လွန်ခဲ့သည့် ၅ နှစ်ကြာက E-news တွင် ဖော်ပြခဲ့သည့် ဆောင်းပါးတစ်ပုဒ်မှာ ထိုင်းဘုရင်ဘူမိဘောကို အကြည်အညိုပျက်စေခြင်းကြောင့် ထိုင်းစစ်ခုံရုံးတစ်ခုက နတ်ရမ်ဝေါင်အား ထောင်ဒဏ် လေးနှစ်ခွဲကျခံရန် ချမှတ်ခဲ့ခြင်း ဖြစ်သည်။
သို့ရာတွင် နတ်ရမ်ဝေါင်က အသနားခံခဲ့၍ ပြစ်ဒဏ်ကို တစ်ဝက်လျှော့ပေးလိုက်ကြောင်း စစ်ခုံရုံးတရားသူကြီးချုပ်ရုံးမှ တာဝန်ရှိသူတစ်ဦးက ပြောသည်။
ရမ်ဝေါင် အယ်ဒီတာအဖြစ် လုပ်ကိုင်ခဲ့သည့် အဆိုပါ သတင်းဝက်ဘ်ဆိုက်သည် ဆင်ဆာနှင့် ညီစွန်း၍ ပိတ်ထားခဲ့ရပြီး ဖြစ်သည်။
ထိုဆောင်ပါးကို ၂၀၀၉ ခုနှစ်က ၀က်ဘ်ဆိုက်တွင် ဖော်ပြခဲ့ခြင်း ဖြစ်ကာ ရေးသားသူမှာ ဂျီလပ်စ်ဂျီအန်ပါကော်န်ဖြစ်ပြီး တက္ကသိုလ်တစ်ခုမှ နိုင်ငံရေး သုတေသီတစ်ဦးဖြစ်ကာ ထိုနှစ်ကပင် ဗြိတိန်သို့ ထွက်ပြေးတိမ်းရှောင်သွားခဲ့သည်။
ထိုင်းနိုင်ငံတွင် ပြဋ္ဌာန်းထားသည့် ဘုရင်မင်းမြတ်အပေါ် ချိုးဖောက်ကျူးလွန်၍ ကျခံရမည့် ပြစ်ဒဏ်များမှာ နိုင်ငံတကာတွင် အပြင်းထန်ဆုံး ဖြစ်ကာ ထောင်ဒဏ် ၃ နှစ်မှ ၁၅ နှစ်အထိ ချမှတ်နိုင်သည်။
News Watch
0 comments:
Post a Comment