ဇူလိုင် ၂၈ ရက်တွင် မိုးများ အဆက်မပြတ် ရွာသွန်းမှုကြောင့် ကရင်ပြည်နယ်၏ အဓိကလမ်းမကြီး ကော့ကရိတ်-ကျုံဒိုး ကားလမ်းပေါ် တောင်ကျရေများ စီးဆင်းလာ၍ ဆိုင်ကယ်များ၊ ကားများနှင့် ကုန်တင် ယာဉ်ကြီးများ အသွားအလာ အခက်အခဲ ဖြစ်ပေါ်ခဲ့ပြီး ရေစီး သန်ခြင်းကြောင့် ဒိုင်နာယာဉ်နှင့် ၁၂ဘီး ယာဉ်ကြီးများ လမ်းဘေးသို့ ချော်ကာ တိမ်း မှောက်မှုများ ဖြစ်ပေါ်ခဲ့သည်။
အဆိုပါ ကားလမ်းအား ကားများနှင့် ဆိုင်ကယ်များ လမ်းကြော ပိတ်ဆို့မှုများ မဖြစ်ပေါ်စေရေး အတွက် မြန်မာနိုင်ငံ ရဲတပ်ဖွဲ့ ဝင်များ၊ မီးသတ် တပ်ဖွဲ့ဝင်များ၊ လူမှုကူညီရေး အသင်းအဖွဲ့များ၊ သက်ဆိုင်ရာ တာဝန်ရှိသူများနှင့် ဒေသခံ ပြည်သူ များ စုပေါင်း၍ ဝိုင်းဝန်းကူညီ ဆောင်ရွက်ပေးလျက် ရှိကြောင်း သိရသည်။
နိုင်နိုင်ထွန်း(ကျုံဒိုး)
မြ၀တီ
0 comments:
Post a Comment