ကရင်ပြည်နယ်တွင် ဇူလိုင်လ ၂၈ ရက်မှ စတင်၍ မိုးသည်းထန်စွာ ရွာသွန်းပြီးနောက် ရေကြီးခဲ့ရာ ဒေသခံများ ရေဘေးဒုက္ခ ခံစားနေရသဖြင့် သွားရောက် လှူဒါန်းရန် အလှူငွေများ ကောက်ခံနေပြီး အလှူငွေများ ရရှိပါက သြဂုတ်လ ၉ ရက်နေ့တွင် သွားရောက် လှူဒါန်းမည် ဖြစ်ကြောင်း အဆိုပါ ကွန်ရက် အဖွဲ့ဝင် ပုံပြောသူများ အဖွဲ့မှ မချမ်းငြိမ်းဖြူက ပြောကြား သည်။
“ဘယ်နေရာ လှူမလဲလို့တော့ မရွေးရသေးဘူး။ အဖွဲ့က သုံးယောက် အရင် သွားကြည့်နေတယ်။ အခုက ဝမ်းရောဂါတွေ ဖြစ်တယ်လို့ ကြားတယ်။ သောက်ရေလည်း အခက်အခဲ ရှိတယ်။ အလှူငွေ ရရင်တော့ ငွေပဲ သယ်သွားမယ်” ဟု ၎င်းက ဆက်လက် ပြောကြားသည်။
လက်ရှိ အခြေအနေတွင် ဘားအံမြို့နယ် အနီးတစ်ဝိုက် ကျေးရွာများ တွင် ရေအနည်းငယ်သာ ကျပြီး ဆိုင်ကယ်၊ ကားများ အသုံးပြု၍ မရသေးဘဲ လှေ၊ စက်လှေတို့ဖြင့်သာ သွားလာနေရကြောင်း၊ လာရောက် လှူဒါန်းသည့် အလှူရှင်များလည်း နည်းပါးနေသေးကြောင်း သာမည တောင်ခြေတွင် နေထိုင်သူ ဒေသခံ အမျိုးသမီး ဒေါ်နန်းမြတ်ဖြိုးသင်းက ပြောကြားသည်။
မိုးသည်းထန်စွာ ဆက်တိုက် ရွာသွန်းမှုကြောင့် ကရင်ပြည်နယ်တွင် ရေဘေး ဒုက္ခသည်ပေါင်း ၂၄,၀၀၀ ကျော်အထိ ရှိပြီး ကယ်ဆယ်ရေး စခန်း ၇၉ ခု ဖွင့်ထားရကြောင်း ကရင်ပြည်နယ် အစိုးရအဖွဲ့ထံမှ သိရသည်။
လှူဒါန်းလိုသူများ အနေနှင့် ကိုသန့်ဇင်စိုး ဖုန်း ၀၉-၄၂၅၀၁၈၄၇၆၊ မကက်သရင်း ၀၉-၂၄၅၀၇၇၁၊ ကိုဉာဏ်လင်းဖြိုး ၀၉-၄၃၀၆၇၂၃၈၊ နယ် အလှူရှင်များ အနေနှင့် ကိုသန့်ကျော်ဦး ၀၉-၄၂၁၁၅၀၈၂၉၊ ဘဏ်စာရင်းနံပါတ် ၀၁ ၃၂၀၅၄၆၄၁၊ ပြည်ပ အလှူရှင်များ အနေနှင့် ကိုမင်းထွဋ်မောင် + ၆၅ ၈၂၉၉၂၂၀၆၊ ဘဏ်စာရင်း နံပါတ် POSB Savings 248-68366-0 တို့သို့ ဆက်သွယ် လှူဒါန်း နိုင်ပါသည်။
The Voice Weekly
0 comments:
Post a Comment