ပြည်ပတွင် လုပ်အားခ ခေါင်းပုံဖြတ်ခံနေရသော မြောက်ကိုရီးယားများ

မြောက်ကိုရီးယား အလုပ်သမားများကို သတ္တတူးဖော်ရေးလုပ်ငန်းများတွင်သာ စေခိုင်းနေသည်ဟူသော စွဲချက်များကို မလေးရှားက ကာကွယ်ပြောဆိုလိုက်ပြီး ၎င်းတို့သည် တာဝန်ကျေပွန်၍ ကျန်းမာ ကြံ့ခိုင်သည့်အတွက် ထိုလုပ်ငန်းများတွင် ပိုမိုလုပ်ကိုင်ခွင့် ရလာခြင်း ဖြစ်ကြောင်း ပြောကြားလိုက်သည်။

ပြီးခဲ့သည့် သီတင်းပတ် အကုန်က မိုင်းတွင်း ပေါက်ကွဲမှုတစ်ရပ် ဖြစ်ပွားခဲ့ပြီးနောက် မြောက်ကိုရီးယား နိုင်ငံသားတစ်ဦး သေဆုံး ပြီးချိန်တွင် မလေးရှား ပြည်ထဲရေးဝန်ကြီးဌာန ဒုတိယ ၀န်ကြီးက ယခုလို ပြောကြားလိုက်ခြင်း ဖြစ်သည်။

အဆိုပါ မိုင်းတွင်း တည်ရှိရာ ဆာရာဝပ်ပြည်နယ်မှ အာဏာပိုင်များနှင့် ပြုံယမ်းအစိုးရတို့အကြား အထူးသဘောတူညီချက်တစ်ရပ် ပြုပြီးမှ တရားဝင်လာရောက်လုပ်ကိုင်နေကြခြင်း ဖြစ်သည်ဟု ၎င်းက ဆိုသည်။

“သူတို့လာလုပ်တဲ့ ကျောက်မီးသွေးတွင်းလို ဒီအလုပ်တွေဟာ သိပ်ပြီး ကြမ်းတမ်းသလို ၊ အန္တရာယ်လည်း များတယ်၊ ဒေသတွင်းကပဲဖြစ်ဖြစ်၊ ဆာရာဝပ် ပြည်နယ်သားတွေပဲ ဖြစ်ဖြစ် ဒီအလုပ်ကို မလုပ်ရဲကြဘူး၊ ဒါကြောင့်မို့ ပြည်ပလုပ်သားကို လိုလာတာပါ၊ ကျောက်မီးသွေးလုပ်ငန်းတွေမှာ ဗြိတိန်၊ တရုတ်နဲ့ မြောက်ကိုရီးယား နိုင်ငံသားတွေဟာ အရည်အသွေးမြင့်မားကြတယ်” ဟု ပြည်ထဲရေး ဒုဝန်ကြီး ၀မ်ဂျနိုင်ဒီက ဆိုသည်။

ပြည်ပသို့ ထွက်ခွာ၍ အလုပ်လုပ်နေရသည့် မြောက်ကိုရီးယား နိုင်ငံသားမှာ ခြောက်သောင်းခွဲကျော်ရှိပြီး အဓိကအားဖြင့် တရုတ်၊ ရုရှား၊ မွန်ဂိုလီးယားနှင့် အရှေ့အလယ်ပိုင်းဒေသများတွင် ဆောက်လုပ်ရေး၊ သစ်တော၊ စက်ရုံ၊ စားသောက်ဆိုင်နှင့် မိုင်းတွင်းများ၌ လုပ်ကိုင်နေရသည်။

မြောက်ကိုရီးယား အလုပ်သမားများ၏ လစာကို ပြုံယမ်းအစိုးရထံ တိုက်ရိုက်ပေးရသော သဘောတူညီမှုနှင့် စပ်လျဉ်း၍ ပြည်ပရောက် မြောက်ကိုရီးယား အဖွဲ့အစည်းများက မလေးရှား အစိုးရကို မေးခွန်းထုတ်လိုက်သည်။

အဆိုပါ ၀န်ကြီး၏ မှတ်ချက်စကားများမှာ ပြီးခဲ့သည့် စနေနေ့က မိုင်းတွင်း ပေါက်ကွဲ၍ အသက် ၃၆ နှစ်အရွယ် မြန်မာနိုင်ငံသား ထွန်းထွန်းဝင်း၊ အသက် ၃၈ နှစ်အရွယ် အင်ဒိုနီးရှားနိုင်ငံသား ကာဒီယန်တိုနှင့် အထက်ပါ မြောက်ကိုရီးယားနိုင်ငံသား အသက် ၂၉ နှစ်အရွယ် ပန်ချောင်ဟွတ်တို့ သေဆုံးခဲ့ပြီးနောက် ထွက်ပေါ်လာခြင်း ဖြစ်သည်။

အခြား မိုင်းတွင်းလုပ်သား ၂၉ ဦးတို့ ဒဏ်ရာရရှိခဲ့ကာ ၎င်းတို့အနက် ၇ ဦးမှာ မြောက်ကိုရီးယားမှ ဖြစ်သည်။ ထို့ပြင် ဆာရာဝပ်မိုင်းတွင်း၌ လုပ်ကိုင်နေကြသည့် ပြည်ပလုပ်သား အားလုံး၏ ထက်ဝက်ခန့်မှာ မြောက်ကိုရီးယားနိုင်ငံသားများ ဖြစ်နေသည်။

ဘော်နီယိုကျွန်းပေါ်ရှိ ဆာရာဝပ်ပြည်နယ် တစ်ခုတည်းတွင်သာ မြောက်ကိုရီးယားနိုင်ငံသားများကို အလုပ်လုပ်ကိုင်ခွင့်ပေးထားသည်ဟု ၀မ်ဂျနိုင်ဒီက ဆိုသည်။

အလုပ်သမားများတွင် မှန်ကန်သော အလုပ်နှင့် တရားဝင် ရွှေ့ပြောင်းလုပ်ကိုင်ခွင့်များ ရရှိထားကြောင်း ၎င်းက ပြောကြားသည်။

“ကွန်မြူနစ်နိုင်ငံတွေကနေ ကျွန်တော်တို့ဆီ လာလုပ်နေသူတွေအများကြီးရှိတယ်၊ ကျွန်တော်တို့ တောင်းဆိုတာက တရားဝင်လာရောက်ရမယ်၊ တရားဝင်လုပ်ကိုင်ရမယ်၊ ပြီးရင် ပြဋ္ဌာန်းထားတဲ့ ဥပဒေတွေကို လေးစားလိုက်နာရပါမယ်” ဟု ၎င်းက ရှင်းပြသည်။
“အလုပ်သမားတွေပဲ ရသင့်တဲ့ လစာ အားလုံးနီးပါးကို ကင်ဂျုံအမ်းအစိုးရဆီပဲ ပြန်ပို့နေရတယ်” ဟု ပြည်ပရောက် မြောက်ကိုရီးယား နိုင်ငံသားများ ဖွဲ့စည်းထားသည့် မြောက်ကိုရီးယား မဟာဗျူဟာ စင်တာက ဆိုသည်။

အချို့သော အလုပ်သမားများသည် ရသင့်သည့် လစာ၏ ၁၀ ရာခိုင်နှုန်းမှ ၁၅ ရာခိုင်နှုန်းဝန်းကျင်သာ ရရှိကြပြီး ကျန်သော လစာများအား မြောက်ကိုရီးယား အစိုးရပိုင် အလုပ်သမား အေဂျင်စီများက ရရှိသည်။

ယင်းအေဂျင်စီများတွင်လည်း ပြုံယမ်းအစိုးရ ထိပ်သီးခေါင်းဆောင်များက ရှယ်ယာအများအပြားကို ပိုင်ဆိုင်ထားကြောင်း အဆိုပါ ပြည်ပရောက်အဖွဲ့အစည်းက ပြောကြားသည်။

၂၀၂၂ ကမ္ဘာ့ဖလားကို အိမ်ရှင်အဖြစ် ကျင်းပနိုင်ရန် ယူရိုပေါင် ၂၈ ဘီလီယံ ကုန်ကျခံ ဆောက်လုပ်နေသည့် ဘောလုံးကွင်းတစ်ခုတွင် လုပ်ကိုင်နေသူ မြောက်ကိုရီးယားနိုင်ငံသားတစ်ဦးက သူ၏ လစာကို အကြွေတစ်စေ့မျှပင် မမြင်တွေ့ရဖူးသေးဟု ရင်ဖွင့်သည်။

“ကျွန်တော် ပိုက်ဆံမရပါဘူး၊ ကုမ္ပဏီကပဲ ဒီပိုက်ဆံကို ယူတာပါ၊ မြောက်ကိုရီးယား ပြန်ရောက်ရင်တော့ ရမယ် ထင်တာပဲ” ဟု ၎င်းက ဆိုသည်။

မကြာသေးမီက အမေရိကန်မှ ထုတ်ပြန်သည့် လူကုန်ကူးမှု အများဆုံးနိုင်ငံများ ညွှန်းကိန်းတွင် မြောက်ကိုရီးယား၊ ဆော်ဒီအာရေးဗီးယား၊ ကာတာတို့နှင့် တန်းတူ မလေးရှားသည် အောက်ဆုံးအဆင့်သို့ လျော့ကျခဲ့ပြီး ဖြစ်သည်။

Ref; North Koreans are needed to do the dangerous jobs, says Malaysia (Theguardian)