဆက်လက်ပူးပေါင်းဖို့ စကော့တလန် ပြည်သူတွေရဲ့ ဆန္ဒမှန်ကို ကြားသိခွင့် ရခဲ့ပါပြီ”ဟုလည်း ပြောကြားသွားသည်။
_Ref: BBC
0 comments:
Post a Comment