ကားတင်သွင်းသူများစွာရှိခြင်းက ဒေါ်လာဈေးမြင့်တက်ရသည့် အချက်တစ်ချက်ဟု ကားတင်သွင်းသူများ သုံးသပ်

 ဒေါ်လာဈေး ပြည်တွင်း၌ ဆက်တိုက် မြင့်တက်နေခြင်းမှာ လက်ရှိကားတင်သွင်း ခွင့်မူဝါဒဖြင့် နှစ်မကုန်မီ ကားတင်သွင်းသူအမြောက်အမြား ရှိနေခြင်းကလည်း အချက်တစ်ချက် ဖြစ်ကြောင်း မော်တော်ယာဉ် တင် သွင်း ရောင်းချသူများက ပြော ကြားသည်။

၂၀၁၇ အတွက် အလုံးအရင်းဖြင့် ကားတင်သွင်းခွင့်မူဝါဒအသစ် ထုတ်ပြန်ရန်ရှိနေသော ကြောင့် ကားတင်သွင်းသူအများစု မှာ အဟောင်းဖြင့် အလုံးအရင်း တင်သွင်းနိုင်ရန် မူဝါဒ ပြင်ဆင်နေ  ကြကြောင်း သိရသည်။

‘‘၂၀၁၇ ခုနှစ်မှာ တင်သွင်း ခွင့်ပြုတဲ့ မော်ဒယ်ခုနှစ်က မြင့်သွားမှာဖြစ်တဲ့အတွက် ယခု ၂၀၁၆ ခုနှစ်ခွင့်ပြုထားတဲ့ Model Year ကို Import License (သွင်းကုန်လိုင် စင်)ကြိုတင်လျှောက်ထားကြပါ တယ်။ ဒါကြောင့် ဒေါ်လာဈေး တက်ဖို့ အကြောင်းရင်း တစ်ခု လည်း ဖြစ်ပါတယ်’’ဟု မော်တော် ယာဉ်တင်သွင်းထုတ်လုပ်ဖြန့်ဖြူး ရောင်းချသူများအသင်း ဥက္ကဋ္ဌ ဒေါက်တာ စိုးထွန်းက ပြောသည်။

ကားတင်သွင်းရန် လိုအပ်သည့် သွင်းကုန်လိုင်စင်ကို ကြိုတင်လျှောက်ထားရာတွင် ဘဏ်အကောင့်ဖွင့်ပြီး ဒေါ်လာ ၀ယ်ယူကာ စီးပွားကူးသန်း၌ လိုင်စင်လျှောက်ထားရခြင်းကြောင့် ဈေးကွက်တွင် ဒေါ်လာ ၀ယ်လိုအားများနေခြင်းဖြစ်ကြောင်း ဒေါက်တာ စိုးထွန်းက ဆိုသည်။

လိုင်စင်လျှောက်ထားပြီးပါ က အနည်းဆုံး နှစ်လမှ ခြောက်လ အထိ ယင်းလိုင်စင်ကို လက်ထဲ တွင် ကိုင်ထားနိုင်ပြီး ၂၀၁၇ မေလ ခန့်အထိ မူဝါဒအဟောင်းဖြင့် မိမိတင်သွင်းလိုသော ကားကို ၀ယ်ယူတင်သွင်းနိုင်သောကြောင့် ယခုကဲ့သို့ ပြည်တွင်းဒေါ်လာဈေးမြင့်တက်ခြင်း အကြောင်းရင်းတစ်ခုဖြစ်ကြောင်း မော်တော်ယာဉ်တင်သွင်းရောင်းချသူများက ပြောကြားသည်။

‘‘အခု လိုင်စင်လျှောက်ဖို့အ တွက် ဘဏ်ထဲမှာ ဒေါ်လာထည့် ခိုင်းမယ့်အစား ဒေါ်လာနဲ့ ညီမျှတဲ့ ကျပ်ငွေကိုလည်း ထည့်ခိုင်းသင့်ပါတယ်။ အဲဒီလိုဆိုရင် ကျပ်ငွေတန် ဖိုး အရမ်းမာလာပါလိမ့်မယ်။ နိုင် ငံခြားကို For Show ငွေလွှဲ (TT လွှတ်)တာကို ရပ်ခိုင်းရမှာပါ။ ဒါမှ ဒေါ်လာဈေးတက်တာကို ထိန်း ချုပ်နိုင်မှာ’’ဟု ဂျပန်နိုင်ငံမှ ကား တင်သွင်းရောင်းချသူတစ်ဦးက ဆိုသည်။

ပြက္ခဒိန်နှစ်တစ်ခုကုန်တိုင်းကားတင်သွင်းသူများဘက်မှ အ လုံးအရင်းဖြင့် ၀ယ်ယူတင်သွင်း နိုင်ရန် လိုင်စင်လျှောက်ထားရာတွင် လိုအပ်သည့် ဒေါ်လာလိုအပ်ချက်မှာ မြင့်မားသောကြောင့် ဒေါ်လာဈေးတက်ရသည့် အကြောင်းတွင် ယင်းအချက်မှာလည်း ဖြစ်နိုင်သည်ဟု Japan Trade Agency မှ အထွေထွေမန်နေဂျာ ဦးဆန်းဦးက ၎င်း၏ အမြင်ကို ပြောသည်။

၂၀၁၇ အတွက် မော်တော် ယာဉ်တင်သွင်းခွင့်ထုတ်လုပ်နှစ် (Model Year) သတ်မှတ်ချက်ကို ယခုလနောက်ဆုံးပတ်တွင် တရားဝင်ထုတ်ပြန်မည် ဖြစ်ကြောင်း စီးပွားရေးနှင့် ကူးသန်းရောင်းဝယ် ရေး ၀န်ကြီးဌာနက ထုတ်ပြန် သည်။

အစိုးရသစ်လက်ထက် ခုနစ် လအတွင်း အမေရိကန်တစ်ဒေါ် လာလျှင် ၁,၂၀၀ ကျပ်ခန့်မှ ၁,၃၂၃ ကျပ်အထိ စံချိန်တင်မြင့် တက်ခဲ့ပြီး ဒေါ်လာတန်ဖိုး မြင့် တက်လာမှုမှာ ခုနစ်လအတွင်း ၁၀ ရာခိုင်နှုန်းခန့်ရှိလာပြီ ဖြစ် ကြောင်း စီးပွားရေး လုပ်ငန်းရှင် အချို့က ပြောကြားထားသည်။

Credit To >>> 7 Day Daily